بون قبل ما نبداو حبيت نقوللكم حاجة ؛ مرات منقدرش نرد على التعليقات كي نكون مشغولة ولا كاين بزاف لي علقو بصح نقراهم واحد واحد على هاذي اسمحولي اذا مقدرتش نرد عليكم 💜
فاطمة : يا ادم متقدرش تعرف شحال فرحتني
ادم : ههه علبالي نتي لي راح تفرحي كثر ... المهم انا لي يهمني ترضاو على هاذ الزواج سورتو يما و بابا
منصف : انا يا وليدي من جهتي راني فرحان كي راك حاب تكمل نصف الدين تاعك واش نقلك راني معاك فكل حاجة ديرها
رحمة : حتى انا يا وليدي لي يهمني تكون فرحان
فاطمة : ايه و وقتاش الخطبة ان شاء الله
ادم : بلعقل ماني انا ما دابيا تهدرو مع والديها قبل و الخطبة ساهل نسقم اموري فالخدمة منبعد تبان
فاطمة : ان شاء الله
ادم : هذاك هو انا لازم نروح
رحمة : اتعشى قبل
ادم : لالا يما مكلاه
سلم عليهم و خرج ؛ و رحمة عنقت فاطمة
رحمة : اونفان راح نفرح بيه ؛ خافت منشوفوش دار دارو و تزوج
فاطمة : ايه انا واش قلتلكم منقبل يدور يدور و يولي لرايي اسمعي رحمة غدوة ان شاء الله نروحو نهدرو مع حياة و نمد النيميرو تاع يوسف لمنصف يهدر معاه هكذا و الخطبة لازم نديروها فاقرب وقت
رحمة : ايه خلاص
منصف : بلعقل متتحمسوش بزاف سمعتي واش قالك وليدك حتى يسقم امورو من بعد ساهل متروحوش ترميو هذا على هذا
فاطمة عوجت فمها
فاطمة : لوكان نتبعو خدمة وليدك نقعدو حتى لعام لجاي فرضا طول باش يبدل لهنا نورمال يدي نهار ولا يومين يجي نديرو الخطبة و يولو
رحمة : ايه و زيد الناس يهدرو ماجاياش يقعدو هكذاك
منصف : انا نخليكم الهدرة معاكم بلا فايدة بصح نقوللكم مدخلوش روحكم بزاف راهم كبار يعرفو واش يدير
خرج منصف و فاطمة دارت لرحمة
فاطمة : خلينا منو ... اسمعي صباح نبعثو مروان كشما يشريلنا باش نديو فيدينا
رحمة : ايه ... يما هذاك هو نحطو العشاء رباب لازم تعشى بكري باش تروح ترقد وليدها
فاطمة : ايه هيا نوضو
.......
طفات للنار و دارت لسولا لي كانت توجد فالطابلة و ريهام قاعدة غايسة
رنيم : سولا اذا كملتي روحي عيطي لماما
سولا : ايه دوك نروح ... من الريحة باينة بلي بنينة بزاف
رنيم : هاذ الشي الريحة بنينة و لالة مجاتش ذوق من القدرة كي عادتها
راحت رنيم باستها من خدها
رنيم : وشبيها ريهام
سولا باستها من الجهة الاخرى
سولا : هيا اضحكي شوية .... ولا نقولك
غمزت لرنيم و طاحو يدغدغو فيها و هي تضحك
حياة كانت واقفة موراهم تتبسم حمحمت و دخلت
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
