Romancing the Devil

CHAPTER 8

Panay ang agos ng luha ko habang nakasakay sa kotse at binabaybay ang daan papunta sa trabaho ko. Kanina pa tanong nang tanong si Kuya Benjie sa akin kung ayos lang daw ba ako pero hindi ko siya sinasagot at panay lamang iling ko. Nag-aalala siyang tumitingin sa akin sa rearview mirror habang nagmamaneho.

Nakatingin lang ako sa labas ng bintana habang pinupunasan ang luha ko.

Gano'n lang ba talaga ako kabilis saktan? Gano'n ba talaga ako kawalang halaga para sa iba? Alam ko namang hindi ako gusto o mahal ni Callum dahil napilitan lang siguro siyang pakasalan ako. Dahil lang siguro sa kompanya niya. Kaya hindi ko siya masisisi kung . . . maghanap siya ng init sa ibang babae.

"Nandito na ho tayo, ma'am." Napakurap-kurap ako at mabilis na inayos ang sarili bago lumabas ng kotse.

Ni hindi na ako nakapagpasalamat kay Kuya Benjie sa paghatid niya sa akin, basta ay lumabas ako at dire-diretso ang lakad papasok ng building. Binati pa ako ng guwardiya pero hindi ko mabati pabalik dahil samu't-saring emosyon ang nararamdaman ko ngayon.

Huminga ako ng malalim nang makapasok sa elevator para pigilan ang nararamdamang emosyon ngayon. Nang bumukas ang pinto ng elevator ay agad akong lumabas diretso sa opisina ko. Sinalubong din ako ng sekretarya ko para sa mga kliyenteng humihingi ng follow up tungkol sa mga pinagawa nito.

"Ang Zarex Corp. din po ay humihingi ng appointment para sana raw ho ay mapag-usapan ninyo ang tungkol sa gusto nilang design ng kanilang newly built company." sambit ni Christina, ang aking sekretarya.

"Alright, appoint that for tomorrow. I have things to do today kaya hindi ko sila mahaharap sa ngayon." Tumango siya bago nagpaalam na lalabas na.

Napabuntong hininga naman ako bago umupo sa swivel vhair ko at binuksan ang sketchpad.

Work your ass off, Hailey. Marami ka pang tatapusin.

Kaya naman inabala ko na lang ang sarili sa trabaho at kinalimutan muna ang nasaksihan sa opisina ni Callum kahit pakiramdam ko ay hindi ko makakalimutan 'yon. 'Yon na lang ang pinagkaabalahan ko hanggang sa hindi ko na namamalayan ang oras at nawawala na sa isip ko ang ginawa ni Callum.

"Good morning!" Kumunot ang noo ko dahil sa sigaw ni Sheina pagkapasok sa aking opisina.

Napasapo ako sa noo ko dahil do'n at umiling na lang dahil para na naman siyang tangang nakangiti sa akin. Umupo siya sa upuang nasa harap ng aking mesa at pumangalumbaba. Ako naman ay nagpatuloy lang sa ginagawa habang paminsan-minsan ay tumitingin sa screen ng laptop, nag-aabang ng mga emails sa akin.

"Ang sipag ng Head of design team!" Sinamaan ko siya ng tingin bago muling nagsulat ng label sa ginagawa ko.

"Kung meron kang trabaho at nagbubulakbol ka lang sa kompanya ngayon, p'wede kong sabihin kay Dustin na tanggalin ka na sa trabaho mo." pabiro kong banta sa kaniya pero seryoso ang boses.

Napasinghap siya nang marahas, "grabe ka naman sa 'kin, Hailey! Parang hindi mo 'ko kaibigan!" maramdamin niyang sambit.

"Hindi naman talaga," natawa ako nang bigla siyang nag-exaggerate ng reaksyon niya sa sinabi ko.

"Ang sama-sama ng ugali mo, Hailey! I didn't know you have this side of yours." nakangusong sambit niya na inirapan ko na lang at tinawanan.

"Just kidding,"

Umayos siya ng upo habang nakatingin sa akin, “porke’t patay na patay sa ‘yo si Sir Dustin‚ e ginagawa mo nang panlaban sa amin ‘yan.” Tinawanan ko siya dahil do’n, animo’y walang problema.

“Hindi ko naman alam na balat sibuyas ka pala, Sheina.” Siya naman ngayon ang natawa sa sinabi ko.

“Ay, now mo lang ba nalaman, Ma’am Hailey?” aniya, ipinagdidiinan ang salitang ‘ma’am’.