Romancing the Devil

CHAPTER 7

Nang makita kong tulog na siya ay bumuntong hininga muna ako bago tumayo para kumuha ng maliit na planggana sa baba at face towel na rin. Pupunasan ko siya at papalitan ng damit dahil amoy alak siya. Hindi ako makakatulog ng ganiyan ang amoy niya. O 'di kaya ay sa sofa na lang ako matutulog. Inalisan ko na rin aiya ng damit niya at sapatos.

"Nanay Juliet, pahingi naman po ng planggana kahit maliit lang saka malinis na face towel. Pupunasan ko lang po si Callum," sambit ko nang makababa sa kusina.

"Teka," agad siyang nagmadali para kumuha ng kailangan ko.

Nang makakuha ay ibinigay niya 'yon sa akin habang nakakunot ang noo.

"Kumain ka kaya muna bago mo punasan ang asawa mo, Hailey. Anong oras na at hindi ka pa kumakain." aniya habang nakatingin sa wall clock na narito sa kusina.

"Ipahatid niyo na kang ho sa kuwarto. Doon na lang po ako kakain pagkatapos kong punasan si Callum."

Tumango siya sa sinabi ko kaya naman umalis na ako ro'n at dumiretso na sa kuwarto namin ni Callum. Nang makapasok doon ay nakita kong gano'n pa rin ang ayos niya at mukhang mahimbing ang tulog. Huminga ako nang malalim bago pumasok sa banyo para malagyan ng tubig na maligamgam ang planggana. After that I went outside the bathroom. Sinimulan ko nang punasan si Callum.

Habang pinupunasan siya ay panay ay waksi niya ng aking kamay. Masakit kapag tumatama ang malaki at malakas niyang kamay sa akin pero hindi ko na lang ininda 'yon dahil hindi ako matatapos dito kung hindi ko siya pagtitiyagaan.

"Callum, please . . ." buntong hininga ko bago ipinagpatuloy ang pag-aalis ng butones ng kaniyang dress shirt.

He groaned, "you slut! Stop touching me!" he growl as he flinch at my touch.

I felt a pang of pain on my chest. Bakit ang sakit? Ngayon ko lang naman narinig ang ganitong salita para sa akin, pero sobrang sakit. Siguro dahil akala ko ay magiging iba ang tungo sa akin ni Callum. Bakit pa nga ba ako umasa?

"Callum, ano ba . . ." nauubusan ang pasensyang sambit ko.

"Don't touch me. I'm already married, slut." para akong nabuhayan ng loob dahil sa sinabi niya.

Iniisip ba niyang ibang babae ang humahawak sa kaniya ngayon kaya niya inaalis ang kamay ko? Hindi ko alam kung anong magiging reaksyon ko dahil doon. Pero pinili ko na kang na h'wag magpadala dahil baka sa una lang ito.

He's a notorious playboy after all. I couldn't bring my guard down just because of his words.

"It's me, Callum. Hailey," nang marinig niya 'yon ay kumalma siya at hinayaan na akong tuluyang tanggalin isa-is sa pagkakabutones ang kaniyang damit.

"My wife . . ." he murmured before dozing off to sleep again.

Palagi na lang niyang inuulit-ulit sabihin ang salitang 'my wife' simula nang maikasal kaming dalawa. Hindi ko naman alam kung may iba pa ba siyang ibig sabihin o sadyang trip lang niya bigkasin ang dalawang katagang iyan.

Nang matapos ko siyang punasan at hubaran ng damit at pantalon, ngayon naman ay naka-boxer na lang siya. Pagkatapos ay agad na akong tumayo para kumutan siya. Para naman siyang bata na bumaluktot ng higa. Napailing na lang ako kasabay ng pagkarinig ng katok sa pinto.

Mabilis akong pumunta ro'n at pinagbuksan ng pinto ang kumatok. Ang kasambahay 'yon na dala ang hapunan ko. Hindi na kasi makakakain ng hapunan si Callum nito dahil tulog na.

"Salamat po," sambit ko bago sinara ang pinto nang matanggap ko na ang pagkain.

Kumain ako sa breakfast table na narito habang nakatingin kay Callum na mahimbing ang tulog. Ipinagpatuloy ko na lang ang pagkain hanggang sa matapos ako. Niligpit ko 'yon at dinala na sa baba. Pagkatapos ay bumabalik ako sa kuwarto para makapagsipilyo.