Everything Has Changed

Eighteenth Changed

Eighteenth Changed

Yung mga sinabi ni Mark noong nakaraang gabi na patuloy pa ring umuulit sa isip ko. Baka magaya ako kay Maybel dahil kaya Stephen? Anong ibig nyang sabihin dun? Tsaka ano bang nangyari kay Maybel dahil kay Stephen?

Dati gusto ko lang na malaman yung dahilan bakit hindi sya nagsasalita ngayon mas nadagdagan pa.

"Malalim ba?" isang juice ang nakita ko sa harapan ko matapos kong nakarinig ng salita. Pag-angat ko ng tingin ko ay nakita ko si Jin na nainom rin at umupo sa tapat ko.

Sa pagkaka-alam ko matagal ng magkaibigan si Jin at Stephen, maaari kayang alam nya kung anong ibig sabihin nun?

"Ah Jin pwede magtanong?" paalam ko sa kanya. Tumango naman sya bilang sagot.

"Basta wag tungkol sa babae, wala akong alam dyan" natatawang sabi nya. Kumunot naman ang noo ko, ang isang Kim Seok Jin walang alam sa babae? Oh come on! 

"Wag mo kong tignan ng ganyan Dana, sinasabi ko sayo wala akong alam sa mga babae" seryosong paalala nya sa akin. Parang ang hirap naman paniwalaan na wala syang alam sa mga babae. Sa itsura pa lang nya may pagka-playboy na, isa pa sya ang Heart trob Prince di ba?

"Ang hirap paniwalaan eh" sabi ko. "Di ba ikaw yung sinasabi nilang Heartrob Prince?" Dagdag ko pa. Umayos sya sa pagkaka-upo bago sumagot.

"Yes, they give me the title of Heart trob Prince but it doesn't mean na may alam ako sa mga babae " napatango na lang ako. Di kaya Confirmed sya? O baka Confused?

"And don't think about me being gay. I'm straight as a ruler" dagdag nya. Mind reader ba sya?

Isinantabi ko na lang yun iniisip ko at tinanong yung gusto kong itanong.

"Kelan pa kayo naging magkaibigan ni Stephen?" tanong ko, nakita kong kumunot ang noo nya. Inilapag nya yung iniinom nya sa lamesa bago sumagot.

"Since elementary bakit?" balik na tanong nya. Since elementary, matagal na nga.

"Ah kilala mo ba si Maybel?" nahalata kong nagulat sya sa tanong. Sa tingin ko kagulat-gulat nga yung tanong ko lalo pa't bagong kakilala lang naman nila ako. 

"Madaming Maybel sa mundo Dana" parang ayaw nyang sagutin yung tanong ko kaya ganun yung sinabi nya, pero gusto ko talagang malaman kung sino nga ba si Maybel, at ano sya sa buhay ni Stephen.

"Maybel Lee" sagot ko. Mas naging tense sya nung sinabi ko yung apelido ni Maybel. Natandaan ko yung apelido nya noong sunduin ko si Stephen sa sementeryo.

"Dana" tawag nya sa akin at tumingin sa mga mata ko. "Sa tingin ko hindi ako ang dapat sumagot nyan" dagdag nya. Bakit feeling ko napakalaking sikreto ni Maybel?