Everything Has Changed

Tenth Changed

Tenth Changed

Isang buwan na rin ang lumipas simula noong mangyari yung bagay na yun. Nagulat ako sa mga nangyari. Halata naman na may pagkabasag-ulo ang barkada nila Jungkook pero hindi ko inaaasahan na masasaksihan ko pa talaga. Isa ko pang ikinagulat ay yung pagsasalita ni Stephen noon, akala ko yun na ang simula ng pagsasalita nya ng madalas pero hindi pa rin pala. Bumalik sya sa dati matapos yon, hindi kami sumunod kila Raven noon. Inuwi nya ako at bonggang sermon ang inabot naming dalawa kay Nanay. Kesyo ganto, kesyo ganyan. Si Mam Saira nga hindi nagalit eh pero yung Nanay ko naactivate na naman yung armalite.

"Hi Dana!" bati sa akin ni Jimin pagkapasok nya. Nginitian ko naman sya at ginulo pa nya yung buhok ko. Simula din ng mangyari yung bugbugan portion na yon ay naging malapit kami nila Jimin. Palagi nila akong binabati at nginingitian. Sabi ko noon ayokong papasukin sila sa mundo ko dahil alam kong guguluhin lang nila ito pero wala, nakapasok pa rin sila.

"Morning" bati ko rin. Inilapag nya yung bag nya sa may upuan nya tapos bumalik sa tabi ko.

"Di ka pa pupunta dun?" tanong nya. Ako na lang kasi yung nandito sa loob ng room namin. Inatasan kasi yung section namin na ayusin yung auditorium para sa isang event na magaganap. Nauna na yung mga kaklase ko. May hindi kasi ako nagawa kahapon kaya ipinagpatuloy ko ngayon, si Cherry nga kanina kinukulit ako na pumunta na pero nagpa-iwan pa rin ako.

"Susunod na ako, tatapusin ko lang to" sagot ko sa kanya sabay pakita nung notebook ko. Tumango naman sya at nagpaalam na kaya tinuloy ko naman yung pagsusulat.

Malapit na akong matapos ng marinig kong kalabog kaaunod nun ang isang mura kaya napalingon ako sa may pinto ng room. May nakita akong kamay na nakahawak doon. Kumunot ang noo ko, mula sa kinauupuan ko ay sinilip ko kung sino yun kasi alangan namang multo, Hello ang aga pa kaya?? Nung hindi ko makita kung sino tumayo ako at lumapit sa may pinto.

Nakita ko si Jimuel na sapo-sapo yung noo nya at nakahawak dun sa may pintuan para hindi sya tuluyang matumba.

"Anongg ginagawa mo dyan?" napabitaw sya sa pagkakahawak sa pinto dahil sa sinabi ko. Plakda tuloy sya una baba este una mukha.

"Aissh Dana you scared me!" sigaw nya sa akin. Inilahad ko yung kamay ko sa harapan nya para tulungan syang tumayo. Nitong mga nakaraang araw napapadalas ang pagpansin sa akin ni Jimuel na dati hindi naman nya ginagawa. Matapos yung eksenang yun para palagi syang nakasunod sa akin. Ewan ko kung totoo o baka feeling ko lang, sino ba naman ako para bantayan nya?

Hinawakan nya yung kamay ko at hinatak ko sya pero nadulas yung isang kamay nya na nakasuporta  kaya ako yung nahatak nya.

Pag-angat ko ng tingin ay sobrang lapit ng mukha namin sa isa't- isa to the point na naaamoy ko yung hininga nya. Napatitig ako sa mga mata nya, para wala na yung lungkot na nakita ko noon.

"Satisfied?" natauhan ako nung magsalita sya. Matagal na pala akong nakatitig sa kanya. Narealize ko rin yung position namin kaya dali-dali akong tumayo.