-အကယ်၍- (2)(Completed)

If-20(U)

ကားပေါ်ရောက်၍ မကြာလိုက်ပါ။ မနက်က အစ်မဖြစ်သူရဲ့ဆူညံ့သံတွေကြောင့် အိပ်မရခဲ့သည့်အကျိုးကျေးဇူးတွေကြောင့် အခုတော့ အိပ်ငိုက်လာခဲ့သည်။ ညနေဖြစ်တာလည်း တစ်ကြောင်း၊ ပြတင်းပေါက်ဖွင့်ထားတာကြောင့် တဖြူးဖြူးတိုက်ခတ်နေတဲ့လေလေးတွေကြောင့်တစ်ကြောင်း ယမင်းသော်အိပ်ချင်လာသည်။

ဒါကြောင့် ဘာမှမတွေးတော့ဘဲ ဘေးပြတင်းပေါက်ကိုမှီကာ ခဏလောက် မှေးလိုက်သည်။ ပြတင်းပေါက်မှန်တံခါးကို အနည်းငယ်တင်လိုက်သည်။

ကားပေါ်ရောက်ကတည်းက တိတ်ဆိတ်နေသော အခြေအနေကြောင့်နှင်းသဇင်မင်းတစ်ယောက် ဖုန်းထုတ်ကာသီချင်းသာနားထောင်နေသည်။ တရိပ်ရိပ်မှောင်လာတဲ့ပတ်ဝန်းကျင်ဟာ မကြာခင်မှာဘဲ ညဘက်ကိုရောက်လို့လာသည်။ လမ်းတစ်လျှောက် လမ်းမီးတိုင်တွေမှအပ မီးလင်းမေသ​ည်မှာ မရှိပေ။

ဘေးကိုလှည့်ကြည့်မိသော အရင်ကလို ဘေးပြတင်းပေါက်ကိုမှီကာအိပ်နေသော ယမင်းသော်ကြောင့်မနေနိုင်မထိုင်နိုင် ဘေးကိုတိုးကာ ခေါင်းလေးကို မိမိပုခုံးပေါ်ပြောင်းလိုက်သည်။ ဆံပင်ချထားတာကြောင့် မျက်နှာပေါ်ကပိုကယိုကျနေတဲ့ဆံနွယ်လေးတွေကို တယုတယသပ်တင်ပေးလိုက်သည်။

ထိုအရာက ရှေ့ခန်းမှာကားမောင်းနေတဲ့ဘယ်ရီမြင်ပေမဲ့ ဘာမှမပြောပေ။ သူ(မ)သည်လည်း ဒီနေ့ ယမင်းထွန်းရဲ့ခေါ်ဆောင်မှုကြောင့် အဖြစ်မှန်ကို သိခဲ့ရသည်။ အရာအားလုံးထက် သူ(မ)သူငယ်ချင်းပျော်ရင် သူ(မ)လည်း ကျေနပ်ပြီ။

ဒါပေမဲ့ ဘယ်ရီတို့ကားနဲ့မတူညီစွာဆူညံနေသော မြတ်နိုးတို့သည် ကားတစ်စီးလုံးကို စကားသံပေါင်းများစွာပါဘဲ။

မတွေ့တာကြာပြီဖြစ်သောမြတ်နိုးနဲ့သဇင်တို့လည်းဘယ်ကတည်းကမေးချင်နေလဲမသိတဲ့ယမင်းထွန်းကြောင့် စကားများမပြတ်ပြောနေရသည်။ နဂိုကတည်းက စကားများကြသူတွေဖြစ်တာကြောင့် သွားရမဲ့နေရာရောက်တဲ့အထိ စကားသံဟာပြတ်မသွားခဲ့ပါ။

မတူညီသောအခြေအနေဖြင့်ကားလေးနှစ်စီးသည် လိုရာခရီးသို့ အေးဆေးစွာ မောင်းနှင်လာကြသည်။