နောက်နေ့မနက်တွင်တော့ နှင်းက အလုပ်သွားရမည်ဆိုကာ စောစောစီးစီးထပြီးအိမ်ပြန်သွားလေသည်။ ယမင်းသော်လည်းမနေသာကာ အတူတူလိုက်ထရင်း နှင်းကိုလိုက်ပို့လိုက်သည်။ လမ်းတစ်လျှောက် သူ(မ)ရဲ့အခက်အခဲတစ်ချို့ကိုရင်ဖွင့်သောနှင်းကြောင့် ယမင်းသော်တိတ်ဆိတ်စွာဖြင့် သူ(မ)ပြောပြသည်ကိုနားထောင်မိသည်။ နှင်းကိုလိုက်ပို့ပြီး အိမ်သို့ပြန်လာချိန်လမ်းမှာ မနက်စာအတွက်ရှမ်းခေါက်ဆွဲဝယ်ရန်သတိရသွားသည်။ မနေ့ကသွားခဲ့တဲ့ စားသောက်ဆိုင်မှာဘဲ မနက်စာဝယ်ရန် သွားဖို့ဆုံးဖြတ်လိုက်သည်။ မမက အဲ့ဆိုင်က ရှမ်းခေါက်ဆွဲကြိုက်တယ်ဆိုသောကြောင့်ပင်။
ဝယ်ပြီးတော့ အိမ်ပြန်ရောက်ချိန်မှာတော့ ခြံထဲဆင်းကာ ယမင်းသော်ကိုစောင့်နေသော အစ်မဖြစ်သူကိုတွေ့ရလိမ့်မည်။ အဖေလုပ်ပေးထားသောဒန်းလေးမှာထိုင်ကာ သူ(မ)ကိုပေစောင်းစောင်းကြည့်နေသော အစ်မဖြစ်သူကို ပြန်ကာကြည့်ပေးလိုက်သည်။
"စောစောစီးစီး ငါ့ကိုချန်ထားပြီး ဘယ်များသွားပါလိမ့်လို့။ မုန့်သွားဝယ်တာဘဲ။"
အလုပ်ရှိတဲ့နေ့တွေဆိုစောစောထကြပေမဲ့ အလုပ်မရှိတဲ့နေ့တွေအတွက် မနက်(၈)နာရီဆိုတာကတော့ ထိုညီအစ်မနှစ်ယောက်အတွက်တော့ စောစောစီးစီးဖြစ်သည်။ တစ်ခါတလေဆို မနက်(၁၀)နာရီလောက်မှထလေ့ရှိကြသည်။ အမေဖြစ်သူရဲ့အဆူခံရမှုကိုတော်တော်များများခံရမှသာ မနက်ကို (၈)နာရီမှာ ထကြလေ့ရှိသည်။
"စောစောစီးစီးထပြီး မုန့်သွားဝယ်တယ်လား။ ဟုတ်ပါပြီ။ မမအတွက်သွားဝယ်ပေးတာပါနော်။ မစားချင်မစားလို့ရတယ်။ အားမနာနဲ့ သမီးစားမယ်။"
သူ(မ)အတွက်ဝယ်လာတယ်လည်း ဆိုတာကြောင့် မျက်နှာမှာ ပြုံးရွှင်သွားကာ.. "ငါမစားဘူးပြောလား။ ကိုယ့်ညီမလေးက ကိုယ့်အတွက်စောစောစီးစီးထပြီးသွားဝယ်ပေးတာဘဲ။ စားပေးရမှာပေါ့။ ဟုတ်တယ်မလား။"
ပြုံးဖြီးကာ မစားရမည်ကိုစိုးနေသော အစ်မဖြစ်သူမျက်နှာကိုကြည့်ကာရယ်လိုက်ရင်း.. "ဒါဆိုလည်းလာ။ စားမယ်။ ပြီးရင် ကုပ္မဏီသွားရမှာမလား။"
CITEȘTI
-အကယ်၍- (2)(Completed)
Dragosteတကယ်လို့များ ပြန်လည်ဆုံတွေ့ကြရင် ငါတို့နှစ်ယောက် အရင်လိုပြန်ဖြစ်နိုင်အုံးမလား..။ 02262022-07302022 (Season 2 of နှင်း) Season 1 အရင်ဖတ်ပေးပါနော်.. Wall ထဲမှာရှိပါတယ်..
