သူငယ်ချင်းဖြစ်သူတွေနဲ့ပြန်တွေ့ပြီး နှင်းအိမ်လာနေတဲ့နေ့က နှင်းအိပ်ပျော်နေတာကိုငေးကြည့်ပြီးနေမိတော့ အိပ်ချိန်က ၁၂ ကျော်သွားသည်။ အစကတည်းက နှင်းကနောက်ကျမှအိပ်တတ်တဲ့အကျင့်ကြောင့် ထိုသို့နောက်ကျသွားခြင်းပင်။ သူ(မ)အိပ်ပျော်တာကိုစောင့်ရင်းနဲ့မှ ယမင်းသော်လည်းအိပ်ပျော်သွားသည်။
မနက်မှာတော့ နောက်ကျမှအိပ်ပျော်သွားတဲ့အကျိုးဆက်ကြောင့် မနက်(၁၀)နာရီလောက်မှနိုးလာသည်။ နိုးလာရခြင်းဟာလည်း ဖုန်းသံတစ်သံကြောင့်လည်းပါတာပေါ့။ ဘေးကိုလှည့်ကြည့်တော့ နှင်းကအိပ်ပျော်နေတုန်း။ နှင်းမနိုးသွားစေရန် ကုတင်ဘေး စားပွဲပေါ်က ဖုန်းကိုအမြန်လှမ်းယူကာ ကြည့်လိုက်မိတော့.. "အယ် မမ!"
ဟုတ်သား ယမင်းသော်မေ့နေသည်။ ဒီနေ့ မမ ရန်ကုန်ပြန်လာမဲ့နေ့ဖြစ်သည်။ မနက်(၉)နာရီအမှီသွားကြိုဆိုတဲ့အကြောင်း ဟိုနေ့က မေမေပြောထားတာကို မေ့နေမိသည်။ အစ်မဖြစ်သူရဲ့ ဒေါသကိုမြင်မိတော့ ယမင်းသော်စိတ်ညစ်သွားသည်။
သွားပြီ ဆူခံရတော့မလား မသိဘူး။
ဖုန်းကို ချက်ချင်းကိုင်လိုက်ချိန်တွင်တော့ ယမင်းသော်ဘက်က 'ဟယ်လို' မပြောရခင်မှာဘဲ.. "ငါ ဘယ်နှစ်နာရီထိုင်စောင့်နေရအုံးမှာလဲ။ မဟုတ်ရင် ငါ့ဘာ့သာငါပြန်လာရမလား ယမင်းသော်။ စောင့်ရတာကြလှပြီ။ အားကိုးရမလားလို့ ဒီညီမလေးတစ်ယောက်ဘဲရှိတာကွယ်။အားမကိုးရပါလား။"
တော်တော်လေးကိုဒေါသထွက်နေသောအစ်မဖြစ်သူရဲ့အသံဟာ ဖုန်းမှတစ်ဆင့် စပီကာမဖွင့်တာတောင် ဘေးကကြားနေရသည်။ သာမန်ဆို စကားကိုကိုခပ်တိုးတိုးသာပြောတဲ့သူက အခုတော့ ဘေးကလူတွေတောင် ဂရုမစိုက်တော့ပါလား။
"အယ် မမ! ဆောရီး ဆောရီး။ ညကနောက်ကျမှအိပ်ပျော်သွားလို့။ အခုချက်ချင်းလာခဲ့မယ်။ ခဏစောင့် နာရီဝက်အတွင်းလာခဲ့မယ်။"
"အေး ပြီးကောနော်။ နာရီဝက်ထက်နောက်ကျကြည့်။ နင်သေမယ်။"
ထိုသို့ပြောပြောပြီးချင်း ဖုန်းချသွားလေရဲ့။ ကြည့်ရတာ တော်တော်လေးဒေါသထွက်နေပြီထင်တယ်.. ငယ်ငယ်ကတည်းက မမ အကြောင်းစုံကိုသိသောယမင်းသော်ကတော့ ဘုရားသာတနေမိသည်။
BINABASA MO ANG
-အကယ်၍- (2)(Completed)
Romanceတကယ်လို့များ ပြန်လည်ဆုံတွေ့ကြရင် ငါတို့နှစ်ယောက် အရင်လိုပြန်ဖြစ်နိုင်အုံးမလား..။ 02262022-07302022 (Season 2 of နှင်း) Season 1 အရင်ဖတ်ပေးပါနော်.. Wall ထဲမှာရှိပါတယ်..
