𝙸𝚝'𝚜 𝙵𝚊𝚍𝚎.....𝚂𝚘𝚖𝚎𝚝𝚒𝚖𝚎𝚜 𝙳𝚘 𝚂𝚘𝚖𝚎𝚝𝚑𝚒𝚗𝚐 𝚆𝚑𝚎𝚗𝚎 𝚆𝚎 𝙳𝚘𝚗'𝚝 𝚆𝚊𝚗𝚝 𝚃𝚑𝚊𝚝
+__________________+
پەرداخەكەی بە تووندی و تووڕەییەوە خستەوە بەردەمی كە هێشتا پەنجەكانی لێ گرێ دابوون، دووبارە و دووبارە پەرداخەكەی پڕی خواردنەوە كرد و بە قومێک هەمووی خواردەوە
"شازادە تكایە واز لەوە بهێنە....بەیانی كۆبونەوەی ئەنجومەنە بۆ كێشەی زەوی جوتیاران گەر پاشا بزانێت خواردوتەوە ئەوا تووڕە دەبێت"
"بە تەنیا جێمبهێڵە بیۆنسیۆن..."
ئاشین دووبارە پەرداخەكەی پڕ كردەوە تاوەكو بیۆنسیۆن بێتە بەردەمی و پەرداخەكە دووربخاتەوە لێی، ئەویش بە بێزاریەوە سەیری كرد و دەستێكی هێنا بە ڕووخساری و هەناسەیەكی ماندوویی دایەوە
"وتم بە تەنها جێمبهێڵە"
"تكایە شازادە....لەوە زیاتر خۆت ئازار مەدە...شازادە خاتوون تازە هاوسەرگیری كردووە...دەبێت ئیتر ئەو لە دڵی خۆت دەربهێنیت...چەندین جار سیخووڕەكانمان ئاگاداریان كردیەوە كە ئەو لە پەیوەندیدایە لەگەڵ ژەنەڕاڵـ'ـی وڵاتەكەی...كەچی هێشتا دەستبەرداری نەبوویت..."
"نەمتوانی....نەمتوانی ئەو لە بیركردنەوەكانم دەربكەم بیۆنسیۆن..."
"بەڵام تۆ تەنها چەند خولەكێک قسەت لەگەڵی كردووە....ئەوە مانای ئەوە ناگەیەنێت كە ئەویش تۆی بەدڵ بێت..."
"چی دەربارەی من!؟....ئەوم خستبووە هەموو كوچەكانی خەیاڵم...ئەوەندە سیخوڕیم لەسەر ئەو دەكرد لەسەر وڵاتەكەیم نەدەكرد....چی دەربارەی هەستەكانی من بیۆنسیۆن!؟...."
ئاشین بە دەنگێكی بەرز قسەكانی كرد كە چاوەكانی فراوان ببوون و تووڕەیی هێشتا تێدا مابوونەوە، بیۆنسیۆن هەناسەیەكی نائوومێدی دایەوە و پەرداخەكەی خستەوە سەر مێزەكە تاوەكو وەڵامی بداتەوە
"كەواتە پیش ژەنەڕاڵ هەستەكانی خۆت بۆی دەربڕیبا...تۆ درەنگ كەوتیت شازادە....زۆر درەنگتر لەوەی بیری لێ دەكەیتەوە....تەنانەت دەمەوێت بپرسم ئایە شێوەی ئەوت لەیاد ماوە!؟....دەپرسم ئایە چەند چركەیەكی كەم وای لێ كردیت ئەوت خۆشبوێت....یاخوود هەڵسوكەتەكانی"
"بیۆنسۆن....یەک جار بینین بەسەر تاوەكو كۆتایی ژیانم...من هەموو شتێكی ئەوم خۆشویست...هەموو كارەكانیشی....ڕاست دەكەیت....شێوەكەیم زۆر بیرنەماوە...بەڵام ناوەكەیم هەر لە یادە"
+_______________+
هەشت مانگ ڕۆشت بێ ئەوەی هیچ لە وڵاتان بكەونە جەنگ و ململانێی سیاسی ، گۆگۆریۆ بە تەواوی بێ هەواڵ بوو لەوەی بایكجی بە درێژایی ئەو هەشت مانگە سەرقاڵی كۆ كردنەوەی سەربازە بە نهێنی و بێ ئەوەی تەنانەت سیخووڕەكانی گۆگۆریۆ'ش بەوە بزانن
ESTÁS LEYENDO
گەڕانەوە بۆ كات "𝙱𝚊𝚌𝚔 𝚃𝚘 𝚃𝚒𝚖𝚎"✔︎
Fantasíaئایە هیچ كاتێک بڕوات بە گەڕانەوەی كات هەبووە لەكاتێكدا كە یاسای كات بریتیە لە نە وەستان و نەگەڕانەوەی كات !؟ من بوومە ئەو كەسەی گەشتی كاتم كرد بە نەزانینی ، من گەشتمە زەمانێک كە چەند هەزار ساڵێک لە دواوەی جیهانەكەم بوو ، بەڵام وەک هیچ كەسێک هەوڵی گە...
