سكره

سكره ١

سكره ١
*****
سبحان الله وبحمده وسبحان الله العظيم
لا إله إلا الله محمد رسول الله
لاحول ولا قوة إلا بالله العلى العظيم
اللهم صل وسلم وبارك على سيدنا محمد وعلى آله وصحبه أجمعين
💚💚💚💚💚💚💚💛💛💛💛💛💛💛💛💛

سكره يا سكره .. سكره .. يا سكرررررررررررررررررره
بتلف وتتمطع وأبتسمت وهى بصاله : بندق صباح الخير 
لف حواليها ونام براسه على راسها بيعبر عن حبه لسكره 
دخلت هجم الاوضه : أنتى ياهانم مش سامعه دا كله أتطرشتى
سكره بملامح عكس ماكانت : نعم يامرات يا أبويا 
مرات أبوها كشرت  وبتريقه : مرات أبويا طالعه من بوئك سم قومى اتلحلحى من على السرير أعملى لنا الفطار وإلا الهانم نمسويتها كحلى مابتقومش دلوقت وبتحذير على الله تقولى يامرات يا أبويا تانى  جاتك بوووو  مليون تحذير ولا بتفهمى بتحرقى دمى يابت .. قولى يا زوبه أو زنوبه  فاهمه هاتكبرينى على إيه كانت جوازه هم مايعلم بيها إلا ربنا .. سابتها وخرجت على برا
بعد خروج كم الإزعاج من أوضاتها إلا بتعيشه يوميا ..   رجعت لتفائلها وشالت بندق حضنته وباسته قووووى  وبحماس : بندوقتى ياله عشان نجهز الفطار وننزل ..  قربت وبتهمس فى ودنه  .. ها افسحك إنهارده وهاتاكل حاجه حلوه برا فى السر هااا اوعى تقول لمرات ابويا دى بتشم الفلوس من على بعد .. قامت جرررررى من مكانها صلت الأول وجهزت الفطار وقاعده تاكل معاهم وكل ماتمد إيديها مرات ابوها تطلع لها بميت حجه وحجه عشان تقوم وكل ماترجع يدوب تدوق الأكل تقومها ..
أبوها : الحمد لله .. سكره قومى أعملى شاى
قامت وسابت الأكل تحت نظرات القرف والثقل من زنوبه وعملت الشاى لسا هاتقعد
بصت لها بنظرات كلها حقد  : أنتى إيه ما بتشبعيش طلعلك جناب يابت قومى لمى الأكل واعمليلى شاى ياله .. وبضحكه خفيفه  بقولك يا زيد مش ناوى تدينى فلوس أجيب خزين للبيت بنتك أسمالله عليها المحروسه بتخلص على الأكل بدرى بدرى وبتهدر فيه مش ملاحقه يازيد
رد بزهق وهجوم  : هو أنا ها ألاحق عليكو يا زنوبه كدا
قلبت وشها وكأنه ضربها بالقلم  : أنا مالى يا أخويا قول لبنتك أم كرش مفيش غيرك أنت وهى وهى مابترحمش انا أكلتى اد إيه يعنى ماتتحسبش اكلة عيل صغير
همس لها : دا أد السيخ يا وليه أنتى مش شايفه جسمها أد إيه
هزت إيديها ولوت شفايفها : اد السيخ بس تبلعك فى كرشها ما بتبطلش أكل أنت ما بتشوفش حاجه بعد كدا ها اصورهالك عشان تصدقنى
نده عليها بصوت عالى جدا  : سكره يا سكره
جت جرى وبندق وراها : نعم يا بابا
هز راسه وبعصبيه : فين فلوس شغلك بتاعت إمبارح
شاورت على الأوضه : جوا
نطر إيده   : هاتيها إديها لذنوبه وخفى أكلك شويه
شهقت وردت بصدمه  : أخف أكلى
زنوبه لحقتها فى الكلام : اه يا مضروبه خفى أبوكى مش ملاحق علينا  وزعقت توهت على الموضوع .. وبعدين يا زيد  هى فلوسها تكفى حاجه
رد بمنتهى البرود  : مشى نفسك
سكره بإنكسار : بابا أنا كنت قايلالك عايزا أجيب لبس جديد  ماعنديش حاجه ألبسها كلها قديمه
نطر راسه بالا مبالاه   : مش وقته
زنوبه : فين الشاى يا حلوه
لفت ومشيت من قدامهم من غير ولا كلمه راحت جابت الشاى ولبست ونزلت  شايلاه فى حضنها وضماااه قوووى : شوفت يا بندق حتى اللبس حرمونى منه  هما بيعملو معايا كدا ليه على فكره أنا عند وعدى ليك ها افسحك واجيبلك بندق مش مهم أنا المهم أنت يا حبيبى  .. دفس راسه فى دراعها واتكلمت بعفويه .. لاء ماتزعلش يابندوقه  أنا بس بحكيلك منا ها أحكى لمين أو أقول لمين غيرك أبتسمت وهزته ومش واخده بالها من عيون الناس إلا بتراقبها وبيقولو فى سرهم .. إيه المجنونه دى شايله سنجاب وماشيه بيه عادى كدا وكمان بتكلمه .. سكره فى دنيا غير دنيتهم خالص .. أخيرا وصلت مكان وبصوت مسموع  .. صباح الخير ياعم فتحى
رد ببتسامه من الودن للودن  : صباح الأنوار  ازيك ياسى بندق
رفعت صوتها ووجهت راس بندق له  : الله يسلمك ياعمو فتحى وأنت ازيك بقى
ضحك بصوت مسموع : لا دانا زى الفل ومبسوط قوووى يابندق  الدكتور محمد إبنى راجع إنهارده باليل من السفر وها اشوفه بعد غيبه طويله يا وش السعد ياااه على فرحة قلبى احمدك يارب
سكره : بجد ياعمو والله فرحتلك قوى دانت كان نفسك يرجع
أتكلم عن فرحه بالنسبه له كانت بعيدة المنال وبحب أبوووى وشوق : يااااه يا سكره أقولك إيه مانتى ماشوفتيش ولا عيشتى معايا أنا وأمه وإحنا بنعد الساعات والدقايق قبل الأيام عشان اللحظه دى
أتكلمت بسعاده برغم إنها ماتعرفوش ولا شافته قبل كدا : لكل شئ معاد ودا معاده  ربنا يباركلك فيه يارب .. أسيبك بقى عشان ادخل  لشغلى
فتحى :  أدخلى يا حبيبتى أنا خليت أحمد رص البترينه أنتى كملى بقى وخلى بالك زى ماقولتلك يا سكره عيونك على إلا داخل يشترى الحراميه بتوع الدهب كترو
سكره : حاضر ياعمو بعد إذنك
بصلها بأستغراب : لاحول ولا قوة إلا بالله العلى العظيم .. حد يبقى عنده جوهره زى دى ويمرمطها كدا  لا أب عدل ولا أم الأتنين مايلين يارب
دخلت جوا ورا البترينه  وبصوت مهذب : ازيك يا أحمد
أحمد ببتسامه : الله يسلمك وحمدالله على السلامه متأخره إنهارده رباعيه
حطت بندق على البترينه وبتلف : الطريق وانا جايه زحمه شويه فا لفيت من مكان تانى  غير الشارع العمومى
أحمد : يابنتى قولتلك ميت مره أركبى توكتوك أنتى ما بتتعبيش من المشى رايح جاى غير الواقفه على رجلك طول النهار
سكره : ربنا المعين بقى وعمتا انا بحب المشى ماهو رياضه برضو
احمد طلع برا وسع لها المكان ووقف قدامها وهى بتشيل سلاسل وبتحط بدالها ..بندق قرب منه وقعد على رجليه ورافع إيده له .. ضحك وشد إيده ولما عيون سكره وقعت عليهم ضحكت هى كمان .. أكله أى حاجه من إلا أنت بتخبيها ارجوك ليزعل
أحمد : يعنى هو كدا بيتوسلنى أكله
سكره بتأكيد : أيوا بيقولك أطلع بالمطلوب أرجوك مفيش وقت جوعت يابشر
أحمد : ياااه غالى ياعم والطلب رخيص حط إيده فى جيبه : إيه دا مفيش غير اتنين بس خد حلال عليك
بندق مد إيده خد السودانى من أحمد وبياكله
سكره : شكرا يا أحمد
أحمد بصدق بصلها : على إيه يعنى وبعدين أنتى تأمرنى والمعلم بندق كلامه ماشى  لو وقف على راسه حتى داحنا فى الخدمه
سكره : ههههههه قوله شكرا يا بندق
بندق رفع إيده سلم وبيهز راسه بمعنى الشكر
أحمد : ولسا سكره هاتخليك تنطق قريب
فضلت تشتغل وربنا يكرمهم بزبون ورا زبون لحد ماخلاص فرهدو كلهم حمد ربنا إنهم ها ياخدو راحه شويه لما الضغط خف عليهم  
فتحى قاعد وسكره جوا لوحدها بعد ما أحمد سابها وطلع  فى محل الدهب بترتب وتنضف وبندق فى مكانه  على بترينة الدهب من فوق بيلعب وهى من وقت للتانى تلاعبه وتلاطفه بكلمه بنظره وإبتسامه أو تمد إيديها وتنكشه .. أخيرا خلصت وبدئو يدخلو الزباين زبون ورا التانى  بيتبسطو ببندق قوى مالى الجو  بهجه عليهم  حاجه غريبه على الناس وسكره معلماه الأدب  وكل ما يحس بالخوف ينط على كتفها ويلف يبص على الناس  وهما يضحكو بيفتكروه بيلعب إلا هى بتبقى حاسه بيه وكمان بتطمنه بحركه مايفهمهاش غيره  .. بعد يوم طويل جدا تعب وزباين كتير سكره قعدت فى جمب وضمت بندق قوووى وهو ريح راسه ورفعها لها بصتله وأبتسمت  : ها أخرجك بردو وها أجيب لك بندق ..  بتلعب فى وشه وهو عمل صوت ضحكها من قلبها ..
فتحى : ههههه بتجرى شكله ليه
سكره بفرحه : هو إلا عسول قوى ياعمو ويستاهل الأكل من حلاوته  .. هزته جااامد  حبيبى
فتحى : ألا يا سكره ما بتخفيش يابنتى حد يدايقك أو يقول عليكى مجنونه بسبب السنجاب دا
سكره بصتله : داهو سبب من أسباب إنى تجاهلت الناس وكلامها ورخامتها معايا  وعمتا   خلاص مش فارق معايا حد .. عارف من يوم مابقى معايا وأنا مبسوطه وفرحانه شالته وبتكلمه .. صح يابندوقتى لفت وشه لفتحى وبندق هز راسه كأنه فاهمها بجد  وبيأكد كلامها
فتحى رفع إيده لفوق : الله أكبر  دا ها  يتكلم  هههههه كدا ها اقول راكبه جنى صح يابندق
بندق هز راسه وفتحى وسكره ضحكو من قلوبهم بجد .. شاور بصباعه مع ضحكته : أهو بياكدلى يادى المصيبه
سكره : اصل أنا علمته وفهمته إن لما حد يقوله صح وطت صوتها وبتوشوش فتحى ياخده على قد عقله ويهز راسه بتأكيد عشان يطمنه
فتحى : يعنى بتاخدنى على قد عقلى ياسى بندق أنت وسكره
بندق نط على فتحى وهز وراسه بتأكيد وفتحى صوت ضحكه خرج برا المحل
سكره بضحكه رايقه شالت بندق تانى : لا دا كلام بردو ياخد الناس كلها على قد عقلها  إلا أنت ياعمووو وإلا إيه  يابندق
بندق ماعملش أى رد فعل
فتحى زغده : قول صح ياواد ماتكسفناش
بندق هز راسه وسكره شالته هزته جااامد : برافووو يابندوقه كدا أنت مؤدب عشان مابتكسفش حد 
دخل عليهم أحمد : مين عايز حاجه أجيب له معايا انا رايح أعملى فنجان قهوه مصدع
فتحى : ومين سمعك كوبايه شاى يا أحمد وينسون سكره وعدى على مطاوع هات منه ربع بندق عشان بندق
سكره : لاء ياعمو انا ها أجيبله
فتحى بحلفان : والله ماحد جايبلك غيرى إنهارده ياوش السعد دى حلاوة رجوع محمد يارب يجى بالسلامه  ياله يا أحمد
أحمد : حاضر ياعم فتحى وخد منه الفلوس وخرج ..
فتحى : خدى ياسكره فلوسك أهه بتاعت إنهارده كل يوم وأنتى طيبه وبخير يابنتى
سكره مدت إيديها خدت الفلوس : وأنت بخير يا احلى عمو فتحى فى الدنيا
فتحى : كان نفسى تاخديهم كل أخر شهر يبقى مبلغ تعرفى تتصرفى بيه يابنتى
سكره ببتسامه مهمومه : ماهو بنتصرف بردو بيهم وكدا أحسن
بعد لحظات دخل زبون وسكره قامت تتعامل معاه وأحمد وصل بالمطلوب وعم فتحى شايل بندق وبيناوله البندق وهو مبسوط ودا ياخد منه ويحط فى بوئه كأنه بيحوشه جوا .. ياخد ويحط فى بوئه لحد ما ملاه على الأخر والزبونه تبصله وتضحك قوووى  
الزبونه : لذيذ قوووى والله كنت مهمومه ومدايقه وهو خرجنى من الكأبه إلا كنت فيها
سكره بتحط الخاتم فى علبه عليها أسم المحل صغيره وبعدين جوا شنطه قماش :   أتفضلى مبروك عليكى
الزبونه : الله يبارك فيكى ياسكر أنتى لطيفه قوووى وحبيت المكان هنا بسببك وبسبب بندق
سكره : ربنا يعزك تنورينا فى أى وقت حتى لو مش هاتشترى حاجه كفايه حبك لنا
الزبونه ببتسامه  : تسلمى خدت نفس أنا كدا شحنت طاقه إيجابيه أروح بقى بعد إذنكم  .. سابتهم ومشيت وفتحى بيشاور  ويقول : اتفضلى بص فى ساعته .. يااااه دانا أتأخرت يدوب اقوم أنتظر الدكتور محمد .. يا أحمد يا أحمد
أحمد دخل عليه جرى : نعم ياعم فتحى
فتحى : إبقى اقفل انت وسكره يابنى إنهارده خالتك أم محمد زمانها بتدعى عليا
سكره : طيب روح أنت ياعمو اتفضل ولا تحمل هم
فتحى نطر إيده : السلام عليكم
الأتنين : وعليكم السلام ورحمة الله وبركاته
أحمد : طيب هانسلم لمين يا ناصحه
سكره : زمان سامح إبن صاحب المحل جاى أنا سمعت عمو فتحى وهو بيقوله
أحمد قلب وشه وكبب بإيده : أعوذ بالله .. قومى طيب نظبط على الشيل على طول ..  مفتاح الخزنه فين
سكره طلعته من جيبها : أهووو معايا .. قامت وبدأت تعد الفلوس مع احمد ويعملو حصر للمبيعات ويظبطو حسابهم على وصول سامح .. وفعلا جه أستلم منهم وقفلو وروحو كل واحد من طريق
سكره خدت بندق وماشيه على  رصيف بيطل على النيل .. رصيف طويل قووووى وفاضى وهدوء .. قعدت على مقعد وضمت بندق لصدرها واتنهدت  وهى بتبص على الميه وجمالها برغم سمار الليل المنعكس عل  الميه والاضواء إلا بتلئ بتلئ كل ما تتحرك الميه عليها  ..  واحد نزل من عربيته وقعد جمبها وهى سرحانه والطرحه كانت على بندق مش باين للشاب 
الشاب : كل دى تنهيده
سكره لفت بصتله بإستنكار وقامت مره واحده الشاب أتجرء وبيمد إيده يمسكها بعدت او تقريبا كدا جريت وهى بيجرى وراها  .. بقولك إيه ها ادفعلك فى الليله إلا مدفعتوش لواحده قبلك
سكره شهقت جااامد بس فضلت ماتردش وطارت بمعنى الكلمه رجع ركب عربيته وفضل ماشى جمب الرصيف ويكلمها وهى ولا هى هنااا  ماشيه تدعى ربنا ومن خوفها مش مركزه أبدا .. الشاب زهق ومشى بعربيته وهى وصلت البيت ركبها بتخبط فى بعض
زنوبه : يا أهلا يا أهلا بست الحسن والدلال ما لسا بدرى يا سكره
سكره : مش عايزا أقولك يا زنوبه كان فى ضعط شغل إنهارده إنما إيه حطت إيد على ضهرها يلوح الصراحه
زنوبه : هو فى لوحه أكتر من إلا شايفها منك ومن أبوكى
سكره : ههههه زنوبه
زنوبه أبتسمت :نعم
سكره : خدى جبتلك الشيكولاته إلا بتحبيها أهه يا ستى
زنوبه : هاتى ياما جاب الغراب أنتى وأبوكى غرابين البين
سكره نطرت إيديها : غراب حدايه .. المهم إنه جاب بابا فين
زنوبه : فى سابع نومه إيدك
سكره بتذمر : أرجوكى اعتبريهم ماجوش إنهارده عايزا أجيب بلوزه
زنوبه : إيدك يا سكر بطلى سهوكه عايزين مم وأبوكى ما بيطلعش الجنيه ياختى .. بصى انا ها اديكى حتت بلوزه من عندى إنما إيه هاتاكل من جسمك حته  هاترسمك رسم
سكره بتفكير وطيبه  : هاترسمنى بجد
زنوبه بتمتيقه :  غلاوة بندق داهون عندى لترسمك
سكره تنحت : أنتى بتحبى بندق
زنوبه وهى ماشيه : ولا بطيقه يقطعه قطعلى الخلف عامل زى الأهبل يظهر فجأه ويختفى فجأه ملبوس البعيد
سكره : هههههههه كدا أنا عرفت ها ألبس إيه وطلعت الفلوس وسلمت أمرها لله وأدتهالها هى عارفه إنها مش هاتطول جنيه .. دخلت جابت لها البلوزه ونطرتها فى وشها ودخلت الأوضه تانى .  بلوزه أستايل قديم جدا جدا جدا وطويله عليها وكبيره  .. سكره بعد ما دخلت الأوضه قعدت وفضلت باصه للبلوزه مش عارفه تعمل إيه لبست البلوزه تانى وفضلت تلف بيها قدام بندق .. ها حلوه اصل مفيش قدامى غيرها حاجتى دابت قوووى .. تفتكر زنوبه بتحبنى ساعات أحس إنها بتحبنى وساعات أحس إنها مش طيقانى يا بندق بص ها ألبسها وخلاص كأنها بلوزه واسعه وأستيل وكدا  وها البس الحزام الأبيض بتاعى يلمها شويه ماشى
بندق هز راسه وراح لأخر السرير ونام على المخده وسكره نامت جمبه من غير أكل  عيونها على بندق ما بتتحركش وكأنها بتفكر تفكير عميق وكبير جدا : بندق عمرك حسيت إنك مشتاق لحاجه مش موجوده ولا عمرك شفتها .. بتمشى إيديها على وشه .. أنا كدا يابندق مشتاقه قوووى للخروج والسفر عايزا ألف بلاد الدنيا كلها تفتكر ممكن يحصل فى يوم من الأيام .. أبتسمت لما بندق هز راسه ..أنا إحساسى زيك ممكن إن شاء الله .. أول حاجه عايزا أسافر لها إيه .. ها أقولك يا سيدى .. بدعى يابندوقتى أعمل حج وعمره الأول نفسى وأقف قدام الكعبه الشريفه وأشتكى لربنا على كل حاجه من وأنا صغيره لحد دلوقت ها أشتكيله كل أم وأب لما بينفصلو ويبهدلو عيالهم فى النص ويدفعوهم فاتوره مش بتاعتهم لمجرد إنه شئ كان رابطهم فى يوم من الايام .. اتنهدت تنهيدت حزن وبصتله ملس على وشها كأنه بيقولها معلش   ..  شدته فى حضنها كانت هاتفعصه من حماس فرحتها .. وأنت كمان باندووووق يا خلاااثى على الجميل إلا بيحب ربنا هاتروح معايا صح هاتلف الدنيااا وأنت فى حضنى  ..عم الهدوووء فى لحظتها ونااامت هى ونصها التانى  وصديقها المفضل عن البشر بندق  ..
مر أسبوع وتقريبا حياة سكره زى ماهى لا جديد .. وهى قاعده فى المحل لقت فتحى قاعد فى جمب بيعيط قربت منه وبالهفه : مالك يا عمو بس
فتحى : مدايق قوووى يا سكره
سكره أتنهدت وقعدت جمبه : مادايقش نفسك كل شئ له حل
فتحى شال النضاره وبيمسح دموعه وحطها تانى : إلا  الا أنا فيه قعدنا أنا وأمه نستنى على أمل النزول زى ما وعدنى وطرت على البيت كنت طاير من الفرحه الأرض مش سايعينى وأنا رايح أشوفه وأملى نظرى ودموعه نزلت تااانى  وضرب كف على كف .. بس خلاص مفيش بردو إظاهر إتكتب عليا أنا وأمه نعيش على امل رجوعه
سكره أبتسمت وبتحاول تهون عليه : أكيد فى حاجه كبيره منعته يجى ماتزعلش منه وأدعيلو رفعت إيديها لفوق .. يارب يارب يجى وتفرح بوجوده
فتحى بيهز إيده : مؤتمر طبى  .. ماجاش ولانزل عشان مؤتمر طبى هو المؤتمر أهم مننا سنين طويله أستكتر علينا يومين نشوفه ويشوفنا نضمه ياله ربنا معاااه
سكره : يارب .. عارف ياعمو فتحى أنا لو مكان إبنك كان ممكن ما أرجعش هنا تانى ولا افكر حتى اقعد فى البلد دى دقيقه واحده
فتحى : حتى أنتى كمان يا سكره
سكره بوجع : اااه نفسى أمشى وألف الكون كله أنا وبندق صديقى وحبيبى ومؤنسى
فتحى : كل دا لبندق
سكره بنظرة محبه حقيقيه : مليش غير ربنا سبحانه وتعالى  ياعم فتحى ثم بندق  فى الدنيا دى لا صديق ولا حد وكأن الوحده صحبتى وملازمانى بس ربنا بعتلى بندق عشان ما اموتش من القهره بجد
فتحى : ونعمه بالله ربنا يصلح حالك ويسعدك ويرزقك با إلا يكون سند بجد ويرزقك منه بالذريه الصالحه .. بص لبندق وأنت كمان يا سى بندق تتجوز وتحب مراتك
بندق نط على الكرسى وبعدين على البترينه وخد ورده أحمد حاططها فى الكوبايه ونزل راح لسكره بيدهلها
سكره وفتحى : هههههههه .. حبيبى يا بندوقه تسلم إيدك بتحبنى
هز راسه بالإجابه وكانت اااه
فتحى : ههههههه الله يجبر بخاطرك دانت طلعت بتفهم أهوووو
سكره قعدته على رجلها : إمال إيه أمسك ياعمو أمسك وناولته بندق وقامت أستقبلت الزبونه وقفت تبيع لها وبعد وقت خلصت أخيراااااا
أحمد : اتفضل يا عم فتحى اللحمه مؤنس جابها ليك ومشى من برا
فتحى : ياااه دانا نسيت زمان أم محمد بتدعى عليا روح وديها يا أحمد
أحمد : سامح باعتنى البنك ولازم الحقه قبل ما يقفل يادوب  دلوقتى خلى سكره
سكره : هات انا ها أوديها
فتحى : ها اتعبك يا بنتى
سكره : ولا يهمك ياعمو وخدت اللحمه وبندق نط على كتفها شالته ومشيت وصلت عند بيت فتحى وبتفكير .. كان هو دا البيت صح افتكرى يا سكره  .. بسسسس بسسس
طفل : نعم عايزا إيه
سكره : هو دا بيت عمو فتحى
الطفل : أبو الدكتور
سكره : أيوا
الطفل : أيوا الدور التانى وسابها ومشى وهى طلعت على فوق .. لسا بتخبط لقت الباب اتفتح .. شهقت بخضه .. بسم الله .. طنط أم محمد .. خبطت تانى مفيش رد دخلت بشويش خافت تكون مراته جرالها حاجه بتبص بعيونها مفيش حد خالص .. حطت اللحمه على الترابيزه ولسا هاتخرج رجعت تانى  راحه على باب الأوضه بتفتحها اتفاجئت بشخص فى وشها ومن خضتها صرخت جااامد وبندق نط على الشخص دا وسكره قفلت الباب بسرعه عليهم وطالعه تجرى وصلت لباب الشقه افتكرت بندق رجعت تانى فتحت الباب لقت بندق بيجرى ورا الشخص وهو طاير من خوفه عشان مش عارف او ملحقش يشوف إيه بيجرى وراه ..  صفرت وبصوت مسموع .. بندق تعالى
بندق راح عليها وشالته وطارت من قدامه نزلت جررررى
الشخص بنهجه واقف متنح مصدوم مسبهل : إيه دا فى إيه فى حاجات كانت بتجرى هنا دلوقت وإلا تهيئات
سكره بقى خدت الطريق فى ثانيه وصلت بنهجه : إلحق .. وتنهج وتشاور على برا وفتحى اتخض .. إلحق ياعمو فى حرامى عندكم شكله قشقش البيت بس بندق ما سابهوش علمه الأدب كان قرب خلاص يخلص عليه
فتحى : حرامى .. سهير جرالها حاجه
سكره تنحت وهزت راسها : سهير مين
فتحى : مراتى يا سكر اوعى من قدامى اروح اشوف فى إيه خلى بالك على المحل
سكره قعدت وحطت إيديها على صدرها وبنهجه : حاضر ياعمو وبتعلى صوتها .. امسكه وتعالى بسرعه ماتضربوش بندق ضربه قتله ضرب حتى عضه من قفاااه يستاهل ماهو قفاه منور فى الضلمه
فتحى طار راح على البيت وطلع وهو بينهج دخل هجم لقى واحد واقف مديلو ضهره بيقرب عليه ومسك المقشه ورفعها  وطررراخ
🖐🖐 باااى يا حلوياتى حتى الحلقه القادمه إن شاء الله

****************
بقلم : لبنى طارق
****************
تصويت ورأيكم يا حبايبى يا حلويات