سكره

سكره ٤٦

سكره ٤٦
********
اللهم اجبر كسر قلبي، جبراً يتعجب منه أهل السماوات والأرض، جبرا يليق بكرمك، وعظمتك، وقدرتك، يا رب.
يا رب، أدعوك بعزتك وجلالك، أن لا تصعّب لي حاجة، ولا تعظم علي أمراً، ولا تحنِ لي قامة،
ولا تفضح لي سراً، ولا تكسر لي ظهراً.
اللهم فوضتك أمري كله، فجمّله خيرا بما شئت، واجعلني يا رب ممن نظرت إليه فرحمته، وسمعت دعاءه فأجبته.
اللهم يا كريم يا ذا الرحمة الواسعة، يا مطّلعاً على السرائر والضمائر والهواجس والخواطر،
لا يعزب عنك شيء، أسألك فيضة من فيضان فضلك، وقبضة من نور سلطانك، وأنساً وفرجاً من بحر كرمك،
أنت بيدك الأمر كله ومقاليد كلّ شيء، فهب لنا ما تقر به أعيننا، وتغنينا عن سؤال غيرك، فإنك واسع الكرم،
كثير الجود، حسن الشيم، في بابك واقفون، ولجودك الواسع المعروف منتظرون يا كريم يا رحيم.
اللهم صل وسلم وبارك على سيدنا محمد وعلى آله وصحبه أجمعين

❤❤❤❤🧡🧡🧡🧡💛💛💛💚💚💚💙💙💙💜
زنوبه نزلت براسها وبقت تشد وتطلع كيس مربوط فى كيس وهكذا أتكلمت بذهول : يا لهوك يا زنونه إيه دا كله طاقة القدر اتفتحتلك يا زانبنب .. وتضحك ..  طلعت كذا كيس مربوطين فى بعض كتيييير جدا ونزلت برسها تشووف فى تانى وهى تحت الدولاب .  ها أشوفكم أزاى الدنيا ضلمه ... زعقت .. أنتو شايفنى . ما تقلقوش يا حبايبى ها أطلعكم وهى بتطلع راسها اتخبطت .. اااه .. خلى بالك على روحك هناك أروح تحتاجلك يابت يا زنوبه هناك سعد .. وبقت تضحك أكتر  وتفضى كيس ورا كيس ..وتطلع الفلوس عند وشها وهى قاعده وبعقل أوشك على الجنون .. كل دى فلوس .. كنز على بابا فى الأوضه وأنا ماعرفش حطتهم تانى على التانين وبتبص عليهم ببتسامه واسعه معقول بعد سنين وسنين ضنك وبخل وعيشه صاعبه هاتعيشى يازنوبه وتصرفى .. ضمت حواجبها .. بس بتوع مين معقول النجار إلا عمل الأوضه خبى الكنز دهون ومااات .. بتهز صباعها .. توء توء توء .. لايمكن يبقى بخيل وإيحه زى زيد .. شهقت وبرقت ورددت الكلمه .. زيد هو زيد مفيش غيره .. سنين وهو ماعهوش .. سنين بيرمى لنا الملاليم وعايشين على  لحس صوابعنااا .. سنين يازيد وأنت بتربى الخميره بس ربنا اراد محدش يتمتع بيها غير إلا أتحرم منها .. إبنى إلا بيلطش فى الدنيا والدنيا بتطلش فيه وأناااا .. بتبص على جلبيتها .. أنا وشكلى وجسمى ووشى إلا عجز من الهم .. شالتهم ضمتهم .. أنا لازم أشيلهم ومحدش يعرف بيهم ... الأبتسامه ظهرت على وشها تااانى .. خلاص يا زنوبه هاتعيشى حياتك خلاص .. وبقت تعبى الفلوس فى حجرها وتلم الجلبيه على بعض وقااامت بقت تتنطط كل دى فلوس يا حلاوه دا يجيلهم دشليون جنيه .. وإلا تربليون وإلا حاجه .. حطت الفلوس فى الأرض وشالت المرتبه بتاعت السرير وفضلت ترص ترص ترص لحد ما رصتهم كلهم شالت رزمه منها ونزلت المرتبه ظبطتها وحطت الملايه تااانى ونطت على السرير بفرحه .. فارده إيديها على وسعها وبتتمرمغ علييبه بفرحه .. خليكو فى حضنى أتحرمت منكم ياما  وأن الأوان نكون فى حضن بعض .. اه يازيد منك لله معاك دا كله ومقرطها علينااا بس ياله أهو أنت خدت إلا تستحقه وإحنا كمان هاناخد إلا نستحقه
***
شيرى راحه جايه راحه جااايه جوا الفيلا لاحظت تغير على عصمت وإنه بدء يتحسن وعلى الاقل بقى يتكلم من اللحظه الا خرج من الأوضه منها وبدء ياخد علاج أسررر وهو نوعا ما بيتحسن ببطئ جدااا .. مسكت فونها أتصلت على محمد
محمد أول ما سمع صوتها : نعم جبتى رقمى دا منين
شيرى : من مامتك يا محمد وبعدين إنت فاكر إن صعب اجيب رقمك
محمد : لا أزاى صعب على شيرى هانم .. أفندم
شيرى : كنت محتاجه رقم الدكتور الا أنت جبته
محمد : ماهو على الروشته عندك يا ذكيه
شيرى بنرفزه : بتصل على الرقم الموجود على الروشته مغلق كل ما أتصل مغلق عايزا رقمه الخاص إلا أنت بتكلمه عليه
محمد أتنهد : ثانيه ها اطلعلك الرقم
شيرى ومحمد ساكت تماما بيطلع فى الرقم قالت بتردد  : هى مليكه عامله إيه
محمد رفع حاجب وبإستغراب : مليكه هو أنتى لسا فاكره مليكه
شيرى : اه فاكره مليكه إلا انت بعدتها عنى وهربت بيها ورمتها فى حضن واحده غريبه فاكراها يامحمد .. وبعدين كنا بنخرج انا وهى ماكنتش بسمع الكلام دا منك ليييه
محمد : بتخرجى كل سنه مره وأنا بتحايل عليكى .. ارجوكى يا شيرى .. بليز يا شيرى .. البنت .. خرجيها .  قربى منها ..وبنبره حاده .. فاكره  ..  بقولك إيه خدى الرقم وأنسى إن ليكى بنت اريح لها وليكى
شيرى بعصبيه : أحسن بردو أنت فاكر إنك هاتذلنى بيها هات الرقم أنا مابقتش اطيق أتكلم معاك
محمد كتم غيظه وقفل فى وشها وهو بيقول : إبقى هاتيه بمعرفتك
شيرى بغل كبير صرخت ورمت الفون جااامد كسرته ؛ غبى ومتخلف  هو فاكر نفسه إيه ولا حاجه أنت يا محمد ولا حاجه
زاهده : شيرى هانم براحه على نفسك يجرالك حاجه
شيرى بصتلها بغيظ : أنتى مالك وإيه دخلك غورى من هنا
زاهده بزعل : بعد إذنك يا هانم 
شيرى بقرف : مبقاش غير شوية حشرات هاتدخل فى حياتى .. طلعت فوق أتفاجئت بعصمت واقف على الترابزين ولابس وملاك سانده ضمت حواجبها ..رايح فين يا بابى
عصمت بتقل نوعا مااا : فى مشوار لازم اروحه ضرورى
شيرى : اوكى نروح مع بعض
عصمت بإعتراض : لاء خليكى أنتى
شيرى بإعتراض اكبر : نوووو .. لازم أروح معاك وبعدين كدا كدا هانعدى على الدكتور إلا بسببه أتحسنت العنوان على الروشته .. أنت مش شايف حالتك
عصمت هز راسه ؛ مش مهم أى حد المهم أروح المشوار 
شيرى هزت راسها وإيديها : أوكى هانروح .. انا داخله اغير وجيالك حالا  .. دخلت جرى وهى بتفكر يا ترى مشوار إيه دا .. طلعت بعد ما خلصت لبس  كان ملاك نزل عصمت وقعده فى عربية شيرى .. ركبت هى وبتسوق بنفسها  .. ها تحب تروح فين او مشوار إيه عرفنى
عصمت بدون كلام كتير : على طول يا شيرى لحد ما أقولك على المكان إلا هاتروحى فيييه
شير ى : اوكيه    بتنفذ رغبته لحد ما تشوف إيه المشوار الضرورى الا اصر يروحه فى عز تعبه أو بمعنى اصح بمجرد ما شم نفسه شويه .. ها مش هاتقولى رايح لمين
عصمت سكت وبص للطريق ورجع بصلها وقالها وهو متردد : لعمك
شيرى فرملت العربيه مره واحده وعصمت من ضعف صحته  اتخبط فى طبلوه العربيه جامد ..  قالت بصوت عالى : what .. are you crazy ..
عصمت بصلها بعد الخبطه دى حتى ما فكرتش تشوف راسه حصل  لها إيه وبتتهمه بالجنون كمان شال إيده من على راسه ونزلها لقائها كلها دم
شيرى لفت وشها ونفخت  ورجعت بصتله تانى : I'm sorry ..شالت كذا منديل وحطتهم على أورته ومسحت إيده .. أتكلمت بجديه شديده ..  أنا مليش اعمام .. أكيد أنت تعبان ولازم ترتاح
عصمت بإصرار : ليكى ولازم تعرفيه وتشوفيه كمااان مش ها ينفع أخبى عليكى أكتر من كدا
شيرى رفعت راسها لفوووق : أرجوك دادى بليزززز خلينا نروح انا متاكده إنك محتاج ترتاح
عصمت بعصبيه وتعب : مش قبل ما أروحله الأول لازم تشوفيه وتعرفى مين لازم أروح له
شيرى بالامبالاه : ليييه لازم ليييه أنا بقولك مش عايزا أعرفه .  انت خبيت سنين إن ليك اخ خلاص أردمه زى ما بتقولو هنا فى مصر ونخلص .. بابى أنا ماعنديش أى أستعداد إنك تتنازل عن جنيه واحد لأى حد حتى لو ليك أخ فعلا .. ورفعت إيديها الاتنبن وبتهز راسها .. وطبعا أشك فى دا .. دورت العربيه .. يدوب نلحق الدكتور إلا جايبه محمد عشان لازم يشوفك وبعدين نروح
عصمت سند راسه بخيبة أمل وتعب شديد .. جسمنيااا خلاص هو مش قادر يناهد ولا يزعق ولا يفرض رأيه .. لازم يستسلم فى الوقت الحالى .. لازم يرفع الرايه لحين إشعار أخر ..وصلت العياده بتاعت أسر وبصت على المكان قبل ما تطلع فوووق .. طلعت على السلم واتكلمت مع نفسها : أوف ازاى الناس دى عايشه من غير أسانسيرررر .. قطه عدت من جمبها صرخت براحه ورفعت رجليها .. ياى قطه جربانه بتاعت شوارع .. اتعدلت وشدت جسمها .. شبه مراته لايقه عليه جداااا  .. قربت ودخلت من الباب لما قرت الأسم وقفت قدام البنت إلا بتستقبل الحالات وشاورت بصباعها .  أنتى 
البنت شاورت على نفسها : أنا
شيرى بتأكيد : أيوا انتى هو فى غيرك هنااا أدخلى قولى للدكتور إن شيرى عصمت برااا عشان مستعجله
البنت قامت بإستغراب قالت يمكن تكون قريبته وبلغته
اسر بيدعك وشه وبيشرب قهوووه نطر صباعه : خليها برا ما تدخليهاش غير فى دورها وخدى منها الكشف
البنت : حاضر يا دكتور وطلعت بصت لشيرى الكشف ٤٥٠ يا فندم ودورك بعد الأستاذ وشاورت على واحد قاعد
شيرى قربت : نعم انتى مجنونه .. أنا استنى دور .. قلبت شفتها .. وكشف إيه يا متخلفه الا بتقولى عليه دانا اشترى العياده با إلا فيها وسابتها وداخله على اسر
البنت جريت وراها : يافندم عيب كدا لازم تستنى دورك وبتمسكها من دراعها
شيرى زقت إيديها : إيدك من على الجاكت دا بتمن البيت إلا انتى ساكنه فيه يا غبيه وزقت الباب ودخلت
أسر قاعد متوقع جدا إلا حصل خصوصا إن شيرى عندها كبرياااء وكبر كبييير والأنا عندها عاليه فوووق الكل الممرضه بصت لأسر واتكلمت وهى محموقه هاتعيط : دخلت غصب عنى وغلطت فيا يا دكتور
أسر قااام وقف وبصلها : هى مش قالتلك أدفعى الكشف وأستنى دورك
شيرى بصتله بشر : أنت ازاى تتكلم معايا بالأسلوب دا
اسر : قبل ما تتكلمى على اسلوبى شوفى اسلوبك .. حضرتك انا ما بتعاملش مع بلطجيه دى عياده محترمه ولها نظام مش هاتحترمى النظام شوفى دكتور تانى غيرى
شيرى بصتله بتكبر : أنت فاكر نفسك مين عشان تكلمنى كدا أنا شيرى عصمت إلا الكل بيعمل لها الف حساب
باسل قرب عليها فى تحدى : يبقى تروحى للبيعملولك حساب أنتى غلطى فى العنوان .. شاور على برا .  أتفضلى
شيرى برقت وشهقت : بتطردنى
باسل بتأكيد : أيوا بتطردك أتفضلى برا فى ناس تعبانه محتاجه تدخل كشفها مش فاضين لأمثالك
شيرى شهقت اكتر : أمثالى .. همست .. أنت أكيد مش طبيعى عشان تكلمنى بالأسلوب دا وهاتدفع تمن طريقتك معاياااا بالغالى قوى يا .. لفت وهى بصاله بنص عين .. دوك ومشيت من قدامه
أسر شاور : أتفضلى يا منى ما تزعليش دى واحده سايكو
منى ابتسمت من كلمته : فعلا شكلها مش طبيعى
أسر دخل قعد على مكتبه وانتظر الحاله تدخل وبعت رساله واتس  لمحمد إيموجى ماسك راسه
محمد بعتله رساله : يبقى وصلت
أسر بتأكيد : أيوا
محمد : ربنا معاك
اسر : يارب
شيرى نزلت ركبت العربيه ورزعت الباب وبتتكلم بشر ووشها بيطلع نار : أنا يقولى كشف وأستنى دورك ويطردنى .  أنا .. أكيد دا مش طبيعى عشان يعمل عملته دى معايا .  فاكرنى إيه زى الجرابيع إلا فوق أبو ٤٥٠ .. دول تبس لأى حد من أمثاله هو  .. بصت جمبها ما لقتش عصمت فى العربيه .. اتلفتت حواليها بخوووف ونزلت من العربيه بقت تجرى يمين وشمال بس بح فص ملح وداب .. نسيت كل حاجه وطلعت جررررى على فوق دخلت هجم على اسر وقبل ما يتكلم مسكت فيه وبرعب : إلحقنى بابى مش لاقياااه أختفى وبدئت تعيط
المريض إلا معاه أتخض وبقى قاعد فى جمب متكوم كأن حد ها يخطفه
أسر : هو بابكى  كان معاكى
شيرى بتاكيد : أيوا سيبته تحت فى العربيه وحضرتك طردتنى ... أكيد بابى اتخطف أنت مش شايف المكان الا سيتك عامل فيه عياده شكلهم بلطجيه
أسر شاور : اطلعى برا روحى دورى على ابوكى بمعرفتك البلطجيه ما بيساعدوش حد
شيرى بصتله وتنحت ودموعها نازله : بجد ها ادفعك تمن الا بتعمله وسابته ونزلت تانى .. قعدت فى العربيه بتعيط .  جابت الفون التانى بتاعها  وأتصلت على محمد ماردش عليها تماما عشان عرف ان هى .. متوتره وبتهز رجليها هى ما لحقتش تعمل أى علاقات فى مصر ولا أبوها يعرفها على حد من اللحظه إلا وصلت فيها وهى مشغوله با إلا بيحصل لعصمت وبس لا عرفها على المحامى بتاعه فى مصر ولا  أى حد من علاقاته الكبيره والواسعه بالتأكيد   .. بتبص جمبها لقت أسر واقف وباصص لها .. أنزلى
شيرى مسحت دموعها : ليييه عايز إيه
أسر : عايزا أبوكى وإلا هاتفتحى محضر أنزلى ها اسوق العربيه عشان اشوفه فييين
شيرى : طب ما اسوق انااا
أسر شاور على نفسه : انا راجل متسلط ما احبش اقعد جمب واحده ست وهى إلا تسوق .  يا تتفضلى يا أطلع
شيرى بصتله بصه غريبه واستغربت شخصيته القويه جداا وثقته فى نفسه .. نزلت وركبت جمبه وهو طلع بالعربيه .. سئل كذا حد بعد ما قالت له هو لابس أيه وناس قالوله على شارع مشى منه
شيرى بعياط : تفتكر هانلاقيه
أسر : هاتلاقيه ان شاء الله هو مش صغير للخطف وبعدين بيمشى بصعوبه فلو مشى من هنا يبقى اكيد لسا فى الشارع ماطلعش على العمومى برا
شيرى بصت يمين  وشمااال واسر مكمل الشارع .. شاورت بحماس وفرحه .. بابى قاعد أهووو
اسر وقف ونزل لعصمت
وهى نزلت جرررى : بابى أزاى تقعد هنااا أنت شايف قاعد فين
أسر لف وشه بصلها وتنح : هو دا الا يفرق معاكى كان مخطوف من شويه وبتعيطى عشان تلاقيه .. بيقومه عشان يركبه العربيه لاحظ إنه رافض يقوم
شيرى بعصبيه : يابابى قوم انت ازاى مستحمل تقعد هنا
عصمت بقى شبه الاطفال الا عايزا تحقق رغبتها بالعياط مفيش فى إيديها غير كدا : لا عايز اروح لاخويااا
اسر بصلها بأستغراب : ماتوديه لأخوه دانتى غريبه
شيرى بتقوم عصمت وبصت لأسر : اسكت انت
اسر بصلها بغيظ : طيب تمام ابوكى عندك ومفاتيح عربيتك فى العربيه وما اشوفش وشك تانى وسايبها  وماشى
شيرى سابت عصمت وجريت وراه مسكته : سورى يا دكتور نسسسيت اصل بابى بيخرف
أسر بهدوء او بيتظاهر بالبرود : مش ها يخرف اكتر من تخريف بنته  هز راسه وأبتسم .. يومك سعيد يا هانم وسابها ومشى بردو
شيرى ضربت إيديها فى الهوا : يومك مقندل .. ال يومك سعيد فين السعاده هااا فين .. رجعت بصت لعصمت وزعقت له . حلو كدا قوم معايا وبتقومه ركبت العربيه وكملت الشارع طلعت برا على العمومى وكملت للفيلا  وعصمت شايف تحكمه وقسوته على أبوه فى كل فعل شيرى بتعمله تجاهه ..
***
محمد قاعد بيكلم اسر  وبيفهم منه إيه حصل معاها اتكلم بإستغراب : اخوه مين انا عمرى ما سمعت إن له أخ اصلاااا .. نطر راسه .. مش مهم المهم انهم كويسين ومشيو بخير .  لا مع ألف سلامه
سكره قربت منه عامله فشار قعدت جنبه ومحمد باصص لها وسرحان فى دنيا تانيه خالص .. زقته : فى إيه مالك واخو مين
محمد بصلها : هااا .. لا ولا حاجه .  هاتى خد الطبق بتاعه من إيديها .. فين مليكه
سكره : قاعده جوا هى وبندق بيخبو الفشار الا خدوه بنتك اتجننت بقت بتخبى الاكل زى بندق
محمد اتعدل بصلها : وحضرتك مستنيه إيه مش بعيد بعد كدا الاقيها بتنط فى الشقه زيه مره اجيبها من النجفه ومره من فوق الدولاب
سكره : هههههههه لا يا حبيبى ما تقلقش انا مش رامياها لبندق للدرجه دى وبعدين حضرتك انا كمان بخبى معاهم عشان اعرف هما بيخبو فين واشيله وبتشاور على مخها إنها بتفهم يعنى
محمد ابتسم : متجوز نبغه .. متجوز طلائع المستقبل  .. لف وشه   بياكل الفشااار وساكت
سكره : محمد أنت ما سألتش على بابا
محمد بصلها وبجديه : يوميا بسئل عليه .. يوميااا .. شكله سابكم بمزاجه ملهاش تفسير تانى
سكره اتنهدت : طيب نطمن انه بخير على الاقل
محمد مط شفايفه : أتمنى يكون كويس وتتطمنو عليييه وصدقينى لو عرفت أى حاجه انتى أول حد ها أبلغه
سكره اتنهدت : يارب طمنى انا جوايا قلق ونار مش هاتهدى غير لما أسمع انه بخيرررر
محمد أبتسم ومسك خدها : ربنا يكملك بعقلك .. بقولك إيه
سكره : نعم
محمد : ياريت تتلمى وتتهدى عشان إلا فى بطنك وماتقعديش تتنططى من هنا لهنااا ممكن
سكره تنحت وبصلته : هو انا بروح فين اصلاااا
محمد مسكها من قبتها شدها عليه : لسا جايه من عند مين من شويه
سكره هزت راسها ؛ مها طبعا
محمد : وإمبارح كنتى فين
سكره هزت راسها تانى :  عند يونس وزنوبه
محمد  : وأول
سكره : بتفسح إيه ما اتفسحش أموت من الخنقه والضغط النفسى أنا بشر على فكره
محمد هز راسه : مش كل البشر كل يوم فى الشارع ولا كل يوم بيزورو اهاليهم ولا كل يوم بيتنططو من هنا لهنااا أتلمى ياسكر وبيشدها جااامد .. أتعدل وساب إلا فى إيده وزعق .. وبعدين رايح بمليكه الملاهى من جبروتك عايزا تركبى معاها أنتى فى بطنك عايز افهم
سكره اتعصبت : يعنى تلعب لوحدها أما انت غريب لو سيبتها تقولى سايبها ولو لعبت معاها  تقولى بتلعبى عندك أتفصام يا محمد
محمد من تحت سنانه : يا سكر إعقلى أنتى كبرتى
سكره بتنزل إيده : ما اسمحلكش انا جوايا عيله اعيل من عيال الشارع على فكره تصدق نفسى انزل الشارع واحدف الناس بالطوووب
محمد جز على شفايفه ورفع إيده لفوووق وهى خبت راسها .. بصتله بنص عين :  هاتضورب
محمد زقها : قومى من هنا منك لله
سكره لزقت فيه اكتر : مش قايمه انا محدش يقومنى
محمد زقها : روحى يا ماما العبى مع مليكه وبندق هما مستنين على نار اصلا بيقولو الهبله التالته ماجتش ليه لدلوقت
سكره : ههههههههه مش هتتعرف تدايقنى ومش ها اقوووم .. بقولك يا حموووو
محمد : حمو .. حسبى الله ونعمه الوكيل .. نعم يامرات حمو
سكره : أممممم .. مش هاتقولى عملت إيه مع مامتك وإخواتك كل ما أسئل عمو فتحى يقولى ماعرفش هو أنت مخبى ليييه بتدارى ليييه عيب تخبى عن مراتك
محمد ابتسم : خليكى على نار يا سكررر دانا ها اطلعه على جتتك
سكره بدلع بتلعب فى التيشرت بتاعه وكل ما تمسكه يزق إيديها : طب ليه انا حبيبتك ولازم اعرف مش يمكن شتمتنى فى غيابى اسامحك ازاى دلوقت وانا ماعرفش بذمتك
محمد ضحك بصوت عالى : لا ما تقلقيش شتمتك
سكره ضحكت : بجد طب قول بقى إحكيلى بسرعه عشان اسامحك
محمد قام وبصلها من فوق لتحت وسابها ودخل الاوضه
سكره بتغلى : انا متجوزه ديب تصدق والله مانا سيباك غير لما اعرف
محمد دخل نام على السرير وبيفتكر اليوم دا أد إيه كان صعب وجوا ضغطت نفسى رهيب
فلاش بااااك
***********
وصل عند سهير وهو زعلان جدا من سكر برغم انها اثبتت برأتها قدامه من موضوع السلسله بس جواه كسر منها ومن كتر الحاجات الا بتخبيها عنه هو ما يستاهلش منها كدا  ..
سهير : أنت شرفت
محمد غمض عيونه ورجع بصلها : ماما ها تتكلمى معايا كويس ها أسمعك ها تزعقى وتدايقينى ها امشى أنا بجد من اليوم الا نزلت فيه وانا مش مرتاح تعبان من عمايلكم كلكم
سهير قربت منه ومسكته : انا امك يا محمد إلا عايزا مصلحتك يا حبيبى اسمعنى وافهمنى
محمد هز راسه : سامعك
سهير : طول الوقت بقولك مراتك دى شكلها مش مظبوط ووراها حاجه  .. بتزعل منى .. انا ها اثبتلك كلامى عشان ماتعارضنيش بعد كدا سابته وجررريت راحت على الترابيزه بتدور مالقتش الصور .. حطت إيديها على راسها تفتكر هى حطتهم فين ومحمد مستغرب منها .. سابته ودخلت الاوضه بتدور على الصور وهو دخل وراها سألها بفضول .. بتدورى على إيه
سهير  : الصور كانت معايا ومش فاكره حطتها فين
محمد ابتسم بسخريه : صور إيه
سهير لفت بصتله : مراتك
محمد ضم حواجبه : يعنى إيه صور مراتى  .. ومراتى مين فيهم إلا لها صور عندك
سهير بنرفزه : سكر هانم  جالى صور لها وهى فى دبى مع واحد وبنتك معاها وحاضنه واحد فى الصوره
محمد بصدمه بس إتظاهر  بالبرود  :  ومين يا حبيبتى جابلك صور لسكر من دبى لحد هنااا
سهير بعصبيه أكبر : هو دا كل همك يامحمد بقولك مراتك فى حضن واحد غريب تقولى مين جابلك الصور البنت دى لازم تطلقها وتخلص منها أنت فاهم
محمد بحده  : على أى أساس بقى قوليلى ياماما مايمكن ظالمها اطلقها وخلاص رغبه عندك ولازم تتحقق ..ورينى الصور إلا هاتقلب دماغنا إحنا مش هانخلص 
سهير بحيره : ماعرفش راحو فين ها الاقيهم واجبهملك فاهم
محمد بصلها واتكلم بمكر  : بس مين مهتم يعرفك ان مراتى ماشاء بتخونى ومش عايز يعرفنى انا شخصيا للدرجه دى خايف على مشاعرى  .. اوعى يكون الا فى بالى أصل لو هى قوليلها تبل الصور وتشرب ميتها 
سهير بحمقه : يا سلام للدرجه دى بتبيع الغالى بالرخيص
محمد فهم كلامها  : هى الا باعت الغالى بالرخيص .. هى إلا اتخلت عن جوزها وبنتها ورمتهم فى عز إحتياجهم لها .. هى إلا باعت الحب والعشره وبهدلتنى هى وابوها .. بتدافعى عن شيرى وكانك عارفها .. بتدافعى عنها برغم انها رفضت تنزلكم وتقابلكم وقالت انتو مش مهمين ومش هاتضيع وقتها عشان تعرفكم  ودا من أسباب الخلاف بينى وبينها أو نقطه فى بحر خلافنااا هاااا
سهير هزت راسها : أنت بتقول إيه دى بنت قمه فى الإتيكيت والذوق والادب
محمد ضحك جااامد : شكلها وصلت هنا وطولت فى القاعده معاكى .. قرب منها .  ماما أرجوكى بلاش تدخلى فى حياتى أنا مرتاح كدا ..  ليه مصره تتعبينى ليييه
سهير بحمقه : مش قبل ما أسمع منك هى عملت إيه عشان تفضل عليها  إلا اسمها سكر
محمد قعد وبدء يحكى لها كل حاجه وسهير إدايقت جدا ازاى أكيد ظالمها وبيفترى عليها عشان يخلص من كلامنا وعتابنا عليه  .. قامت جرى جابت هديتها : بص جيبالى إيه وبتقولى دا قليل عليكى .. حتى إخواتك كل واحده جابت لها طقم ولفتحى  بدله ودبوس دهب للكرافته .. أزاى بتتعالى علينا وجايه وجايبه الهدايا دى كلها .. قطعت قلبى لما قالت ان بنتها بعدت عنها بسبب مراتك وأنت بقيت قاسى عليها
محمد مسك الطقم ورماه على الترابيزه ؛ جايه ترشيكى
سهير زعقت : إحترم نفسك انا امك من أمتى والحاجات دى بتفرق عندى من أمتى كل امنيتى فى الحياه اشوفك من أحسن الناس واشوف حد جمبك يشرفك غلطت فى إيه لما بفكر فى أم عيالك تكون ست بمعنى الكلمه
محمد مسك راسه وهزها : غلطى يا ماما غلطى حكمك ظاهرى على الناس .. خليكى فى باطنهم واسمعى منى .  هى وابوها عايزين يدمرو أبنك وبيلعبو عليكو وومكن يلبسو سكر مصيبه لمجرد انها تتخلص منها .. الكلام منها بيطلع سم مفهوش ذوق حتى بنتها ما بتحبهاش ولا كانت تعرف عنها حاجه
سهير بمقاوحه : أنت بتتكلم عن واحده تانيه .  انا عملت لها فنجان قهوه قالتلى عمرى ما دوقت زيه واحسن من إلا زاهده بتعمله لا بتتكبر ولا حاجه وعندها ذوق عالى
محمد بصلها وقلبه وجعه بتقارن امه بالخدامه عندها : أنتى عارفه مين زاهده
سهير : لاء بس اكيد حد مهم عندها
محمد بأسف : بتقارنك بخدامتها .. بتقارنك بواحده متحمله كمية قرف منها محدش يتحمله وساكته عشان أكل عيشها قام وقف .  الحمد لله طلعتى احسن من الخدامه
سهير أتصدمت وسكتت خالص
محمد : عنوانها إيه
سهير بصتله وساكته
محمد : قولى يا ماما عنوانها إيه ماتنزليش من نفسك ومننا اكتر من كدا .. قرب منها وباس إيديها .. انتى وأبويا الدنيا كلها تحت رجليكم رخيصه فى عينى بالله يا أمى بلاش خلى كرامتنا عاليه فوق عمر ما كان الفلوس والهدايا لها قيمه أو اهميه من ناس بتقل من قيمتنا .. او فاكره انها بتمن علينا
سهير جابتله العنوان وهى ساكته دموعها نزلت فى صمت وناولته الهدايا واتصلت على سما وسمر ينزلو الهدايا لمحمد من غير ولا كلمه .  نزل خد فى وشه ما شافش أبوه خالص وجاب الحاجه من إخواته ومشى من غير كلمة عتاب لهم رفضو هدايا سكر الا كانت طايره من الفرح وهى بتجيبهم جابتهم بكل حب كسرو بخاطرها ورفضوها  وقبلو هدايا من واحده بتتعالى عليهم وباصه ليهم من فوووق  .. ساعتها حس بكلام سكر وخجلها إنها ممكن تخبى عليه عمايل أهلها ها يقول لها بأنهى وش أمه لما شافت شيرى سلمت وقالت أمين هى واخواته وطلع عندك حق  من غير ذرة  تفكير منهم   وعيونهم على مبلغ الهديه مش قيمتها أبدا وكمان بيتهموكى فى شرفك شيرى بتلعب على المكشوف دلوقت .. ساب الحاجه فى العربيه كان مقرر يوديهم  لما يعرف إيه حكاية الصور الاول ..  سمع سكر وقطع الصور وادايق سابها ومشى وراح لشيرى طلع كل الهم الا فيه فيها
باااااااك
*******
سكره دخلت لمليكه وبندق قاعده فى الأرض ميته على نفسها من الضحك وبتلعب معاهم ومحمد واقف على الباب باصص عليهم ومبتسم وهمس .. دى فعلا اعيل منهم ..   نط وسهم خضهم وبندق نط على السرير واندمج معاهم وبيشاركهم لحظات عيالى بحت قبل ما يسافر ويسيبهم عايز يقضى كل لحظه وسطهم 
**
بتمر الأيام والوضع ما اختلفش كتير عن السابق بالعكس بقى أهدى ..  زنوبه  مكتمه على الفلوس ومش ظاهر عليها اى حاجه خالص وتقريبا كدا مابقتش تسئل على زيد نهائى   ويونس مستغرب هدوئها وسكوتها وتلاشيها أى كلام ..
**
حاتم  يوميا بيقرب من نورا بينزلو يجيبو إلا ناقص لشقتهم بيتفقو مع بعض على حاجات ها يعملوها بعد الجواز وهكذا .. نورا يوميا بتتخانق معاه على الصلاه وانه ازاى ما بيصلش لما جننته ..  وعايشه حياتها هى وسكر لايف يتكلمو كتير ويحكو عن كل حاجه حلوه او ممكن تدايقهم ..
حازم قاعد قدام نورا فى كافيه وبيهز رجله وباصص لها بصه غريبه 
نورا بتوتر : مالك فى إيه وترتنى
حازم مد إيده لقدام : ها أسألك سؤال وعلى الله تكدبى
نورا كشرت : وأنا من أمتى بكدب نقى ألفاظك لو سمحت
حازم : أتسدى مش قصدى يعنى قولى الصراحه
نورا هزت راسها : ماشى لو كدا ماشى ها عايز تقول إيه
حازم قرب منها : أنتى بتصلى بشعرك إلا شبه مروحة امى دا
نورا هزت راسها : لاء
حازم وشه أتقلب : نعم ياختى أمال لما بتكلمينى بتحسسينى  إنى من كفار قريش وأنتى إمام الجامع .. رفع إيده وبيقلدها  .. ما بتصليش ليييه إيه مانعك تصلى وراك الديون وإلا القصر الجمهورى لاااا انا ماخدش واحد ما بيصلش  ولوك لوك لوك لوك لما ورمتى دماغى وفى الأخر تطلع الأخت على الله حكايتها بكلم بوذا 
نورا اتعدلت وفردت ضهرها : أنا ما أسمحلكش كل الناس إللى  اعرفها بتصلى إلا أنت حتى تريزا صاحبتى لازم تروح الكنيسه وتصلى
حازم : لولولوى يعنى الحمد لله تريزا بتصلى وتعمل إلا عليها وأنتى فى الترواه  مبارك ياست ميمونه بقيتى بنوكيووو بتعامل مع بنوكيو  أعمل فيكى إيه هربتى دماغى بقيت شبه الا عندهم إنفصام
نورا بعياط مصطنع ضربت على صدرها : انا غلطانه عشان عايزاك تدخل الجنه  .. مدت إيديها لقدام  .. عشان لما أمد إيدى تاخدها وندخل الجنه مع بعض دخلنى الجنه ياحازم وخد إيدى 
حازم عيونه على إيديها لما مدتها مسكها كلبش فيها ونورا شدتها ولسعته على إيده جااامد .. أوعى جاتك ضربه مابتصدق
حازم : الله مش انتى إلا بتتحايلى عليا وماده إيدك أكسفها عايز أدخلك الجنه غلطت
نورا : دا مجازا بشرح يا أستاذ متحرش
حازم نطر إيده بزهق وهو بيقول أوووف ورجع ضهره لورا
نورا : وبعدين جنة إيه الا هاتاخدنى لها هااا
حازم أتعدل وأبتسم : جنتى ياقمر جنة حبنااا وعشقنااا بذمتك غلطان
نورا لوت شفتها : أكبر نصاب شفته فى حياتى مابيصدق  .. زومى
حازم ابتسم  : قلب زومى
نورا قامت : قوم خلينا نروح انا زهقت أوووف وسابته ومشيت
حازم قام جرى وراها أفتكر الحساب راح حاسب وطلع وراها فى الشارع : خدى يا شيخه انا عرفت مابتصليش لييييه
نورا ربعت إيديها وبصت له : ليه بقى إن شاء الله
حازم : ملبوسه من عفريت خلقه ديق ربنا ينتقم منه مبوظ كل خططتى وكل خروجه
نورا : ههههه بس انا بحاول اصلى وانتظم انت بقى ربنا يهديك
حازم هز راسه : يارب  ان شاء الله نصلى وننتظم ..
حازم بجديه : نورا انتى عايزا فرح وكدا
نورا بنفى : لا يا حازم حاجه صغيره لينا وللاصدقاء إحنا هنا مين ها يجيلنا أصلااا وفر فلوسك لحاجه أهم
حازم ابتسم : لو عايزا دبى كلها تحضر فرحك قوليلى وأنا سداد
نورا بصتله : أزاى بقى
حازم : هو حتت إعلان على الفيس بوك وكل الحبايب والمغتربين هاتحضر فرحنااا إيه رايك
نورا : هههههههه لا عارف الا نفسى تحضره وتكون معانا مين
حازم : مين
نورا : صفيه هاتها يا حازم نفسى اشوفها قدامى ونفسى تفرحها بجد
حازم بتاكيد : هايحصل ان شاء الله كدا كدا مش ها أسيبها تعيش لوحدها تانى كفايه عليها كدا
نورا بإرتياح : ياريت
***
عصمت واقف فى الفيلا  قدام واحد باصصله بكره وغل واتنين واقفين جمبه من اليمين والشمال  وشيرى نازله من فوق بتحجز تذاكر  الطيران عايزا تسافر مابقتش طايقه تقعد فى مصر الفون وقع منها لما سمعت أبوها بيتكلم ووقعت على السلم مغمى عليها  والكل انتبه لها
❤❤🧡🧡🧡💛💛
بقلم : لبنى طارق
💚💙💙💜💜💜
أسفه على التاخير وبعض الاخطاء لعدم المراجعه كما يجب