سكره

سكره ١٣

سكره ١٣
********
سبحان الله وبحمد وسبحان الله العظيم
لا حول ولا قوة إلا بالله العلى العظيم 
حسبنا الله ونعمه الوكيل
لا إله إلا أنت سبحانك إنى كنت من الظالمين
اللهم صل وسلم وبارك على سيدنا محمد وعلى أله وصحبه أجمعين
❤❤🧡🧡💛💛💚💙💙💙💙💜💜💜💜💜💜
شيرى اتعدلت فى وقفتها وربعت  وببتسامه سمجه : الله الله إيه إلا أنا شايفه دا يادكتور يا وفى يا إلا عمرك ماخونتنى وبتريقه .. لايمكن ألمس غيرررك يا شيرى
محمد كان شايل سكره أول ما شاف شيرى أتخض سابها فجأه من إيده وقعت على السرير وراسها أتخبطت فى الحيطه .. مسكت راسها بوجع وبتدعكها ونظرها كله لشيرى وبعصبيه : دا وقتك  يعنى أدينى أتخبطت إتبسطتى  الله يخربيتك يا شيخه
شيرى شدتها : إمال وقتى أمتى لما تقفلى الباب وتستفردى بيه دا بعينك وأبعد مايكون عن أحلامك يا وقحه
سكره زقت إيديها وقعدت على روكابها : لا ما أسمحلكيش هو إلا بيستفرد بيااا  دا أستاذ أستفراد إيش فهمك انتى .. . محمد لف وشه وكتم الضحكه .. وبعدين مش تخبطى قبل ماتدخلى وإلا أنتى ما اتعلمتيش فى الإتيكيت  إن كدا كخ ياشيرى  عيب يا شيرى   دا العيال بيخبطو وعلى الله وبتبص لمحمد بنص عين تشتمى إحنا ماعندناش الكلام دا   أووف عليكى أوووف لسانك طول كدا وبتفرد إيديها
شيرى قربت عليها وبتطلع نار شبه التنين وسكره بترجع براسها لورا ومبرقه ومنظرها فظيع رفعت صباع عند بوئها : هششش سامعه هشششش أنتى هنا هوااا لا أسمعك ولا أشوفك
سكره بهمس : شافك الرعد وعطر فيكى البرق ماسابك على رأى زنوبه .. وأنا إلا قولت هاتاخدنى قلمين وإلا تاكل  حته من ودنى
محمد بشر  وحزم : إيه جابك وأزاى تدخلى من غير إستأذان
شيرى جريت عليه ولفت إيديها حوالين راقبته : أنت يا حبيبى وحشتنى يا بيبى 
سكره بتريقه بتتمايل وقلبه وشها وبكلام هامس محمد فاضله تكه وينفجر من الضحك وخصوصا وهى بتحول بعيونها : أنت يا أبيبى .. أبك برص على رأى بنتك  ملزقه
شيرى بزعل : إيه هانفصل واقفين قدام  البومه دى إلا حسدتنا وجابتنا الأرض حتى شهر العسل ما اتهنناش عليه
سكره هزت إيديها ولوت شفتها : كان عسل أسود فوق دماغك  .. ودماغك ليه دماغه هو .. أتاريه جاى فى النازل لما رقد كان هايروح فيها من الصدمه والسخنيه إلا كانت نار ياحبيبى نار
شيرى ما اتوقعتش رد فعلها وإنها عارفه وكمان ما أدايقتش
محمد ضحك بصوت عالى جدا ودا أستفز شيرى .. بتتنطط زى الأطفال : أنت بتضحك على إيه دى متخلفه
سكره : بيضحك  على الهم إلا لازق فيه
شيرى لفت وصرخت فى وشها : إخرسى  ما أسمعش صوتك لأشرب من دمك
سكره أبتسمت : هو حلو قوى كدا كلكم عايزين تشربو منه 
محمد قرب من شيرى عشان ما تتهورش على سكره ويمسكو فى بعض .. مسك دراعها : تعالى معايا نتكلم برا أو أمشى يكون أحسن
شيرى بهجوم : ليه مانتكلمش هنااا هاااا  عشان دى وبتشاور على سكره بصباعها
محمد بنفاذ صبر وتهديد : يا تطلعى .  ياتمشى  يا ها أمشيكى أنا بطريقتى
شيرى : أنت بتهددنى يامحمد
محمد بتاكيد هز راسه : اه بهددك أتفضلى عشان مصدع وتعبان  وماعنديش أستعداد أتفرج على مسرحيه من إخراجك وتأليفك وأعيش قصه جديده والناس تعملك احزننى
شيرى بصت لسكره بغيظ : أوكى أنا شايفه إننا نتكلم فى أوضة نومنا بردو  .. عندك حق أصلك وحشتنى وبتشده .. ياله ياله  يابيبى
سكره ميلت راسها بتتفرج عليهم وهما خارجين وشيرى لفت طلعت لسانها زى العيال وأبتسمت بخبث  : حاسبى يا أبله هاترشقى فى الحيطه ومش هاتلحقى تتهنى بشهر العسل الجديد
شيرى أنتبهت فعلا كانت هاتدخل فى الحيطه .. كملت خطواتها بثقه ومحمد معاها وشدته على الأوضه وقفلت الباب ..
مليكه دخلت لسكره جرى : سكرا .. لحقى .. برا واقف
سكره بتفكير : مين دا كمان إلا واقف برا  .. طلعت تشوف مين وأتفاجئت بمديحه .. مديحه بتبص لها بأستغراب وسكره كذالك .. خلصو نظرات  .. هبت فى وشها خضتها .. مين أنتى
مديحه بخوف  : أنا جاى مع ستو شيرى هانم أشان ستو مليكه
سكره رفعت حاجب : دى الخطه الجديده طبعااا .. نطرت إيديها .  عادى إن شاالله تجيب أبوها يقعد معانا  .. قربت على وشها جااامد وبنص عين اتكلمت بهمس .. أسمك إيه ياجاسوسه
مديحه برقت وتنحت : انت عرفت منين . لفت راسها وسكره ابتسمت بإنتصار ..اقصد أنا مش جاسوس ولا هاجه  لا تهاف  من هاجه هالص
سكره : ههههههه من الناحيه دى ماتقلقيش لا بخاف ولا بكش .. أسمك إيه ياراس الأفعى
جاوبت على طول :  مديهه ستو هانم انت مين
سكره لطشت قلم على الهوا : أنا ديلها إلا ها ألسعك لما تقولى حقى براقبتى  .. قاعده والا ماشيه
مديحه : لا قاعد هنا لستو هانم مليكه عشان أهدمه
سكره رفعت إيديها لفوق : اتهدت عواميدك واساستك أنتى وستك  شيرى أم زعابيب إلا كل مانشوف وشها تقول بيب ..  زعقت .. قولى أمين
مديحه بخوف هزت راسها ورفعت إيديها : أمين وبتمشى إيديها على وشها وجسمها
سكره ضربتها على إيديها : أنتى بتباركى كمان للدرجه دى لا طيقاها ولا طايقه نفسك .. سابتها وخدت مليكه وقعدو على الكنبه جمب بعض ..مديحه قربت منهم تحت نظرات سكره وقعدت جمبهم براحه وكل شويه تبص لسكره بخوف وحذر .. لما القاعده طولت سكره قامت وخبطت على أوضة النوم جت تفتح لقتها مقفوله من جوا وسمعت بعدها ضحكه عاليه جدا من شيرى وبتقوله لاء يابيبى بغير .. مديحه خبطت على خدها خبطات خفيفه وهى شايفه سكرا وسامعه شيرى  ..
سكرا بتتمايل وأتكلمت بتريقه  : اجيبلك لمون يابيبى عشان يديكى طاقه
محمد اتنحنح جوا : شكرا يا سلوى
سكرا : على إيه .. ألا ناوى تخرج أمتى وراك إجتماع طارق
محمد : جاى أهو ولسا بيتحرك ..
شيرى مسكت فيه وبهمس : مش هاتطلع وتسيبنى لايمكن أسيبك قبل ما اخلص كلامى
محمد زق إيديها وبعصبيه مكتومه : أنتى ما بتتكلميش .  بتدلعى وتتمايصى عشان تستفزى إلا برا مش أكتر .. قولتلك الكلام بينى وبينك أنتهى .. أنتهى والطلاق هايتم هايتم .. أتفضلى
شيرى هزت راسها : كدا يامحمد .. هزت صباعها بتحذير : لو فاكر إنى ها أسيبك بالسهوله دى تبقى  بتحلم  انا لقمه صعب مدغها يادكتور .. وهنا محدش هاياخد مكانى ولا فى قلبك شاورت على صدره وزقته جامد بصباعها .. ولا فى بيتك .. فكر كويس قبل ماتندم وتبص تلاقى كل حاجه أختفت من حياتك
محمد حط إيده فى جيبه ووقف قدامها بنظارات ناريه كلها تحدى : ما بجيش بالتهديد ولا يفرق معايااا كلمه واحده من إلا قولتيها ياشيرى هانم ولو فاكره إنك ممكن تذلينى بالفلوس أو العيشه هنااا .. طظ .. فى حضرتك  وطظ فى أى حاجه ممكن تنزل من كرامتى .. أنا أتجوزتك عشان حبيتك وها أطلقك عشان كرهتك  .. شاور على برا .  أتفضلى خدى خدامتك وأمشى
شيرى بلين مزيف : كدا يابيبى عصبتنى وعارف إن كل الكلام من ورا  قلبى وأنت مابتصدق .. طب ارجوك فرصه .. أنا ها اسافر لما ارجع نتكلم بجد ومديحه جايبها معايا  عشان لوكااا ارجوك ارجوك  قبل ما يرد كانت فاتحه الباب وطالعه وهى بتشده من إيده وكأن هو إلا مش عايز يخرج ومستمتع بالقاعده معاها جوا الأوضه .. وببتسامه عريضه حطت بوسه على شفايفه سريعه تحت عيون هاتاكلهم .. باى ياقلبى خلى بالك من بنوتتنا .. وأنتى كمان يالوكا خلى بالك من بابى
مليكه هزت راسها : حاضر يامامى روح ياله أجرررى فى داهيه
شيرى لفت وبرقت جااامد : ازاى تقولى كدا يا لوكا عيب تقولى  كلام ناس نوتى 
محمد بصلها  : أتأسفى لمامى
مليكه قربت منها : أفس مامى 
شيرى حطت إيديها على راسها وهزت شعرها : شطوره قلب مامى .. أوعى تقلدى الناس .. بصت لسكره الا بصالها وبهمس وشفايف واضحه بتلقيح كلامها ..زباله .. أوكى يا بيبى ياله باااى وطالعه على برا جررى ..
سكره راحه وراها وبتتمايل قوى بطريقه تضحك : ياله باااى .. ياله يكش مانشفش وشك تانى ورزعت الباب .. اول ما رجعت كان محمد داخل الأوضه .. أستنى يا بيبى  رايح فين يا قلبى
محمد لف : هههههه نعم ياروح بيبى
سكره :   الهانم نسيت ديلها هنا وبتشاور على مديحه
محمد خبط على أورته : اخخخ نسيت ..  بصى الكوره فى ملعبك اعملى إلا انتى عايزاه معاها .. اتصرفى ياسكره ها أقولك يعنى  دانتى سيد من يتصرف
سكره مطت شفايفها وبإعتراض : هى سكره ها تتصرف فى إيه وإلا إيه خلاص أنا قلبى اتكحور حاله حال من عمايلك أنت و فتاكاتك وبنت فتاكاتك وبتشاور على مليكه  وديل فتاكاتك وبتشاور على مديحه
محمد قرب عليها وعيون مديحه باصه من تحت لتحت وبرطمه شغاله بهمس : بعد الشر عن قلبك .. مسك دقنها ..بصى اعملى إلا نفسك فيه فيها وشاور على مديحه ومديحه برقت .. طلعى غلب السنين فيها  كل إلا شوفتيه فى حياتك .. مديحه شهقت .. أتخيليها شيرى قدامك وعايزك توريها اد إيه بتعزيها
مديحه قامت بخضه وعياااط : انا مصلوم كتيرررر .. هو ستو  هانم أيزا كدا أشان هانم صغير انا مالى أروه فيها أشان إيه والله هرام
سكره ديقت عيونها وباصه لمحمد بمكر : طب ماتسيبنى أعمل فيك كدا اقله أحس براحه واطمن من جوايا وأهو خدت تارى ياولد العم ويبرد نااارى
محمد أبتسم وركز معاها وأعتبرو مديحه مش موجوده : توء أنا حبيبك وبغمزه .. مهما انكرتى شايفها فى عيونك  بتطلع قلوب لما تشوفنى
سكره شهقت وبرقت : والله كدابه
محمد بنفس الأبتسامه : مين دول
سكره : عيونى
ضحك بصوت عالى وهو رافع راسه لفوق  وقرب أكتر وبحركه غير متوقعه باس عيونها الاتنين برقه وبهمس جمب ودنها : أحلى كدابين شفتهم فى حياتى  ..  سابها وهى تشبه الصنم فى وقفته ومديحه بتضحك بكسوف وحطا إيديها على بوئها   .. هزت راسها بتستوعب وعيونها راحت على مكان ماهو موجود برغم إنها مش شايفه أبتسمت تلقئيااا واتكلمت وهى حاضنه نفسها .. أستفرادى كبيررر .. براثن الوحش .. شباك الصياد  .. بتنط بإيديها .. الحفره إلا وقعت فيها أنا ..  أستاذ بلعب القلوب حضرته  .. ضحكت واتعدلت .. وخيبتاااااااه والله مانتى نافعه فى حاجه ياسكره كلامه بيوديكى ويجيبك  .. اول ما شافت مديحه صرخت بخضه  : إيه ..  أنتى لسا هنا
مديحه ملامحها اتبدلت لجديه :  نعم ستو هانم  ايز اروح فين اشان مش إعرف هاجه هنا
سكره شاورت : تعالى .. راحت وراها ودخلتها اوضة ساره إلا كانت موجوده  قبلها وطلعت وهى بتتنهد أتجهت لأوضة مليكه لقت البنت نايمه على حرف السرير من ناحية الرجلين .. قربت وبحب ..ياحبيبتى نمتى زى عادتك بردو فى أى حته .. شالتها بشويش وحطتها مكانها وبتمسد عليها باستها برقه .. اتعدلت لما شافت محمد بيشاور لها .. قامت براحه وراحت معاه خدها الأوضه وقفل الباب بسرعه  .. إيه فى إيه
محمد شاور على الفون  : أبوكى بيتصل  عايز يكلمك أكيد
سكره بفرحه غير عاديه ونسيت كل حاجه فى لحظه لمجرد إنهم أفتكروها  : بجد أخيرا افتكرنى
محمد اتنهد وقعد وقعدها قدامه : هو بيتصل كتير جدا على فكره بس فى الوقت إلا كنت مسافر فيه
سكره : ماقولتليش ليه وانا أتصل بيه
محمد : نسيت وراح عن بالى وبعدين انا قايلك الفون الا معاكى يخصنا هنا فقط اى مكالمات تبقى وانتى معايا وقدام عيونى
سكره سكتت وبصت على إيديها الا بتلعب فيهم بتوتر ورجعت بصتله تانى : أنت شايف الا بتعمله من حقك وصح
محمد بتأكيد : أيوا صح بحافظ على بيتى عشان ماعنديش أستعداد أتنازل عنه تانى تحت أى ظرف مش ها أقضى عمرى متجوز بالأسم  بما إنك عقلتى وقررنا نكمل  مفيش زعل لما نحافظ على بعض .. بصلها هااا هاتسيبى ابوكى يفصل الرنه لتانى مره ونتكلم
سكره قلبها دق بعنف من كمية التوتر وحدة محمد وكأنه بيحملها غلطاته الا فاتت جاى تتجنب دا معايا وتمارس الضغط عليااا والا بتعمل إيه بالظبط .. مسكت الفون وردت ومازالت بصاله وهو باصص لها لسا هاتقوم حط إيده على إيديها قعدها وهى برقت ردت بتوتر : الووو
زيد : عاش من سمع صوتك ياسكره قوام نسيتى ابوكى
زنوبه زعقت : وزنوبه كمان يازيد نسيت الحب والدلع والخوف عليها
سكره اتنهدت : عامل إيه يا بابا طمنى عليك يارب تكون بخير
زيد بصعبانيه : مش بخير قوووى يابنتى نفسى اتكلم معاكى بس مش عارف
زنوبه بصوت هامس سكره سمعته وعيونها اتركزت على محمد : أسألها جوزها جمبها
سكره أبتسمت وعلت صوتها : طبعا يا بابا محمد جمبى اهو وبيسلم عليكو اسمعكو صوته فتحت الاسبيكر
محمد : عامل إيه ياعمى
زيد زغد زنوبه : الحمد لله يا دكتورنا بخير طول ما الامانه معاك بخير
محمد مسك دقنها وأتكى عليه وأبتسم : قمر أهه منورانى
سكره نزلت إيده وطلعت لسانها وهو غمز ببتسامه عريضه
زيد ضحك : طيب كدا انا أطمنت والله مش ناوى تجيب لها تليفون لجل مانسمع صوتها كل يوم والتانى
محمد بتأكيد : إن شاء الله عندى شوية أمور اظبطها ونجيب لها كل حاجه .. سكره معاك وقطم الكلام تماما
سكره : ايوا يا بابا  يونس عامل إيه وحشنى
زيد : بخير الحمد لله لساه خارج لو يعرف إننا هانسمع صوتك كان قعد
زنوبه : وأنا يابت قوام طلعتينى من حسابتك
سكره ضحكت : عامله إيه يازنوبه وحشتينى
زنوبه أبتسمت : لا كتر خيرك والله
سكره : مفيش أخبار عن بندق وحشنى قوووى يارب تكونو لقتوه
زنوبه : قطع وقطعت سيرته كان ملبش جدتى ولا نعرف عنه أى حاجه من يومها وبعدين هاتعملى إيه بيه أكبرى وأعقلى بقى
سكره بزعل : يعنى ما سألتوش عليه من يوميها
زنوبه : هانسأل مين لو كان هنا كان ظهر .. بقولك إيه يا سكره عايزا اقولك حاجه هو انتى فاتحه الصوت
سكره ردت بحذر : لاء
زنوبه وطت صوتها : طب كويس أصل كنا معذورين فى قرشين يابنتى قيمه عشر تلاف ابوكى طلع مديون لطوب الأرض
سكره برقت ووشها اتغير ومحمد لاحظ حاول يفتح الاسبيكر عشان يعرف بتقولها إيه وسكره نهت المكالمه وتقريبا قفلت فى وشها ..
زنوبه بغيظ : شوفت بنتك وعمايلاها .. قفلت الاتصال فى وشى اول ماسمعت سيرة الفلوس
زيد بشتيمه : مش بقول طالعه سماويه لأمها والله لاوريها
زنوبه بزعيق : هاتشوفها فين عشان توريها هااا .. يونس زعلان ومقهور على حاله عايز يخطب إديله فلوس لحد مانعرف نطلع من تحت إيديها قرشين
زيد زعق : ياوليه بقولك سايبهم عشان أبنى  الشقه إلا فوق هو هايقعد فى الشارع .. الشقه الأول يابنى ادمين وبعدين ندور على إلا هاتسكنها بتفكرو ازاى أنتو
زنوبه : إحنا الا بنفكر ازاى والا أنت .. بيقولك الجنه من غير ناس ماتنداس ياراجل .. يعنى نجيب الناس الأول وبعدين نسكن ونفكر فى السكنه
زيد نطر إيده : دانتو عيشتكو جهنم حمرا .. هاتجيبى الناس تقعديها فوق راسك والا تنيميهم جمبنا على السرير .. ماهو لو بنت ال... كانت طمنتنى والا قالت هاتبعت حاجه كنت قولت خلاص أطلع من الا معايا وبعدين نبقى ناخد منها ونكمل
زنوبه بتفكير : اصبر يمكن مش عارفه ترد من جوزها .  الصبر حلو
زيد ابتسم : تفتكرى
زنوبه : يمكن
زيد زقها : طب قومى حطيلى حتت فحم وجهزى حجر معسل
زنوبه ضحكت وزقت إيده : يوه يا راجل مابتشبعش معسل
زيد : أهو مصبرنى على الهم إلا أنا فيه
زنوبه : الا يسمعك يقول صاحب أطيان مهموم لجل ماتحافظ عليهم يا اخويا روح .. نطرت إيديها فى وشه .. قامت من جمبه جهزت كل حاجه ..
....
سكره لسا هاتزعق محمد حط إيده على بوئها : ماتنسيش معانا جاسوسه برا على رأيك   نتكلم بهدوء ارجوكى
سكره بزعل بعد مانزل إيده : أنا مش ها اتحمل أكلم اهلى تحت تهديد وترهيب منك بتراقب إيه دا ابسط حقوقى  أتكلم براحتى زيك تمام
محمد : دا لو انتى عاقله
سكره قلبت ملامحها : ياسلاااام حد قالك إنى ها اتشقلب فى التليفون .. ماتخافش يادكتور أنا ها احافظ على سرك برغم انك قايل لبابا بس مش ها اتكلم فى حاجه
محمد : انا قايل جزء مش كل حاجه .. دلوقتى حياتى كتاب مفتوح قدامك اخاف كل إلا يمر على بابك يقراه لو زعلانه منى مثلا وبعدين أنتى أى حد بيقولك على حاجه بتعمليها ودا بيرعبنى يا سكر مش بحجر عليكى والله هو خوف بس من طيبتك الزياده
سكره : أمى علمتنى أصون اسرار الناس على فكره .. برغم ان نفسى انفجر واقول للدنيا بحالها على إلا أنت عملته فياااا بس أنا بنت أصول للأخر
محمد هز راسه : متشكر يابنت الأصول
سكره قامت راحه على الباب لسا هاتفتحه كان محمد قافله لفت حاوطها بإيده  وبنظرات كلها قرب وإشتياق : راحه فين
سكره بتوتر : راحه اوضتى سيبنى
محمد : توء خلاص دى أوضتك من إنهارده حط إيده على ترباس الباب من فوق وقفله وهى رفعت راسها وعيونها متابعه إيده .. ولسا بتتعدل كان شوقه  سابق كلامها ... همس بكل مشاعره فى لحظه قرب حسها وبيحسها طول وجودها معاه ..  ..  شالها بين إيده لما استسلمت لمشاعره وفاكر انه ممكن يبتدى دنيا جديده معاها ..  فاقوووو على خبط نهى على كل المشاعر الجميله واتبدلت لتوتر وإحراج خصوصا لسكرا ..
محمد بعصبيه : مين
مديحه : سيدو أنا أيز اقول هاجه
محمد بزهق : عايزا إيه
مديحه : ممكن أطلع اشان اتكلم سيدو أناااا
محمد بص لسكره إلا بتتغطى زى الهبله وبتخبى وشها شد الغطااا .. بتهببى إيه .. أنتى مراتى وبعدين مانتى بهدومك ياختى
سكره ديقت عيونها : واما تشوفنى سيدو أناااا تروح تقول لستو أنا وابو أنا وجدو انا  وألاقى حفله هنا
محمد : ماباخدش منك غير لماضه لسان طول كدا وفرد إيده .. إنما نافعه فى حاجه لاء ابتسم بخبث .. خليكى زى مانتى اوعى تتحركى جايلك .. قام طلع لمديحه وبحده .. نعم عايزا إيه
مديحه : مش أرف نام هالص مهده عالى كتير اقطم راقبه .. مش عارفه انام خالص المخده عاليه كتير
محمد رفع إيده وجز على شفايفه واتكلم بهمس : ما إن شالله مانمتى  أنا مالى جايلى ليه
مديحه :  اروه لست مش لاقي هاجه  فى الغرفه بتاعو راح فين أندك سيدو انا وبتبص على الاوضه جوااا بعيونها وبتلف براسها ..
محمد زقها وبحده أكبر : إنتى مالك ياله على أوضتك بدال ما تباتى فى الشارع
مديحه جريت : هاضر سيدو انا
محمد دخل وبيقفل الباب اتفاجئ بالسرير فاضى بص حواليه بخضه ولف بعيونه لقى سكره خارجه من ورا السرير وبتقول بهمس : مشيت
ضحك من قلبه : انتى مستخبيه ليه
سكره  : يعنى مش عارف
محمد قعد وقعدت جمبه مسك إيد فصل يبوس فيها  بين كل كلمه وكلمه بوسه : أنتى مراتى وحبيبتى ومن حقك تبقى جوا عيونى وعلى كتافى قدام الناس ومن وراهم .. أوعى تخافى من حد أو تعملى حساب لحد
سكره ابتسمت ولفت إيديها حوالين راقبته : من قلبك الكلام دا
محمد بتأكيد : جدا من قلبى جدا شد إيديها لورا قربها أكتر وهمس   .. الواحد ممكن واحده تخطفه لدنيتها مره وأنا لما بقرب منك بتخطف لدنيتك ألف مره   ولسا يدوب هايقرب .. سمع خبط جامد وعياط مليكه ..
سكره قامت بدون تفكير وهو تنح .. فتحت الباب ومليكه ميته من العياااط شالتها والبنت حضنتها جامد وبعياط : سكرا خايف .. خايف
محمد قرب منها ومسد عليها : مالك يا ملوكه خايفه من إيه
مليكه اترمت فى حضنه تحت نظرات سكره الا كلها شفقه وخوف عليها : خايف يا بابى   روح هناك خايف عرفيت يابابى
سكره تنحت : هاتها تنام معانا
محمد بصلها : بتستهبلى أستنى أما اعرف حكايه عرفيت دا كمان
سكره ابتسمت : يعنى عفريت شافت عفريت وأنا مش ها أسيبها لحد ما مديحه تلبسها  .. وبعدين اعمل إيه نصيبك كدا  زقته فى أتجاه  السرير وخدو مليكه فى حضنهم وهو من وقت للتانى يبص لها بنظرات ناريه .. شفايفه بتتحرك بكلام هى فاهمه وبتبتسم من كلامه.. هاتنام وافضالك ياقمر .. لحظات ومحمد هو إلا نام الاول لما يأس إن مليكه تنام .. بصت على مليكه لقتها نامت وبرغم إن ضحكتها من غير صوت بس ملامحها كلها بتضحك .. مشت إيديها على وش محمد حس بيها اول ما فتح عيونه شالت إيديها بسرعه وعملت نفسها نايمه .. بص عليها وبصوت هامس .. نمتى كنت عارف إنك هاتنامى قبل مليكه منا متجوز واحده مسطوله والله لأعرفك
سكره كاتمه الضحكه بالعافيه لدرجه إن وشها إحمر جامد
ومحمد مكمل : إيه بتطلعى فى الروح وانتى نايمه دا ذنبى على فكره ربنا ما بيسيبش حتى وأنتى نايمه الله واعلم بيعملو فيكى إيه دلوقت  هههههه ... ريح راسه على المخده وفضل باصص على السقف لحظات وكل ما يبص عليها عيونها مغمضه فعلا نامت وراحت فى النوم  وهو فين وفين على ما استسلم تانى ونام
**
مها قاعده لوحدها فى الشقه وتفكيرها كله فى بنتها ومستغربه إن كل الوقت دا سكره ما بتتصلش زى ماكانت بتعمل معقول محمد رجع من سفره ومابيخرجش مثلا وإلا إيه .. مسكت الفون وكانت ها تتصل وتراجعت خافت تعمل لها مشكله بنتها مش قدام عيوانها ولا ينفع تجرى تتطمن عليها أو حتى تبعت حد .. رفعت راسها لفوق وعيطت : يارب أنا مليش غيرها أحفظها يارب وحنن قلب جوزها عليها وحببه فيها أنت عارف هى تعبت أد إيه واتعذبت وعلى أد عذابها أنا أتعذبت  وأكتر يارب .. يارب طمن قلبى إلا قايد ناااار .. يارب .. الجرس رن قامت فتحت بعد ما مسحت وشها وبأستغراب .. أنس تعالى يا حبيبى أدخل
أنس بوش غريب ومشاعر غريبه : بابا هنا يا موئه
مها : لاء .. مالك تعالى أحكيلى دانا زى أمك والله
أنس ابتسم برغم وجعه .. وإحساسه إن حياته كلها اتشرخت وخايف تتهد وتنزل حته ورا حته وهو عاجز عن لمها وتجبرها  : عارف والله .. راح قعد وهى قعدت قدامه بقلق .. أمك كويسه
أنس بتأكيد  : الحمد لله كويسه .. ممكن تعمليلى قهوه
مها قامت بدون تفكير  عملت اتنين وقعدت قدامه .. مسك كوباية القهوه وهى كذالك وشربو مع بعض .. أنس بيزق الكلام زق عايز يتكلم فى حاجه ومش قادر وخصوصا لمها  : مالك يا أنس أحكيلى يا بنى يمكن ترتاح
أنس بخنقه وكلام طالع مجروح : أنا ظلمت نفسى لما صبرت يا مها كان لازم اتكلم ماكنش ينفع اضحى بأغلى حاجه فى حياتى بأسم الخوف والتراجع
مها بخوف : فى إيه ياواد قلقتنى وأنا مش ناقصه
أنس عيط جااامد وحط راسه بين إيده وهى قامت قعدت جمبه : مالك هاتنقطنى والله قلبى هايقف من كتر القلق حرام عليكو أنت وسكره بالذات إلا ماقدرش اسمع عنكو أى حاجه زقته .. أنطق
أنس بنوع من الهجوم : جوزتوها ليه وأستعجلتو دانا كنت قايم نايم بحلم باليوم إلا هانبقى فيه تحت سقف واحد
مها بصدمه نوعا ماا عشان كانت دايما تحس إن فى مشاعر  من أنس لسكره بس مش للدرجه دى اتكت على رجله : إهدى وأجمد ياما الشاب بيقابل بنات ويعجب بواحده ويسيب عشره ويموت من  عشقه فى واحده ويتجوز غيرها دى دنيااا مفيش فيها حاجه دايمه لينااا
أنس هز راسه وبصلها وعيونه بتعبر عن كمية الوجع إلا جوا قلبه بتنطق بحبها وقهرتها على فراقها معقول عيونه هاتتحرم من شوفتها خلاص هاينسى قعدتها  : حاولت أبعد وأنسى وعملت كل حاجه تخلينى أنسى ماقدرتش   ظلمتونى وظلمتوها لما اتخليتو عنها وسيبتو أبوها ومراته يتحكمو فيها .. أنا بقولك وبكرا تقولى أنس قال سكره تعيسه ومش مبسوطه وكارهه العيشه مع إلا اتجوزته صوتها بيقول كدا وقلبى بيأكد .. حكمتو عليها تقضى حياتها غصب وفى بعد وجفااا من الكل
مها بغلب : أنت بتقلب المواجع ليه يا انس
أنس قام وزعق : عشان كان لازم تدافعى عن بنتك وتاخديها غصب عنها تبقى فى حمايتك وفى حضنك هى دى الأمومه إلا أنا عارفها ..  الأمومه إلا انتى تعرفيها أنا ماعرفهاش عشان امومتك دى مش امومه ولا تعرفى يعنى إيه عيل محتاجلك واجب تمدى إيدك تنجديه من الغرق  فاااق على صوت قلم صعب يصدق ان القلم دا نزل على وشه هووو من أغلى  إنسان فى حياته

❤❤🧡💛💛💚💙
بقلم : لبنى طارق
❤❤🧡💛💛💚💚