سكره

سكره قبل الأخيره ٢

سكره قبل الاخيره ٢
************
يا الله، يا الله، يا الله، أسألك بحقّ مَن حقّه عليك عظيم أن تصلّي على محمد وآل محمد وأن ترزقني العمل بما علّمتني مِن معرفة حقك وأن تبسط علي ما حظرت من رزقك.
• اللّهم صن وجهي باليسار ولا تبذل جاهي بالإقتار فأسترزق رزقك من غيرك، وأستعطف شرار خلقك، وأبُتلَى بحمد مَن أعطاني، وأُفتن بذمّ من منعني، وأنت مِن وراء ذلك كله ولىُّ الإجابة والمنع.
• اللّهم مالك الملك تؤتي الملك من تشاء وتنزع الملك ممّن تشاء وتعزّ من تشاء وتذلّ من تشاء بيدك الخير إنّك على كل شيء قدير، تولج الليل في النهار وتولج النهار في الليل، وتخرج الحيّ من الميّت وتخرج الميّت من الحيّ وترزق من تشاء بغير حساب، رحمان الدنيا والآخرة ورحيمهما تعطي من تشاء منهما وتمنع من تشاء ارحمني رحمة تغنني بها عن رحمة من سواك
اللهم صل على سيدنا محمد وعلى آله وصحبه أجمعين
❤❤🧡🧡🧡🧡💛💚💚💙💙💜💜💜🤎❤🧡🧡
محمد واقف على نااار منتظر قدام العمليااات وأول ما خرجو بص للدكتور : عامل إيه يا دكتور مدحت  انا الدكتور محمد فتحى دكتور جراحة  العظام فى مشفى ال...  بدبى
مدحت : أهلا اهلا يا دكتور خير ليك حاله هنا والا جاى تساعدنا وتشيل عنا الهم
محمد هز راسه : للاسف حاله ..  شيرى وعصمت واخوه
مدحت باسف : حالتهم صاعبه جدا كان الله فى عونك أخوه فى الإفاقه وخارج حالا بس مش ها اقدر اطمنك عليه إحنا عملنا كل إلا علينا معاهم
محمد : شيرى وعصمت
مدحت أتحرك : تعالى أقرء التقرير بتاع الحالات بنفسك وأعرف وضعهم بالظبط
محمد اول ما الباب بتاع العمليات اتفتح وسمع صوت عجل التورلى لف مره واحده .. قرب ببطئ من السرير ومجرد ما وش اخو عصمت ظهرر غمض عيووونه  وبرغم انه كان شاكك بس صدمه بالنسبه له كبيرررره .. زيد أبو سكر ويونس .. اتكلم بصوت مبحبوح وشاور اتفضل انا جاى معاك
فتحى قرب منه جرى لما شاف زيد ووقف متسمر قدام محمد شاور : مش دا أبو مراتك
محمد بتاكيد : أيوا يا بابا
فتحى : هما لاقوه فين و مين عمل فيه كدا
مدحت : المفروض انه جاى فى الحادثه بتاعت رجل الاعمال عصمت ودا يبقى اخوووه
فتحى تنح : نعم .. بص لمحمد .. اخو مين يابنى فهمنى انا مش فاهم حاجه
محمد قرب عليه ومسكه : بابا ها افهمك بعدين ..  إدينى وقت أروح اشوف التقرير بتاع الحالات عشان نعرف هانعمل إيه معاهم .. وسابه ومشى .. راح شاف التقارير بتاعتهم ودموعه نزلت لما قرى تقرير شيرى .. اصعب حاله فيهم ومن الصعب تعيش .. دخل عليها العنايه المركزه ووقف قدامها مش مصدق ان دى شيرى إلا كلها طاقه رهيبه .. طاقه استغلتها فى شغلها بإحتراف بس دمرت حياتها .. دى شيرى إلا كانت فى يوم بين إيده وبين احضانه .  ياااه الدنيا دوراه بشكل صعب .. بشكل بيبين اد إيه ممكن يبقى واقف قدامك الصبح حد  بيضحك بيتنطط بيجرى .. بيظلم .. بيعمل خير وتبص حواليك بح ماتلاقيهوش .. وكأن وجوده كان سراب او حلم وانتهى .. دموعه نزلت ماقدرش يسيطر عليها اكتر من كدا .. اتكلم بصوت مخنوق موجوع مهما كان فى بينهم عشره وأيام حلوه .  فى ذكرى وحته منها .. ماكنتش احب اشوفك فى الوضع دا ابدااا يا شيرى .. كان نفسى تبعدى بس مش بالشكل دا أبدااا .. كان نفسى تفوقى وتحسى بقيمة الحياااه بدال ما تتسرق منك على الفاضى .. ياما قولتلك بلاش ظلم وبلاش إفترى على إلا حواليكى .. لف وشه ودموعه نزلت اكتر  ورجع بصلها .. انتى بين إيدين ربنااا بتمنى يديكى فرصه تانيه تعيشى وتصلحى اخطائك بجد .. سابها وخرج وهو قلبه بيتقطع عليها وعلى وضعها عارف ان فى اى لحظه ها يجيلو فون يقولوله .. هز راسه من دوامة تفكيره  ومشى .. دخل لعصمت .. الوحيد إلا وشه تحسوه مرتاح  فيهم   وكانها نومه بالنسباله طويله منتظرها عشان يرتاح من عذابه طول الوقت 
مدحت واقف جمب محمد أبتسم : برغم انه حالته خطيره جدا بس كل ما ابص فى وشه احسه نايم
محمد هز راسه بإستغراب : فعلااا
مدحت : للاسف لو عاش مش هايمشى تانى
محمد بص فى التقرير وقراه  للمره التالته وبص لمدحت .. هايدخل العمليات أمتى
مدحت : لما نلاحظ عليه أى نسبة تحسن هاتحضر العمليه
محمد بتاكيد : ايوا ها احضرها ان شاء الله عندى خبره كبيره فيها
مدحت هز راسه : تمام انا ها ابلغ إدارة المشفى
محمد هز راسه وخرج راح لزيد بعد ما خلاص دخل العنايه واستقر فيها  متردد يتصل بسكر ويونس .. مسك الفون واتصل عليهم وبلغهم إن ابوهم فى المشفى .. سكره ودت مليكه لمها وجابت يونس وزنوبه وراحت على المشفى طلعو جررررى .. سالت على محمد وقابلته بصتله وهزت راسها : إيه زى ما قولتلى شاورت وأتكلمت بتوهان .. أصلك قبل ما تنزل كنت رايح لشيرى وعصمت عشان الحادثه وبعدين أنا قريت الخبر وعرفت ان معاهم اخوهم وانا بسئل تحت قالو إنهم هنااا
محمد هز راسه بتاكيد : ايوا
سكره شهقت وبصت ليونس وزنوبه
يونس بالهفه : فى إيه بابا حالته  تعبانه والا إيه انا مش فاهم أى حاجه .. بص لمحمد ..  كان مع مين يا دكتور محمد
محمد بص لسكر : سكر هاتفهمكم كل حاجه بعد إذنكم انا رايح اشوف شيرى عشان داخله عمليات كمان ساعه للكسور إلا فى جسمها
سكره مسكته : تعالى هنا فهمنى طب هو كان بيعمل إيه معاهم وليه مختفى الفتره دى كلها
محمد رفع كتافه : ماعرفش يا سكر السر دا بينهم هما التلاته ماحدش يعرفه .. أبوكى فى العنايه المركزه الا فى وشك دى ربنا يديلو العمر وتفهمو منه كل حاجه .. بعد ما مشى رجع بصلهم : هو كان بيشتكى من القلب
زنوبه : ابدا ابدا دا الشيشه كانت على بوئه ليل نهار ولا عمره اشتكى
محمد هز راسه : للاسف قلبه تعبان جدا ومش عارف ازاى ماكنش ظاهر عليييه بعد إذنكم
زنوبه بصت لسكر الا واقفه مسهمه : هو فى إيه ما تفهمينا يا سكر مين دول وكانو بيعملو مع أبوكى إيه وجوزك يعرفهم منين .. شهقت وضربت على صدرها .. يا مصيبتى كنت خاطفه أبوكى أنتى وجوزك
يونس نطر إيده  : بتقولى إيه بس يا أمااا
سكر بتوهان حست انها داخت مالت على يونس ومسكها : مالك يا سكر تعالى أقعدى
زنوبه : الحمل والمشوار وجريها وخضتها منك لله يازيد هاتموتنا جمبك
سكره عيطت : دخلونى لبابا اشوفه
يونس سندها هو وزنوبه ودخلو مع بعض واقفين قدامه مصدومين .. زيد بجبروته ولسانه الطويل وظلمه نايم لا حول ولا قوه خراطيم داخله وخراطيم طالعه وأجهزه مغمض عيووونه  باين المعاناه على وشه والنفضه الا فى جسمه . 
يونس ركن على جمب وأتخنق بالعياط وسكره زيه بالظبط
زنوبه قربت وبتبص علييييه مش مستوعبه الهده ولا النومه إلا هو فيها مفيش رد فعل ولا دموع ولا أى حاجه
الدكتور دخل عليهم وشاور : من فضلكم برا
يونس بصله واتعدل : لو سمحت عايزين نعرف حالته
الدكتور : تقرير الحاله مع الدكتور مدحت تحت .. بس الا عارفه ان المريض دا بيعانى من مشاكل فى القلب وكسور من الدرجه التالته فى أنحاء متفرقه فى جسمه وكسر فى الجمجمه  ونزيف على المخ
سكره شهقت وبقت تعيط جااامد : كل دا فيه
الدكتور : برا من فضلكم ممنوع العدد دا يدخل العنايه المركزه
يونس خد سكر وزنوبه واقفه متسمره زى ماهى
الدكتور : ست .. أنتى يا ست
زنوبه لفت بتوهان : هااا
الدكتور : اتفضلى معاهم برا يقربلك إيه المريض
زنوبه ضربت على إيديها : جوزى 
الدكتور شاور : طيب اتفضلى برا وخرجت .. هز راسه وبص لزيد .. هى الستات كدا نفسها تشوفنا فى مصيبه اكيد الا بيعيطو عليك ولادك ما نزلتش دمعه واحده عليك .. وبيبص على جسمه وعلى مكان العمليييه .. دخلت ممرضه واقفه جمبه بتساعده 
يونس قاعد جمب سكر وزنوبه واقفه برا ميلت راسها وعيطت جامد مره واحده
يونس ضحك بمرار وبص لسكر : أمى دى غريبه قوى دايما كل حاجه بتوصل عندها متأخر حتى الزعل .. ميل راسه لسكر وبيمسح وشها .. كنتى بتحبيه قوى كدا
سكره بصت له : أبويا يا يونس اه كنت بكره عمايله وممكن أثور وادايق وساعات كنت بتمنى إنى ماكنتش بنته ولا يعرفنى ولا أعرفه  .. بس صعب قوى إنى اشوفه بالوضوع دا محدش يتحمل يشوف أى حد كدا
يونس اتنهد وأتكلم من قلبه : اصارحك بحاجه يا سكر
سكر بصتله : قول
يونس : أنا كنت بكرهه .. برغم انى ما حصلش فيا ربع الا اتعمل فيكى بس كنت بكرهه قوووى .. الولد غير البنت خصوصا فى مرحلة الشباب .. كان نفسى أبقى زى اصاحبى او حتى أقل شويه  خلانى بعدت عنهم كلهم وطول الوقت عايش لوحدى مسك إيديها ماكنليش حد غيرك أصاحبه وأشيكلو .. جيت فى وقت كان يصعب عليا نفسى قوى بيطلعو رحالات .. بيصيفو .. بيخرجو .. لابسين لبس حلو عايشين حياتهم إلا هو حرمها علينا ببخله .. هو لو فقير مش ها أزعل بالعكس ها أشيله فوق راسى بس هو مش فقير دى مش إمكانيته أبدا وخصوصا بعد ما شوفت الفلوس بعينى كنت بكدب نفسى وبكدبك بس شوفتها .. قولت لييييه  .. البخيل دا عايز إيه من الدنيا عايش فيها ليه بيتمتع او بيمتع الا حواليه بإيه .. هدفه فى الحياه يحوش لحد ما يموووت وياكله الدود وفلوسه وامواله على الدنيا لا استفاد بيها ولا فاد غيره .. مازعلتش عليه غير لما ضاع من وسطنا واختفى صحى الصله إلا بينى وبينه ..  بصلها وعيط .. أمى لقت الفلوس يا سكر
سكره رفعت حواجبها : بجد
يونس بخنقه : صعب عليا نفسى أكتر .. أبوكى مليونير فلوسه كتير ملاين  انا قلبى اترعش من جوا لما شفتهم ..  بقى تأكلنا زى المحاريم وتعيشنا على فتافيت ويهينك ويشغلك وياخد كل قرش بتشتغلى بيه وهو معاه دا كله طب لييييه
سكره مسكت إيده : ربنا يسامحه يا يونس خلاص إلا حصل حصل لو فضلنا نقول ليه مش ها نخلص أبدا .. .. شاورت .. قولى انت هو فى إيده إيه لو جراله حاجه وسابهم ما استفادش حاجه البخيل هو الوحيد إلا خسران مش إلا حواليه .. بتعد على صوابعها .. بيخسر حب .. بيخسر تعاطف .. بيخسر إحترام .. بيخسر متعه وعيشه نضيفه وبيتهنى بس إلا حرمهم .. كان ممكن يعمل حساب الزمن والديقه عشان يعيش مستور ويشيل قرشين على جمب ودا الصح  إنما يوصل لدرجه من البخل إنه يحرم نفسه وولاده  ويعيشهم فى إهانه وذل .. دا مرض
يونس مسح وشه : ها اعمل إيه فى الفلوس بجد وجودها بين إيدى صعب ربنا سبحانه وتعالى  قال ( إِنَّمَا أَمْوَالُكُمْ وَأَوْلَادُكُمْ فِتْنَةٌ ) 
شاور على نفسه .. انا خايف اطمع فيهم من كتر ماهما بيزغللو فى عينى .. بيسحبوكى لاحلام كبيره وأمانى عظيمه ممكن اضعف زى ما أمى فكرت
سكره ابتسمت : يا حبيبى ركز إنهم امانه أوعى  تركز أبدا انهم بتوعك او محروم منهم .. أبوك حى يرزق يعنى مانقدرش ناخد منهم غير على قد إحتياجتنا وبس .. أتكلمت بسخريه .. وبعدين يا يونس لسا المفاجأه الكبيره والصدمه إلا ممكن عقلك ما يستوعبهاش
يونس اتعدل : صدمة إيه تانى
سكر بجديه : إحنا لينا عم وبنت عم من اغنى الناس فى العالم دى نقطه .. النقطه التانيه انهم جاين مع ابوك فى الحادثه .. لسا ها يتكلم ..شاورت .. استنى .. النقطه التالته بقى إنها طليقة محمد جوزى وأم مليكه .. تتا تتا  .. إيه رأيك فى المسرحيه الكبيره والدوامه إلا دخلنا فيها مش عارفين اخرها
يونس بصدمه هز دماغه : أنتى بتقولى إيه عصمت رجل الاعمال الكبير الا الخبر نزل عنه فى كل  مكان فى العالم دا يبقى عمى واخو أبوكى
سكره بتأكيد : أيوا هو
يونس نزل دماغه بين إيده بقى يضغط عليها حاسس إنها هاتنفجر 
سكره شدته عدلته : هون على نفسك إلا مجننى هو كان بيعمل معاهم إيه طول الفتره إلا فاتت
يونس بصلها : بخيل حتى فى معلوماته يعرفنا ان له اخ غنى والا كان خايف نروح ناخد منه حاجه قال اروح انا اخد لوحدى
سكره بنفى : الموضوع اكبر بكتير من كدا  ربنا يقومهم بالسلامه ونعرف فى إيه بالظبط
يونس ابتسم بسخريه : انا حاسس إنى فى فلم هندى وامى دى مش هاتطلع امى فى الأخر
سكره ابتسمت وزنوبه قربت عليه جرررى : امك مين إلا مش امك يا روح أمك
سكره كتمت الضحكه ويونس مسك زنوبه قعدها جمبه بيهديها بصلها بجمب عينه : انتى كنتى سامعنا
زنوبه بتاكيد : أيوا سمعتك
يونس بجديه : كنتى تعرفى ان له أخ
زنوبه نطرت إيديها : قالى زمان وقالى إنه ما بيحبوش عشان كل حقه وشرده هو وامه العقربه وعمرك ماتعرفى ولادى ان لهم عم عشان متبرى منه .. هزت إيديها .  تلاقيه هو الا كل حق اخوه فى كرشه عشان كدا باعه
يونس تنح : ولاده مين هو له ولاد غيرنا
زنوبه تنحت : يوه انت وسكر يا يونس ولاده إمال مين والا انتو مش ولاده
يونس بتأكيد : ولاده طبعااا
زنوبه : إمال إيه بقى .. مسكت إيد سكر .. بت يا سكر بطلى عياط شين عليكى وعلى إلا فى بطنك خايفه على مين ياختى دا زى القطط بسبع ترواح
يونس بهمس وعصبيه : نفسى أعرف انتى زعلانه والا مش زعلانه
زنوبه اتشدقت بالكلمه  : انا متردده .. يعنى كل ما ازعل عليييه أعاتب نفسى وأقول ما يستاهلش .. وكل ما ازعلش علييييه أقول يوه قليلة الاصل يابت يا زنوبه ازعلى عليه دا مهما كان جوزك وأبو أبنك وكنتى بتتخمدى معاه على مخده واحده
يونس هز راسه وهمس : عملنا كلنا آنفصام فى الشخصيه
محمد قرب عليهم وشاور ليونس : خد أمك واختك روحهم وتعالى أنت لو حابب تفضل جمب ابوك
سكره بإعتراض : لا يا محمد انا مش ها امشى غير لما بابا يفوق
محمد بجديه : ابوكى مستحيل يفوق إنهارده وقعدتك ملهاش لازمه روحى إرتاحى الله يباركلك مفيش فيا دماغ الف وراكى انتى كمان
يونس نطر إيده : ياله يا سكر ياله ياماما فعلا قعدتكم ملهاش لازمه انا ها ارجع وافضل جمبه مش ها اسيبه غير لما يفوق
سكر لسا ها تقاوح محمد خدها على  جمب : سكر مش وقت نعاند بعض فيه التلاته حالتهم صاعبه جدا مش عايز أقولك الدكاتره متوقعين إيه
سكر بخضه : إيه يا محمد بالله عليك عرفنى
محمد هز راسه : كل الا اقدر اقلهولك إنهم بين إيدين ربنا محتاجين الدعاء فقط
سكره مالت عليه وعيطت جااامد مسد على ضهرها وغمض عيونه : ياله يا حبيبتى وبطلى عياط .. شاور ليونس ويونس خدهم ونزل بيهم  فعلااا عدى على مها خد منها مليكه سكر ماقدرتش تطلع عشان اترجاها تفضل مع امه ما تسيبهاش لوحدها
**
مر اسبوع على الحادثه وزيد  ما صمدش وتوفى انتهى أجله من الدنيا وبرغم كل حاجه بس الحزن كان كبير وعظيم على زنوبه ويونس وسكر  والوحيد إلا فاق عصمت وشيرى لصعوبة حالتها والغيبوبه إلا دخلت فيها  سفروها برا مصر ..
حازم اتجوز هو ونورا برغم حزنه على شيرى وأبوها واتمنى يكون جمب محمد بس محمد قاله ماتكسرش فرحتك واتجوز .. ونورا كانت يوميا بتكلم سكررر تتمطن عليها خصوصا بعد وفاة ابوها وقالت ها تأجل الفرح سكره حلفت ما تأجل وتتجوز وتتهنى ومش بس كدا راحت لصفيه تبارك لها لما عرفت انها رفضت تسافر عشان إبنها يتهنى بعروسته وما يتلخمش فيها ويحمل همها .. وصفيه قدمت لها التعازى وصبرتها بكلامها التلقائى والصافى .. 
أنس رجع من السفر بعد ما فاطمه قبلت الجواز منه وكتب عليها فى السفاره هناك وكريمه راجعه وكلها فرحه مش مصدقه نفسها إن خلاص شافت إبنها بيتجوز وهايستقر فى حياته .. لما عرفت بخبر وفاة زيد راحت عزت سكر فى وفاته 
عشر ايام مرت بعد وفاة زيد كانها حلم ليهم لهم مش مصدقين كل الأحداث الا بتحصل وكلها بسرعه .. محمد رأفة بعصمت وحالته النفسيه سواء على بنته او اخوووه خده معاه البيت جابلو كرسى متحرك وممرضه متوليه مسئوليته بالكامل  عشان حمل سكر وتعبها الا بدء يظهر عليها
**
سكر قاعده قدام يونس الا أصر عليها تروحله وامه قاعده طلع كل الفلوس حطها قدامهم قسمهم زى ما الشرع قااال بالظبط وباصص لهم ؛ دا حق وشرع ربنا لكل حد فينااا .. بص لسكر .  انتى لو عايزا فلوس تانى على حقك انا راقبتى سداده من فلوسى
سكره بصتله : لا يا حبيبى الحمد لله خير ربنا كتير أهو ها أخد إيه تانى
زنوبه : مالك يا سكر
سكر بتعب : مش عارفه يا زنوبه بقالى كام يوم تعبانه قوووى مغص وإرهاق وعايزا انام طول الوقت
زنوبه : معلش يابنتى هو الحمل كدا كله تعب
سكره : ربنا يهونها
يونس بصلها : مرضيه يا سكر
سكر ابتسمت : الحمد لله مرضيه فضل من ربنا كنا فين وبقينا فين وبعدين جايبنى على ملى وشى عشان كدا كنت جبتهملى هناك هو انا ها اخونك يا يونس
يونس بصلها : لاء مش جايبك عشان الفلوس وبس .. بص لامه .. عشان كلنا نسامحه ونحله من ذنبنا إلا فى راقبته .. على الأقل إحنا
زنوبه عيطت : سامحته والله خلاص سايب فراغ بردك يابنى كان راجل البيت مهما كان
سكره دموعها نزلت : سامحته يارب على كل حاجه عملها فيااا  مهما كان أبويااا  الله يسامحه ويغفر له
يونس : سامحته يارب على كل حاجه  .. قام جاب شنطه وحط لسكر الفلوس فيها
سكر : منى يا يونس عملت معاها إيه
يونس : ها اعمل إيه هما مش شايفين الا إحنا فيه ابوها جه عزانى وقالى مستنيك بعد أربعين أبوك تنورنا
سكره اتنهدت : طيب الحمد لله  المهم انكو تكونو مع بعض .. بتقوم وهى بتنهج وماسكه بطنها
يونس : راحه فين
سكره شاورت : ها انام جوا شويه مش قادره تعبانه قوووى لما بنام وأقوم بحس انى اتحسنت شويه إمال لما  بطنى تكبر ها اعمل إيه
يونس قام مسكها ودخل معاها غطاها قعد جمبها : بقولك إيه انا ها انزل اجيب اكله حلوه كدا زى إلا كنا بنحلم بيها زمان فاكره
سكره ضحكت : كريب .. تخنت صوتها .. نفسى ادوق الكريب يا يونس وانت تقولى وانا كمان يا سكر .. كنا عاملين زى الشاحتين نروح نتفرج على الناس وهى بتاكل  .. ضربته فى كتفه .. فاكر لما مها اكلتهولى واول جيت هنا قولتلك وضربتنى وتعيط وتقولى من غيرى مش مسامحك دنيا واخره
يونس بقى يضحك ويكركع من الضحك : عارفه فى اليوم دا بالذات حسيت انك خونتينى عشان وعدتينى ما تاكليش منه لقمه من غيرى .. اتنهد بوجع .. يارب الأيام دى ماترجع تانى الحرمان اصعب شئ فى الدنيا إنك تكون نفسك فى حاجه ومش طايلها إحساس بشع على اصحابه .. باس إيده وش وضهر .. الحمد لله
سكره : فعلا الحمد لله .. ضحكت تانى ..  منا كنت جيبالك بس انت إلا إيدك سابقه لسانك هههههه ماردتش اكل غير لما امى جابتلك واحد وخدته وكفنته معايا فى الشنطه .. زقته .. جريت ريقى انزل هات لنااا قبل ما محمد يجى هنا ياخدنى وصلنى وقالى ها اروح لمليكه بيخاف على عصمت منها مدواقه المر هههههههه  لو عرف ها يطفحولى مناعنى اكل حاجه من برا دلوقت
يونس : ماشى ها انزل بسرعه وها اجيب من واحد عالمى وحاجته نضيفه ما تخافيش .. هو محمد مأجر العربيه الا راكبها دى بردو حرام عليه يضيع فلوسه على الإيجار ما يجيب واحده
سكره بنفى : لا دى عربية عمك عصمت اتصل على السواق جابها لمحمد يتحرك بيها
يونس نطر إيده : احسن بردو بدال ركنتها  وسابها ونزل جررى ..
زنوبه دخلت عليها وبصوت عالى : ماجبتيش البت الشيكولاته دى معاكى ليه يا سكر كانت سلتنى شويه
سكر بصتلها : والله يا زنوبه عمى عصمت  ما يقعدش فى مكان من غيرها لازم تفضل معاه
زنوبه : ألا هو عامل إيه دلوقت
سكره بأسف وزعل عليه : عايزا اقولك تقريبا الدكتور أسر معاه يوميا عشان حالته النفسيه تحت الصفر ربنا يعينه بقى
زنوه قعدت مكان يونس : هو ما حكاش حاجه بردو
سكره هزت راسها : لاء الظابط جالو وقاله اخويا وكان عندى وهو حر يقول او لاء وقفل المحضررر
زنوبه : طب وبعدين يعنى قولنا هانعرف من ابوكى واهو الله يرحمه والبت بنته ربنا يتولاها وهو مش عايز يتكلم
سكره هزت راسها : يمكن يا زنوبه يتكلم يمكن
زنوبه قامت : اسيبك تريحى على ما يونس يجى هو راح فين
سكره : راح يجيب كريب وجاى
زنوبه شهقت وابتسمت بعدها : دا إلا عامل زى القرطاااس ودا ها يشبعكووو كان جاب كفته وكباب وفراخ وهيصه بقى
سكره ضحكت وبصتلها : فعلا هيصه
زنوبه جريت : اروح اطفى على الاكل إلا على البوتاجز بقى اكمنى احب القرطياس قوى يابت يا سكر كل يوم انزل أكلى قرطاس  وطارت وهى بتضحك
سكره نزلت فى السرير وشدت البطنيه وهى مبتسمه .. بصت للأوضه وطلعت نفس طويل مش متخيله ان الاوضه الا عاشت فيها أسوء أيام حياتها  بتبتسم وترتاح فيها من تعبها .. دوام الحال من المحال
**
سهير قاعده هى وبناتها بيتكلمو فى كل حاجه حصلت
سما : مين يصدق ان دى تطلع بنت عم شيرى عصمت وكمان هاتورث لو عمها مات اد كدا
سمر هزت راسها : ناس لها حظوظ
سهير : تخيلو كدا لو كانت علاقتنا بيها حلوه مش كان زمانا دلوقت معاها وعارفين إيه إلا بيتم بالظبط
سمر : ياماما دى واحده اتربت على الجوع والفقر هاتاخدى منها إيه والا ممكن تشوفى منها إيه وابو شيرى دلوقت بقى كمان تحت إيديها .. سبحان الله البت دى فيها حاجه غريبه تحسى ان كل حاجه بتروح لها بكل سهوله وراحه
سما ضحكت : يمكن واحد من إلا إحنا اتجوزناهم يطلع ليهم عم غنى ونورث فيه .. وبعدين سيبك انتى من الفلوس المبدء يا بنتى شوفتى شيرى برستيج كلام ونص كلمها إنجلش لبس جسم .. إيه ناقصها ومركز ومكانه إجتماعيه كبيره إنما دى راحت وإلا جت ملهاش قيمه
سمر بتاكيد : فعلاااا
سهير نطرت إيديها : اسكتو وإقفلو على السيره دى مش عايزين نخسر اخوكم خليه كويس معانا محدش عارف بكرا فيه إيه قومو ياله اعملو اى حاجه قبل ما ابوكو يجى بيدخل من الباب عايز ياكل
سما قعدت على إيد الكرسى : ماما بقولك إيه حسنى علاقتك بيها وروحى شوفى بنت إبنك وكدا
سهير بحرقه : دى بت عقربه .. البت كل ما تشوف وشى تقولى الوحش وتبصلى بصة مرات الأب فظيعه يا سماااا
سمر بتاكيد : فعلا تحسيها مهيبره كدا مش طبيعيه
سما : روحى بردو اضحكى عليها بشيكولاته بحاجات كدا يا ماما هو انا ها أقولك
سهير بعصبيه : انتو عارفنى انا مابحبش ارمى نفسى على حد سيبونى فى حالى بقى عملتولى وش وسابتهم وقامت
سما وسمر بصو لبعض
سمر : هى مالها
سما رفعت كتافها : وانا إيش عرفنى ياختى
**
مليكه بتكلم عصمت  : أنت روح فين يا جدو
عصمت : ها اصلى يا مليكه تيجى تصلى معايا
مليكه مدت شفايفها : باشى روحى صلى معايا
عصمت شاور للمرضه : رشا  تعالى قربى الكرسى عايزا أتوضى
رشا : حاضر يا عصمت بيه قربت الكرسى وبتنزله من على السرير
مليكه زعقت : شيل رجلك نزلو
رشا ابتسمت : حاضر يا مليكه بصت لعصمت .. خايفه على رجلك
عصمت ابتسم وبص لها : حبيبتى لازم تخاف على جدو
نزل وراح اتوضى وواقف بالكرسى المتحرك فى أتجاه القبله بيصلى ومليكله واقفه بمصليه صغيره جمبه عاملاله ازعاج بصوت عالى : بدنق صلى معاك وقفته جمبها وقالت بصوت عالى بعد ما عصمت كبر .. الله كبيييير .. بس بس بس وعماله تقول اى كلام برغم ان سكره حفظتها الفاتحه وقالت فى الاخر لاااااين ميييين .. أكبر وبترفع إيديها لفوق وبتوطى عايزا تسجد بصت على عصمت .. انزل تحت نام ارض معاك .. راحت ورا الكرسى وعصمت ماكنش مثبته وبتزقه لفوق العجل لف لقدام وعصمت نزل على وشه فى الأرض طراخ
مليكه : نام جدو نام معاك ياله
رشا صرخت وقربت عليه : عصمت بيه ..
❤❤🧡🧡🧡💛💛
بقلم : لبنى طارق
💛💚💙💙💜🤎🤎