سكره

سكره ٣٨

سكره ٣٨
********
قوله -صلى الله عليه وسلم- ذات يوم لأسماء بنت عميس -رضي الله عنها-: «ألا أعلِّمُكِ كلِماتٍ تَقولينَهُنَّ عندَ الكَربِ أو في الكَربِ؟ اللَّهُ اللَّهُ ربِّي لا أشرِكُ بِهِ شيئًا).
و كان رسول الله – صلى الله عليه وسلم- يدعو عند الكرب: «لا إلَهَ إلَّا اللَّهُ العَظِيمُ الحَلِيمُ، لا إلَهَ إلَّا اللَّهُ رَبُّ العَرْشِ العَظِيمِ، لا إلَهَ إلَّا اللَّهُ رَبُّ السَّمَوَاتِ وَرَبُّ الأرْضِ وَرَبُّ العَرْشِ الكَرِيمِ».
وقال رسول الله – صلى الله عليه وسلم-: « دَعْوةُ ذي النُّونِ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ، فإنَّها لم يَدْعُ بها مُسلمٌ ربَّه في شيءٍ قَطُّ إلَّا استَجابَ له».

❤❤🧡🧡🧡💛💛💚💚💙💜💜💜🤎🤎🤎🤎💙
محمد طلع نفسه المكتوم بالغضب وبيشيل إيديها من على وسطه أتشبست بيه أكترر وحطت راسها على ضهره وبصوت كله مشاعر حقيقيه : أنا أسفه ماتزعلش منى متبقاش أنت كمان عليااا
محمد فك إيديها وواجها وجه لوجه : أسفك ما يلزمنيش يا سلوووى ها أقولك تانى لازم أدوقك طعم الموت بالبطئ إلا أنا عيشته
سكره أتخنقت بالعياط : أنت ماعشتوش لوحدك .. هزت راسها .. إحمد ربنا إنك لقتنى عايشه يامحمد أنا كنت خلاص ها أستسلم لتفكيرى والموت بس بصيت لمليكه قولت ملهاش ذنب ..  أسيبها لمين ..  لو أنا فى نظرك قاسيه وكنت بقتلك با إلا عملته فا الناس كلها دبحتنى أقرب ما ليا دبحونى وأنت بتكمل معاهم بطريقتك دى
محمد شاور على نفسه : أنا يا سلووووى أنا .. مسك وشها أنا إلا قولتلك كنا ضايعين ولقينا بعض قولتلك شدتتينى وشديتك من الضياااع .. قولتلك ماتخليش حد بينااا وكفايه علينا إلا شفناه ووعدتك أكون راجل بيراعى ربنا فيكى أنااا ليييه طيب مانتى عارفه شيرى ومرضها النفسى .. عارفه أد إيه هى  شخص مؤذى
سكره بعياط وصوت مبحوح : عارفه بس كنت فى وقت صعب .. وقت أول حد فكرت فيه أنت لقيتها بتلعب بيا وبيك حسيت الدنيا سودا قووووى فى وشى يامحمد والله بحبك .. والله ما أرتحت غير معاك ولا دقت طعم الراحه إلا معاك أرجوك بلاااش تعمل فجوه فى قلبى ..  إلا بيحب حد بيغفرلو ويعديلو كتير عديلى وقوينى بيك بلاش تكسرنى فهمنى وأقف جمبى
محمد أتخنق كبريائه وضياعه مانعه يقرب : أنا
سكره قربت ورمت نفسها فى حضنه : بلاش تبعدنى بكلمه بلاش مش ها أقدر أستحمل أكتر من كدا منك
محمد ضمها : خلاص يا سكر بس سبينى أروق لوحدى مش قادر أتعامل معاكى دلوقت حاسس إن فى حاجز بينااا  أنا مش زبك بكلمه بصفى بسرعه سيبينى شويه
سكره أتعدلت ومسحت دموعها وماشيه
محمد : راحه فين
سكره : ها أنام مع مليكه
محمد بإعتراض : لاء هاتنامى هنا معايا ومليكه لازم تتعود تنام لوحدها .. شاور على السرير .. أتفضلى لو عايزا تنامى
سكره بصتله بنص عين وماشيه قدامه ولا المظاليم المقهورين بتأنب فى ضميره ببصتها أل يعنى ..  وهو عيونه ماشيه معاها .. نطت على السرير زى القرد ومحمد تنح .. همس .. أتنين مخابيل عايش معاهم  راح نام جمبها فى هدوووء وخلى مسافه بينه وبينها وبيحمد ربنا إنه جمعهم تانى على خيررر باله مشغول أزاى ها يبلغ أهله بوجود بنته خلاص بقى واقع والأكيد إنه ممكن يكمل حياته فى مصررر صعب يرجع تانى .. حس بسكره بتقرب منه لف بيبص عليها غمضت عيونها وفتحت بوئها أل يعنى نايمه .. أبتسم رجع لمشاكستها من جديد .. على صوته .. أستغفر الله .. لف ورجع تانى لقائها طالعه فوقيه وبتنزل لتحت من على السرير .. شالها من قفاها وبيرجعها تانى على السرير .. وبعدين معاكى أتنيلى نامى أتهدى خلينا نرتاح
سكره فتحت عيونها   وبتدعك وشها : إيه دا أنا فين
محمد بتريقه : على بطنى أرجعى  وبطلى عمايلك السودا إلا كنت نسيتها
سكره رفعت صباااع وبعصبيه لذيذه : واالله مظلومه والله مجهوره تدرى ليش لأنك ما كذبت علي
محمد زقها وأتعدل : والله لتضربى .. تدرى ليش لو ما أتخدمتى وعديتى ليلتك
سكره : هههههههههه.... هههههههه ... ههههههه
محمد رفع حاجب وضربها على راسها : بتضحكى على إيه
سكره : أصلك متعصب وبتغيظه .. ها ها ها ..  شدت الغطا ولفت وهى بتتغطى .. تصبح على خييير يا زميلى
محمد بيلف إيده عند ودنه علامة الجنان .. ولسا ها يلف ينام لقى مليكه جايه ببندق وبتنادى على سكر : إهئ إهئ .. سكرا تعال معاك
سكره قاامت جررى ونطت من فوق محمد وخبطته فى بطنه وقعت فى الأرض وهى بتنط .. أى ..  وقامت تجرى ومحمد أتعدل من الوجع وقام يجرى وراها هى ومليكه دخلو بسرعه أوضة الأطفال وقفلو الباب وهو على باب الأوضه أتكلم بعصبيه : نااامو جاتكو ضربه أتنين متخلفين
سكره ورا الباب بتضحك من غير صوووت وبتنزل إيديها وتطلعها : أصبر عليااا وربنا لخليك تتأسف إنك خاصمتنى .. شالت مليكه وبندق .. تعالووو ننام فى حضن بعض وخليه هو ينام لوحده عشان العفريت ياكله
مليكه : ياكلووو بابى ليييه أنا كلنى
سكره : كفايه أكل بنى أدمين أنتى كلتى كتير  ونااامى .. تعالى يابندقه ساكت ليه زعلان عليه .. تروح تنام معاااه
بندق شاور على نفسه  .
سكره :  اه أنت تروح ..
هز راسه بأه ..
طيب .. قامت براحه وبتفتح الباب بشويش .  بص ها افتح الباب أرميك برا وأقفل بسرعه وأنت أجرى عنده ماشى .. هشششش .. أول ما فتحت وبتطلع راسها تبص على محمد  .. مسكها من قفاها صرررخت بصوت عالى بخضه .. أعاااا
محمد : كنت عارف إنك هاتستندلى وهاتشتغلى فى الأزرق  مش جديد عليكى
سكره بخضه وبصوت كله نهجه : مش انا دا هو عايزك ورمت بندق عليه محمد من الخضه اتنطر لورا وسابها وهى قفلت الباب وبتضحك وتقوله نامو فى حضن بعض خليه يدفيك يادكتور
محمد باصص لبندق وبندق قاعد فى الأرض مكان ما نط وبيبص على الأوضه ويبص على محمد  .. صعب على محمد .. تعالى .. أسمك إيه .. بندق نط راحله وواخده وماشى على أوضته .. أسمك إيه .. اااه فسدق أفتكرت .. أنت عارف الهبله دى بقالك كتيييرر واضح عليك متكحرت من عمايلاها وكمان مليكه ..
بندق هز راسه .
محمد : مليكه شبعتك ضرب  زى عمااار والا أنت خارج لستة الأنتقام  بتاعتها ..
هز راسه ..
محمد .. أحسن حاجه فيك انك موافق على كل حاجه ..
برق و شاور على نفسه
محمد ضحك بصوت عالى .. أيوا أنت هو فى غيرنااا .. نام بعد وقت أول مره يضحك من قلبه من يوم إلا حصل ..
**
يونس قاعد فى أوضته بيعيط بعد كلام أبو منى معاه أفتكر الحوار وبيعيد ويزيد  فيه مع نفسه
فلاش بااااك
*******
يونس واقف على الباب بياخد نفسه .. خبط وأبوها إلا فتح .. شاور على جوا .. اتفضل يا يونس
يونس مد إيده سلم ودخل جوا قاااعد متوتر وقلبه مش مطمن أبداااا ..
أبو منى : يا كوثر هاتى الشاى
كوثر : حاضر يا مجدى
مجدى : عملتو إيه لقيت أختك
يونس بتأكيد بيدعى يكون دا سبب مجيه : اه الحمد لله ياعمى هى مع جوزها دلوقت
مجدى بيهز راسه : لقتوها فين
يونس بدون تردد : عند عمتى إالا فى قويسنااا  راح عن بالنا كلنا تكون هناك أصلها مقاطعه أبويا بقالها فتره كبيره
مجدى مد إيده : الحمد لله يابنى إنها بخيررر لو بنتى مكانها كنت قولت انها ماتت أو انتحرت من البهدله الا فيها الناس بتقول أبوك كل ما يشوفها يضربها وصوتها يبقى جايب أخر الشارع
يونس بإحراج شديد : ربنا يهديه ياعمى
مجدى : يااارب
كوثر قربت حطت الشاى وسلمت عليييه بصت ليونس بإشفاق عشان عارفه هو متعلق بمنى قوى زى ما منى متعلقه بيه سابتهم وخرجت ومجدى خد الكوبايه ناولها ليونس .. أتفضل
يونس خد الكوبايه : تسلم إيدك
مجدى : بص يابنى إلا أوله شرط أخره نور وهنا يونس غمض عيونه وعرف إن فى حوار كبير وراه .. بنتى مش هاتدخل بيتكم  ولا يمكن تخطى برجليها جواه
يونس أتخنق : يعنى إيه
مجدى : يعنى تشوف شقه بعيد عن أمك وأبوك تعيشو فيها يكون اريح لها وليك ولينااا
يونس : بس أنا ليا شقه يا عمى مش ها أعيش معاهم وبعدين أنا بحاول أخرج من الجيش عشان أجهز حالى للجواز ها أجهز والا أدور على شقه كتير عليااا
مجد نطر إيده : إلا مش قد الجواز ما يتجوزش .. دا إلا عندى معاك بكرا ترد عليااا يا أبعتلك حاجتك يا تقولى يا عمى هانسكن برا يا خلاص شوفو حالكم
يونس : بس
مجدى : مابسش دا الا عندى عاجبك أهلا وسهلا مش عاجبك يادار ما دخلك شرررر
يونس أنفجررر ومنى بقت تعيط وتصرخ جوا فى الأوضه وأمها تبعدها عن الباب عشان ماتخرجش ليونس وأبوها  : فى إيه مالك بتعاملنى كدا ليييه هو أبويا وأمى ها ياكلوها .. أنا بحب بنتك وشاريها وداخل من الباب ليه المعامله والطلبات دى كلها عملتلك إيه وبتكرهنى ليه كدا
مجدى بزعيق : بنتى وانا عارف مصلحتها أديها لراجل يبهدلها والا لراجل يصونها .. أنت عارف تصرف على نفسك لما تفتح بيت .  انا ماعنديش بنات للجواز
يونس قرب عليه وكانو ها يمسكو فى بعض : أنت كدا بتدمرنى أنا وهى أنت شوفت منى حاجه وحشه بنتك مش راضيه با إلا أنت بتقوله ومن حقها تختار
مجدى : ملكش دعوه بيها خليك فى نفسك .  ياله أتفضل من هنااا وييشاور على برا جرى على الباب وفتحه وبيطرد يونس ويونس واقف مش مستوعب إن خلاص كدا أكبر وأحلى حلم فى حياته أنتهى والسبب مين بردو أمه وأبوه وقلة حيلته .. خرح والدنياا عباره عن لوحه سودا مبهمه مش شايف أى معالم فيها أتمنى تكون سكر جمبه ويترمى فى حضنها ويشكى لها عن قسوة الدنيا عليه .. خلاص منى الا شهدت على قصة حبه لها مفيش .. بح
بااااك
******
نايم ودموعه نازله على المخده بصمت رهييييب مجرد عيون مفتوحه بينزل منها فشله وحرمانه من حب عمره  ..  فعلا أصعب شئ فى الدنيا .. هو قهر الرجل وقلة حيلته .. ربنا سبحانه وتعالى أختصه بالقوامه عن المرأه عشان هو إلا يشيل الحمل ويكون مسئول مسئوليه كامله لما يبقى راجل متربط مفيش فى إيده حاجه وحشه فى حقه
.. صعب يتخلى عن فطره ربنا خلقها فيه .. صعب يبقى نص راجل عايش والمفروض يكون عاله على غيره أو غير قادر .. إحساس بشع للعنده رجوله فقططط اما الذكور ما أكثرهم  فى حياتنا
مررر الليل صعب كالعاده على مهااا ويونس ولكنه ذهب .. بيتمنو يشوفو نهار مختلف كله أمل  .. يونس أول ما قااام اتصل بحازم
حازم : وعليكم السلام ازيك يا يونس
يونس : الحمد لله بس أنا مش كويس خالص يا دكتور حازم أرجوك قولى مكان سكررر والله لا ابويا ولا أمى ها يعرفو طريقها
حازم : بس محمد مأكد عليااا محدش يوصل لها
يونس : طب وصلنى بالدكتور محمد وانا ها اتعامل معاه  أرجوك
حازم : طيب ممكن دقيقه أكلمه وأرجعلك
يونس : خلاص ماشى
حازم أتواصل مع محمد على رقم محدش يعرفه غيره محمد جايبه جديد .. وبلغه ولما سمعت سكر فضلت تترجى محمد يجيبه دا هو الوحيد إلا بيحبها وعايزها فى الدنيا ومحمد خضع لرغبتها ماقدرش يعاقبها بحرمانها من حد بتحبه ومتعلقه بيه وفعلا كلمه وقاله قابل حازم ها يجيبك لحد عندى وانا نازل رايح المشفى .. المشهد اختلف تماما .. سكر فى حضن يووونس الأتنين مبطلوش عياااط من اللحظه الا مشى فيها محمد ومليكه قاعده تساعدهم وتعيط معاهم أى مشاركه وخلاااص 
سكره بعياااط : خلاص يا يونس وجعت قلبى يا حبيبى .  مالك طمنى بالله عليك أنا متأكده ان حاجه كبيره حصلت معاك
يونس بألم  بيهز راسه وعياطه بيزيد : خلاص يا سكر مابقاش فى منى فى حياااتى
سكر شهقت : ليه إيه إلا حصل
يونس حكى لها كل إلا حصل والا قاله مجدى
سكره بغيظ : إيه الراجل دا منه لله بجد هو فى كدا مبقتش طيقاااه
يونس : قوليلى أعمل إيه كان نفسى أدخل أخدها من جوا لما سمعتها بتعيط وتصرخ وتقولى ماتسبنيش  ليييه الناس بتظلمنا وبتتحكم فينا كدا ذنبنا إيه فى الدنيااا
سكره ابتسمت بوجع : ذنبنا إننا بندفع ضريبة أهالينااا ماتزعلش منى يا يونس انا لو ليا بنت ها أخاف أديها لأى حد ها اتمنى لها أحسن حد فى الدنيااا وأنت يا حبيبى أحسن حد فى الدنيااا بس محدش مقدرك ولا حد بيقف جمبك بسبب عمايل بابا  .. روح كلمه بالعقل لو بإيدى كنت نزلت معاك دلوقت بس محمد حالف عليا بالطلاق
يونس أتعدل ومسح دموعه : ليييه
سكره حكت له هى كمااان وهزت راسها : انا مش زعلانه انا لو منه كنت عملت أكتر من كدا وكنت متوقعه أكتر من كدا بس بحاول ألم على نفسى وعلى بيتى
يونس مسك إيديها : ماتزعليش يا سكر وسامحينا يمكن يكون دا ذنبك وبيتردلى أنا
سكره عيطت لقهر أخوها وتفكيره : بعد الشر يا حبيبى دانا بدعيلك ليل نهاااار وبحمد ربنا انه رزقنى بأخ زيك ياما أخوات ما بيبصوش فى وش بعض وياما إخوات بيأذو بعض.. إحنا الحمد لله ربنا عافنا وكتب لنااا الخير فينا ولينا .. اسمع كلامى روح لمجدى وكلمه براحه وقوله سيب الشقه أخر حاجه قدرت أجر ماشى ماقدرتش ها أقعد فى شقتى لحد ما ربنا يفرجها عليا وأنتقل فى شقه تانيه وأوعده إنك هاتبعد منى عن أى مشاكل
يونس هز راسه : مش هاينفع خلاص أنا لبخت معاااه وشديت جااامد وهو طردنى من عنده وقالى لو أخر واحد فى الدنيا مش هاتاخدها
سكره : حاول يا يونس عشان خاطر منى .. منى استحملت كتير زمان حالتها وحشه حرام عليك
يونس بيأس : سيبيها على الله .. بص لمليكه وأبتسم  .. عسل قوى ماشاء الله .. تعالى .. شالها على رجله .. أسمك إيه
مليكه : مليكه حموووو
يونس بضحكه : حمو مين
مليكه ميلت راسها : دكترررر حموووو شيرى
سكره أبتسمت : بنت محمد وشيرى يا يونس غلبت الباربى حق فهد
يونس : نعم ياختى
سكره : أخو نورا صاحبتى متربى فى لبنان .. فامسمى مليكه الباربى حقى
يونس هز راسه : له حق لو مش دى باربى مين يبقى باربى أنتى مثلا
سكره ضحكت : مثلااا يعنى
يونس هز راسه لمليكه : وباربى حقى أنا كمااان أستنى وعوضى على الله فى منى وأتجوزك أنتى لما تكبرى  ماشى
مليكه : بااااشى .. قربت باسته من خده ..
يونس رفع راسه : الله احلى حضن لأحلى خالووو بقى
مليكه : حالو ليييه مييين
يونس شاور على نفسه : أنا خالك أنتى اتفقنااا
مليكه : فقنا باشى .. بصت لسكره وضحكت .. حالك باشى
سكره : موافقه يا ست مليكه ها اعتبره خالى عشان خاطرك .. بصت ليونس .. انا ها أقوووم أعمل أحلى فطااار نفطر مع بعض وهاتقضى باقى اليوم عندى أتفقنااا
يونس بخضوع : مش قادر أقولك لاء عشان مش راجع البيت ها اطلع من عندك ها اقدم طلب فى ال..  وأمشى على الكتبيه
سكره بترجى : بلاش لسا معادك عليه أسبوع ..  روح باليل  لمجدى زى ماقولتلك
يونس : مش عايز الراجل دا ذلنى قوووى كفايه كدا إهانه ربنا يصلح حالها والله بتمنلها كل خييير
سكره بزعل : على طول كدا يا يونس
يونس : أسكتى يا سكر أنتى ماتعرفيش الراجل دا كان بيعمل  معايا إيه منه لله .. كدا حلو قوى يارب ماتكون هى زعلانه منى وتقدر إنى حاربت الكل عشانها بس ملناش نصيب فى بعض
سكره قررت ماتتضغطش عليييه وتسيبه دلوقت وتقضى معاه اليوم ويهونو على بعض .. يونس حب مليكه جدا ونسى نفسه وبقى يلعب معاها هى وبندق وقلبو الشقه مهرجان ألعاب ومليكه كانت طايره بيه من الفرح من كتر ماهى مبسوطه معاااه ولبساطه  فى نفس الوقت .. محمد رجع على الغدا اتغدو مع بعض واتكلم مع يونس كتيرر جدا وفهمه اكتر وحبه حاسه انسان مريح ونضيف من جواه ووعده إنه ها يشوف له شغل اول ما يخرج من جيشه ها يتعين على طول بإذن الله ..  هو له حبايب كتير جدا فى مصررر ومش ها يتأخرو عنه فى طلب بسيط 
يونس أبتسم وأتكلم بإحراج : ألف شكر يا دكتور مش عارف أقولك إيه والله 
محمد : ياسيدى ماتقولش حاجه لو ماتستاهلش ربنا مش ها يوفقك إنما أنت شكلك تستاهل كل خييير
يونس : ربنا يعزك يادكتور
محمد : دكتور دى سيبها للمستشفى والعياده أنا هنا أسمى محمد
يونس هز راسه : ماشى .. قام وقف
محمد قام : رايح فين أنت قاعد معايااا ماتسبنيش مع المجنونه أختك
يونس : ههههههه كفايه كدا أنا تقلت عليكو
محمد قعده : ولا تقلت ولا حاجه .. بصله .. أى أستشاره قانونيه ها أرجعلك
يونس شاور على عيونه : عيونى لحضرتك .. أنا ها أخد كتب القانون معايا وأراجع عشان لما تتكلم مع حد أبيض وشك ان شاء الله
سكره قربت وشايله طبق فاكهه كبير : أتفضلو يا بهوووات
مليكه : فضل هوووات
محمد : ههههه انا عايز أقولك أختك الصوت وبنتى صدى الصوت
يونس : ماشاء الله ربنا يباركلك فيها حتة عسل تدخل القلب على طول
مليكه قربت على يونس وشالت صباع موز وبتديه ليونس : هود يا أوسسسسى
كلهم : هههههههههه
بندق نط على الترابيزه ومحمد طلع من جيبه بندق ناولهولو خده منه وجرى أستخبى بيه قاعد ياكل فى جمب 
يونس برجاااء : انا عارف إنك زعلان من سكر وليك حق تزعل بس بجد مها حالتها صاعبه قوووى قرب يجرالها حاجه  أرجوك كلمها  تتطمن عليها بالتليفون
سكره قلبت وشها : أنا مش ها أكلم حد يا يونس  أنا مرتاحه كدا طمنها أنت وبس
محمد رفع حاجب وبصلها : يعنى أنتى مش عايزا تكلمى مامتك لو قولتلك خدى الفون وكلميها مش ها تكلميها
سكره بنفى : لاء مش ها أكلمها ولا ها أكلم أى حد بصت ليونس .. غيرك أنت
يونس بصلها حاسها مختلفه عمرها ما شالت فى قلبها من حد ياما حصل إشمعنا المره دى  : معلش كلميها قوليلها إنك بخير وأقفلى كفايه انها تسمع صوتك
سكره بتصميم : لاء طمنها أنت وأقفل الموضوع دا لاحظت إن محمد قاعد حاطت رجل على رجل ومركز معاها جداااا وتاكد ان فى حاجه بينها وبين أمها كبيره لحد دلوقت كل إلا سمعه منها موضوع شيرررى وبس وقرر إنه مش ها يسيبها غير لما يعرف السبب الحقيقى ورا خروجها من بيت مهااا منهاره وكمان تفكر تنتحر
**
شيرررى بتجهز نفسها والبنت الا معاها بتجهز لها شنطة السفر خلصت ونزلت على تحت قابلت أبوها
عصمت : مش عايزا تقوليلى راحه فين
شيرى : شغل ها أروح فين يعنى .. مسافره  إيطاليا يا بابى
عصمت ضحك بسخريه : حلو الشغل إلا ماعرفش عنه حاجه يا شيررررى .. قام وقف قدامها .. فاكره أبوكى عيل صغير مش عارف انتى بتفكرى فى إيه ولا ناويه على إيه
شيرى : بابى ريح نفسك أنا مش ها أقولك على خطوه واخده من خطواتى بعد كدا
عصمت ضحك جامد : لاء عارف ومسافر معاكى على نفس الطياااره أنا أشتقتلها زيك تمام ياعفريته
شيرى شهقت وضحكت : بجد يا بابى .. يعنى هاتيجى معايااا
عصمت بتأكيد : مش ها أسيب بنتى فى محنتها لوحدها أبداااااا
جريت عليه حضنته وباسته : أحلى بابى فى الدنياا فين شنطك
عصمت شاور للبنت الا  وراها جابت شنطه والأتنين ركبو عربيه مع بعض والسواق وصلهم لحد المطار .. خلصو كل الإجراءات وركبووو وأخيرا وصلو لأرض وطن هجروه من زمن  مصررررر .. نزلت وهى بتشم  الهوا وباصه لكل مكان بمكررر وإنتصااار ياترى ناويه على إيه أو بتدبر إيه
❤❤🧡🧡💛💛
بقلم : لبنى طارق
💚💚💙💙💜🤎❤❤🧡