سكره

سكره ٤٠

سكره ٤٠
********
قولو هذا الدعاء إذا كنت تريد النوم ولا تعرف .. اللهم غارت النجوم ونامت العيون وبقيت أنت يا حى يا قيوم أهدى ليلى وانم عينى
اذا اصبحت وامسيت فقل/
لا حول ولا قوة الا بالله توكلت علي الحي الذي لا يموت والحمدلله الذي لم يتخذ ولدا ولم يكن له شريك في الملك ولم يكن له وليا من الذل وكبره تكبيرا
سبحان الله والحمد لله ولا إله إلا الله والله أكبر ولا حول ولا قوة إلا بالله العلى العظيم
اللهم صل وسلم وبارك على سيدنا محمد وعلى آله وصاحبه أجمعين
الحاجه الوحيده الا اتعلمتها من الدنيا ومن الصحاب بالذات  إن كل واحد بيحطك فى القالب المناسب عنده على قد حبه ليك مش إلا أنت تستحقه أبدااااا وساعتها هاتعرف قدرك عند كل حد فيهم يا يصغرك قوى يا يكبرك قوى حتى لو بينه وبين نفسه  وهز غربالك يرحل من يرحل ويبقى إلا فيه الخيررر فقط
❤❤🧡🧡🧡💛💛💛🧡❤❤❤💚💙💙💜💜💜
سهير قامت من جمب فتحى وقفت جمب سما وسمررر وربعت إيديها : أهلا بالهانم يا خطوه عزيزه
سكره أبتسمت وهزت راسها : أهلا يا طنط
مليكه جريت عليها وزعقت بتقلد سكر : أهلا يا طارت
فتحى أبتسم : تعالى ياقمررر مين دى يا سكر الله أكبر
سكر بتوتر ضحكت زى الهبله : بنتى ياعمو إن شاء الله
سمر وسما فى بوء واحد : نعم
سهير شاورت وأتكلمت بعجرفه : دى بنتك أنتى لا شبهك ولا تيجى فى نضافتها حاجه دى شكلها بنت ناس
سكره بزعل : حد قال لحضرتك إنى بنت شوارع وبعدين منا بنت ناس بردو
فتحى : إهدو يا جماعه فى إيه عيب يا سهيررر مش كدا ولا دا كلام يتقال   ..  شال مليكه  .. مين دى يا سكر أكيد بنت واحده صاحبتك
سكر بإصرار : بنتى ياعمو
مليكه مسكت وشه : بنتو يا عموووو وطلعت بوذها قوى باسته وهو ضحك وباسها
سمر قلبت وشها : هى كانت متجوزه قبل محمد ياماما كمان
سما : يادى النصيبه يعنى كمان معاكى بنت هى صحيح الخلقه مش راكبه بس ازاى محمد يقبل بوضع زى دا على نفسه
سكره إدايقت جدا وردت  ببرود : الله يسامحك كلها خلقة ربنا
مليكه بصتلها و زعقت : رب موت داهيه 
سكره مسكت نفسها من الضحك بالعافيه 
سهير قربت منها واتكلمت بعصبيه شدتها من دراعها : بنت مين إلا بنتك  عايزا تفهمينى إن إبنى واخد بواقى غيره وإحنا أخر من يعلم
سكره بعياط مصطنع : لا والله يا طنط دا واخدنى كلى ..  حد الله ماحد قرب منى غيره إلهى يجى ويحط عليك يا إلا فى بالى ماحد قرب منى غير إبنك
سهير  صرخت فى وشها : إمال مين دى
سكره بخضه ورد سريع : بنتى أنا ومحمد
سهير : يوووواه أنتى متخلفه يابت أنتى
سكره : مين قال كدا بس كلامى واضح بتسئلى مين دى بقولك بنتى .. بصت لمليكه أنتى بنت مين
مليكه :  أنت بنتى
سكره شاورت : أهو طلعت أنا كمان بنتها حلو كدا اصبرى شويه وإبنك هايبقى إبنها ..
فتحى قام وساب مليكه : سكر ايه الكلام دا  ازاى بنتك أنتى ومحمد دانتو متجوزين من كام شهر حملتى أمتى وخلفتى والبت كبرت وبتتكلم وتمشى
سكر : ياعمو رجعنا بالزمن كام سنه جبناها وجينا الحمد لله على هنا على طول المهم أفرح وبل الشررربات وأرقصو عندكم حفيده تفرح القلب بتحضنه مبروك ما جالك ياعمو
سمر وسما بصو لبعض وضحكو بصوت عالى وسمر قالت دى مجنونه
سهير بتريقه : رجعتى ازاى ياختى يمكن أرجعلى شويه أنا كمان وأصغرلى حبه
سكره مسكت إيد سهير : ها أقولك يا طنط
مليكه : قولك يا طارت هى قول انت وحش رب موت
سكره قلبت وش سهير لها : سيبك منها خليكى معايااا هاتوقع بينا .. بصى أنا ومحمد قررنا نسافر .. سقفت .. فين بقى .. اثيوبيااا فارجعنا بالزمن تمن  سنين اصل عندهم دلوقت ٢٠١٥ الحمد لله حملت و قعدنا بعد الولاده تلات سنين ونص وجينااا وبقى معانا مليكه القمر .. صح يا مليكه
مليكه ببتسامه : صح  .. بابى جيب معاك هنا طياااره بييييره
سكره شاورت عليها : شفتى الاطفال ما بتكدبش وكمان شربت بيره هههههههه
سهيرت صرخت : أنتى مجنونه ٢٠١٥إيه وزفت ايه فوق دماغك
سكره جريت على فتحى : إلحقنى ياعمو طنط مش مصدقه بذمتك أنا كدابه
فتحى : هههههه بتهزرى صح عارفك
سكره : والله ما بهزر  أثيوبيا فى ٢٠١٥ وإحنا بنرمح فى ٢٠٢٣ يرضى مين دا يارب هناك فجوه زمانيه لبد أن نرجع لهاااا .. انا روحت هناك رجعت بنت بضافير  وابنك رجع إبن ١٧ والا حاجه  ألا صحيح هو عنده كام سنه
سهير شدتها بعنف من دراعها : تعالى هنا يابت أنتى ..  انتى خاطفها وجايه تعملى لنا مجنونه وتلبسينا مصيبه
مليكه جريت عليها وزعقت وضربتها بايديها : اضرب سكر لييييه
سهير بعصبيه : بنت مين دى
سكره بصت فى عيونها واتكلمت بجراءه : بنت أبنك محمد مش مصدقه ليه
سمر زعقت : أنتى جايه تدايقينااا بطلى قلة ادب
سكره ببرود : أنا مش قليلة أدب وخلى بالك على كلامك معايا
سمر قربت عليها : فاكره نفسك مين عشان نخلى بالنا على كلامنا معاكى إحمدى ربنا انك واقفه وسطنااا أصلا
فتحى زعق : أسكتى منك لها ولمى لسانك ياسمر .. سكر بنت مين دى وبطلى تهريج
سكره : والله ياعمو بنت محمد إبنك
فتحى حس إن الدنيا لفت بيه  وقعد على الكنبه
سهير بغل : أنتى جايه تقوميها حرب عشان تدارى عملتك يا شوراعيه ومحدش يسئلك كنتى فى أنهى داهيه ولا بتلفى مع مين
سكره بتحذير : طنط انا ما أسمحلكيش تكلمينى بالأسلوب دا انا لا عامله عامله ولا بتبلى على إبنك وأنا أنضف وأشرف من أى حد ها يتكلم عليا ربع كلمه
مليكه ضربتها تانى وبزعيق : إبنك
سهير زقتها برجليها : غورى
سكره جريت عليها مسكتها قبل ماتقع وبعصبيه : محدش يمد إيده عليها
مليكه اتحمقت بالعياط وزعقت : إيده عليك وحش إمشى داهيه .. بصت لسكرا وبصوت يقطع القلب .. سكرا ضربنى وحش 
سكره مسدت عليها : معلش يا قلبى وبتحضنها
سما شدتها : إيه الفلم الحمضان الا أنتى جايه بيه دا  زقتها بقوه وقعتها هى ومليكه ... غورى من هنااا مش ناقصين سفاله ياله على برا
سكره أتوجعت ومليكه قامت من على سكر وأختفت من قدامهم كلهم : عمو مليكه تبقى بنت محمد كان متجوز ومخلفها وانفصل هو ومراته انا جبتها عشان لازم تعرفو إن ليكو حفيده وتتربى وسطكم .. عمو انت سامعنى والله بنته ودى حفيدتك صدقنى
فتحى دموعه نزلت وبصوت مبحوح : بتقولى إيه لايمكن أبنى يعمل فينا كدا
سكره : غصب عنه  لما تسمعه هاتعذره
سهير وقعت على  الأرض ونزلت  قاعده مبرقه وساكته حست ان رجليها أتشلت ما بتتحركش
سمر وسمااا راحو عليها بيقوموها : قومى يا ماما أنتى هاتصدقى كلام واحده زى دى
سهير هزت راسها : مش قادره رجلى مش قادره أحركها اتشليت يا بنات
سكره شهقت وبهمس : اتشلت بجد فضلت تدعى لحد ماجابت أجل الوليه .. بتنادى .. مليكه يا مليكه ..
مليكه جايه جرررى شايله كام بصله وبتحدف على سمر وسما وواحده جت فى راس سهير  والتانيه فى وشها
سكره : خدى يا مليكه عيب
مليكه بتجرى منها : موت وحش جريت على المطبخ جايبه صنيه خفيفه وبتجرى ناحية سهير  .. وسمر ماسكه فى خناق سكر وطرررراخ على راس سهير وكل الا طالع عليها موت وحش
سما مسكتها وضربتها بالقلم وزقتها نطرتها على الأرض بعنف وغل
سكره سابت سمر ومسكت سما شدتها : انا ما أسمحلكيش تمدى إيدك عليها فاهمه وإلا لاء
سما بزعيق : هاتضربينى والا إيه
سكره بتأكيد وغيظ : اه ها أضربك وربنا لأضرلك لو مديتى إيدك عليها تانى
سما بغل شدت شعر مليكه وهى واقعه على الأرض بتعيط مش قادره تقوووم .. طب اهو ورينى هاتعملى إيه
سكره جابتها من شعرها والاتنين أتلمو على سكر وفتحى وسهيررر صدمتهم مسيبه جسمهم مش قادرين يقومو يعملو حاجه  او يتدخلو فى المهزله إلا بتحصل
محمد فتح الباب ودخل جرررى لما سمع صريخهم على السلم  ساب بندق من إيده طلعه معاه من العربيه و سلك بين سكر وسما وسمر وزقهم بعيد عنها زعق فيهم : إيه الغباء دا عيب أنتو مش صغيرين
سمر بزعيق ؛ ومش عيب الا عملته وبتعمله فينا
محمد وطى بيمد إيده يقوم سهير زقت إيده وانفجرت فى العياااط والكل مش واخد باله من مليكه الا مرميه على الأرض فاقده الوعى بعد ما شدت شعرها ونطرت راسها لورا بقوه
سكره بتعدل نفسها وعيونها جت على مليكه وصرخت : مليكه إلحق يا محمد
محمد بخضه عيونها وقعت عليها وقلبه وقع وراها راح لها وقعد على ركبه بيفوق فيها : ملوكه حبيبى .. مليكه بيخبطها خبطات خفيفه على خدودها .. وبعدين قرص ودانها .. فتحت عيونها وشهقت وعيطت جااامد أول ما شافت محمد : ضربنى بابى وحش ضربنى
محمد بصلهم بغيظ وبص لمليكه : معلش ياقلبى ماتزعليش إحنا خلاص هانمشى وبيقومها صرخت جااامد .. محمد بيعدل رجليها صرخت أكتر حطت إيديها على رجليها .. لاص سيبه لاص إهئ إهئ رجلو يابابى مش عايز قوم
سكره بصت لسما  : منك لله
سما بتجز على سنانها وبتكلم محمد : خلى البت دى تغور من هنااا احسنلها
محمد زعق : البت دى لها اسم و اسمها سلوى ومراتى فاهمه وبطلى قلة أدب .. وصدقينى هاتتحاسبى على إلا عملتيه فى مليكه وبيشيل مليكه من الأرض بطريقه معينه  بص لسكر .. ياله يا سكر هاتى بندق
سكر خدت بندق ونزلت معاه راحو المشفى عمل أشاعه لمليكه طلعت رجليها مكسوره فعلا وجبسها لها 
سكره بصاله بزعل هى عارفه إن مليكه فى حته تانيه عنده : محمد أنت هاتعمل إيه معاهم
محمد قاعد وحاطت إيده على راسه هز راسه : مش عارف ومش فاهم أخواتى بقو عاملين كدا ليييه عمرهم ماكانو وقحين وبالسوء دا
سكره : للأسف هما الا مقوين مامتك بزياده
محمد شاور : أستنى بابا بيتصل .. الووو
فتحى : أنت فين
محمد : فى مستشفى ال... 
فتحى : فى الدور الكام
محمد : فى ال... 
فتحى قفل وركب موصالات وراح لأبنه دخل الأوضه الا هو فيها وبص على مليكه وساااكت فين وفين لما نطق : بنتك
محمد بخجل  هز راسه بتأكيد : أيوا بنتى 
فتحى قعد وباصص عليها وصعبان عليه نفسه قوووى معقول ابنه الوحيد يتجوز ويخلف وهما اخر من يعلم : وهان عليك تخبيها عننا السنين دى كلها يامحمد .. إحنا بنتمنى ليك ضفر عيل وانت حارمنا من أبسط حقوقنا فيك 
محمد قعد قدامه واتكلم بحزن  :  بابا انت عارف إنى لايمكن اخبى عليكم حاجه بس الموضوع دا بالذات كان غصب عنى وخارج عن إرادتى
فتحى : تتجوز وتخلف وخارج عن إرادتك
محمد هز راسه : الموضوع مش كدا خالص .. مسك إيده ابوس إيدك افهمنى واقف جمبى وماتصعبش الموضوع عليااا .. ممكن نخرج من هنا وها احكيلك كل حاجه فى الطريق  ممكن
فتحى ماردش عليه بس عيونه اتعلقت بمليكه سأله وقلبه بيتقطع عليها : حصل لها إيه
محمد : كسرفى رجليها الشمال ..
فتحى قرب منها وسكره ومحمد مراقبين مشاعره ورد فعله تجاه مليكه مسد على راسها ومليكه أول ما قرب منها عيطت وبتشتكيلو : وحش إضرب رجل بتوجعك عمووو هو مش قادر يمشى معايا
فتحى وطى براسه باسها ودموعه نزلت : الف سلامه يا قلب عمووو
مليكه : شوف وحش
فتحى : مفيش وحش ماتخافيش دى عمتك سما وعمتك سمر وتيتا سهير
مليكه : تيتا عمتك ليييه
فتحى ضحك : اهو حكمة ربنا
محمد لسا ها يقرب يشيلها فتحى اعترض وشالها هووو بص لسكر : ياله يابنتى
سكر بصت لمحمد بأستغراب إنه تجاهله  ونزلو مع بعض فتحى ركب قدام وقعد مليكه على رجله وسكره شايله بندق ورا
محمد من وقت للتانى يبص لأبوه وفتحى بيتكلم مع مليكه ويهزر معاها ولا كأنه منتظر يسمع الحكايه من إبنه .. مليكه حطت راسها على صدره وغمضت عيونها ونامت .. ضمها وغمض عيونه ودموعه نزلت بحرقه مش مستوعب ان دى حفيدته .. له حفيده عمرها تلات سنين ونص .. تلات سنين ونص وهو بيدعى كل وقت ابنه يتجوز ويشيل له عيل طب ليه مفيش سبب فى الدنيااا يخلى ضنى يحرم حق أبوه وامه فيه
محمد أتكلم بنبره حزن : بابا أنا أسف إنى حطيتك فى موقف زى دا والله كان غصب عنى
فتحى بصله بصه صاعبه قوى حد يتحملها كلها خذالان وقهر : غصب عنك تتجوز وتخلف وتخبى حياتك عننا خمس سنين يا دكتور ويمكن أكتر
محمد بص على الطررريق فعلا  عذاب أكتر من خمس سنين
فتحى حافظ على نبرة صوته هاديه عشان مليكه : غصبوك على الجواز واتكتفت ومسكو بوئك عشان ما تتكلمش
محمد بتأكيد : أنا فعلا كنت متكتف كل الأمور إلا حصلت فى حياتى كانت غلط وأنا استسلمت للغط دا .. أبوس إيدك أسمعنى وحس بيا فى كل المواقف يمكن ساعتها تغير رأيك .. وبدء يحكى كل حاجه حتى تفاصيل سكر كانت أول مره تسمعها منه وإن ابو شيرى حاول يدمر سمعته ويدمر شغله لولا شيرى وحبها له فى الوقت دا هو إلا أنقذ الموقف كله .. أتنهد وغمض عيونه وركن على جمب .. أنا ما خبتش عنك حاجه لولا سكر كنت فضلت زى مانا ومافكرتش أجى أقلب الترابيزه وازعجكم كلكم  وبنتى كانت فضلت مستخبيه العمر كله .. هى إلا شجعتنى أنزل وأعرفكم إن ليكم حفيده
فتحى دموعه نازله بصمت رهييييب وباصص لمليكه .. معقول كان هايتحرم منها العمر كله عشان جوازه فاشله وناس أنانيه معقول كلام أمه يأثر عليه لدرجة أنه يختار الوجهه الإجتماعيه والفلوس وبس وينسى تاسيس البيت إلا بسببه يايعمر طول العمر يا تهد فوق دماغه زى ما حصله لاء حاسس انى بسمع قصه من الخيال مش قصة إبنى ..
سكره : ماتزعلش ياعمو إلا حصل حصل وأهو محمد الحمد لله بخير ومليكه الحمد لله بخير نص نص بس ماشى حالها هاتلم مع الوقت رجليها ونخلص أقولك خده اضربه وطلع غلك وسيب مليكه غلبانه اضربت كتير كفايه عليها
فتحى أبتسم ومحمد ضحك : بتقولى إيه قولى كلام يهديه من ناحيتى مش يشعللها  متجوز بوتاجز يابابا
فتحى بصله : قصدك متجوز واحده صانتك وصانت العيش والملح إلا بينى وبينها 
محمد أبتسم لها فى المرايه بحب : يشهد ربنا انها فعلا صانتنى وأستحملت كتير برغم المدة القصيره الا عرفتنى فيها وعاشرتنى بحب ومن قلبها
سكره أبتسمت له وكلمت فتحى  : تسلم ياعمو .. عمو أنا أسفه إلا حصل إنهارده كان غصب عنى مابقدرش أتحمل حد يجى على مليكه ولا يمد ايده عليها
فتحى هز راسه : إحنا إلا أسفين يابنتى على كل حاجه .. بص لمحمد أنا مش ها أتكلم معاك ولا ها اعاتبك صلح علاقتك بأخواتك وأمك وانا مش ها أتدخل فى حاجه ولا ليا دعوه بيك زى ماحرمتنى من حفيدتى أنا كمان ها أحرمك من دعمى ليك يا محمد
محمد بزعل : بابا أرجوك بلاش أنت
فتحى : وانت كنت قولت بلاش بابا .. بلاش ماما .  أنت رامتنا ورا ضهرك سنين ... شاور على مليكه .. كل إلا هايربطنى بيك هى دى وبس يوم ما أسئل ها أسئل عليها .. يوم ما أخطى برجلى عندك هايبقى عشانها وبس .. شال مليكه ونازل .. انا ها أطلع أشوف أمك الا أنت حتى مافكرتش تسئل حصل لها إيه وجريت بننتك وسيبتنا زى ما جريت سنين وسيبتنا وسابه وطلع ..
محمد غمض عيونه واتخنق وسكره بتمسد عليييه : أتحمل يا حبيبى وخلى نفسك طويل
محمد : أعمل إيه
سكره صدرت وشها فى وشه : خليك تنح أكتسب التناحه لفتره مؤقته هى دى المواقف إلا عايزا برود اعصابك يا بابا وبتكرر كلامه عشان ما تقرفش الا حواليك وتتعبهم وتتعب نفسك
محمد ضحك وضربها على آيديها : بترديها بسرعه  متجوز قرشانه لاء قرشنتين
سكره ضحكت : كما تدين تدان شفت .. أطلع ربنا معاك وأنا ها استنى هنا أنا وبندق بصت لبندق .. ماشى يا بندقه
بندق نط عليها وشالته وقعدت مكانها
محمد : أنزلى عشان الكل يتصافى انزلى
سكره بأعتراض : لالالا يابابا مفيش فيا حته سليمه كفايه عليا الا خدته انا بفور دمهم من غير حاجه اطلع ظبط أمورك أتصل تعالى يا سكر الامور تمام تطلع سكر ماشى
محمد هز راسه : ماشى هاتسبينى لوحدى
سكره : نطرت إيديها ... معاك ربنا يا أخ محمد قلبى عندك جسمى كفايه عليه لحد كدا وفعلا طلع ويدوووب دخل الشقه أتصل عليها قالها اطلعى بسرعه
سكره احولت وبصت لبندق : هما بيصالحوه بسرعه كدا ليييه ملحقش يطلع  صالحوه على السلم .. وبتفكير بصت لبندق .. تفتكر ها يصالحونى بنفس السرعه ههههههه .. قفلت العربيه وطلعت على فوووق بتقدم رجل وتأخر التانيه سمعت عياط مليكه وبتنادى عليها فهمت سبب طلوعها
*****
حازم : ماما كفايه انا كلت كتير الحمد لله
صفيه : أبدا لازم تاكلها كلها دانت يابنى كنت عدمان راجعلى وشك مطرح قفاااك يرضى مين دا يارب
حازم : ههههههههه عليكى تعبيرات يا صفيه عنب وشك مطرح قفاك اقسم بالله لو حد سمعك من زمايلى الأوباش لتبقى ذله اتذل بيها طول العمرررر
صفيه : هههههه قصدى يعنى ممؤت يادكتور اتمئت واتسخطت
حازم مد إيده : كفايه أبوس إيدك وبيشد إيديها يبوسها
صفيه : يوه مالك ياحازم هاتتجدد عليااا وإلا إيه
حازم أبتسم  :  إهيه هو دا كلام بردك يا صفصف ياقمرررر انتى وبياكل حتة لحمه .. عارفه يا صفصف نورا ما تتخيرش عنك هاتغذينى وتراعينى..  عليها نفس فى الأكل يااااه فظيعه يا صفيه فظيعه
صفيه بفرحه : الله اكبر هو دا الكلام الا يطمنى عليك يابنى فى غربتك
حازم بتأكيد : لا أطمنى وحطى فى بطنك بطيخه صيفى .. بصى أول ما أنزل مصر بيها بعد الجواز ان شاء الله ها أدوقك إبداعاتها ودى بقى خليط مصرى لبنانى يعنى هاندوق أحلى الأكل مع عبق لبنان وجماله
صفيه : ماحكتليش عنها كتير يا حازم أهلها فين عايشه ازاى
حازم : عايشه مع أخوها مهند
صفيه تنحت : يوه مهند الا متجوز نور هى مش مراته هاتقلب راسى ليه
حازم : صفيه ابوس راسك أنسى التركى وسنينه السودا ملناش دعوه بالمسلسات دلوقت نورا دى اخت مهند ملهمش علاقه بالتلفزيون ماشى
صفيه : ماشى
حازم : المهم ابوها وأمها تعيشى أنتى
صفيه شهقت : ياقلب أمك يابنتى يتيمه لا إله إلا الله .. دى محتاجه صدر حنين
حازم ابتسم : صدرى احن صدر هى بس تدخل الفخ وأنا اوريها النجوم فى عز الضهر
صفيه : هههههههه كدا فخ صحيح
حازم : هى ام كريم جايه تعمل إيه بكرا
صفيه : بتجيبلى طلبات الأسبوع وتروق الشقه وتتوكل على الله
حازم  :  صفصف مش ها اوصيكى عايز اخد معايا من خيرات ربنااا بصى شنطه مستويه جاهزه وشنطه نايه بس جاهزه على السوى حاجه كدا تكفينى لحد ما أتجوز نورا 
صفيه بتشاور على عيونها : عيونى ياقلب أمك .. المهم كمل
حازم : بس وباقى أهلها هنااا محدش بيسئل عليهم أو ماعرفش ماجتش مناسبه إننا نتكلم فى الموضوع دا
صفيه : قرب منها يا حازم واعرف عنها كل حاجه فاهم .. حازم هز راسه وقام وبيشيل الأكل وهو ماشى .. المهم حبتيها
صفيه : والله يابنى هى وشها كله راحه ربنا ما يخيب ظننا فيها يارب ويجعلها زوجه صالحه ليك
حازم بصوت عالى : اللهم أمين
***
أنس وكريمه  بيتمشو برا وكريمه كل شويه تاخد نفس وتخرجه بهوا نقى ..
أنس : مالك يا ماما عماله تخسى وصحتك مش عجبانى خالص
كريمه ببتسامه : مالى الحمد لله زى الفل  كل الحكايه جسمى تخن من القاعده قولت اخس وأكون خفيفه
أنس أبتسم : واخده بالك من نفسك يعنى
كريمه لفت إيديها : حاجه زى كدا .. المهم فى أخبار عن سكر مها صعبانه علياااا قوى حالتها وحشه مش مكتوب لها الراحه مع الراجل عديم الأخلاق طليقها المهم بنتها أخبارها إيه طمنى
أنس اتنهد : كويسه أو جوزها بيقول كويسه وانا زى مانتى شايفه لا شفت مها ولا أتكلمت معاها بقالى يومين
كريمه : ربنا يصلح حالها البنت بنت حلال وتستاهل كل خير  .. مسكت إيده .. قعدنى يا أنس
أنس بقلق مسك إيديها قعدها قدام محل بص جوا : بعد إذنك ماما تعبت شويه
الراجل : ولا يهمك اجيبلك ميه
أنس : أجيبلك ميه يا ماما
كريمه هزت راسها : لا يا حبيبى ها أرتاح بس شوبه الرجيم مهبطنى يخرببت التخن
أنس بص للراجل : شكرا  .. ماما أنا مش مطمن وحاسس إن فيكى حاجه مش مظبوطه تعالى أكشف عليكى فى مستشفى الطيران واطمن إنك بخير عايزا تروحى أى مكان تانى أوديكى بس اطمن أنك بخير
كريمه قامت مره واحده  وبمعانده : أنا زى الفل ها تمرضنى يا أنس ليه وبعدين أنا خارجه اتمشى وأغير جو بقالى زمن ماخرجتش برا البيت وبكسل حتى اجيب طلباتى لازم ادوخ مفهاش حاجه .. ابتسمت وضربت على إيده .. بقولك يا حبيبى
أنس : نعم
كريمه : كنت شايله حاجه للزمن وجه وقتها ليك أنت واخواتك طبعا نصيبك الأكبر عشان جوازك هما خلاص الحمد لله اتجوزو واطمنت عليهم وخدو حقهم فى الجواز .. أنت إلا مغلبنى  
أنس بنص عين : خنصرتى كام يا كريمه شكلك كدا ناويه على نيه
كريمه بضحكه هاديه : من جهة ناويه فانا ناويه .. أجيبلك عربيه بشمهندس طيران اد الدنيا وماعندوش عربيه يروح ويجى بيها
انس رفع راسه وضحك : اوباااا يا كريمه ياجامد  . بس بقولك إيه انا كمان بحوش عشان أجيب حاجه حلوه قيمه فعلااا .. قوليلى هاتدينى كام
كريمه : بص كل واحد من إخواتك ها ياخد ١٠٠ ألف وأنت بقى ليك فى ذمتى ٢٠٠ كدا يبقى خلصت ضميرى من ناحيتك
أنس برق : ماشاء الله يا كركر مدكنه  دا كله دانتى طلعتى خطيررره
كريمه ضحكت وضربته على إيده : مصاريف أبوك على مرتبى لما كنت بشتغل كانو مبلغ كبير الحمد لله عيشنا وإخواتك اتجوزت وكنت بعمل جمعيات وأشيل فى البوسطه عامله دفتر لكل واحد فيكووو من أول ما دخلتو المدارس  أنت نصيبك الأكبر يابنى مامدتش إيدى على مليم فيه قولت أخواتك يشدو حيلهم ويبقى وراهم عيال ومسؤوليات وعارفين قيمة القرش وها يحافظو عليه أقول لهم على الفلوس وأديهالهم  فهمتنى يا أنس
أنس باس راسها : يا حبيبتى طول عمرك ساندنا بقينا رجاله بفضل الله ثم وقفتك معانا وليناااا .. وقف قدامها وبحماس .. إيه رأيك أدفعهم فى شقه وانا اجيب العربيه بفلوسى مش عايز اعيش فى إيجار بعد الجواز اخد شقه حلوه فى مكان كويس وادفع الباقى قسط
كريمه رفعت إيديها : ربنا يصلح حالك ويسهل أمورك يابنى ويجعل لك فى كل خطوه بركه وسعاده ورضااا
أنس بصلها بحب وبفخررر : اللهم أمين يا حبيبتى ماقدرش يمسك نفسه ضمها وباس راسها  .. ضحك جااامد .  الا هاجيلو جنان لما يعرف عمرو واد يموت على القرش هايرقص للصبح أغتنى فى لمح البصر بعد ما كان شحات مننا كلنا
كريمه : هههههه والله ما خايفه غير من المطيور دا هو ومراته  ما بيصدقو يشوفو قرش بيعيشو الدنيا بالتلاته
أنس بتفكير : ساعات أحس ان هو الوحيد الا فينا صح هانفضل نحرم نفسناااا لحد أمتى 
كريمه : بالعقل يابنى الدنيا بقت كل ساعه بحااال لازم تحافظ على إلا فى إيدك  طير نصه أو كله إلا حبه هاتحتاجه بعدين هاتسترك من ديق الأيام وصعوبتها مش لازم نطاوع هاونا فى كل حاجه أهو الفلوس جت فى وقتها ولها عوزه انا قولت ياريتنى اشترتلك شقه فى الرخص بس أدى الله وادى حكمته  أحسن حاجه أبوك عملها فينا انه أشترى الشقه بتاعتنا وقعدنى معززه مكرمه فيها صغيره اه بس كانت لامانا ومش حاوجانا لحد  وكتبها بأسمى وقالى  ساعتها مش قيمتك يا كريمه بس النبى قبل الهديه شفت كل حاجه بتنفع وتسندك
أنس ابتسم : عشان كدا بحب بابا قوووى كل ما اقارن بينه وبين زيد أبو سكر أحمد ربنا أنه كان من نصيبنا .. يااااه ياماما لو نتقبل غلطنا ونتصالح معااااه ونكفر عنه  بأننا نحافظ على شكلنا وإحترامنا فى عيون بعض ياه لو كل واحد يدى حقه للتانى مش ياكله وينكره ويجى عليه ويدوس على حته منه لجل ما ينتقم أو يشفى غليله    
كريمه : عندك حق يا أنس أهو يابنى بنت  زامل كل يوم والتانى فضايح وبهدله ومانعه ولادها أنهم يشوفو أبوهم يا اب ظالم يا أم ظالمه ربنا يعافينا .. أبوك الله يستره دنيا وأخره لسا مراعينى لحد دلوقت ولما قولتلو ولادك رجاله يصرفو علياااا كتر خيرك لحد كدا .. قالى انا ربنا موسع رزقى وكارمنى فى حياتى عشان مراعاكى الأقربون أولى بالمعروف وأنتى تتشالى فوق الراس كفايه شيلتى ولادى العمر كله  .. باست إيديها بكل رضااا .. الحمد لله إن دا الراجل إلا دخل حياتى والحمد لله أنه خرج منها من غير مرمطه وإهانه ياااارب ..  مسكت إيده .. أختار بعقلك قبل قلبك اختار العقله الا تصونك وتشيل البيت معاك .. أختار الا تتقى ربنا وتخافه يابنى سيبك من الشكل والمظهر  وأتقى ربنا يا أنس وعاشرهن بالمعروف ولاتنسو الفضل بينكم دا كلام إلا ها يحاسبك يوم الموقف العظيم يابنى
أنس رفع إيده لفوق : يامسهل يارب  شاور عليها .. الدعوه عليها ومنك التوفيق .. تعالى بقى اعزمك على أكله حلوه كدا تدعيلى عليها يا أم أنس وندلع نفسناااا
كريمه وقفت برقت له : لسا بقولك إيه امسك إيدك هاتقلد المطيور أخوك
أنس ضحك وبيشدها : تعالى تعالى مفهاش حاجه لاتمسكها كل المسك يا كريمه لازم ندلع بردك
كريمه : ههههههههه ماشى بس أنا الا ها أعزمك وأنتى أكلنى أيس كريم
أنس : ياكريمه سيبينى أوجب انا انهارده وأنتى الأسبوع الجاى
كريمه بإعتراض : هو فى أسبوع جاى
أنس شاور عليها : أنتى اسبوع وأنا أسبوع معانا فلوس بقى وفرتك فرتكه
كريمه ضربته : ياواد لم على روحك ياريتنى ما قولتلك طلعت اجن من أخوك
أنس : ههههههههههه بلاش كل أسبوع كل أسبوعين تعالى دانا ها افسد اخلاقك العاليه دى واشربك خمره بس سيبيلى نفسك
كريمه ضحكت : يوووه خمره مره واحده شكلك واد فلتان وانا ماعرفش
أنس ضحك من قلبه : نفسى يا كركر بس مش عارف للأسف تحسى إن دعاوتك مستجايه وإبنك طلع مؤدب والحمد لله
كريمه : استغفر الله ربنا يحميك ويكملك بعقلك يابنى أمشى والا ركبنى هرتنى مشى
أنس بيدعك إيده فى بعض : اجيب العربيه وانا ألففك الجمهوريه يا كركوره أنا وأنت ولا حد تالتنا
كريمه بجديه : وعد
أنس : وعد يا حبيبتى وخدها تحت دراعه وركبو تاكسى اتغدو واكلها الأيس كريم وروحو وكريمه مبسوطه بقاعدة أنس وقلة سفره بيروح شغله ويرجع وبقى لها وقت تقضيه معاه وتتكلم وتاكل وتضحك بدال وحدتها
***
زنوبه قاعده عند منى فى البيت ومستنيه مجدى يطلع من الصلاه .. حاولت تتكلم مع ام منى قالت لها  الكلام مع أبوها ..
مجدى فتح الباب وداخل أول ما شافها  : السلام عليكم
زنوبه : وعليكم السلام ورحمة الله وبركاته
مجدى : أهلا يا أم يونس
زنوبه : من قلبك يا حج مجدى زيد واخد على خاطره وحالف ما يخطى هنا بعد إلا عملته فى يونس ليييه تكسر بخاطره وبفرحته داحنا بنحارب عشان نطلعه من الجيش لجل ما يشوف حياته
مجدى : حيلك شويه يا أم يونس مش كدا داخله سخنه علينااا
زنوبه بزعل وقهر على يونس : سخنه من كسرت إبنى دا بيحبها ونفسو فيها ليه تحرمه منها عملك إيه
مجدى : والله كل شئ قسمه ونصيب كل واحد مكتوبله شئ ها يشوفه
زنوبه بإصرار : ويونس ومنى مكتوبين لبعض وأنت عارف يا حج مجدى
منى جوا فى أوضتها بتعيط من ساعة ما زنوبه دخلت وأمها واقفه قدامها ماسكها : والنبى ياماما اخرجى اقنعيه لو بتحبينى أبوس ايدك وبتبوس إيديها
أمها : بس يا منى بقى كفايه أبوكى عارف مصلحتك وخايف عليكى يا بنتى هى دى ست تتعاشر ولا حتى جوزها
منى بعياط أكتر : ياماما أنا مالى ومالهم ياماما أخرجى  يارب أموت لو ماخرجتى يارب
أمها شهقت : بعد الشرررر أتجننتى يابت
منى بتتنطط وبتتكلم بصوت مكتوم : اااه حرام عليكو حرام ياتطلعى يا اطلع انا والا يحصل يحصل
أمها : اتسدى انا طالعه بس والله أخر مره ها اتدخل يامنى  .. وطلعت قعدت معاهم
مجدى : ست زنوبه صلى على النبى
زنوبه : عليه أفضل الصلاة والسلام
مجدى : انا جبت أبنك وقعدته وقولتله يابنى انا عايز شقه لبنتى برا اتنطط عليا وزعقلى لما بيعمل كدا من دلوقت ها يعمل إيه بعدين ولما تبقى على ذمته هايعمل فيها إيه
زنوبه :  غصب عنه مش لما يخرج من جيشه ياحاج مجدى كل يوم والتانى تصعبها عليييه ليه مش حرام أنت اتجوزت أم منى ازاى وإلا بإيه كلنا كنا بندخل فى بيوت عيله ومعاهم فى نفس الشقه إبنى له شقه فوقينا عايز تبعده عننا ليه هاناكل بنتك
مجدى بإعتراض : زمنا غير زمنهم يا ست زنوبه وإلا أوله شرط اخره نووور أنا كيفى بنتى تقعد برا  زعلانين ليه
زنوبه : زعلانين عشان أنت شايف الحال يا حاج مجدى هو فى إيده إيه دلوقت عشان يدبس نفسه فى شقق حرام ساعده حتى بإنك ما تتقلش عليه اعتبره زى الحلوه بنتك
أم منى : معلش يا مجدى ممكن نصبر على موضوع الشقه وأعتبر دى مساعدتك ليونس ومنى
مجدى زعق وهاااج : ماتتكلميش أنتى انا قولت يا شقه برا يا بلاها الجوازه وهو زعق وكان ها يمد إيده عليااا ماعنديش بنات للجواز يا ست
زنوبه : طب أهدى الكلام اخد وعطى
مجدى نطر إيده : دا إلا عندى فى شقه برا ها اتغاطى عن الا عمله معايا واقوله اتفضل الباب مفتوح ليك مفيش لو مين جالى انا مش وافق فاهمين وسابهم وقااام
زنوبه بصت لأم منى : شفتى عمايل جوزك يرضى مين عمايله دايهين
أم منى : والله انا غلبت بينكم كلكم .  مفهاش حاجه لما تريحوه يا ست زنوبه وتأجرو شقه برا
زنوبه مدت فى الكلمه : منييييبن وها يعيشو ازاى يا ناس إلا بيتكلم عاقل والمستمع مجنون .. ها يدفع إيجار ونور وغاز منين ياناس دا لسا بيقول ياهادى نساعده والا نقطم وسطه ونكدر عيشته الشقه موجوده مش ها يدفع فيها ملين أحمر
أم منى : انا مفيش فى إيدى حاجه
زنوبه قامت : بالأذن أنتى وجوزك مقفلنها فى وشناااا
أم منى بصوت عالى : انا مالى يا زنوبه  راجل البيت عايز كدا ها امشى كلامى عليه بالعافيه
زنوبه مسدت عليها : لاء ياختى هو فى ست بتمشى كلامها على راجل بردك وسابتها ونزلت فضلت ما شيه فى الشارع تعييييط وتدعى على زيد ... سنين حرررمان  وصابره .. سنين كل يوم حالهم بيسوء عن اليوم إلا قبله .. سنين حاوجهم للناس كلها بخييييييل بخييييل بخييييل ..
ودى نصيحه لكل البنات إبعدو عن البخلا واوعو تقولو ها يتغيرو .  الراجل البخيل بتعيشى معاه فى ضنك زى ما الرسول عليه افضل الصلاة والسلام قااال بخيل حتى فى مشاعره ودى اسوء عيشه
حديث لا تزوجوا البخيل ، بحسب ما ورد في الأثر عن السلف الصالح أنه - وقال بشر بن الحارث: (البخيل لا غيبة له؛ قال النبي صلى الله عليه وسلم ((إنك إذًا لبخيل))،  وقال: (لا تزوِّج البخيل ولا تعامله، ما أقبح القارئ أن يكون بخيلًا)، كما أنه فيما ورد عن رسول الله -صلى الله عليه وسلم- أن البخل يعد أحد الأمور التي حرص -صلى الله عليه وسلم- على التعوذ منها في كثير من الأدعية ، ومنها : اللَّهمَّ إنِّي أعوذُ بِكَ منَ البُخلِ ، وأعوذُ بِكَ منَ الجُبنِ وأعوذُ بِكَ أن أَرَدَّ إلى أرذلِ العمرِ ، واللَّهُمَّ إنِّي أعُوذُ بكَ مِنَ الهَمِّ والحَزَنِ، والعَجْزِ والكَسَلِ، والجُبْنِ والبُخْلِ، وضَلَعِ الدَّيْنِ، وغَلَبَةِ الرِّجالِ.
**
محمد حاول معاهم كتير جدا بس للاسف سهير قفلت كل الأبواب قدامه ساااعه بيناهد معاهم .. وإخواته قالوها صريحة فى وشه إنهم مقاطعينه ومش عايزين يعرفوه تااانى .. اتكلم بعصبيه : يعنى يا ماما إيه الا يريحك أنتى واخواتى عشان أمورنا ترجع كويسه
سهير بصا لسكر بحقد  الا شايله مليكه وقاعده على الكنبه ما بتدخلش ولا بتنطق : هاتطلق البت دى وتخرج من حياتنا ساعتها هاتكون أنت إبنى وهما إخواتك
محمد بصدمه : نعم
إخواته : هو دا شرطناااا وساعتها نعرف كنت  متجوز مين وبتعمل إيه فى غربتك  ونساعدك فى تربية بنتك
محمد هز إيده واتكلم بجديه وفتحى ساعتها قام من مكانه بخضه : دا الا ها يريحكم  إنى اطلقها
سهير بتاكيد أيوا
محمد : مااااشى
سكره عيونها اتسمرت عليييه ودموعها نزلت بصمت للدرجه دى هى رخيصه ما تستاهلش تحارب عشانها مركونه لوقت عوزه وبس
❤🧡🧡💛💛💚💙💙
بقلم : لبنى طارق
💜💜🤎🤎❤🧡