سكره

سكره ٣٤

سكره ٣٤
********
رَبِّ اغْفِرْ لِي خَطِيئَتِي وَجَهْلِي وَإِسْرَافِي فِي أَمْرِي كُلِّهِ وَمَا أَنْتَ أَعْلَمُ بِهِ مِنِّي، اللَّهُمَّ اغْفِرْ لِي خَطَايَايَ وَعَمْدِي وَجَهْلِي وَهَزْلِي، وَكُلُّ ذَلِكَ عِنْدِي، اللَّهُمَّ اغْفِرْ لِي مَا قَدَّمْتُ وَمَا أَخَّرْتُ وَمَا أَسْرَرْتُ وَمَا أَعْلَنْتُ أَنْتَ الْمُقَدِّمُ وَأَنْتَ الْمُؤَخِّرُ وَأَنْتَ عَلَى كُلِّ شَيْءٍ قَدِيرٌ
اللَّهُمَّ أنَْتَ رَبيِّ لَا إلِهََ إلَِّا أنَتَ، خَلَقْتنَيِ وَأنََا عَبدُْكَ، وَأنََا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَاللَّهُمَّ إِنِّي ظَلَمْتُ نَفْسِي ظُلْمًا كَثِيرًا، وَلَا يَغْفِرُ الذُّنُوبَ إِلَّا أَنْتَ، فَاغْفِرْ لِي مَغْفِرَةً مِنْ عِنْدِكَ وَارْحَمْنِي إِنَّك أَنْتَ الْغَفُورُ الرَّحِيمُ
اللهم صل وسلم وبارك على سيدنا محمد وعلى آله وصحبه أجمعين
❤❤❤🧡🧡💛💛💚💚💚💙💙💙💜💜💜💜💜
أمجد قلبه وقع وبيدعى يكون توقعه غلط .. شايف شنط وبنوته تشبه محمد .. لاء لايمكن تكون سكره عملت كدا وخبت عليهم .. سأل بصوت رايح : مين دى يا سكره
سكره شاورت على جوا وهى بتطلع الكلام بالعافيه ؛ ممكن تدخلنى ياعمو الأول
أمجد سابها ودخل جوا حس إنه دايخ من ساعة الا حصل لمها وهو بيفكر والتفكير والزعل على عليه الضغط
سكره همست : مليكه لو حد زعق أو قالى حاجه ملكيش دعوه
مليكه : باشى
سكره ؛ مليكه أنا مش ناقصه أسمعى الكلام
مليكه : باااشى
مها جوا : مالك يا أمجد قعدت كدا ليه مين على الباب
سكره دخلت مش بتمشى لاء بتذحف .. اتنحنحت : أنا ياماما
مها لفت وأول ما شافت مليكه والشنطه برقت : مين دى
سكره : ماما بصى إفهمينى ماشى يعنى خلى صدرك واسع ليااا أرجوكى
مها صرخت ومليكه اتخضت ومسكت فى راقبة سكره : أفهم إيه أوعى تقوليها يا سكرررر .. أوعى .. كان متجوز ومخلف صح .. أنا سمعته بيتكلم وبيقولك مليكه قولت حد تبعكم  كدبت نفسى وياريتنى ما كدبتها قلبى كان حاسس وبقول لاء أنس قالى كان معاكى بنت هناك وسبتيه وجريتى كنتى بتستخبى منه صح أنا عارفه وبتخبط على صدرها
سكره بخوف : ماما إهدى وها أشرحلك الموضوع كله
مها بصريخ : تشرحى إيه يالهووووى .. ااااه وحطت إيديها على راسها ووقعت على الأرض وأمجد مش قادر حتى يقوم يشوف فيها إيه
مليكه : سكرا هو مات
سكره سابت مليكه واترمت على مها وبرعب : ماما .. أرجوكى ياماما بلاش تعملى فيا كدا .. بتضربها على خدودها .. فوقى عشان خاطرررى .. قومى يا ماما .. آهئ إهئ .. قامت جرى دخلت المطبخ  جابت ميه وبصله وقعدت ترش على وشها وتشممها البصل إلا قاسمها نصين
مليكه دخلت المطبخ شافت التربو جابت منه بصله وشالت أزازة ميه من الأرض وكل ماتمشى خطوه تقع وترجع تشيلها تانى .. البصله تقع .. وترجع تشيلها تااانى لحد ما وصلت عند أمجد إلا قاعد حاطت إيده على راسه وتحسوه ضااايع .. فتحت القزازه وغرقته بيها وكبت الباقى على وش مهاااا إلا اتنفضت وقااامت وهى بتشهق
سكره بصتلها : مليكه ..  مها بشهقه كبيره بتمسح وشها .. ماما الحمد لله أنتى كويسه
مليكه قلبت راسها لتحت وبتبص لأمجد وبتقلد سكر .. أنتى كوووويسسه .. شالت البصله من الأرض وحدفته بيها ولفت براسها تانى وبتكلمه .  أنتى كويسسه
سكره راحتله وبتنفض بنطلونه الا أتغرق ميه : عمووو أنا أسفه صغيره مش فاهمه حاجه  .. عمو أنت كويس رد عليااا وبتهز فيه
أمجد قااام وسابلها المكان ودخل أوضته ومها قاعده بتعيط قربت عليها مليكه ومسكت اللزقه إلا فى راسها وقلبت وشها فى وش مها وطلعت بوذها : عور واوا  بتطبطب عليها .. لش .. داست عليها .. قول أى .. علت صوتها جااامد وبعصبيه .. قول أى  وجعنى
مها بصتلها وبرغم ان الضحكه واقفه على شفايفه بس مش قادره تضحكها بنتها حطمت أخر أمل جواها ..  بصت لسكره : ليه يا سكر تعملى فى نفسك كدا حرام عليكى يابنتى حرام عليكى هو أنتى عيشتى حياتك لما تروحى تعيشى حياة غيرك وتشيلى شيلته  أنا مابقتش عارفه أعيش ولا أرتاح بسببك
سكره مسكت إيد مها : والله ياماما ماكنت أعرف سامحينى .  وبعدين بصى وبتشد مليكه قدامها .. حبيبتى وروحى وقلبى دى هونت عليا كتير .. عيطت .. ملهاش ذنب فى الدنيااا غير انها خدت نصيب زى نصيبى أتخلى عنها أزاى
مليكه حضنت سكر وعيطت على عياطها : عيط ليه .. باستها قوووى وبتمسح دموعها
مها عياطها زاد : اااااه رفعت راسها لفوق .. منك لله يازيد منك لله ربنا يورينى فيك يوم
سكره : ماما محمد كويس معايااا وبيحبنى إنسى كل حاجه حصلت
مها زعقت : ما لازم يبقى كووويس وبيحبك إمال هاتربى له بنته أزاى ها يشغلك خدامه لها أزاى
سكره بنفى : لاء ليييه تحسبيها كدا ليه ماتقوليش إنه مر بتجربه فاشله والحمد لله دلوقت أستقرت حياته ها يعمل إيه لو عنده بنت فى إيده إيه غير إنه يراعيها .. أتكلمت بتأثر .. مش أحسن ما يقوى عليها واحده غريبه عنها وتعيش فى ظلم وقهر لو هو كويس نقول كويس عشان عايزنى خدامه
مها ركنت راسها على الحيطه وفضلت تعيط أكتر وأكتر .. مليكه اتأثرت بيها قوووى شايفه سكره بتحبها وتواسيها قربت منها وطلعت على رجليها وبتمسح دموعها : لش بصت على سكر .. هو روح أمك ليييه عيط حبك قول سكر
مها من وسط عياطها : بتقول إيه دى
سكره أبتسمت : بتقولك انى أنا روحتلك ومعاكى ليه بتعيطى ناقصك أيه
مها أتكلمت بوجع : ناقصنى بنتى .. بنتى دمرتنى وتعبتنى من كتر ماهى سلبيه وسايبه الكل يتحكم فيها ويستغلها .. مها صرخت فى وشها ولأول مره .. ياريتنى ماجبتك ولا شفتك يا سكر
سكر بصدمه بصتلها ومابقتش مستوعبه كلام مها ياترى الا سمعته دا حقيقه مها الا بتقول كدا عليها
مها بعياط أكتر : أنا تعبت وأعصابى تعبت .. مليش أى حق فيكى .. حتى فرحك أتحرمت منه  .. جوازك خدك زى المطلقه .. دا المطلقه  بيتعمل لها فرح وتمشى رافعه راسها وسط الناس .. شاورت على نفسها .. أنا أتعملى فرح وفرحت وأتبسطت أنتى خدك زى الا عامله عامله وبيستر عليكى أشترى واحده من أب رخيص بكام ملطوووش حسبى الله ونعمه الوكيل .. أنا خلاص مش ها أتحمل تانى أكتر من كدا كفايه عليااا ..  كفايه .. نصيب منك خدته بالتلاته زعل وهم
سكره قامت وخدت مليكه دخلت الأوضه فضلت تعيط ومليكه مش عارفه تعمل لها إيه غير انها تعيط زيها .. لمت حاجتها كلها وطلعت ومها قاعده زى ماهى  أتكلمت من غير ما تبصلها : أنا بردو كنت أتمنى مايكنش ليا وجود فى الدنيا ولا وجود وسطكم عشان كل ذنبى إنى بنت زيد ومها هى دى الجريمه الا عملتها فى حقكم .. . خدت شنط مليكه طلعتها برا وشنطها وخدت مليكه وطلعت قفلت الباب أو بمعنى أصح رزعته  
نزلت وهى مش عارفه تروح فين الفلوس الا معاها ماتعملش حاجه ولا يجيبو لها حاجه زيد خد المبلغ الكبير الا كانت نازله بيه .. شاورت لشابين من الشارع وبتحاول تتصنع انها طبيعيه : لو سمحت يا كمال ممكن تشيلو معايا الشنط وتخرجونى على الشارع برا عشان أركب تاكسى
كمال والا معاه : ممكن طبعااا  تعالى ياله وملكيش دعوه بالشنط خالص احنا هانشيلها
سكره : شكرا ومشيت قدامهم طالعه وعلى كتفها مليكه الدنيا بتدور بيهم وهما بيدور فيها ..   بتفكر ياترى أى حيطان هاتدارى عليها وتسترها من ظلام الليل  ووحشته  .. فعلا أمها كان عندها حق تتمسك بالشقه كان لازم يبقى لها مكان مستقل عن الكل .. مكان مايحوجهاش لحد أدام قادر يجيب يبقى يجيب .. ماهو كل حاجه لها وقتها ولها عوزه صعب نستغنى عنها
سواق التاكسى من وقت للتانى يبص لسكر إلا ميته من العياااط ومليكه إلا غرقت فى النوم على رجليها بصات غريبه من وقت للتانى ماشى ومش عارف هى عايزا تروح فين أو لمين 
**
أنس وصل عند أمجد بعد ما كلمه أمجد وقاله تعالى إلحقنى وبنهجه دخل الشقه الباب مفتوح ومها قاعده زى ماهى بتعيييبط ما أتحركتش والمكان مبهدل كله ميه أتكلم بخضه : بابا فين يامها جراله إيه ..  .. سمع صوت أمجد دخله الأوضه وهو بيطلع نفسه بالعافيه .. بابا فى إيه
أمجد بتعب : خدنى أى مستشفى يا أنس يابنى مش قادر
أنس بيقومه لقى هدومه متغرقه ميه جاب هدوم لبسهالووو وكل ما يسئله مها فيها إيه أنتو متخانقين مايردش علييييه نزل بيه بعد ما يئس إن مها تتكلم أو حتى تتحرك من مكانها وصل المشفى وعملو الفحص الضغط عالى جدا جدا .. عملو كل حاجه عشان ينزلوه وقالولوه كدا غلط عليك ساعدنا وحاول ماتفكرش فى حاجه بتدايقك .. أنس بعد ما خرج وحس إن أبوه أتعدل شويه البرشام بدء يعمل مفعول  خده وبيتكلم معاه فى كوفى شوب عايز يعرف ماله وجايبله عصاير مسكره جدااا
أمجد بدء يحكى ولأول مره يعيط مش قادر يتحمل إنه راجل ويتعلم عليه فى بيته وفى مراته   وأنس بيسمع إلا حصل وبيغلى من جواه غلى مش مستوعب أزاى سكر تسكت على كل دا وكمان جوزها طلع متجوز ومخلف رفع راسه وغمض عيووونه وهو بيتخيل المنظر ماسك زيد عايز يقطعه حتت بعد ماشاف كام فديو على تليفون أمجد  لايمكن يبقى بنى أد أو أب
أنس بجديه  : قوم تعالى
أمجد بصله : هانروح فين
أنس : تعالى بس .. وخده ومشى وقفت قدام بيت زيد بالتاكسى وبينزله
أمجد بيشده ويزعق فيه : لاء مش ها أضيعك عشان كلب زى دا كفايه إلا حصل وبيحصل كفايه
أنس بهدوء عكس إلا جووواه : ماتخافش يا بابا .. أنزل
أمجد بخوف : لاء يابنى أنا يوم ما أخد حقى ها أخده لوحدى أنت ملكش دعوووه
أنس أصر عليه وقاله لو مانزلتش ها أروحله لوحدى  أمجد أضطر ينزل معاااه طلع فوق وبيخبط وزيد فتح وهو بيقول براحه يا إلا بتخبط ..  أول ما شافهم قلب وشه : خيرررر إيه جايبكم دلوقت
أنس زقه لجوا : خيرا طبعاااا جاين نتكلم معاك كلمتين ونمشى
زنوبه سابت الشيشه وقامت : فى إيه يا زيد .. أول ما شافتهم قلبت شفتها يا طله مش عزيزه خالص
زيد شاف الشر فى عيون أنس وهو فين وفين أنس .. طول بعرض وشباب وصحه ضربه منه ممكن تخلص عليه أتكلم بهدوء نوعااا مااا : أتفضل بص لأمجد شوفت أنا راجل محترم وبستقبل ضيوفى مش زيك ولا زى مراتك
أمجد بزعيق وشرررر : ماتجيش سيرة مراتى على لسانك ال... فاهم على الله أعرف انك أتعرضت لها أو قربت من بيتى مره تانيه وأنا أفرمك فرم تحت رجلى
زنوبه علت صوتها : نعم نعم جاى تهددنا فى بيتنا ياعمررر
أمجد : أنتى تسكتى خالص مش ها أطلع راجل وس..  وأمد إيدى على واحده ست 
أنس طلع التليفون بتاعه وأتصل على واحد : منيرررر باشااااا وبيضحك والكل سكت وركزو معاه .. اه أنا هناااك وقدامه منا قولتلك قل أدبه وأتهجم على بيت أبويا وعلى مراته وغير الكلام كله قدام الشرطه وأجبر بنته تقول  غير إلا حصل وأهو مراته واقفه تتخانق وتزعق كمان
زيد بص لزنوبه : خشى جوا يا وليه دلوقت دا كلام رجاله .. زقها .. أدخلى
أنس : أنا متتظرك عشان لازم أحط حد للمهزله إلا كل يوم تحصل منه فى حقنااا .. اااه عندنا كاميرا فى بيت أبويااا فيها كل إلا حصل وإلا عمله وها أبعتلك الفديو حالا على تليفونك عشان أنا مش عايزه يخرج من السجن إلا موافقتش تقدم التسجيل أم بنته خافت على بنتها  كانت عايزا تتطمن عليها ودلوقتى بنتها فى حضنها وموافقه تقول كل حاجه لا منتظرك سلااام
زيد بخوووف بدء يبلع ريقه : أنت كداب بنتى لايمكن تقول عليا كلمه ومفيش تسجيلات
أنس بذكاااء خد الفديو إلا أمجد ادهالو بتاع العماره من تحت وهو طالع هو وزنوبه وهما نازلين بسكر وبيزقها ويضربها فى التاكسى وزنوبه نازله بعده بشويه بالشنط وجابه وبيوريه لقطه بتاعت ضربه فى سكر وزنوبه بتقول جبت الشنط من عنيهم فوق دخلت جبتها من الأوضه
أنس ضحك : من حسن حظك الكاميرات عندنا بتسجل صوت وصوره
زنوبه واقفه بتضرب على وشها والدم هرب منهااااا
زيد بدء يتمسكن : بنتى وكان نفسى أشوفها يرضيك أمك تمنعك عن أبوك
أنس قعد وحط  رجل على رجل وقعد أبوه وزيد واقف يترجاااه أخر حاجه يتوقعها إن يدخل السجن ويتمسك عليه حاجه  .. تليفون أنس رن ورد .. أبتسم اااه ها أبعتلك الأبلكيشن بتاع المنطقه والعنوان هايظهر قدامك وتعالى أنا مش ها أنزل غير وهو فى إيدك ومعاه مراته عشان مفيش حل غير كدا
زنوبه خرجت جرى : أنا مالى بيقولك أربط الحمار مطرح مايعوز صاحبه .. أنا يقولى يمين  بعمل شمال بعمل دا أيده طرشه هو إلا ضرب بنته وزق مراتك وقعها فتح دماغها عيطت أنا ذنبى إيه
أنس بعصبيه : وإلا عملتوه فى سكررر هناااا لو سامحنا فى إلا حصل هناك مش هانسامح فى إلاحصل للمسكينه تحت راعايتك هى حكت لنا على كل حاجه كله
زنوبه ريقها نشف سكره أتضربت ضرب وحش غير الحاجات إلا خدوها منها بالغصب : مش أنا والله أبوها .. دخلت جرى جابت السلسه بتاعتها وبتديها للأنس .. بص هو دا كل إلا خدته وباقى حاجتها معاااه هو إلا أدهالى مش عايزاها كنت ها أديها لبنته مرضيش
أمجد برق مش متخيل أب بيسرق بنته قدام عيونها غير التعذيب
أنس نتش السلسه وحطها فى جيبه
زيد : بقولك إيه خد حاجتها ويا دار مادخلك شررر بنتى ياناس ليا حق فيها وهى مش ترضى بأزيتى
أمجد ماقدرش يتمالك نفسه وقام فضل يضرب فيه : وأنت ترضى بأزيتها وأزية أمها يا كلب .. يابن ال.... وفضل يضرب ويطلع كل الغل إلا جواه زنوبه جريت جابت باقى الحاجه بتناولها لأنس وبتنطر إيديها : كفايه خليه يسبه ليموت فى إيده
أنس بيقوم أمجد : قوم يابابا
زنوبه بترجى : كلم الظابط قوله سوء فهم إحياة النبى ماهو فى وش سكر ولو أتحبس هايقولو أبوها محبوس يرضى مين دا ياناس
زيد قاعد فى الأرض بيتوجع ومناخيره بتنزل دم وبيبص لأمجد بكره وخايف يعمل حاجه 
أنس ضحك بسخريه : يعنى هاتبعدو عن طريقنااا مش هاتبعدو ولا هاتسيبو البنت المسكينه فى حالها الحل الحبس .. بيعد على صوابعه .. سرقه بالأكراه وأعتداء على بنته وطليقته وسب وقذق كام قضيه حلوين عشانكم
زنوبه بتأكيد : هانبعد
أنس بص لزيد : الكلام ليك لو أتعرضت لهم تااانى صدقنى ها تروح ورا الشمس .. كل إعترافاتك دلوقت وإلا حصل راح لمنير باشا صوت وصوره  عشان أعرف أوضبلك قضيه محترمه تليق بيك وبمقامك أنت ومراتك وطلع فعلا بيسجل لهم ..
زنوبه بتلطم : يالهوى يالهوى .. مليش ذنب حرام عليكم هو الا ضربها وسرقها يابه وبتقرب على التليفون .. سامعنى أنا زنوبه مليش ذنب يا منير باشا
أنس : ازاى اسمك زنوبه وملكيش ذنب دانتى كل الذنوب إلا فى حياتنا من يوم ماعرفناكى ماشوفناش راحه  .. شال الحاجه وماشى وزيد مرمى مكانه مش قادر يقوم وما بينطقش بكلمه مراته قامت بالواجب وزياده  والأتنين قامو جرى ورا بعض لحسن حظ أنس كان فى بوكس شرطه  معدى مشغل السرينه بتاعته
زنوبه بتبص من ورا الشباك شافت البوكس قفلته وفضلت تولول لما قالت بس
زيد برعب : أسكتى بقى مش هايعمل حاجه أنتى السبب هو قال ها يمشيه .. أستنو شويه وبيبصو لا لقو البوكس ولا أنس وأمجد .. طلع نفسه وقعد فى الأرض بيتوجع .. مش قولتلك هاياخده ويمشى زعقلها أنتى السبب 
زنوبه : سبب فى إيه يا أخويا أنا مااالى عمتلك وشيلتك أشيلها أنا ليييبه
زيد : شيلتى لوحدى دلوقت فى ثانيه قريتى عليااا وبعتينى يا زنوبه
زنوبه قاامت : وأنا أدخل السجن عشانك وعشان بنتك ماتتحرقو عشت شايله الهم والقرف بسببك .. حارمنى ومطلع روحى بخيل بخل يقطع القلب منك لله يا زيد منك لله ربنا يورينى فيك يوووم
زيد بيعيط : هاتشوفى إيه اكتر من كدا الراجل ضربنى وانا ماقدرتش أعمل حاجه متكتف متفقين علينا ولاد ال..  أعملى حاجه ياوليه جسمى بيوجعنى الراجل إيده مرزبه طول إبنه وعرضه أنا عارف جايب الطول دا منين
زنوبه زقته وقااامت قعدت تعيط برا مش متخيله إلا حصل ولا إلا كان ها يحصل
**
أمجد قاعد جمب أنس فى التاكسى بيضحك : أخيرا كان هايجرالى حاجه لوماكنتش خدت حقى من الراجل دا كدا أنا أرتحت وبياخد نفس بإنتصار
أنس بصله وقلبه بيوجعه قوووى : سكره راحت فين أنا ماشفتهاش فى الشقه
أمجد أفتكر كل الكلام الا دار بينها وبين مها وإلا مها قالته : مش عارف يا أنس شكلها نزلت وزعلت من مها  قسيت عليها أكيد راحت عند حماتها مفيش غير كدا
أنس : معاك رقمها
أنس طلع الفون : اه معايا .. أتصل عليها أتفاجئ إن الفون مغلق كل شويه يتصلووو يسمعو نفس الرساله  طلعو لمها لقوئها بتروق فى صمت وغيرت هدومها وما بتتكلمش مع حد فيهم
أمجد : مها خلاص كل حاجه أنتهت وأتحلت وسكره أبوها مش هابتعرض لها تانى
مها بصتلهم وبحده : أنا مليش بنااات ومحدش يتكلم معايا فى الموضوع دا تااانى فاهمين
أنس أتعدل : ليييه قوليلى ذنب واحد هى عملته بتعاقبيها عليه .. أبوها الا عمل فيها كدا هى ملهاش ذنب
مها بحده أكبر : أنس ملكش دعوه وماتتكلمش فى حاجه تخص سكر حتى لو بينك وبين نفسك أنا بنتى ماتت مش عايزا أسمع عنها ولا أعرفها
أمجد بعصبيه : أنتى اتجننتى يا مها
مها أنفجرت عياط : اااه اتجننت ياسى أمجد كفايه جنان بقى لحد كدا .. كفايه ذل وإهانه وعبوديه فيها وفيااا هى غبيه مها أقول لها غبيه تتحمل تشيل بعيد عنى وعن حياتى
أنس قااام بزعل : حرام عليكى هى هاتلاحقها على مين وإلا مين كل ماتقفل باب يتفتح التانى أنتو جبتوها الدنيا عشان تعذبوها بينكم وبين كل واحد فيكن عايز إيه .. سابهم ونزل على طول ونسى سلستها فى جيبه طلع الفون بعد ماخد الرقم من والده وبيتصل كل شويه فوق الخمسين أتصال .. مغلق .. مغلق .. قعد فى الشارع وبعصبيه .. أنتى فين دلوقت 
مرررر أسبوووع بالتمام كانت مها فاااقت من إلا عملته وقالبه الدنيا على بنتها ومابتهداش لا ليل ولا نهار وزهقت أتصالات على محمد خلته قاعد بيشد فى شعره هناااك وحازم قالب الدنيااا على سكره وأبوه بس خلاص لا حس ولا خبببببر
❤❤🧡💛💛💚💚
بقلم : لبنى طارق
💙💙💜💜❤🧡🧡
تصويت ورأيكم