سكره

تنبيه

صباح الخير يا حبايبى وحشتونى والله وألف شكر لكل حد بيسأل ومهتم لأمورى ألف شكر ربنا يعزكم ويحفظ حبايبكم جميعااا يارب .. للأسف الكلام إلا ها أقوله مزعلنى أنا شخصيااا وهايزعل منى ناس كتيررر وعدتهم ودلوقتى بقول أنا بخلف وعدى بس غصب عنى والله .. قررت أعتزل الكتابه مؤقتااا لوقت لايعمله إلا الله  ممكن يكون وقت طويل جدا الله أعلم .. بعتذر لكل حد تابع سكره وأتخليت عنه بنص الطريق بعد ما أتعلق بالروايه إلا كنت أتمنى تبقى من أحسن رواياااتى زى الأختبار ما دخلت قلوبكم هى كمان تدخل قلوبكم ورسالتها تكون قويه وهادفه وترد حقوق منسيه نسلط عليها ضوء عقولنااا ..  سامحونى والله غصب عنى مليش نصيييب فى أكتر حاجه بحبها وبتفرغ من جوايا زحمة أفكار وكبت وكل حاجه حلوه وعكسها  بس مش هاتبقى على حساب بيتى إلا محتاج إهتمامى  وفى وقت صعب ربنا يعديه على خييير يارب .. جوزى تعبان جدا وأتأجلت العمليه برغم انها عمليه بسيطه لا كانت فى بالنا ولا عملنا لها حساب بس ربنا أراد  عشان أكتشفو إن كفاءة قلبه ضعيفه جدا وعنده مشاكل في القلب  ودا أثر عليه نفسيااا وأتحول لشخص طول الوقت بيفكر فى الموووت وبس ربنا يخلف ظنهم والمسح الذرى إلا ها يعمله يوم السبت يطلع كويس وبخير  برغم إنى بهزر وبرخم علييه بس بجددد أنا تعبت من تفكيره ومن كلامه ومن كل حاجه ..  الحمد لله راضين بكل حاجه ربنا كاتبها لنا  بس إحساس صعب إنك تكون إنسان زى الفل  وصحتك تنهار مره واحده .. أنا مش قادره أركز ولا بقيت قادره أفكر برغم إنى أغلب الوقت فاضيه  .. هاتوحشونى قوووى والله وسامحونى ومحدش يزعل ويارب إلا جاى يبقى أقوووى وأحسن وأجمل أملنا فى ربنا كبير  بحبكم