سكره

سكره ٤١

سكره ٤١
*******
(اللهمَّ اقسمْ لنا من خشيتِك ما يحولُ بيننا وبين معاصيكَ، ومن طاعتِك ما تبلغُنا به جنتَك، ومن اليقينِ ما يهونُ علينا مصيباتِ الدنيا، ومتعنَا بأسماعِنا وأبصارِنا وقوتِنا ما أحييتَنا، واجعلْه الوارثَ منا، واجعلْ ثأرنا على منْ ظلمَنا، وانصرْنا على منْ عادانا، ولا تجعلْ مصيبَتنا في دينِنا، ولا تجعلِ الدنيا أكبرَ همِّنا، ولا مبلغَ علمِنا، ولا تسلطْ علينا منْ لا يرحمُنا).

اللهم إني توكلت عليك فأعنّي، ووفقني، واجبر خاطري، جبرا أنت وليّه. يا رب، أدعوك بعزتك وجلالك، ألا تصعّب لي حاجة، ولا تعظم علي أمرًا، ولا تحنِ لي قامة. ولا تفضح لي سرًا، ولا تكسر لي ظهرًا. اللهم اجبر كسر قلبي، جبرًا يتعجب منه أهل السماوات والأرض، جبرا يليق بكرمك، وعظمتك، وقدرتك، يا رب
اللهم صل وسلم وبارك على سيدنا محمد
❤❤❤❤🧡🧡🧡💛💛💛💚💚💚💚💚💙💙💜
محمد : ماشى .. شاور على نفسه وبصوت عالى كله عصبيه .  أنا مش ها أعمل حاجه أنتو عايزنها لمجرد إنكو ترضو غروركم .. الست دى وبيشاور على سكره ..أستحملت إلا مفيش  واحده فيكو  تتحمله من جوزها وبيشاور على إخواته البنااات .. مالكم كدا .. بص لأمه .. فى إيه ياماما سلوى عملت فيكى إيه .. فرد إيده وبيردد نصايح أمه ..  محمد بص للبنت الا تكون مركز .. بص للبنت إلا تكون تعليم عالى ولها قيمه فى المجتمع وجهه تشرفك منين ماتروح محمد بص للجميله .. محمد بص للفلوس تسندك  .. بصيت ياماما وخدت فوق دماغى لما شبعت .. شاور على مليكه .. أهه النتيجه  دى نتيجه نصيحتك يا ست الكل وفوق دا كله غربه على غربتى .. ولما حياتى استقرت وأرتحت وبنتى لقت نفسها مع أم مع إنها مش أم بس بقت أم لا وبجد  ..   عايزانى اطلقها لييييييييه مش عارف .. إدونى سبب واحد لعمايلكم فيها
سهير زعقت : لما انت بتدافع عنها قوى كدا قاعد مستنى إيه ماتاخدها و تمشى وإلا أقولك شوفها كانت فى انهى داهيه وروح معاها
محمد بزعل حقيقى وملامح باين عليها قمة الإنفجااار : اقولك كانت فين ومشيت بسبب إيه .. مشيت بسبب بنتى أمها اتفجائت إن جوزها عنده عيله وهى هاتشيل الهم وطردتها ما اتخلتش عن بنتى برغم وجعها ما سابتهاش وهربت زى إلا المفروض أسمها أمها ومكتوبه على أسمها  ولا رمتهالى وقالتلى شيل شيلتك
سما : المضحيه لا يا محمد برافو يازين ما اختارت ماهى لازم تعمل كدا عشان عايشه عيشه ما تحلمش بيها هربت من الجحيم لدبى مره واحده  بقولك إيه خليك فى الصنف الواطى لايق عليك أصل ولاد الناس مش جاين معاك سكه ولا مرتاح معاهم وبتلوم ماما
محمد بدون تردد  ضربها بالقلم وشدها من شعرها جز على سنانه :  والله انتى لو ما أختى لكنت أتصرفت تصرف  معاكى تانى وكدا كدا ليكى حساب كبير عندى على إلا عملتيه فى بنتى
سهير وفتحى زقوه بعيد عن أخته
سما عيطت وبتنطط : شايف يا بابا حلو كدا بقى انا  الحقيره دى تضربنى وهو كمان يضربنى عشانها
سهير زقته : اطلع برا ياله مش عايزا اشوفك تانى يانا يا البت دى فى حياتك هى من يوم ما دخلت بيتنا ما شفناش يوم حلو
محمد بص لأبوه كان منتظر يعمل أى حاجه بس إظاهر إن دا عقاب حقيقى له وفعلا مش هايتدخل فى حاجه ولا ها يقف جمبه .. شال مليكه وسكر خدت بندق ولسا هاتنزل ورا محمد إلا جرى جرى على السلم فتحت الباب بإيديها وبصت لسهير : طنط سيبك منى ومن كرهك ليا إلا انا لحد دلوقت مش عارفه سببه .. أسئلينى  على معنى القهر ووجع القلب وحزنه هاتسيبى إبنك يتقهر ويتوجع منكم .. عيطت قوووى منظر محمد صعب قوووى قطع قلبها .  والله يا طنط ها ابعد عنكم خالص بس بلاش طلاقى خلينى معاه حتى عشان خاطر مليكه ورجعى إبنك لحضنك أوعدك مش هاتشوفى وشى تانى
سهير زقتها وقفلت الباب فى وشها وفتحى بصلهم التلاته ورفع إيده : حسبى الله ونعمه الوكيل من إنهارده لا لسانى يخاطب لسانكم ولا حد فيكو يعملى حاجه أنا برئ منكم ومن عمايلكم
سهير : لسا دورك يا فتحى
فتحى بحزم : سهير عليا الطلاق كلمه زياده وتبقى طالق .. أنا مش ها أتدخل فى مشكلة جواز إبنك ولا ليا دعوه بيها بس ربنا مايرضاش بالظلم ..فى إيه مستقوين ليه على البت الغلبانه عملت فيكو إيه من إمتى الحقد مالى قلبكم كمية سواد يا ساتر
سما بعياط : يعنى عاجبك الا إبنه بيعمله عشانها دا ضربنى وانت ما اتحركتش من مكانك يابابا غير لما جابنى من شعرى
فتحى : عشان تستحقى الضرب الا تقلل من اخوها وتستقوى على بنت غلبانه كل ذنبها فى الدنيااا إنها عايزا تعيش تبقى تستاهل الضرب ..  إلا تضرب طفله وتكسر رجليها تبقى تستاهل الضرب
سمر : بابا انت جاى علينا
فتحى زعق : هششششش .. ياله كل واحده تروح على بيتها طول ما اخوكو ملوش مكان هنا أنتو كمان ملكوش مكان فاهمين لف صباعه فى الهوا .. ومراته قبله
سهير بعصبيه : أنت بتطرد بناتك
فتحى بزعيق أكبر : أيوا يا يبقو مع بعض يا بلاهم كلهم .. وأنتو كل واحده فيكو لو ماعقلتش وبطلت حقد  وغل ماتخشش  برجليها هنا  ولا ليكو أب لحد ما أموووت
سمر شدت شنطتها : ياله يا سمااا البيت دا انا مش دخلاه تانى
سما بعياط : ياله
فتحى سابهم ودخل رزع الباب وراه وهما نزلو وسهير فضلت واقفه مكانها لوحدها محدش معاهااااا وكأنها فى دوامه محدش بيمد إيده ينقذها منها وهاتغرق هاتغرق
محمد ركب العربيه وأنتظر سكر تنزل باصص على البيت بالم وحزن  مش قادر يسيطر على دموعه معقول كل دا من أخواته وأمه كان فاكر سكر بتبالغ إمال كانو بيعملو فيها إيه وهى  لوحدها .. أول ما شافها مسح دموعه ومليكه ميته جمبه عياااط أصعب حاجه فى الدنيا عليها تشوف دموع حد بتحبه ومتعلقه بيه
مليكه : بابى لاص عيط ليييه وحش روح هناااك
محمد خد نفسه جه يكلمها ماقدرش لف راسه ودموعه نزلت أكتر .. سكره وقفت قدامه وبندق نط جوا العربيه اتجنن بين محمد ودموعه وبين مليكه وعياطها بقى رايح يبص عليه شويه وعلى مليكه شويه
محمد نطر إيده : يالا
سكره حطت إيديها على وشه مسحته ولسا ها تتكلم محمد نزل إيديها اتكلم بصوت مبحوح : يالا يا سكر عشان العربيه لازم أسلمها إنهارده
سكر هزت راسها وركبت جمبه شالت مليكه على رجليها وأتوكل على الله ..بصلها .. كنتى بتعملى إيه فوق
سكره بتردد : كنت بحاول معاهم عشانك
محمد : قولتى إيه يا سكر
سكره : قولت لطنط انا مش ها أدخل عندكم تانى بس بلاش محمد يطلقنى ورجعيه لحضنك
محمد أتعصب وضرب الدركسيون بإيده زعق فيها : وبعدين معاكى  أمتى ها تتعملى الدرس وتعاملى كل واحد المعامله إلا يستحقها وبعدين أنتى للدرجه دى فاكره إن بكلمه منهم ها أطلقك .. بص برا ونفخ مطلع ناااار
سكره : أنا مش قصدى يا محمد والله بس عشانك
محمد : لاء يا سكر ماتعمليش عشانى ولا تتصرفى من دماغك تانى .. أنتى مش فاهمه حاجه أمى طول عمرها بترسم مواصفات إلا هاتدخل عش إبنها طول عمرها شيفانا فوق الكل
سكره : أى أم ها تتمنى ولادها يكونو أحسن حاجه وتتنمى لهم أحسن الناس  وبعدين ماتلومهاش على حبها ليك حتى لو غلط اصل إحنا ماعندناش وسط يا محمد يانهد المعبد يا نفضل نبنى فوقه ادوار كتير ومانحسبش العواقب إيه
محمد ركن واتكلم معاها بجديه : معنى كلامك إنى اسمع كلامهم واطلقك وأفكر فى حد أحسن منك
سكره بصتله : لاء مش دا معنى كلامى .. مامتك وأخواتك مش هايغيرو رأيهم فيا دلوقت وممكن ما يتقبلونيش خالص فى حياتهم بس أنت كان لازم تحل الأمور معاهم بحكمه على الأقل ما تخربش علاقتك بيهم عشانى ويكرهونى أكتر
محمد هز راسه : بجد مش فاهمك
سكره بحيره : حاول معاهم يا محمد عشان خاطر بنتك كدا فهمتنى حاول توصل لأمك من تانى بهدوء
محمد هز راسه وهو أوشك على الإنفجار : حاضر يا سكر حاجه تانى
سكره : انا عارفه انك بتتريق عليااا
محمد بيدور العربيه وطالع : لاء أزاى
وصلهم وخد العربيه بقى يلف بيها فى  الشااارع لمجرد أنه بس عايز يتنفس أو يحس أنه صاحى مش كابوس .. يااااه لما دا إحساسى إمال سكر كانت بتتحمل أزاى كل إلا بيحصل فيها من كل إلا حواليها  .. سلم العربيه وكلم حااازم وحازم نزلو جرررى لما سمع صوته وحس إنه فى ديقه .. قاعدين مع بعض ومحمد ساااكت من قهره
حازم : مش هاتقولى مالك اكيد رحت بمليكه عندكم
محمد أتخنق وحاول يتكلم ماقدرش لو اتكلم ها يعيط هو مش عايز يبقى بالضعف دا حتى لو قدام صاحبه شاور : قوم نتمشى
حازم قااام وحاسبو على المشروبات الا شربوها سوا وفين على ماقدر وحكى لحازم كل حاجه
حازم مصدوم مش مستوعب كمية الكره والغل الغير طبيعى تجاه سكر وليييه فعلا إيه اسبابه : مش عارف أقولك إيه يا محمد وإيه يوصلهم للمرحله دى بجد
محمد : ولا انا عارف كل دا عشان اتجوزت بدون رغبتها وهى مش راضيه عن الجوازه طيب أنا جربت حظى مرتين قبل سلوى وفشلت يوم ما استقر هما عايزين يفشلونى
حازم : هما بردو ما يعرفوش حاجه وبعدين أنت صدرت سلوى ليييه ببنتك لهم وأتبهدلو على الفاضى
محمد : هى إلا اصرررت للأسف 
حازم خد نفس : خلاص إلا حصل حصل ما تشغلش بالك سيبهم وقت ما يروقو ويرجعو لعقلهم ساعتها كل حاجه هاتتصلح هزه بايده .. روق يا صاحبى كل شئ له حل
محمد خد نفس ودعك وشه : على رأيك .. غير الموضوع .. مهند ونورا عاملين إيه
حازم ابتسم : الحمد لله بخير وزى الفل .. ضحك .. اسكت مش شخبوط اشترى العماره الا أنت قاعد فيها
محمد ضحك هو كمان : هم يضحك فعلا .. مجنون الراجل دا بيعمل اى حاجه تخطر على باله عايز أقولك بيبعتلى مليون رساله شو اخباركم حبايبى ههههه
حازم : ههههه عشرررى .. المهم مشى كل السكان وأشترى منهم الشقق وساب شقتك أنت ونورا بس بيقول لهم من شان نكون إخوه وجيران 
محمد حب يلعب بعقل حازم : ولا ليكون حاطت عينه على نورا وهايخطفها منك
حازم شهق : نهارك مش فايت يا شخبوط ال ..  لالالا .. معقول .. اه صحيح نورا فيها الطمع بردو وأنا مش جمبها يتسلى بعلقها ويكتب باقى العماره بأسمها وياخدها فى صفه نهاره فحلوقى  انا لازم اسافر الحق البنيه وسايب محمد وماشى
محمد مسكه من قفاه : تعالى هنا رايح فين سفر إيه دلوقت أنت مجنون
حازم ديق عيونه : مجايبك انت ومراتك والله يا محمد لو حاطت عينه عليها لادور الضرب فيك  وفيه
محمد : هههههههه أنا مالى يا مجنون أنت  وبعدين شخبوط انسان محترم ماتخافش منه راجل طيب  بهزر
حازم : يامحمد
محمد : والله  ماتقلق إن شاء الله مش هايخيب ظننا فيه
حازم : ماشى أما نشوووف ادى نورا وأدى شخبوط .. بقولك إيه نويت تستقر فى مصر زى ما قولتلى
محمد بنفى : لاء ها ارجع تانى مش ها أقعد فيها غير وقت بسيط
حازم : يعنى هاترجع معايا
محمد : إحتمال كبير المشكله فى سكر ومليكه
حازم : ولا مشكله ولا حاجه كلم شخبوط خليه يخلصلك ورق إقامتها
محمد : دا نفس الا أنا فكرت فيه ها أكلمه مفيش قدامى غيره
****
مها قاعده بتهز رجليها وبتتفرج على التلفزيون لوحدها .. مسكت الفون أتصلت على كريمه اطمنت عليها وفضلت ترغى معاها وقت كبير وقفلت .. أتصلت على سكره وأول ما ردت : أنتى لسا زعلانه منى عشان كدا مش عايزا تيجى
سكره أبتسمت : لا يا حبيبتى مفيش زعل ولا حاجه كل الحكايه إن صعب اسيب محمد خصوصا بعد ما قال لأهله
مها : قالهم وعملتو إيه
سكره : والله ياماما الموضوع صعب زعلانين طبعااا ياله ربنا يهدى الأمور بينهم
مها : يارب يا حبيبتى .. صحيح يا سكر نسيت أقولك إن انس جاب حاجتك الا كانت مع أبوكى والا ما تتسمى زنوبه هى عندى هنا يا قلبى وقت ما تيجى هاتلاقيها
سكره بفرحه : بجد يا ماما طب والسلسه بتاعتى جابها
مها بأستغراب : سلسلة إيه هما خدو منك سلاسل
سكره بتأكيد : أيوا سلسه محمد جايبها ليااا .. طلعت بوذ وزعلت .. يمكن تكون فى الشنطه
مها : انا ما مدتش إيدى على حاجتك لما تيحى بصى عليها عالم جعانه وحرميه
سكره : الله يسهلهم
مها : الله لا يسهلهم  ربنا يورينا فيهم يوووم الحمد لله خلصنا منهم
سكره بفضول : بس هو جابهم ازاى
مها ضحكت : اسكتى الواد دا طلع دماغه سم .. وحكت لها كل إلا حصل زى ما أمجد قال لها بالظبط
سكره : هههههه يستاهلو فعلااا .. كان فين انس من زمان
مها بسرحان : فعلا كان فين من زمان ياله ملكيش نصيب .. غيرت الكلام عشان سكر ما تزعلش   .. بتعملى إيه
سكره : ابدا قاعده انا ومليكه اصلها وقعت ورجليها اتكسرت
مها : ياحبيبتى دى صغنونه قوووى وقعت ازاى يا سكر مش تخلى بالك
سكر : قدر الله وماشاء فعل .. ماما أسفه ها أقفل معاكى دلوقت .. قفلت وقامت عملت عصير وساندوتش وقاعده تأكل مليكه وبتديها العلاج .. مسحت بوئها بالمنديل .. شبعتى يا قلبى
مليكه : شبعتى .. شكرا
سكره بفرحه : يا خلاثى على المؤدب وبتبوسها
مليكه : هههههه بابى روح فين
سكره : زمانه جاااى ها تتشاقى
مليكه شاورت على رجليها :  مش قادر لااااص رجل مش امشى مش عايز قوله قوم قولى لاء
سكره بصعبانيه : الف سلامه على رجلو القمررر هانخف بسرعه ونرجع تانى نمشى ونتطط ماشى
مليكه هزت راسها : باشى .. سكر اضرب وحش اضربك ليييه
سكره حطت راسها على رجل مليكه : مش عارفه يا مليكه كل الوحوش دى عايزا منى إيه
مليكه وطت باستها وبتمسد على راسها وسكره فرحانه  كل إلا عملته ليونس فى صغره بيترد لها سواء من مليكه أو من ناس غريبه حتى الست فتحيه بتتصل عليها يوميا تكلمها وتتطمن انها بخير برغم تعبها وعمار وهدى بنتهم وجوزها .. أبتسمت وقالت .. بردو الدنيا مليانه خير وفيها ناس بتطبطب علينا فى عز وجعنا
مليكه بصوت مسرسع : وجعنى
سكره أبتسمت : وطى هاتى بوسة مسكره
مليكه طلعت بوذها المسكر ووطت باستها
سكره : فين بندق
مليكه بصت حواليها وبتنادى  : بدنق ..  بدنق
بندق جاااى جرى ومعاه أكل مالى بوئه وماسك فى إيده .  سكره بصتله بنص عين : اه يا حارمى انت عرفت المخبئ .. تعالى وأتعدلت بتلعب معاه  ومليكه بتضحك من قلبها وبتقول بصوت عسل ..رامى تعال .. الباب أتفتح وأول ما شافت محمد .. رامى يا بابى .. رامى
محمد قفل الباب وبيحاول يجمع مين رامى دا كمان الا دخل حياتهم
سكره : بس يا مليكه سيبى بابى دلوقت .. قامت وبصتله بتوتر .. أجهزاك لقمه تاكلها
محمد هز راسه : لاء مش عايز .. مين رامى الا مليكه بتقول عليه
سكره أبتسمت وشاورت على بندق .. أهو
محمد أبتسم : غيرتو أسمه
سكره : لاء بقى حرامى يا محمد كبير عرف مكان البندق ومن ساعتها مش عارفين نسيطر عليه
بندق وقف على رجله ومبرق وبيشاور على نفسه
محمد : ههههههه واضح على بوئه أنت عارف البندق الا بتسرقه دا بكااام دانا ها أذلك
مليكه : رامى خد بدنق شيلو هناااا وبتشاور على بوئه
محمد حضنهاااا وباااس خدودها : ألف سلامه على قمرررى
مليكه ببتسامه : أنت قمرررى وبتشاور على نفسها
محمد : بتحبى بابى أد إيه
مليكه بضحكه  : ادى بدنق
محمد اتعدل وبص لسكر وسكره ضحكت بصوت عالى  ومليكه حطت إيديها على بوئها وضحكت بسرسعه ضربها على راسها : بقى بابى بتحبيه اد بندق طيب وسكر أد إيه
مليكه : حب سكر اد بحر اد سما
محمد ديق عيونه وزقها : طب أشبعى بيها ياختى
سكره قعدت جمبه وشدته حضنته جااامد : طب وأنا مسألتنيش بحبك أد إيه .. أصل حبك ما يتوصفش مهما حاولت أوصفه
محمد ابتسم : يا شيخه
سكره بتأكيد : أيوا .. عندك شك
محمد بصوت مبحبوح : لاء ورايا مليكه مش عارف اثبتلك إنى ماعنديش شك ههههه
سكره : ههههههه
محمد بجراءه باسها وشدها لحضنه ضمها جاااامد ها يكسرها بين ضلوعه .. ماتزعليش يا حبيبتى
سكره : كل  الألم الا عيشته فى وجودك بيموت ويروح للابد يا محمد ماتزعلش أنت انا خلاص قررت أرمى كل حاجه حصلت وكل حد دايقنى ورا ضهرى وها اعيش ليكو ولنفسى .. أبتسمت .. . ممكن ناكل مع بعض انا جعانه قوى ومش ها احط لقمه فى بوئى من غيرك
محمد : كلى أنتى  أنا بجد مش قادر
سكره بترجى : ها تقدر قوم خد الشاور بتاعك وغير هدومك وانا ها أطلع الأكل ماشى وقامت تجرى وهو عيونه عليها .. أتنهد وبص لمليكه حط إيده على راسها وحركها بسرعه نعكش شعرها وقااام
مليكه قلبت وشها : نعكشو لييييه سيبو
محمد ضحك : بس يا غداره وبتريقه اد بندق
مليكه : بدنق حبه
محمد : حبيييه يا قرشانه
مليكه : بدنق شانه كمان
محمد : عارف إن كل إلا فى الشقه قرشانات  ربنا يصبرنى
***
مررررر أسبوع ومحمد متجنب أهله تماما ماعدا فتحى راح زار مليكه اكتر من مره ويلعب معاها وياكل مع سكر بس واخد موقف من محمد وبرغم ان محمد مبسوط بس زعلان ان أبوه واخد منه الموقف دا ..
اما حازم مش مبطل لف وبيشترى حاجات كتير أكتر بكتير من الوزن المقرر فى المطااار وقرر يشحن الحاجه ومهند يستلمها غير هدايا صفيه لنورا شنطه لوحدها نورا فى الفتره دى قربت من حازم جداااا  وبقت تتصل كل يوووم وتهتم انها تكلم صفيه وترغى معاها أكتر واحده بتفتن على حازم ههههههه .. وتطلب من حازم كل حاجه نفسها فيها من مصر  ..اما شيرى أستقرت فى فيلااا بتاعت عصمت ومن اللحظه الا وصلو فيها مش عارفه عصمت ماله حالته النفسيه وحشه جدا وقافل على نفسه طول الوقت عطل كل الخطط الا بتحضر لها بسبب حالته وحسته صحيا مش مظبوط
***
شيرى : بابى
عصمت نايم وبيرد بالعافيه : نعم
شيرى : انا من اللحظه الا وصلت فيها الفيلا دى وأنت حالتك سيئه طب مانمشى من هنااا انا زهقت ومقعدنى جمبك مش عارفه أعمل حاجه
عصمت مسك إيديها وبترجى غريب منه : خليكى جمبى
شيرى مسدت على راسه : مالك يا حبيبى إيه مدايقك وتاعبك
عصمت : شويه وها أبقى كويس بس ما تروحيش فى حته وتسبينى 
شيرى : أوكى .. ها اقوم أخليهم يحضرو شربة خضار عشان تاكلها وقامت وسابته ..
عصمت دموعه نزلت وافتكر زمااان لما كان هنا وفى سن المراهقه
فلاش باااك
**********
عصمت فى الأوضه دى بيصرخ وبيضرب على الباب  : افتحولى .. بابا أفتحلى مش ها أشوفها تانى .. بابا .. قعد فى الأرض وبيعيط بحرقه حس ان الباب بيتفتح وشاف الخرزانه إلا بينضرب بيها طول الوقت مع كل غلطه من وجهة نظر أبوووه قام جرى لأخر الأوضه وبيفتح الشباك : لو جيت جمبى ها أرمى نفسى منه
ابوه شاور بالخرزانه : أرمى ياله خلصنى منك ومن قرفك وقرف أمك
عصمت بعياط : خلاص ادام عايزنى اموت سيبنى أروح اعيش معاها هاتعنل بيا إيه
أبوه : لاء موت ومش ها اسيبك تعيش معاها ولا ها تشوف ضفرك .. قرب منه فضل يضرب فيه وقاله دا جزء بسيط من الا ها يحصل فيك لو فكرت تقابلها تانى من وراياااا ..
مرت السنين وأبوه نايم على السرير دا فى نفس الأوضه .. الاكل بيدخلو بحساااب محدش بيتعامل معاااه وعصمت واقف قدامه باصصله بكره وغل ضحك بسخريه وبص حواليه : فى نفس الاوضه كنت بتمنى الموت تقولى موووت .. فى نفس الأوضه الا عملتها ليا سجن فى كل عقاب بتعاقبه منك .. كبير وحرمتنى أعيش حياتى أو حتى ألبس واتمتع وانت راجل غنى إبنك اقل واحد فى أصحابه .. نايم قدامى مش لاقى الا يغير ليك الهدوم ولا يساعدك تدخل الحمام شفت الأبام بتلف وتدور أزاى
أبوه بضعف ووهن ومرض عيط
عصمت بدون شفقه : عيط عايزك تدوق طعم الألم الا انا دقته على إيدك .. زعق فى وشه هاتموت هنااا ومحدش ها يعبرك .. الدود ها ياكلك وأنت مكانك
أبوه صرخ فى وشه ودعى عليه وقاله طول العمر وانت عيل نمرود كنت بربيك بس أنت ماتستاهلش التربيه
عصمت : قصدك كنت بتقتلنى عشان تحرمنى من أمى .. جه الوقت الا هاتدوق فيه طعم السجن الا سجنتهولى وانا ها اتمتع بفلوسك وها اكبر واكبر وانت مش لاقى لقمه عدله فى وسط الميغه الا أنت عايش وسطها .. ها اخلى الخدامين يعيشو أحسن منك  .. سابه وخرج  وهو سامعه بيقوله ما تسبنيش يا عصمت خليك جمبى طب سامحنى محدش بيعمل فى أبوه كدا انا كنت بربيك
طول الوقت شغل وسفر وكل ما يسئل الشغالين يقلولو رافض الأكل بقاله كام يوووم وحالته بتسوء .. رجع من السفر ودخل عليه الأوضه لقاااه ميت ومتلج على نفس السرير وواضح انه بقاله يوم جسمه مخشب وعيونه مفتوحه .. النظره الا جوا عيونه قتلت عصمت بالحياااا مهما كان الانتقام ما توصلش إنك تعذب أبوك لحد ما يموت وتكون انت السبب فى موته .. عاش سنين هربان من نفسه ومن مصر مش عايز يفتكر بس ان الاوان .. مهما هربنا من ضمايرنااا لبد إننا ها نرجع تاتى وندفع ضريبة كل إلا عملاناه فى حياتنا ..
باااااك
********
عصمت دموعه نازله بحر وبيحسس على المكان معقول الحقد والسواد عمو قلبه لدرجة إنه يشوف ابوه بالضعف دا ويعمل فيه كدا .. حتى لو كان عمل فيه إيه اه أذاه كتير وساب جواه أثر سئ بس ما توصلش إنه يحبس ابوه ويحرمه من الأكل ومن العلاج ويقوله دا سجنك .. لو هرب من عقوبة الدنيا ها يهرب من ربنا فين .  شرد مراته وأخوه وحرمهم من ميراثهم عمل أبشع الحاجات لمجرد أنه بينتقم ..
شيرى دخلت عليه جريت قعدت جمبه : بابى مالك .. عيطت .  أنت تعبان
عصمت دخل فى نوبه غريبه جداااا لا سامع ولا شايف حد شامم ريحه وحشه بتخنقه ومديقه عليه صدره حتى بنته الا بتهزه وبتكلمه حاسس من جواه بهلع الماااضى  بيبص حواليه وكأن فى شئ بيراوضه بيقوله هاتدفع التمن يعنى هاتدفع التمن 
شيرى قامت مابقتش عارفه تعمل إيه نزلت جرررى وزعقت هاتو الموبيل .. خدته واتصلت بالمحامى الا عصمت عرفها بيه وقالتله وهو جاب أكتر من دكتور وراح لهاااا
كشفو عليه مش بيعانى من أى حاجه صحيه والكل أحتااار إيه سبب الحاله الا هو فيها
شيرى زعقت فيهم : يعنى إيه بابى ماله اتصرفو واعملو أى حاجه
الدكتور : يافندم والدك مش بيعانى من أى مرض عضوووى محتاج دكتور نفسى
شيرى بصتله بقرف : انت اتجننت بابى اعقل منك
الدكتور : انا ما أسمحلكيش تكلمينى بالاسلوب دا بعد إذنكم وسابهم ومشى
شيرى بعصبيه : مين دا
المحامى : مش وقته يا شيرى هانم المهم نتصرف ونعرف عصمت بيه ماله وايه عمل فيه كدا
شيرى شاورت على باقى الدكاتره : جايبلى اصنام ما بتفهمش وتقولى نعمل إيه
الدكاتره انسحبت لما لقت الاسلوب غير لائق والمحامى بيحاول يهديها
شيرى : اناها أجيبلو دكاتره من برا مصر شكلكم ما بتفهموش هنااا
المحامى : شيرى هانم الا كانو هنا من اكبر الاخصائين فى مصر ومفيش اختلاف عليهم اسمعى كلام الدكتور وهاتيلو دكتور نفسى
شيرى بصتله بقرررف : دا بعدكم بابى عقله يوزن بلد اطلع برا شكلى ها اغيرك انت كمان
المحامى بصلها بغيظ ومشى من قدامها وهى قعدت جمب عصمت إلا فى لمح البصر اصبح فى دنيا تانيه تماما اكتر من اسبوع حابس نفسه جوا الماضى وعايش فى اوضة التعذيب زى ما سماها ياترى العقوبه هاتوصل بيه لفين وليه يتقلب من مراهق مظلوم لشاب ظالم
**
سهير قاعده بتعيط مش مستوعبة معاملة فتحى لها حتى الاكل مبقاش ياكل معاها ولا يكلمها .. هو بينام فى اوضة محمد وهى فى أوضتها وبناتها مابقاتش تخطى برجليها جوا البيت عندهم بس بيكلموها المكالمه الجماعيه المعتاده .وكل ما يتصلو على فتحى ما يردش . قامت لبست ونزلت راحت عند سما من غير ما تقول لفتحى  وطلعت من عند سما راحت لسمر وراجعه لقت فتحى فى البيت رزعت الباب ودخلت استنت يسألها كانت فين ما سألش قاعد بياكل وخلص اكل شاله وعمل الشاى خده ودخل الأوضه رزع الباب وراه
سهير بنااار راحت فتحت الباب : هى دى عيشه دى
فتحى بيشرب الشاى وساكت ما بيردش عليها
سهير : وبعدين يا فتحى طفشت بناتك وعايز تطفش مراتك ..  عايزنى امشى اقفل الباب وريا واروح بيت أهلى هما أولى بيا
فتحى بالا مبالاه : براحتك إعملى إلا يريحك
سهير عيطت : يعنى إيه عايزنى أمشى
فتحى : إلا انا عايزه انتى وبناتك ماعملتوش منه حاجه فاعملو إلا يريحكم
سهير :  كل الا عمله إبنك ومراته عادى وبتحاسبنى انا وبناتى
فتحى ؛  مراته ماعملتش حاجه فى حقنا غير إنها اتهانت واتبهدلت  على إيدك انتى وبناتك .. إبنك غلط فى حقنا اتجوز وخلف وإحنا أخر من يعلم هى عملت فيكى إيه
سهير بغيظ : خدت إبنك مننا بقى يصدقها ويفضلها علينا مش شايف بيعمل إيه عشانها
فتحى : منا ياما عملت عشانك يا سهير والا هو حلو ليكى وحرام عليييه لما مراته تتظلم لازم هو الايدافع عنها ويوقف أى حد عند حده بلاش ظلم  الا داق الظلم ما يظلمش أبداااا
سهير عيطت : كان نفسى أشوف معاه واحده تشرفه نسبها يعر يا فتحى اهلك شمتانين فيااا
فتحى : اهلى اهلى .. يا سهير هاتدمرى إبنك عشان مظاهر فارغه البت كويسه وبتتقى ربنا فيه عايزين إيه اكتر من كدا .. شوفى كام واحده بتتحمل تربى عيل غيرها .. إبنك غلط والا كان كان مش هلينفع يرجع فى غلطه بس هى عملت فيكو إيه من يوم ما أتجوزها وأنا بكلمك وبفهمك حرام اتقى ربنا .. مش عارف يا سهير مالك أنتى وبناتك شايلنها شيله وحطنها حاطه
سهير : مش حابها وباين انها خبيثه ها تخرب بينا والا خايفه منه حصل
فتحى : دى اوهام وانتى الا خربتى ما بينا أنتى وبناتك
سهير : بناتك بناتك .. إيه خلاص مابقوش بناتك يافتحى دلوقت
فتحى سكت وبيشرب الشاى .. راحت قعدت قدامه .. انت عايز إيه دلوقت
فتحى : عقلى بناتك واتقو ربنا مع البنيه وإبنك
سهير : يعنى انت بتكلمه وإحنا الا وحشين
فتحى : ملكيش دعوه بيااا  خليكى فى نفسك الام هى إلا بتلم مش هى الا بتفشكل وتفسد
سهير قااامت : ماشى يا فتحى .  انا مليش غير إبنى وبس وهى زى ما قالت ملهاش دعوه بينا تانى مش ها اتقبلها بعد ما مدت إيديها على بنت من بناتى
فتحى زعق : براحتك خليكى راكبه راسك اقفلى الباب بلاش وش
سهير بصدمه .. معقول دا فتحى قفلت الباب وانفجرت فى العياط برااااا ..
***
زنوبه  متكدره عشان يونس إلا سافر وهو شايف الدنيا سودا ولا بيكلم أبوه ولا أمه .. واقفه فى البلكونه سرحانه
جارتها : زنوبه .. زنوبه
زنوبه : هااا
جارتها : مالك سرحانه فى إيه
زنوبه ضربت إيد على إيد : فى هموم الدنيا ياختى بقولك يا أم رزق ماتعرفيش حد بيعمل جمعيه كبيره
أم رزق : بكام يعنى
زنوبه : يعنى قبضها يكون عشرين ألف
ام رزق : اعرف بس لايمكن حد ها يدخلك فيها يا زنوبه
زنوبه لوت شفتها : لييييه ياختى
أم رزق : مانتى عارفه يا وليه بتدفعى اسم وعشره لاء
زنوبه : مالك يا ام رزق ما تحاسبى على كلامك باكل حقهم حرميه انا يا وليه
أم رزق : بقولك إيه يا زنوبه مش عايزا وش انا ماعرفش حد بالأذن وسابتها ودخلت
زنوبه قلبت وشها : جاتك وجع فى بطنك وليه بوشين .. دخلت جوا واتكلمت بهمس .. إيه اخر الراجل لحد دلوقت .. منك لله يا زيد ربنا يورينى فيك يوم زى مانت حواجنى لليسوى وإلا ما يسواش  .. طلعت تاتى البلكونه تستنى زيد ماجاش .  الجو ليل وبردو ماجاااش
سكره بقى بقت يوم اه ويوم لاء تقضيه مع مها وأمجد حتى أمجد بقى مبسوط بلمتهم مع بعض .. عزم ولاده كلهم وكريمه وسكر ومحمد وحازم وعمل غدوه كبيره جداااا
مها شايله مليكه وبتبص جوا المطبخ : تعالى يا كريمه وسيبى البنات أنتى واقفه تعملى إيه
كريمه ببتسامه : سبينى اتسلى معاهم ماتعرفيش انا مبسوطه اد إيه بالمتهم دى والله
مها ابتسمت : ربنا يبسطنا كلنا الواحد كان محتاج اللمه دى من زمان
سكره اندمجت مع مرات عمرو وعمر ولاد أمجد وبتتكلم معاهم
داخل ولد صغير : تيتا عايز أكل
كريمه : يا قلب تيتا  تعالى أحطلك حبة رز على فصوليا تصبيره
سكره جريت : لاء خد حتة رقاق بتحبه
مرات عمر : بيموت فيه
سكر : خد يا سيدى خد الاكل وطلع وكلهم أتلمو على سفرة أمجد فى وسط جو عائلى جميل .. محمد من وقت للتانى يبص لانس ويراقب نظراته إلا تقريباااا بيبعدها طول الوقت عن سكره ..
أمجد بيشاور : كل يا دكتور محمد
محمد ببتسامه : باكل والله
عمر : أنت قاعد فين فى دبى
محمد : عارفها
عمرو : ايوا عمر عاش خمس سنين هناك بس رجع هنا تانى مدرس علوووم
محمد بيوصف له وامجد متابع
سكره كل ما تحاول تقرب اى حتة لحمه من بوئها نفسها تموووع وتحس انها عايزا ترجع فاتبعدها
كريمه بتمسد عليها : كلى يا ضنايا دانتى خسيتى يا سكره قوى
سكره ابتسمت وخدت طبق رز وفصوليااا : دول حلوين كفايه هاتى طبق سلطه
كريمه ناولتها السلطه اول ما شمت البصل  بطنها قلبت وطلعت تجرى فضلت ترجع والكل انتبه لها محمد قام جرى وراها ومها وكريمه والبنات بصو لبعض وضحكوووو
امجد بعصبيه : ماتقومى يا مها تشوفى بنتك
مها قامت : حاضر .. جابت فوطه ودخلت وراهم بصت لمحمد ببتسامه .. مبروك يا دكتور
سكره بتتعدل وعيونها بتطلع نجوووم اتكلمت بنهجه : مبروك على إيه ياماما
محمد : هههه تعالى ملكيش دعوه انتى لسا صغيره
سكره بصتلهم : فى إيه
مها : أنتى حامل يا سكر
سكر ضمت حواجبها وحكت إيديها على بطنها : بجد لاء دانا خدت برد الجو هنا برد
محمد : ماشى أطلعى اقعدى فى جمب وكلى اى حاحه نفسك مرتاحه ليها طلعو وفعلا سكره عملت زى ما محمد قال كل الا ما تشم ريحة الاكل معدتها تقلب ..
قامو كلهم ومها والبنات بيقدمو للرجاله الا مندمجه فى الحديث والتعارف الحلو والشاى والقهوه للعايز .. الجرس رن  سكره جريت تفتح لقت زنوبه فى وشها بتعيط
❤❤🧡🧡💛💚💙
بقلم : لبنى طارق
💙💜💜🤎❤❤🧡🧡