سكره

سكره ١٨

سكره ١٨
**********
بسمِ اللَّهِ الَّذي لا يضرُّ معَ اسمِهِ شيءٌ في الأرضِ ولَا في السَّماءِ، وَهوَ السَّميعُ العليمُ »، ثلاثَ مرَّاتٍ.

«أَعُوذُ بكَلِمَاتِ اللَّهِ التَّامَّةِ، مِن كُلِّ شيطَانٍ وهَامَّةٍ، ومِنْ كُلِّ عَيْنٍ لَامَّةٍ».

« أَعوذُ بكلِماتِ اللهِ التامَّاتِ، الَّتي لا يُجاوِزُهُنَّ بَرٌّ ولا فاجرٌ، مِن شرِّ ما خلقَ، وذرأَ، وبرأَ، ومِن شرِّ ما ينزِلُ مِن السَّماءِ، ومِن شرِّ ما يعرُجُ فيها، ومِن شرِّ ما ذرأَ في الأرضِ وبرأَ، ومِن شرِّ ما يَخرجُ مِنها، ومِن شرِّ فِتَنِ اللَّيلِ والنَّهارِ، ومِن شرِّ كلِّ طارقٍ يطرُقُ، إلَّا طارقًا يطرقُ بِخَيرٍ، يا رَحمنُ ».
سبحان الله والحمد لله ولا إله إلا الله والله أكبر 
لا إله إلا الله محمد رسول الله
أستغفر الله العلى العظيم وأتوب إليه
لاحول ولا قوة إلا بالله العلى العظيم
اللهم صل على سيدنا محمد وعلى آله وصحبه أجمعين

❤❤🧡🧡💛💛💚💙💙💜💜💜🤎💚💚💙💙💜
حبايبى أوعو تنسووو اللايك ورأيكم إلابيسعدنى تفاعل كبير عشان البارت يوصل لأكبر عدد
******
نورا فضلت تجرررى ما بتبصش حتى وراها وبصوت مسموع وخوف : اجرى يا سكر أوعى تقفى إحنا محدش معانا الجرى الجدعنه كلها هنا
سكره بقى حالها حال واقفه محتاسه وبتشد إيديها من إيد الراجل بعياط : ياعمووو سيب أنت مكلبشنى ليييه لفت بتدور بعيونها وبتنادى بصوت مبحوح ..  نورا .. يا نورا .. رجعت بصت للراجل وبعياط أكتر .. نورا طارت خلعت يادهوتى  .. أعمل إيه دلوقت .. زعقت فيه .. أنت ساكت ليه عطلت ..  طيب بص عندى إقتراح هايشفى غليلك منى ومن إلا عملته فيك  سلمنى لجوزى وهو ها يجيبلك حقك تالت ومتلت شرانى وانا عارفاه .. انت زعلان ليييه المفروض تفرح مش شايفنا أنا وصاحبتى واحده طارت من الفرحه لما سيبت إيديها والتانيه هاتطير من الصدمه .. كفايه إنك لسا بتتنفس وعايش ياراجل روح أدبح عجل عشان ربنا نجاك كان زمان عربيتك الحلوه البلحه المقعه دى على الأسفلت أسمع منى
الراجل عيط : ياريتش خلصتينى من هالدنيا وموتينش
سكره قلبت وشها : إيه .. مالها الدنيااا
الراجل هز راسه : اكبر غلط أرتكبتيش أنتى مارحيتن وتركتينى عايش بدى أموتش وارتاح تعبتش ليش ماموتش ليش
سكره قربت منه ومسدت عليه بإيديها التانيه : هو تقريبا فى حاجه وجعاك يكونش أتخبطت فى نافوخك ووجعك وإلا  إيه  ماعرفش حرف الشين ياعمووو دمار عندك .. غيره أصله  لازق فى كل كلمه سيبك منه يمكن أفهمك الله يسترك .. وبتحذير .. اوعى تكون بتشتم لو بتشتم يبقى الله يسامحك ها اعملك إيه  إيدى رهن عندك وحسبى الله ونعمه الوكيل  .. زعقت فى وشه .. فيك راجل ظالم هى إيد الناس لعبه
الراجل على صوته : مصريه انتى
سكره أبتسمت وبتأكد : ابااا عن جد .. عيلتى كلها مصرين مفيش حد فيها هكا وإلا هكا
الراجل برق وهى تنحت لما شافته اتقلب أكتر  وقلبها وقع فى رجليها أكتر وريقها نشف
**
نورا فضلت تجرررى مسافه كبيره بتبص وراها ملقتش سكره فضلت تنادى وتعيط .. تتلفت يمين شمال يمكن هاتطلع من أى مكان بس مفيش .. بدئت تترعش وجسمها يتلج من الخوف  حطت إيديها فى جيوبها تشوف تليفونها طلع تليفون سكره إلا معاها اتكلمت بصوت مسموع : أخ تليفونى فى شنطتى فى العربيه وانا مش حافظه أرقااام حد غير مهند  أعمل إيه يارب وإيه جاب دا معايا دلوقت .. افتكرت لما كانت فى العربيه مع سكره
فلاش باااك
**********
سكره بتسوق وبتبص برا وترفع جسمها لفوووق وبرهبه : انا خايفه يا نورا البس زى الشوال فى حد
نورا بعصبيه : يابنتى الطريق فاضى أهووو عايزا مكان احسن من دا تتعلمى فيه فين وبعدين ماتوترنيش لو اتقفشنا هنااا هانروح فى داهيه
سكره : يارب أسترها .. فونها رن مسكته لسا هاتبص فيه
نورا نتشته وعلت صوتها : ركزى فى الزفت الطريق جننتينى ياسكر
سكره بتأكيد هزت راسها : حاضر حاضر بس شوفى مين
نورا بصت على الفون : دا منبه
سكره بتذكير : أيوا صح الحمد لله إنه مش محمد أنا حاسه لو كلمنى ها اعترف له بكل حاجه وهاروح ورا الشمس
نورا عملت زى مامتعوده من غير ماتحس وحطت الفون فى الجيبه وكملت كلام وتعليمات لسكره  
باااااك
*****
نورا بعياط : عمرك ما فلحتى فى حاجه حتى تليفون البنيه هو  إلا طلع معاكى هاتعملى إيه دلوقت لو بباسورد  . فتحت الشاسه وطلعت من غير باسورد  حمدت ربنا .. وأول اسم جه فى وشها محمد  أتصلت بيه على طول
حازم خلص إلا وراه  طلع مكتب محمد مريح فيه بعد ما محمد دخل  العمليااات حاطت رجله على الكرسى إلا قدامه ومربع إيده ومغمض عيونه لما فون محمد رن مسكه شاف أسم سلوى فضل متردد يرد وإلا لاء فا ساب الفون وفضل عدم الرد .. الفون رن تانى .  اتعدل وقال يرد ليكون فى حاجه .. ألووو
نورا بعياااط : دكتور محمد إلحقنى   .. لاء...  إلحق سكره
حازم وقف وبصدمه : نورا
نورا بتأكيد : أيوا زفته مش وقته الله يسترك ماعرفش سكره جرالها إيه ولا بيحصل فيها إيه دلوقت
حازم بعصبيه : انا قولتله ماسمعش كلامى عملتى إيه فى مراته
نورا بتستوعب : مين حازم
حازم : قدرك الأسود ياختى مالها مراته أنطقى
نورا تجاهلت كل حاجه المهم تلحق سكره : طب تعالى بسرعه عشان حصل ........ وحكت له .. وانا ماعرفش جرا فيها إيه والله
حازم بعصبيه : لبستيها المصيبه وجريتى انتى .. مكانك فين
نورا بعياط اكتررر : فى ال....  عند طريق ال.... متتأخرش وقفلت .. قعدت على جمب لما حست برجولها بدات تخونها ومش شيلاها أبدا .. وبجعوره وصوت مسموع .. انا ندله ياربى .. لاء جبانه والله لسان على الفاضى هايعملو فيا إيه دلوقت دانا اتخليت عن البنيه وجريت من قدامها ما أستنتهاش حتى  بس مش قصدى أنت عارف وشاهد أهم حاجه أنت يارب
** 
حازم طالع جرى ومعاه فون محمد  ومحمد قابله فى الطرقه : خد يابنى بتجرى ليه كدا رايح فين
حازم وقف وتنح ساكت مش عارف يقوله وإلا لاء
محمد شاور قدام وشه : هاااى روحت فين .. عيونه جت على الفون وشده  .. إيه جاب دا معاك
حازم بصوت مبحوح : محمد أسف رديت على مراتك
محمد أستغرب : أشمعنا
حازم : بص مفيش وقت ها اشرحلك كل حاجه بس مراتك فى مشكله كبيره
محمد قلبه وقع منه وبصدمه : مين فيهم
حازم : سلوى
محمد بعصبيه  : وقعت قلبى ماتنجز وتقول فى إيه
حازم : ها أقول إهدى .. وحكى كل حاجه .. محمد دخل مكتبه خد حاجته وقلع البلطو  وطلع يجرى وحازم وراه ..
وقف قدام مكتب الأستقبال : مريم لو سامحتى خلى الدكتور عواد يباشر الحاله إلا تخصنى لسا خارجه من العمليات يدخلها بعد ساعتين ولو حد سأل علياا قوليله حصله ظرف طارق ومشى
مريم : بس يادكتور
محمد : مابسش الله يباركلك كلمى عواد وبلغيه إلا قولتهولك  هو مش هايتأخر عنى وسابها ومشى حازم طلع وراه ملحقش يركب معاه عربيته فاركب عربيته هووو وماشين على الطريق ورا بعض ومحمد متابع مع نورا بالفووون
**
الراجل ساب إيد سكره  وهى بصت لها كأنها لقت لقيه أو اتحررت من الأسر مع ابتسامه واسعه لسا هاتجرى عيونها وقعت على الراجل قعد جمب العربيه وبيعيط بحرقه ياترى من إيه وإيه واجعه قوى كدا .. راحت قعدت جمبه بعد ما جابت المناديل وناولته .. اتفضل وبطل عياااط شكلك شغال عند راجل مفترى والعربيه بتاعته وبتقول دلوقت ها يطردنى او ها يخصم من راتبى .. معلش هى الدنيا كدا هانعمل إيه لو رفدك تعالى لجوزى اصله قلبه طيب ممكن يشغلك بص هو مابيغلبش سوسه بيعرف يتصرف مش قولتلك شرانى يسلك فى أى حاجه
الراجل عيط اكتر وهو بيقول ياريتش دى هموم الدنيا بالنسبه إلى
سكره بفرحه : إيه دا مانت بتتكلم عدل  زينا وحرف الشين طار نصه  زى نورا
الراجل بصلها : بعرف اتكلم شوى
سكره أبتسمت : طيب كويس كلمنى عدل الله يسترك انا لسا جديده هنا ومشفتش حد بيتكلم عربى إلا قليل قوى
الراجل ابتسم : اتزوجت مصريه فتره كبيره جدا بس ما فى اولاد منها .. عيط جااامد .  ياريت ضليت وحيد بلا ولد وبلا بنت
سكره بزعل : ليه كدا بعد الشر دا هما زينة الحياة الدنياااا
الراجل : ابغى اموت وأرتاح ليش ماريحيتنى من كل العذاب إلا ريته وبيترجاها ..  ريحينى بنتى
سكره شاورت عليه و على نفسها : يعنى أنت ترتاح وأنا يشعلقونى فى الهوا شاشى أو أروح  من البرش دا للبرش دا يرضيك
الراجل : إيش هاد
سكره : السجن يعنى .. قولى إيه مزعلك يمكن تلاقى الحل عندى مش عايزا اقولك صغيره بس حلولى جباره حطت إيديها على وسطها .. حلول  بتقطم الوسط
الراجل : شو أسمك
سكره : اسمى سلوى وبينادونى سكر وأنت
الراجل : شخبوط
سكره بصت على العربيه وهى بتهرش فى راسها بتفكير : شخبوط محدش شخبطلك عليها والله أهه بتلمع لمع ياعم حرام عليك دى مرايه هى خبوط مش شخبوط
الراجل : شو خبوط هاد
سكره ببتسامه : مخبوطه يعنى
الراجل شاور على نفسه : اسمى شخبوط مو العربيه
سكره تنحت : سابو الأسامى كلها ومسكو فى شخبوط لييييه ياعمو ... قولى شخبوط ليييه  شاورت لقدام وبتنقل إايديها .. مافى محسن وحسن وحسين مالهم قالو لاء
الراجل ابتسم : دمكم خفيف يالمصرين .. نحنا زمان كنا نسمى أسماء متل هاى .. يعنى اصدقائى  دعفوس ومصبح ومعيوف ويوعان اسامى جميله لها ثقل ومعنى مو اسامى فرافررى مهند وموحه وكوخه وموخه
سكره مدت إيديها لقدام وتنحت  : أستنى عشان قلبت دماغى مين هايجيلو عين يقول تعالى يامعفوس لراجل أد الحيطه   .. دى زى مفعوص عندناااا عيل صغير كدا قرد فى نفسه مغلب أمة   الجيران والشارع بحاله  ..   ومين يوعان .. هايوعان على إيه وإلا إيه وإلا إيه
الراجل : هههههههه ضحكتين والله هاد الفروج بين كل بلد بنستغرب ليش ..  الله خلجنا متنوعين بأشكالنا بصفاتنا بألسانتنا حتى بأخلاجنا .. فى شى يناسبك ويناسب شعبك مايناسبى ولا يناسب شعبى هيك ربنا خلجنا
سكره  بتأكيد : فعلا عندك حق .. رفعت إيديها لفوق ... الحمد لله  هزرنا اهو يا جدو مالك بقى
الراجل خد نفس طويل : احكى إيش جلبى ما متحمل كالهجحود ابنائى فلذة كبدى ربياتهم وكبرتهم وعيشتهم  بمستوى يلج فيهم وبأبوهن يتمردون علي يجولو مانبغاااك بنريد الجرشنات وروح من هون  .. أعطينا الدراهم واطلع من حياتنا .. عيط قوووى قوى وبيشاور على نفسه .. تبغى ترمى كل هالدنيا تحت اقدامهم ماتبخلين ويوم ما يوعون ويكبرو ويصيرو كدى بالطول بيطردون ويتبرون منى خرفت وكبرت ..  بتغلى على جلوبهم  الجرشنات ويجدرونها  وبيرخص الأبو  هاى الدنيااا وهاى الظلم
سكره عيطت هى كمان وبتمسد عليييه وساكته بعد ما فهمت كل كلمه .. ووجعه شكله إيه هو هو نفس الوجع ياربى
الراجل بصلها : ليش ماتجولين شى هايو عملتى بابوك
سكره ابتسمت رغم دموعها : انا عايزا اقولك دنيتناااا زى ما قولت فيها أشكال وأنواع .. ببصلك كأنى ببص فى مرايه معكوسه ومقسومه  نصين .. نص عاق للاب والأم ونص عاق للولد .. حياتنا غريبه عجيبه .. تلاقى فيها ولاد بيعانوووو من قسوة الاب والام  وظلمهم وتلاقى فيها  أب وام بيعانووو من ظلم الولاد وعقوقهم .. ازاى قلوبنا وصلت لمرحله تبقى أشد تحجر من قلوب الحيوانات .. الحيوان مخلص لابوه وامه وأبنه فتره سليمه محدش قدر يغيرها .. مين قدر يلوث فترتنا إلا ربنا خلقنا عليها .. أزاى أبن مايقدرش أبوه وأمه .. أزاى اب وام مايحبوش حته من جسمهم ويوجهوها ويصبرو عليها ويحتضنوها فى ضعفها مهما كبرنا ضعاف قدامهم  وصغيرين فى عيونهم وعيون نفسنااا طول ما بنقول بابا وماما حتى لو شعرنا شاب مش هانحس بكبر السن والشيب مابنكبرش غير بعد رحيلهم
الراجل عيط قوووى  وهو سامع كلامهاااا .. ليش .. صح ليييش وبنتخانق على إيش .. حتى المعارك بده شررررف  مو غدر أبدا أبدا
سكره : بص ياعمووو أوعى تستسلم وربى ولادك حتى لو طولك .  أوعى تحسسهم بإحتياجك لهم وضعفك وخوفك لتخسرهم .. البنى ادم الظالم دايما مش عارف قيمة الحاجه القريبه منه أو إلا فى إيديه بيستقوى عشان مش عارف قيمة النعمه .. زى ماهما بيبعوك بيعهم واحرمهم من إلا فضلوه عليك لحد مايعيدو حسابتهم ويرجعو ندمانين وعارفين قيمتك أنت الأول و فاهمين الحياه صح
الراجل بتفكيير ساكت
سكره : صدقنى مش هايعرفو قيمتك غير لما قلبك يجمد عليهم ..
الراجل بيقرب يبوس دماغها بعدت  .. العفو أنت فى مقام والدى.. شكلك بتحبهم بزياده ودلعتهم بزياده
نطر إيده : بزياده كتييير أجى على كل شى وكل حدا لجلهم بنتى
سكره : هى كدا الدنيااا الإفراط فى الدلع مصيبه والإفراط فى القسوه كارثه خير الأمور الوسط 
هز راسه بتأكيد : إيه والله صدقتين وكل ما يفتكر ولاده وكل إلا حصل يعيط غصب عنه وهى مش عايزا تسيبه فى حالته دى وتمشى صعبان عليها منظره وكبر سنه
محمد وصل لنورا وحازم وراه  نزل بالهفه لقائها قاعده بتعيط : نورا فين سلوى دلوقت
نورا بعياط بتشاور : أنا سيبتها جمب الراجل فى أخر الشارع دا  أنا أسفه يا دكتور محمد بجد اسفه والله ما أعرف إنها مش جايه ورايا عايزا أرجع لها مش قادره
محمد : طيب قومى معايا مش وقت أعتذار
نورا : مش قادره والله سيبنى أنت وروح لها الأول ألحقها
محمد بدون كلام ركب عربيته وطار على الاتجاه الا شاورت عليه نورا .. حازم قرب منها وواقف حاطت إيده فى وسطه أتكلم ببرود وهو جواه نار من ناحية نورا : تعرفى إنك ندله
نورا بتأكيد بتهز راسها وهى بتعيط ومش شايفه مين بيكلمها : اه أنا ندله قوى
حازم : ازاى تسيبى صاحبتك وتجرى مش كفايه إنك سبب الحوار كله وكمان مخبيه على جوزها بجد أنتى شيطان
نورا رفعت راسها بصت لحازم ومسحت دموعوها ومناخيرها بعصبيه : هو أنت .. أنا مش نقصاك سيبنى وأمشى الله يسترك روح ألحق صاحبك للتحط فى بند النداله زيى
حازم نطر إيده : قومى خلينى أوصلك بدال مانتى فارشه فى الشارع زى المتسولين
نورا بعصبيه أكبر : أنت مالك يا حشررررى إلهى تفرش فرشتى
حازم وطى وبيشاور على نفسه : أنا غلطان إنى عايز أساعدك بدال الندب قومى شوفى هببتى إيه
نورا : هببت نيله سودا يوم شفتك وعرفتك روح .. أمشى .. رفعت إيديها للسما .. يارب تمشى يارب
حازم بصلها بغل ولف ركب عربيته وهو ماشى بسرعه عفرها
نورا بتهوى على وشها : كح كح كح .. روح الله يسامحك  .. جاتك القرف  . طلعت الفون واتصلت على مهند وأول ما سمعت صوته نزلت سح ودح وعياااط من تانى ..
مهند : بيكفى نورا فداكى الف عربيه
نورا : لا يا مهند أنا ندله قوى  وجبانه تخيل سيبتها وجريت ياترى حصل فيها إيه دلوقت وإلا بتقول عليا إيه والله فاكراها ورايااا
مهند : إنشالله خير ما راح يحصل شى
نورا بعياط : تعالى خدنى أنا رجلى مش شيلانى خالص بحاول اقوم مش قادره
مهند : حاضر راح اجى حالا خيتى
قفل معاها وأستأذن وساب الشغل وخرج لها
..
محمد وصل لسكره وأول ما شافها ركن العربيه ونزل بالهفه عليها وضمها بين إيديه وباصص لوشها بيطمن : سكره أنتى كويسه
سكره هزت راسها بتأكيد : أيوا الحمد لله ماتقلقش عليااا عمو إلا مش كويس خالص يامحمد
محمد أنتبه مد إيده له يسلم : أنا الدكتور محمد جوزها
شخبوط سلم عليه : معك شخبوط البسينى
محمد رفع حاجب : أهلا أهلا بحضرتك
سكره : أنت تعرفه
محمد بتأكيد : طبعااا رجل أعمال كبير زيه لازم أبقى على علم بيه كنت بسمع أسمك كتير جدا مع عصمت وشيرى بنته
شخبوط : اهلاين ما بعرف شو أعملك بنتى بس والله هونتى علي جلبى المجروح ماجدرش يتمالك نفسه فاعيط تانى
محمد بإستفهام : ماله زعلان من إيه
سكره غمزت له : بعيدن ها أفهمك
محمد بصلها بإستغراب وأتكلم بغيره واضحه  : لحقتى تتصاحبى عليه يخربيتك مجنونه
شخبوط : لا مافى شى هى متل بنتى الصغيره
محمد بتأكيد : طبعا أنا متأكد من دا .. طيب بدال واقفتنا تعالى نروح البيت أو أى مكان
شخبوط : لا مافينى
سكره بحلفان : والله أبدا لازم تيجى طبعا وتاخد واجبك دا محمد فاتح بيته للكل أنت فاكر إيه
محمد باصص لها ومتنح هز راسه وأبتسم بسخريه : اه فاكر إيه لازم تيجى بيتى مفتوح على البحرى
سكره شاورت عليه : شفت بيموت فى الضيوف وضيافتهم تعالى بقى نجيب غدا ونتغدى مع بعض كلناااا وأهو يبقى عيش وملح
محمد بحلفان زيها : والله ماتقول حاجه أنت فاكر إيه دانا بعشق الأكل هههههههههه
شخبوط ضرب على رجله : هه متل ما بدكم راح أكون وراكم بعربيتى
سكره : ورانا ليه لازم تكون قدامنا عيب بردك أنت الكبير
محمد قلب شفته : بردك .. قدامنا يعمل إيه هااا يروح فين الراجل عارف البيت عشان يكون قدامنااا هاتجلطينى
سكره هزت راسها بنفى : لاء
محمد : إمال مالك كدا أعزمى بالمنطق يا شيخه
سكره : حاضر  ابتسمت .. اتفضل خليك ورانا بقى معلش هى الدنيااا كدا يوم ورا ويوم قدام 😂😂😂
محمد زقها : قدامى ياحكم الأرصفه والشوارع
سكره بصتله : الله مش بطمنه إن الدنيا مش دايمه لحد
محمد : قدامى لأطيرك لحد البيت جننتينى
ركب وهى ركبتت واتحرك ووراهم شخبوط بالعربيه
محمد بعصبيه : أعمل فيكى إيه ماسكه فى الراجل ولا كأنه واحد من عيلتك أنتى هبله مفيش الكلام دا هنا فاكره نفسك فى مصر
سكره قلبت وشها  : مش بشكره الله .. وبعدين الراجل نفسيته وحشه لازم نهون عليه دا واجبنا تجاه بعض
محمد شاور على نفسه : وأنا مين يهون عليااا عمايلك .. تعبت يارب تعبت .. وبعدين أنتى حسابك فى البيت لما افوق من حوار الراجل واعرف حكياتكم إيه مع بعض
سكره بعصبيه : لا حكايه ولا روايه داحنا اتمشينا شويه وجيبنا عصير وبسكوت ورغينا شويتن مفيش أكتر من كدا
محمد بيلف إيده فى الهوا : هو فى أكتر من كدا  يعنى كان إيه ناقص لمون وشجره وترابيزه تهون عليكو مرارة الأيااام
سكره نطرت إيديها : مثلااا ماهو اللمون مهدى للأعصاب بردو ازاى  تاهت عن بالى دى
محمد ضربها على  إيديها : أسكتى ما أسمعش صوتك
سكره طلعت بوذ البطه : خلاص ماشى ماتضربش طه
محمد خد نفس وسكت ومن وقت للتانى يبص لها بصات كلها غيظ وهى بتضحك من جواهااااا لمست حاجه فى محمد متغيره من ناحيتها بجد فرحت لما نزل ضمها وبيبص يشوفها سليمه والا لاء هو بجد فى حد بيخاف عليها ومهتم لأمرها
حازم اتصل عليه وراح وراه ومهند جاب العربيه بتاعت نورا من مكانها وراح لها نزل قرب عليها بالهفه : تعى ليش قاعده هيك
نورا بعياااط : أنا أستاهل يا فهد شفت سكره والا محمد هناك
فهد هز راسه بنفى : مافى حدا كلن راحو مسك إيديها بيقومها وكل ماتحاول تقوم تقع .. شالها بين إيديه وركبها جمبه فى العربيه اتكلم بزعل     ليش توصلى حالك لهيك وضع مافى شى بيستاهل
نورا : زعلانه من نفسى ومن جُبنى قوى يا فهد ..تخيل بيقولو عليا إيه دلوقت .. سيبك منهم إلا وثقت فيا ومشيت ورايا وبعتها مع أول مشكله حصلت لنا بتقول إيه أكيد مش طيقانى أكيد
فهد بنفى : لا حبييتى سلوى قلبها طيب ما بتمكر ولا بتكره حدا جواتها كتير صافى ونقى لا تزعلى حالك راح أروح إلهن وأقولهن إنك ما بتقصدى
نورا سكتت وبصت من الشباااك وسرحت فى كل حاجه وأخرهم حازم .. فهد وقف بالعربيه قدام عربية حازم إلا قاعد جواها واضح إنه منتظرها وماخرجش من عربيته اصلا  .. مهند لف شال نورا ودا عيونه هاتطلع عليها نفسه يروح يهزئها يشتمها يضربها ويقولها سايبه مصر عشان تيجى تمشى على حل شعرك هنااا ..اتعدل فى قعدته لما حضنت فهد ودفست راسها فى راقبته كأنها بتستخبى من الكل .. اتكلم بعصبيه واضحه .. واحده بجحه بجد قرفت منك قوى أنتى والملزق إلا معاكى بعد ما كان ماشى نزل وطلع معاهم  زق مهند .. وسعلى لو سمحت
نورا بصتله بقرف ولفت وشها
مهند : مافى صبر شايل الصبيه ومقطوع نفسى
حازم بعصبيه : وتشيلها ليه ماتسيبها هى رجليها أتقطعت كل ما أشوفك شايلها إلا يشيلها شيال أعمى
نورا اتعدلت وأتكلمت ببرود  : ماله دا يامهند
مهند بإستغراب : مابعرف شو به وسعلو الطريق .. أتفضل روح من هون مو ناقصينك
حازم بتريقه بيبصلها وأتهز قوى وهو بيتكلم  : ماله دا يا مهند أعوذ بالله سم أتنين ألزج من بعض وطلع بالخطوه السريعه رجع تانى ووجه كلامه لمهند .. اه فى إختراع أسمه اسناسير ابقو اتنيلو شيلو بعض فيه بدال شغل السلالم وسابهم وطلع
مهند بص لنورا : مجنون هاد وليش بيطلع على الدرج مادمته مو عاجبه الطالعه يروح ينصح حاله
نورا أتنهدت وسكتت حطت راسها على كتف مهند واكتفت بالصممممت من كتر ماهى مستغربه هجوم حازم طول الوقت الغير مبررر ..
**
محمد فتح الباب لحازم وقاله أتفضل .. همس  .. اتأخرت ليه
حازم : أنا شامم روايح حلوه للدرجه دى نفسكو مفتوحه على الحياه
محمد بتريقه : أنا نفسى مقبله .. بيمد إيده لقدام كانه بيشق حاجه .. نفسى بتشق طريقها لوحدها مش عارف احكمها  سابت الهانم مش لاقيه حد يلمها
حازم نطر إيده : عملت خيييير وسعلى والا تدخل أنت الأول
محمد : لا يا حبيبى أدخل أقعد جمب شخبوط قاعد منورنى مش عايز اقولك مراتى طايره بيه من الفرح شويه شويه ها يكتبها على أسمه وياخدها ويمشى وهو مقتنع إنها بنته
حازم : شخبوط  و  ليه  يتشخبطلكم دلوقت الوقت متأخر على الشخبطه ..دا مين دا بالصلاه على النبى
محمد : دا إلا أتخبط تحسه فقد الذاكره ومش فاكر فى الدنيااا غير مراتى قرر يشترى شقه هناااا أو يشترى البيت عشان يكون جمبنا شوفت الهنا إلا أنا فيه
حازم زق الباب قفله : تعالى شكلك معبى وهاتنفجر أما أشوف مين لخبوط دا كمان ماهى ناقصه لخبياط فى حياتنا
محمد : هههههههه أدخل أدخل .. قعدو وعرفه على شخبوط وأتكلمو معاه كتير جدا وشبه أرتحالو واستلطفوه واتعاطفو معاه لما عرفو حكياته إيه بالظبط فى المقابل مهند قاعد يهدى فى نورا ويقنعها إنهم هايتقبلو إلا هى فيه ويعذروها
**
زنوبه راحه السوووق وبعد ما جابت حاجتها قابلتها جاراتهم أم وليد
زنوبه : أنا قولت سافرتى لا حد بقى بيشوفك ولا بيسمع عنك حاجه
أم وليد : أبدا يا أم يونس دانا تعبانه وقاعده فى البيت لا حد بيسئل ولا بيطل عليا يقولى اخبارك إنهارده إيه
زنوبه نطرت إيديها : ياختى كان إلا ربناهم وتعبنا فيهم سئلو البت ما صدقت تقول يافكيك لا بتسئل عليا ولا على أبوها الواطيه  . تخيلى أبوها يكلمها ويعيط ويقولها وحشتينى ومحتاجلك ياسكر وهى قلبها حجر البعيده زى أمها
أم وليد : يووووه أخص عليها دا أبوها بردو وواجب تقف جمبه وتحسسه إنها مش بايعه مهما حصل
زنوبه بغل : دى تبيع بلد طالعه شبه إلا جابتها لا عندها عزيز ولا غالى فاكره نفسها بقت حاجه لما أتجوزت دكتور
أم وليد أبتسمت : هى أتجوزت دكتور
زنوبه لوت شفتها : اااه حظها سالك زى أمها
أم وليد : ههههههه تصدقى يازنوبه صح .. أصلك ماشوفتيش مها دى فى عزها ماتزعليش منى لما أتجوزت أبو سكر كل الشارع بقى يقول إيه وقعها الواقعه دى
زنوبه بشر : قصدك إيه ياوليه
أم وليد : لا ما قصدش .. وبكذب .. ماهو نفس الكلام أتقال عليكى كنتى تستاهلى أحسن من كدا بس نقول إيه نصيب بقى
زنوبه بهم : بتقولى فيها يا أم وليد دانا كل يوم بضرب نفسى ميت شبشب وأرجع أقول يونس عندى بالدنيااا وأهو زيد أتهد بردو مابقاش مفترى زى الأول
أم وليد : ياله ربنا يهدى سرك
زنوبه : يارب إحنا والسامعين .. أبتسمت وبصت على الشنط إلا فى إيديها  .. هاتطبخى إيه إنهارده
أم وليد : أبدا دانا جايبه كيلو لحمه ورز بسمتى عشان أعمل كبسه نفسى فيها
زنوبه لوت شفتها وبتفكير .. كبسه تبقى تكبس على نفسك وليه مفجوعه على قلبك أد كدا إمال الإيحه إلا معايااا عامل فينا كدا ليه أخرى اجنحة فراخ بضرب الصورم ويقولى أنتى مبذره
أم وليد زقتها : روحتى فين .. إمال أنتى هاتعملى إيه
زنوبه ضحكت : ها أعمل ربع خرووووف ياختى إحنا ما يكفناش الكلام الفارغ إلا أنتى جايبه دا
أم وليد تنحت  : بقى الشنطه دى فيها ربع خروف
زنوبه : لاء الربع فى البيت والخروف بعيد عنك معايااا قارفنى فى عيشتى بالإذن ألا يكمكم وسابتها ومشيت
أم وليد : يكمكم .. فى خروف بيكمكم  ياله ماهى عيشتهم راقت من بعد جواز سكر تلاقيها بتكبش من جوزها المسافر  وتديهم  بس هى بتغزى العين وليه قرشانه ها أبعت لها طبق كابسه لتحط عينيها فيها وإلا حاجه
**
حازم قايم بيسلم عليهم
محمد : ماتقعد يابنى مستعجل ليه
حازم : معلش نتقال فى يوم تانى يكون خفيف شويه
محمد : لا ياراجل تقل ولا يهمك
حازم : لاء أنا عندى دم بردو .. ههههههه .. مد إيده سلم .. أتشرفت بمعرفتك شخبوط بيه
شخبوط : الله يعز مقدارك حبيبى الشرف إلى .. خدنى معك بيكفى هالقدر
محمد : إيه ياجماعه مع بعض كدا
شخبوط : ماراح وصيك
محمد شاور على عيونه : حاضر ها أسئلك عيونى .. طلع على الباب لحد ماخرجو 
سكره أول ما شافت محمد راجع طلعت تجرى على الأوضه  قامت لابسه فى الباب
محمد كتم الضحكه : ربنا بيردك تانى ليااا هاتهربى فين .. زعق  . تعالى
أما حازم طلع بعربيته أول ما وصل شقته دخل خد شاور سريع وغير وجاب اللاب بتاعه أتصل بحد فديووووو وأول ما ردت .. حبيبتى وحشتينى وحشتينى وحشتينى
💚💚💙💙💙💙💜💜❤
بقلم : لبنى طارق
💚💚💚💙💜💜💜❤❤

إن شاء الله البارت هاينزل يوميا الساعه ٧ وربع  ماعدا الخميس والجمعه .. ويارب كل ولادنا إلا بتمتحن يسهل الله أمورهم ويشرح صدورهم ويحفظهم من كل شر وكل سوء ونشوفهم من أحسن الناس يااااارب كلكم أنتم وأولادى بحبكم فى الله
تصويت ورأيكم يا حلوياااتى تفاعل كبير ياقمرا