سكره

سكره ٤٥

سكره ٤٥
**********
اللهم يا فارج الهمّ ويا كاشف الغم فرج همي ويسر أمري، وارحم ضعفي وقلة حيلتي،
وارزقني من حيث لا أحتسب يا رب العالمين.
اللهم إن كان رزقي في السماء فأنزله، وإن كان رزقي في الأرض فأخرجه، وإن كان بعيداً فقربه،
وإن كان قريباً فيسّره، وإن كان كثيراً فبارك لي فيه يا أرحم الراحمين، اللهم صل على محمد وعلى آل محمد،
واكفني بحلالك عن حرامك، وبطاعتك عن معصيتك، وبفضلك عمن سواك يا إله العالمين.
اللهم إنا نسألك باسمك العظيم الأعظم، الذي إذا دعيت به أجبت، وإذا سُئِلت به أعطيت،
وبأسمائك الحسنى كلها، ما علمنا منها وما لم نعلم، أن تستجيب لنا دعواتنا، وتحقق رغباتنا،
وتقضي حوائجنا، وتفرج كروبنا، وتغفر ذنوبنا، وتستر عيوبنا، وتتوب علينا، وتعافينا، وتعفو عنا، وتصلح أهلينا،
وذريتنا، وترحمنا برحمتك الواسعة، رحمة تغنينا بها عن رحمة من سواك
اللهم صل وسلم وبارك على سيدنا محمد وعلى آله وصحبه أجمعين
❤❤❤🧡🧡🧡💛💚💚💚💙💙💜💜💜💜🤎🤎
زنوبه مرميه فى أرض البلكونه وبتضرب على رجليها وبتصرخ  : يالهوووى يالهوووى يالهوووى .. انا قولت حصلك مصيبه يا زيد .. يوم ما تروح تروح كلك وترجعلى راسك منك لله يازيد منك لله تاعبنى دنيا وأخره .. بتسحف داخله على جوا .  لقت يونس فاقد الوعى بقت تعيط وتخبط على وشه شالت كوباية ميه دلقتها عليييه .. فوق يا ضنايااا يا مصيبتك يا زنوبه الواد وابووه .. ألحقونى ياناس وبقت تصرخ
كرم نزل جرى بيخبط عليها وجيران كتير اتلمت قامت تتسند وفتحت الباب وبقت تلطم .. إبنى بيضيع منى يا كرررم إلحق صاحبك يالهووووى
كرم دخل جرى وكذا واحد من الجيران وماقاموش من جمب يونس غير لما فاااق
يونس بعياااط : أبويا جراله إيه
جارهم : ولا حاجه يابنى مش أبوك ولا جاى عندكم  البوكس
زنوبه وقعت والستات بقت تهووى عليها وترش على وشها ميه وتعيط : جد مش زيد
كرم بتاكيد : لا يا ست زنوبه مش عم زيد دا جاى ياخد عيال حرميه والعيال شافته طلعو جرى يقولو أى كلام هو حد بيصدق كلام العيال
زنوبه صرخت : عيال و....  زقت واحده غورى جاتك ضربه أنتى وأبنك لو شفته ها أقسمه حتتين
جارتها : انا مالى يا زنوبه وبعدين زى ما سمع جه قالك
زنوبه : قالكم القل يا بعده حرام عليكم إبنى كان ها يروح فيها مش متحمل  دا تعبان ياكبدى .. وقعدت تعيييبط جااامد لأول مره تصعب على جيرانهاااا 
جارتها أم على : الحمد لله يا زنوبه ان ماجاش خبره
زنوبه بصتلها بشر : خبر مين يا وليييه
أم على : جوزك الا أختفى مانعرفش راح فييين
يونس بياخد نفسه وبص لكرم : عايز ميه وكل ما يمسح دموعه تنزل تااانى مش قادر يسيطر على نفسه أبدااااا مش متخيل لو كان دا حقيقه وبجد يااااه ربنا ما يكتبها على حد يااارب  .. مهما كانت القسوه أو العناد أو أو محدش بيتمنى يشوف فى أهله حاجه وحشه أبدااا  خصوصا إلا على الفتره وقلبه نضيف بيخاف ربنا
**
سكره جايه جرررى ومحمد بيرمى الشنط : بتشتغلينى طب احبكى الدور وحطى هدمتين فيهم وكمان مفتوحين طب اقفليهم ياختى
سكر بصتله باستغراب : احبك دور إيه
محمد شال الشنط وبيفضيها : شنط فاضيه .. وماشيه وطلقنى وكل واحد يروح لحاله وبيقلدها بطريقه تتضحك
سكره برقت : والله ابدا انا حاطا الهدوووم فيها صدقنى .. بصت لمليكه بنص عييين .. مليكه
مليكه بتهز رجليها : نعم  سكرا انت عايز إيه
سكره قربت : فين الهدوم يا مليكه أعترفى انا سيبتك فى الأوضه وطلعت برا لقيت الشنط فى الصاله أتصدمت قولت شالتهم أزاى
مليكه بضحكه رفعت إيديها : أنا أرميه كلووو هناا عشان مش روح عند أمك سيبنى ليييه
سكره عيطت بإصطنااع : بنتك رامتلى الهدوم يا محمد مليش دعوه شالت دا كله وبتشاور على الهدوم ورمتهم ..  فين يا مليكه يا قرشانه
مليكه ميلت راسها : رشااانه سكر أرمى هناك فى كله عند هناك بدنق كمان  أرمى اجرى معاه
سكره جريت على الأوضه ومحمد راح وراها ووقفت تنحت تقريبااا كدا فارشه الاوضه كلها بهدوم سكررر .. ههههههه .. راميه فى كل حته حبه
محمد : ههههههه تستاهلى وربنا هى دى إلا تنفع معاكى ربنا بيسلط القرشنات على بعض الحمد لله يارب
سكر هزت راسها : لاء يا محمد حرام عليك انا ها أقعد اطبق دا كله
مليكه واقفه وراهم : طبقو بابى معاك هو طبق
محمد : يا سلااام طب ما تطبقيه انتى مش انتى الا راميهم
مليكه ميلت راسها وإحولت : أزاى رجلو إوجع طبق بابى حلو جميل
سكره : يا مفتريه رجليكى ما وجعتكيش وانتى بتعملى الجريمه دى كان عقلك فين والا ضميرك فييين  يا شيخه جننتينى أنتى وأبوكى
مليكه بصوت عالى : فى راسك عقلك فكر يعنى .. بصت لبندق وبتنادى عليه  .. بدنق وماشيه وبندق ماشى وراها والاتنين باصين عليها بذهول
محمد بضحكه : جبروت إمرأه .. ضرب سكر على راسها أبوها ماله ومال جنانك هو مستلمك كدا
سكره رفعت إيديها لفوووق وبتجز على سنانها محمد قرب عليها وبيمشى إيده على  راسها .. الله أكبر الله أكبر إهدئى يا إمرأه هناك طفل برئ لم يرى النور بعد
سكره بعصبيه : انت ما يجيش منك حاجه بريئه أبداااا وسع كدا وزقته ومشيت
محمد بصلها : الله وانا مالى مش أنتى الا معالمها التخطيط اهو ها يطلع على جتتك .. دخل الاوضه وحاطت إيده على بوئه وبيضحك من قلبه .. يالهوووى وبينزل إلا على النجفه طلعته ازاى فوق  دا  أكيد بندق أشترك معاها فى الجريمه  لاء أتنين خطر على المجتمع وعلى مخ سكر وهو مش ناقص سايح لوحده ..لم كل حاجه فى جمب واحد وغير هدومه وراح المطبخ لقائها واقفه قدام البوتجاز .. حضننها بقووووه وبيبوس خدها همس .. مش هاتغيرى الهدوم
سكره ببتسامه : مش انت قولتلى جعااان
محمد خد نفس ودفس راسه فى راقبتها : جعااان حبك وبااااسها بوسه طويله من خدها .. مشى إيده على بطنها .. عايزين نطمن على ولى العهد أخباره إيه
سكره ضحكت ولفت براسها وعيونهم فى عيون بعض : ولى العهد مره واحده
محمد باسها برقه وبتاكيد : طبعااا ولى العهد هايطلع برنس إن شاء الله .. بكرا اخدك ونكشف ونطمن
سكره لفت بجسمها  وهو حاوطها : لو طلعت بنت
محمد : أممممم حلوه وجميله والحمد لله بس ان شاء الله ولد ما تتخيلش ها اكون فرحان أد إيه بيه
سكره أتشعلقت فى راقبته وهو شالها بين أحضااانه بقى يضمهاااا بجنون وحب وعشششششق .. ضحكت لما قال لها القرشانه برا ودلوقتى تيجى تفضحناااا نزلها وبعدت عنه وقلبهااا بيدق طاير من الفرحه .. وهو باصص لها بشغف ومبتسم .. روحى انتى أنا ها اقف اكمل على ما تغيرى
سكره هزت راسها : ماااشى سمعت كلامه وراحت الأوضه تغيررر أتفاجئت بيه داخل وبيقفل الباب .. ضحكت وهى بتقول .. مجنون مليكه برااا
محمد ببتسامه : لو القنصل براااا أنا مش ها أتراجع  أبدااا 
سكره جررريت : لاء ها أعمل الاكل الاول انا كمان جعااانه وسع
محمد شالها بدراع واحد وراماها على السرير وبيلف بإيده ؛ لازم العنف .. كل يوم عنف ما بتتعلميش
سكره هزت راسها  : هههههه لاء
محمد أبتسم : يبقى ها اعلمك بيعلى صوته .. أستعنا على الشقى بالله
مليكه من برا : بابى إطلع سيب سكر معايا روح أنت عندك هناااك بوسه ليييه
محمد بصوت عالى : خدى بندق وروحى ألعبى بيه يا ماما كدا عيييب انا بساعدها بس
مليكه قاعده قدام الباب : ألعبى بيه .. بوس سكر إطلع معايا عيييب بابى بوسى أنا كمان حبك يا حبيبى
سكره : ههههههه تستاهل كما تدين تدان بقت معلماك كل ماتقفل الأوضه تبقى بتبوسنى فاضحنا الله يسامحك
مليكه : لاص بابى وراحت فتحت التلفزيون وقاعده قدامه وبندق نايم على رجليهاااا .. محمد فتح الباب بشويش بيطممن انها فى أمااان أبتسم ورجع قفله تااانى : الحمد لله يأست ومشيت
.. قضى وقت جميل هو وسكر كله منكافه فظيعه من محمد ومغازله رهيبه هى بتعشقها منه .. وبعدين طلعت كملت الاكل وكلووو وهما بيهزرو مع مليكه وبندق
**
أنس قرر ياخد أمه معاااه ويسفرها تشوف الدنياااا ومصر عليها وهى مش عارفه ترفض أزاى او تعمل إيه .. كلمت مها حكت لها كل حاجه
مها : روحى يا كريمه غيرى جو معاااه
كريمه : مش عايزا أسيب بيتى وأمشى عايزا أمووت هنا يا مهااا وسطهم يجرالى حاجه فى الغربه وولادى بعيد عنى وإخواتى
مها : بعد الشر عنك إن شاء الله تروحى وترجعى وأنتى بخييير .. أقولك أستغلى وجودك برا وأفحصى نفسك هناك واطمنى انا شاكه فى الكلام واخر دكتور قالك اعملى التحاليل تانى
كريمه بخوف : لاء مش عايزا أقلق أنس عليا دا النور يطير من عيونه أنا عارفاااه
مها : إن شاء الله مش ها ياخد باله جربى مش هتخسرى حاجه  أبداااا ..
كريمه أتنهدت : والله ما عارفه انا إحترت والواد مصمم .. ها اصلى إستخاره والا عايزه ربنا ها يكون ان شاء الله
مها : إن شاء الله خير يا حبيبتى .. لا مع الف سلامه وقفلت معاها  تروق وتشوف إلا وراها إيه
*****
مر يومين وسكر راحت لزنوبه ويونس تقريبا يوميا بتمر عليهم من ساعة ما اتصاحلت مع محمد
سكره داخله عليهم ومعاها شنط أكل كتير وفاكهه دخلت جرى على سرير يونس وزنوبه بصالهم وبتضحك
يونس فتح دراعه ومبسوط  وسكره دخلت فى حضنه : حبيبتى ياسكر
مليكه حطت إيديها فى جمبها : حبيبتى ليييه سعلااان سيبك أمشى لاص
يونس زق سكر الا ماتت على نفسها من الضحك : غوررى باربى حق فهد وحقى زعل .. تعالى يا قمررر .. تعالى يا حتة قشطه
مليكه شالت بندق وبتطلع على السرير زنوبه طلعتها وأترمت فوق يونس وباسته وهو باصص لسكر وبيضحك .. متأكده انها مش بنتك أروبه زيك
سكره بتاكيد : بنتى طبعااا وبتمشى إيديها على راسها بحب
زنوبه باصه عليهم وخدت بالها ان سكر بتحب مليكه وبتعاملها كويس جدا عكسها تماما لما دخلت وسكره كانت صغيره .. غيره وكره وساعات بسيطه حب وقرب .. لاء غيرها خالص هى ازاى قادره تتعامل مع واحده غريبه عنها كدا فيييين مرات الأب إلا جواها   ..
يونس بيهز مليكه : بتحبينى
مليكه : حبك تكييير يا نووووسى
يونس : الله دانا خلاص كدا سلمت قلبى وكيانى وحياتى للباربى .. تعالى يا بندق عامل إيه
بندق بيتمسح فيه
مليكه : بدنق حبك حلو جميل .. روح اكل توفته بابى كلنى معاك
يونس بص لسكره : بتقول إيه
سكره أبتسمت : بتفتن علينا بتقولك بابا أكلنا كفته كتييير واكلها معاه
يونس هز راسه : أيوا ياعم الله يسهلووو
مليكه بحماس : جيب معاك توفته
يونس فهم : يعنى ها ناكل كفته يا فرج الله 
زنوبه بصتلها : متشكرين يا سكررر
سكره بصتلها : على إيه يا زنوبه باست يونس .. أنا عنيا لأخويااا
وقالت الكلمه من ورا قلبها .. وليكى يا زنوبه
زنوبه أبتسمت بمرار : ولونها من ورا قلبك بس مقبوله .. سامحينى يا بنتى سامحينى .. عيطت .. أنا استاهل ضرب البرطوووش
سكره قامت : مالك يا زنوبه
زنوبه عيطت اكتر : الدنيا ديقه قوى يا سكررر كل حاجه راحت من بين إيدينا .. وأبوكى ربنا عالم بيه .. مش عايزا ربنا ينتقم منى يونس محتاجنى جمبه .. سامحينى
سكره أبتسمت ومسدت عليها : ربنا يسامحك ويسامحنا كلنااا .. تعالى فكيها ما تقلبيهاش غم الكفته جيبهالكم سخنه كلى أنتى ويونس
زنوبه رفعت إيديها لفوق : يطعمك أنتى وجوزك ما يحرمكو أبدااا مش عارفه اودى جمايلو علينا فين شايل يونس وعلاجه حتى العلاج الطبيعى اتفق مع الدكتور يجيلو البيت عشان المشوار والتعب عليييه 
سكره بصتله لاحظت انه مشغول فى الرغى مع مليكه : ربنا يطمنا عليييه .. رجعت بصتلها .. هو مفيش أى اخبار عن بابا
زنوبه حطت إيديها على شفايفها واتكلمت بوجع : ولا أى حاجه  روحت القسم وسألتهم قالولى ولا اى حاجه لما يجيلنا اخبار ها نبعت لكم مشيت اعمل إيه 
سكره بزعل : ربنا يطمنا عليييه يارب أنا كل يوم أصلى وادعيلو
زنوبه مسدت عليها : ربنا يصلح حالك لو ابوكى شاف حبك لينا وشيلتك إلا انتى شايلها يختشى على دمه ويتكسف من روحه من الا عمله فيكى
سكره أبتسمت : شكرا يا زنوبه دا واجب عليااا الاقربون أولى بالمعروف .. وبعدين نطمن عليه الأول ومش مهم أى حاجه فاتت
زنوبه : يااارب .. راحت شالت الشنط ورصت  الاكل والفاكهه وجابت الكفته وقاعده تاكل مع يونس وبيأكلو مليكه تانى معاهم الا رفصت تاكل سكررر وقالت شبعانه الحمد لله
يونس باصص لسكر وساكت وسكر مسكت إيده وابتسمت : الحمد لله اتحسنت كتير وبقيت تقوم وتروح وتيجى
يونس : الحمد لله بكرا ان شاء الله ها أروح الجيش عشان أشوف ها أسلم المخله والا لاء
سكره شهقت : وأنت تعبان كدا يا يونس
يونس : خلينى أخلص عايز أشوف حالى تعبت من النومه ومن القاعده ومن إنى مش عارف أدور على أبويا ولا أشوفه فين
سكره بصتله وساكته
يونس : مالك سكتى ليييه
سكره : مش عارفه انا حاسه ان هو سابنا ومشى عشان يتمتع بفلوسه
يونس ضحك بسخريه وإتأكد إن زنوبه ملهيه مع مليكه وبندق : تعرفى أنا حاسس بكدا برضو .. يعنى مش لوحدك شفت الفلوس إلا معاه انا كمان بس سكت وخوفت يحرقنى زى ما عمل فيكى زمان ورجعت قولت يمكن امانه فعلا معاه زى ما قولتيلى ونسيت
سكره همست : أمك تعرف حاجه
يونس بصلها واتكلم براحه : هى لو تعرف كانت نزلت عليه دمعه واحده .. أسكتى عشان ما تاخدش بالها بقولك إيه عايزين ندور فى الشقه لو لقينا الفلوس يبقى جرالو حاجه
سكره : وأمك
يونس : لما تبقى مش موجوده هاندور أنا وأنتى بصى لما ارجع من الجيش
سكره هزت راسها : ماشى .. شالت شنطتها وطلعت الفون بتاعه وبتاع منى .. أبتسمت دى هديتك أنت ومنى  معلش جت متأخره
يونس بزعل : طيب هديتى ماشى انما هدية منى ها اعمل بيها إيه الله يسهل عليها حالها
سكره زقت الفون : أنا ومحمد ها نروح لبابها بطل هبل مش ها نسيبه غير وهى راجعالك إن شاء الله
يونس ابتسم : بجد يا سكر
سكر هزت راسها بتاكيد : بجد
يونس كشر تانى : ماكنش راضى بيا وانا سليم ها يرضى بيا وأنا تعبان
سكره فردت إيديها : تعبان فين الحمد لله انت اتحسنت وبسرعه عشان الموضوع ماكنش كبير عندك .. شوية إهتمام بنفسك وتلعب رياضه خفيفه تقويك شويه وتبقى أحسن من الأول
يونس أبتسم ومسك إيديها : أنا الحمد لله راضى وافق أو ما وافقش خلاص انا من جوايا راضى كفايه وقفتك جمبى دى عندى بالدنيا يا أختى
سكره قربت باسته ومسكت راسه : متتقولش كدا دا واجب عليا وعليك يا حبيبى إن ماكنش الإخوات يشيلو بعض فى ازماتهم يبقى مين إلا ها يشيل ياله شيل التليفونات بقى
يونس شالهم الناحيه التانيه : عملتى إيه فى الكليه
سكره : ولا فاهمه حاجه لسااا شويه عليااا
يونس : أنا معاكى ما تقلقيش أى حاجه تقف قدامك هاتيها وتعالى والا اجيلك انا براحتك
سكره بإحراج : يونس كله واقف قدامى زى العمل الرضى
يونس ضحك بصوت عالى وسكره ضربته وزنوبه متابعه بعيونها فقط .. لاحظت ان سكر ويونس فعلااا بيحبو بعض قوى ومرتبطين ببعض
يونس : خلاص ما تقلقيش أول سنه أسمها سنة التخبط  يعنى لحد ما تفهمى الدنيا ماشيه ازاى دماغك هاتهرب منك شويه
سكره بصتله بنص عين : يونس محمد ها يذلنى لو فشلت ها يطلع عينى ويشويها على الفحم دا بيتريق على الإنجليزى بتاعى ليل نهار هو والقرشانه مليكه بيحفلو عليا .. انا لازم انجح وأفلح فى حاجه
يونس بتاكيد بيزقها وبيتكلم زى ما الرجاله بتكلم بعض : بقولك ما تقلقيش يا أمااا وراكى رجاله تسد عين الشمس 
سكره أبتسمت وبتدعك إيديها فى بعض : شكلى ها انجح والا إيه ههههههههه
****
حازم ساااافر ونورا لاول مره تفرح بوجوده وسؤاله بس مش مبينه دا أبدااا .. وبقى فى علاقه بينها وبين صفيه حلوه جدا سببها وجود حازم فى مصر والمكالمات الا كانت بينهم  راح لها زياره  ومهند قاعد منتظره
مهند بيسلم : يا اهلاين وسهلاين بريحة الحبايب كيفك
حازم أبتسم :  الحمد لله يا حبيبى زى الفل أنت اخبارك إيه
مهند : الحمد لله بنشكر الله على كل إشى  .. نورا راح تفرح كتير فيك
حازم ديق عيونه وبهمس : كنت عارف انها هاتفرح فيااا بقا قلبها مليان كلاكيع
مهند بإستغراب : إيش
حازم أبتسم : ولا حاجه بقول اختك قلبها بالحب عمرااان هى فييين
مهند : عم تجهز حالها وراح تخرج .. تحب تشرب شى
حازم : ياااريت ريقى ناشف
مهند : بعملك عصيررر طيب إكتير راح تشكرنى عليييه
حازم : أنا نفسى أشكر اختك هى مش ناويه تعملى حاجه
مهند ميل راسه : لاااه كيف نورا بنت شاطره بس بتدلل أشوى .. وقام راح اعملك حلو مع العصيرر
حازم مبتسم وقاعد حط رجل على رجل أول ما نورا طلعت أتعدل وقال : الله أكبر .. قام وقف سلم عليها وقعدت .. غمززز .. إيه الحلاوه دى أنا غبت كتير كدا
نورا : هههههه يعنى شويه .. ماما عامله إيه
حازم : ماما زى الفل الحمد لله وبتسلم عليكى وقالتلى بوسهالى من هنا ومن هنااا وقايم بيقرب عليها قلبت وشها وزقته : أرجع يا حازم حازم ولم نفسك
حازم قلب وشه : الله مش هى إلا قالتلى ولعلمك أنا ازعل الدنيا بحالها وامى لاء وبسمع الكلام وأنفذه وبيقوم تااانى
نورا شالت الطفايه : وربنا افتح دماغك لو ماقعدت هو لو غاب القط ألعب يا فااار
حازم كبب فى وشها : اعوذ بالله حربايه قاعده قدامى دا بدال ما تاخدينى فى حضنك وتقوليلى حمدالله على السلامه
نورا بعصبيه شاورت بإيديها : أنت أزاى جرئ كدا
حازم أبتسم : جررررئ فى حبك انت بس يا قمررر
نورا قامت : يابنى إحترم نفسك
حازم بصلها : راحه فين يانورا
نورا قلبت وشها : راحه لمهند ها اخرجه يقعد معاك واعمل انا الا بيعمله أووووف
حازم : يا ساتر يارب ممكن تولع فى اخوها وفى الحاجه جوا وتطلع .
لاحظ انها رجعت تانى وقفت قدامه وبصوت هادى : حازم
حازم أبتسم : عيونه إيه راجعتى نفسك وجابه تاخدينى بالحضن
نورا بتحذير : حااازم لم نفسك .. فين الشنطه الا ماما بعتهالى انت ما ادتهليش لييييه هى قالتلى
حازم : شبه القرشانه بتاعت محمد .. بينطر إيده .. أدفع عشان تعدى .. بقولك إيه ماما ما ادتنيش حاجه
نورا بتجز على سنانها وقافله صوابعها وحازم بيرجع لورا شال الشنطه من ورا رجله : خدى هاتاكلينى والا إيه بهزر يا عم الحاج
نورا شدت الشنطه خدتها وابتسمت وهى ماشيه : ميرسى
حازم : بعد بيت الرعب إلا كان فى وشك ميرسى  .. هههه نورا انا كمان جايبلك شنطه
نورا رجعت ببتسامه : فين
حازم لحظه واحده وقااام فتح الباب وبيدخل شنطة سفر كبيره نورا بصتله بذهول وبفرحه : كل دا عشانى ياحازم
حازم ببتسامه : ايوا .. مسك الشنطه إلا فى إيديها  بصراحه دى شنطتى .. دى شنطة ماما 
نورا ديقت عيونها : كنت عارفه إن التقدير هايجى من ماما إنما أنت ها أقولك إيه  التقدير ما بيطلبش يا أستاذ امسك وزقت شنطته على صدره
حازم مسكها : والله انا غلطااان
نورا بتشد الشنطه ووشها احمر تقيله جدااا بصتله وهى بتنهج .. مش جايبها بعجل لييه
حازم : عشان اقطع نفسك وأنتى بتشديها
نورا بتشد وداخله على أوضتها ومهند طالع بصنيه عليها العصيررر والحلو .. أبتسم : شو بها نورا ليش بتنهج هيك
حازم : بتحارب جوووا
نورا طالعه وحازم بيقعد ولسا ها يحط الشنطه جمبه شدتها : هات بتاعتى واختفت من قدامه
حازم تنح وبشاور عليها
مهند : ههههههه والله نورا بتعشق شى اسمه مزح هيك انتو متعودين بمصررر عم تقولى إحنا هيك بمصر
حازم : ايوا متعودين فعلاااا مش جديد الرقه اختفت من الوجود ياربى هى هاتطلع تسلم عليا أمتى
مهند بذهول : ليش هى ما سلمت عليك
حازم شاور : دى عامله زى الحدايه خطفت الشنط وجريت
مهند : هههههه هما هيك البنات بتفرح كتير بالهدايا
حازم : يعنى هما البنات كلهم اتجمعو فى نورا لوحدها
مهند : 😂😂😂😂
نورا خارجه مبتسمه وقعدت جمب مهند فرحانه قوووى : اشرب يا حازم ما تتكسفش اخويا بيعمل العصير دا حلو قوى والا الحلويات تحفه
حازم أبتسم : الحاجه عجبتك
نورا هزت راسها : لاء
حازم تنح : نعم
نورا ضحكت : قصدى لاء لسا ما فتحتهاش عيب لما انت تمشى هو انت هاتمشى أمتى
مهند ضحك بصوت عالى وزقها : لك ما امزحك بنت شو يخربيتك راح تجلطى الرجال
نورا بتهز راسها بضحكه : بهزر يعنى أقعد براحتك نوراتنا والله
حازم  : بوجود سعتك انا ماشى حالا
مهند : زعلت .. بص لنورا .. زعلتى الرجال يابنت
نورا بحلفان : والله ماقصدى .. بهزر على فكره
مهند : انا عملت قاعده كتير حلوه ولطيفه بالبلكون تعو الهوا بهاد الوقت بيرد الروح وقامو دخلو مع بعض البلكونه ..
حازم بجديه : انا عايز احدد الفرح شقتى الحمد لله خلصت لما رجعت لقيت الناس الا شغالين فيها ومهندسة الديكور فرشت وكل تمام
نورا بتوتر : ماشاء الله بسرعه كدا
حازم : اظن ما عندكيش مانع
نورا بنفى : لا أبدا ربنا يسهل امورنا إيه رأيك يا مهند
مهند ابتسم وشدها حضنها وباسها : راح أشوف احلى عروس بالوجود
حازم باصص لهم ومبتسم
نورا اتنحنحت : بس قدامى مش اقل من شهرر فى حاجات انا كمان ها اجهزها واروح الشقه واشوف ناقص إيه يعنى أظبط حالى فى الوقت دا
حازم بجديه : على راحتك بس ياريت ما يكنش اكتر من كدا
نورا هزت راسها بنفى : ان شاء الله شهرر مش اكتر من كدا بصت لمهند تمام
مهند : على خيرة الله  ربى بيسعدكم وبيفرح قلوبكم ويجعلها زيجه مباركه
حازم ونورا : اللهم أمين
نورا : انا ها اتصل على تيتا أعرفها بردو
مهند : إيه والله راح يزعلو كتير راح بلغهن انا كمان وبتكلميهن يابنت
نورا أبتسمت : ماشى يا حبيبى
******
يونس تانى يوم فعلا راح الجيش وبدئو يخلصو معاه الإجرائات عشان حالته الصحيه كمان ويخرج معاه عسكرى يروح معاه كل مكان مطلوب منه يخلص فيه ورق وسكره راحت هى ومحمد لمنى واتكلمو واتفقو مع ابوها يونس فعلا يخرج من الجيش ويبقى فى اتفاق تانى خالص وساعتها الكلام ها يبقى على المكشوف ووافقو عشان خاطر يونس برغم انهم مش عارفين يعنى إيه كلام على المكشوف ..
بدأت تمارس حياتها بشكل طبيعى وهادى والا مجننها ان كل ما تسئل محمد  عمل إيه مع أمه وإخواته مايردش عليها ويقولها ها اسيبك كدا لحد ما تتجننى خليكى على نار
سكره داخله الاوضه ومحمد نايم على السرير وبيقرء حاجه ومندمج قوووى وهى عماله تخبط فى كل حاجه
محمد نزل النضاره وبصلها : وبعدين معاكى مش عارف أركز بسببك أنتى بقيتى أعيل من مليكه
سكره بصتله بنص عين : أنا شكرااا .. بص بقى كل واحد فى البيت دا يعمل الا هو عايزه وقامت خابطه الدولاب برجليها .. أتعصبت وهى بتتكلم  .. أفتكر إنك بتخبى عليا حاجات يعنى لايمكن ها اصارحك انا ها اعمل فيك إيه .. وقربت وبتشد الملايه من تحته مره واحده خضته
محمد : بتهببى إيه حرام عليكى
سكره هزت راسها : عايزا اغسل ومش لاقيه غسيل ولازم اخد الملايه
محمد أتنفض قام من مكانه وطلعت تجررررى من قدامه  : مجنونه .. على صوته .. أنا بقى عايزك تيجى هنا تانى  يا سكر وإلا اشوف وشك
سكره بصت لمليكه وشاورت : اتفضلى دورك تعملى إلا أولتلك عليييه
مليكه سابتها وداخله الأوضه : بابى ارورق الأوضت  برا
محمد تنح  : نعم ياختى عايزا إيه ترورقى يعنى إيه
مليكه سرسعت وفارده إيديها  : أرورق  الأوضت عندى  شيل رورق
محمد قرب منها ومسك التعصبيه الا سكره عملاهلها  فى راسها : هى عملاكى خدامه .. وبتقولك روحى روقى الأوضه  ومسكها من قفاها بيطلعها برا الأوضه .. برا  وقفل الباب من جوا ومليكه واقفه قدام سكر بصتلها : بابى برا ليييه رورق  فين بقى
سكره بصتلها : روقى مع بندق جوا هو قايم بالواجب .. ابوكى دا مش نافع معاه حاجه أنا تعبت أوووف
مليكه بعصبيه زيها : تعبتى أوف عليك وسابتها ومشيت
سكره ديقت عيونها : حتى انتى يا أوزعه ماشى ماهو انا بقيت ملطشة البيت حسبى الله ونعمه الوكيل
**
زنوبه بتروق أوضتها وبتكنس تحت الدولاب . .. عندها دولاب قديم إلا له رجول .. بتدخل المقشه خبطت فى كيس فيه خرفش فى المقشه .. نزلت براسها بتبص لقت حته من كيس طالعه من مكان مكسور فى الدولاب من تحت .. بتشده بإستغراب بقى يقف .. دخلت حته من إيديها جوا الفاتحه وبقت تشد عشان تشوف إيه محشور جوا الدولاب
❤❤🧡🧡🧡💛💚
بقلم : لبنى طارق
💚💙💙💙💜💜🤎