سكره

سكره ٣٣

سكره ٣٣
*******
اللهم من أجلعنى من التوابين وأجلعنى من المتطهرين الذين لا خوف عليهم ولا هم يحزنون انا العبد الذى أضحى حزينا على زلاته قلقا كئيبا أنا العبد الغريق  بلج  بحرك أصيح لربما  ألقى مجيبا فا يأسفى على عمرا تقظى ولا أكسب إلا الذنوب انا المضطرو أرجو منك عفوا ومن يرجو رضاك فلن يخيب يارب عفوك لا تأخذ بذلاتنا وأرحم يارب ذنبا قد جنيناه  كم نطلب الله فى ضر يحل بينا لما تولت بلايانا نسيناه ندعوه فى البحر ينجى  سفينتنا لما وصلنا للشاطئ عصيناه ونركب الجو فى أمن وفى سعتا وما سقطنا لان الحافظ الله
سبحان الله وبحمده وسبحان الله العظيم
لا إله إلا الله
اللهم صل وسام وبارك على سيدنا محمد
❤❤🧡🧡💛💚💚💙💙💙💜💜💜💙💚💚❤❤
حازم : أتفضلى يا سلوووى تعالى
سكره دخلت وبتبص يمين وشمال والأبتسامه مش مفارقه وشها : هى فين
حازم بإستغراب : مش عارف أمى طمعت فى البت وخدتها وهربت أمى وتعملها
سكره : هههههههه بصتله بإحراج وطالعه جرررى  : أنا ها أبص عليهم برا
حازم فهم إنها خجلانه تكون معاه فى شقه لوحدهم شاور بإيده : خليكى أنتى أنا خارج أشوفها .. بص على الترابيزه  لقى الفون بتاعها موجود .. خرج وهو كله حيره يروح فين والا لمين لسا يدوب بينزل درجتين من السلم شافها طالعه ومعاها شنطه كبيره حاجات حلوه ومليكه بتعيط .. مش فاهمه انها بتعيط عشان متخيله إن محمد وحازم ضحكو عليها ومفيش سكره بردوووو .. نزل جرى شالها منها
صفيه بنهجه : حااازم أتأخرت ليه كدا
حازم : أنا لحقت أتأخر مسك الشنطه .. إيه دا ياماما محمد مابيأكلهاش الحاجات دى أنتى عايزاه يعمل جريمه فى حقنااا
صفيه : أسكت أسكت دا كانت مموته نفسها عياط خدتها ورحت جبتلها من خيرات ربنا إنها تسكت أبدااا مالها يابنى والله مدايقه عشانها
حازم بص لمليكه إلا بتعيط : عارفه مين معايااا
مليكه بدموع : مين معايا
حازم بهمس : مفاجأه .. وطلع بيها وأول ما دخل على سكره اتعدلت  وسابت بندق على الكنبه جررريت عليها ومليكه برقت وشهقت مش مصدقه انها أخيرا شافتها وهاتكون معاها وكل إلا جه على لسانها : سكرا  معاك  حبك أنا يا حبيبى
سكره حضنتها قوووى ومليكه أتشعلقت فى راقبتها ونزلو فى بعض بووووس ودى تعيط ودى تعيط
صفيه بعياااط : إهئ اهئ .. ضربت حازم الا واقف باصص عليهم وعلى حب مليكه الكبير قوى لسكر وحب سكره لمليكه .. شايف الأم وحنان الأم .. أهو أنت عامل فيا كدا مشحتف قلبى وراك منين ماتروح
حازم باس إيديها : ياحبيبتى يا أماااا .. ضحك وصفيه تنحت وبصاله مش فاهمه .. ههههه عيب يا صفيه أنا كبيررر على الكلام دا سيبى البنطلون
صفيه ديقت عيونها : بنطلون إيه ياروح أمك هى أمك بتاعت بناطيل
حازم بيبص تحت وصرخ لما لقى بندق ماسك رجله وبيشد فى البنطلون
سكره بصتله وهى شايله مليكه وضحكت وصفيه لما شافت بندق صرخت ومسكت فى حازم
سكره جريت شالته ومليكه أتملكها الجنون وبقت تصرخ وتضربه وتنفخ فى وشه وبندق يمد إيده يضربها هو كمان
مليكه : هوووف هوووف .. أاااااء .. سكر أضرب معاك
سكره نزلتها ومسكت بندق بتهديه : إهدى ماتخافش
صفيه باصلها وبتكلم حازم : جايبلنا مدربة أسود وجاااى تموتنا هنا حد قالك إنى هربانه من جنينة الحيوانات
حازم : ههههههه لاء دى مدربة خرفااان  ودا خروف من خرفانها
صفيه بخضه بتقعد وبتمسح وشها بمنديل  بتهوى على وشها : الله يسامحك يا بنى
سكره قربت عليها : أنا أسفه يا طنط .. بس ماتخافيش منه دا طيب جدا هو بس بيخاف  لو حد قلق حواليه بيحس بتوتر وخوف زينا بالظبط
صفيه بخوف : أبعدى بصى بيبصلى أزاى شكله ناوى على مصيبه ليهبورنى وأنا مش ناقصه
بندق برق لسكرا وشاور على نفسه وبيقولها فيما معناه  أناااا
صفيه شافت المنظر هى وحااازم وضحكت من قلبها : ألحق ياحازم دا فاهم جاتك نيله ضحكتنى وقالت كلمه كلهم ضحكووو عليها .. دا ملبوس  حد مقرى عليه
كلهم : هههههههه
سكره : والله يا طنط هو مسالم جدا طيب حسسى عليه كدا ولو عندك سودانى أو مكسرات هاتيلو هايحبك
صفيه بصت لحازم : أحسس
حازم : وأنا مالى عشان لو عضك ماتمسكيش فيا 
سكره : لاء ما بيعضش
صفيه أندمجت معاها وبتحسس عليه اتفاجئو بمليكه جايه جرررى ومعاها سكينه سكره صرخت بخضه وبعدت بندق بإيديها عنها  وحازم شال مليكه مره واحده
حازم بخوف : إيه دا يا مليكه
مليكه : إبح  هو وبتشاور على بندق .. أكله كمان
حازم : هاااار  فحلوقى بالبندقى مربية مصاصة دماااء هاتدبحى حيوان وتاكليه عايشه فى الغابات حضرتك داحنا بنتحايل عليكى تاكلى ساندوتس جبنه يوم مانفسك تتفتح تاكلى سنجاب
سكره ضحكت عشان فى يوم مليكه بتسئلها على الأرنب وقالت لها بندبحه وناكله
مليكه بتشوح بالسكينه : إبح معاك  وطلعت بوذها .. أكله كلووو معايا
حازك : لا ياماما إعملى جرايمك أنتى وأبوكى لوحدكم .. شد السكينه .. هاتى دى من إيدك جبتيها أزاى
صفيه راحت على المطبخ أزاى فعلا جابتها وحازم وراها وسكره أتكسفت فضلت واقفه مكانها .. لقو مليكه فاتحه الدرج وحاطه حله كبيره وقفت عليها وتقريبا طلعت على الدرج وجابت السكينه ونزلت .. حازم خرج نفسه بالعافيه وتخيل لقدر الله لو كانت وقعت عليها .. رفع إيده وبصوت عالى : ياخفى الألطاف نجينا مما نخاااف وبيشاور على مليكه .. تعالى يا سلوى عشان تاخدى بالك منها وبيوريها عملت إيه
سكره شهقت وبصت لمليكه : كدا يا مليكه تفتحى الدرج وتقلبى الحله
حازم تنح : نعم ياختى هو دا إلا فارق معاكى وبتريقه بص لمليكه .. أيوا أزاى تعملى العمله الشنيعه دى فى واحده فى سنك تقلب الحله .. الحله عور واوا وتقولى وااااء عايزا ماما نجيب لها ماما منين دلوقت
مليكه شاورت على الضلفه : هو أولد تكيييير  حله كمان حله
حازم رفع راسه : الله دى وصلت للولاده
صفيه : هههههههه إنبى بت سكره تتاكل أكل تعالو تعالو ألا لا رحبنا بضيفتنا ولا عملنا شاى ولا كلت كيك وطلعو برا مع بعض .. قعدت جمب سكر وسكر مروشه مش عارفه تودى بندق فين مليكه مصممه تضربه وهو مصمم يضربها ويشد شعرهاااا .. حطت إيديها على صدر مليكه : مليكه كفايه أنا إلا تعبت فى إيه أنتى وبندق مش طايقين بعض ليه
مليكه : بدنق نوتى اضربه افتح راسك
سكره بنفى : لاء جميل ليه تفتحى راسه حرام عليكى بصى حسسى عليه براحه هاتلاقيه جميل ومسكت إيديها بتمشيها على بندق بندق زقها .. بندق الله عيب
مليكه ضربته وسلكوها هى وبندق بالعافيه
حازم : تعالى جننتى أمى ماساعة مانزلت مصرررر الله يكون فى عون أبوكى عقابااا ليه ها أخلف وأرميلو العيال
مليكه بعصبيه : سيب سكر ليه
حازم بيهديها : مش هانسيبها هانتكلم مع بعض شويه ونرجع لها ماشى
مليكه : باشى
صفيه ببتسامه : أهلا أهلا .. والله ماعارفه أرحب بيكى من الحرب إلا دايره
سكره رفعت راسها : أنا ما اتخيلتش إن الأتنين هايبقو ناقر ونقير كدا بجد صعب أوفق  بينهم ازاى
صفيه بصفو نيه وتلقائيه : هى إلا تعمل عملتك تعرف تووووفق ..  فى حد يعمل فى روحه كدا
سكره فهمت غلط انها جابت بندق معاها : فعلا عندك حق يا طنط إيه إلا أنا عملته دا كنت سيبته لازم أمسك فييييه
صفيه : ايوا كنت سيبيه عشان تحافظى على روحك هى البنت إيه غير كلمه .. كلمه أخدناها وكلمه رجعناها
سكره بعدم فهم : يعنى إيه
صفيه : يعنى جوزنى بنتك خد .. زهقت من بنتك رجعها .. ينفع يرضى ربنا شحتفت بنتك عليكى وعياطها وعياها ..يابت الأطفال فى سنها محتاجين رعايه ومحتاجين يشوفو الأم ليل نهار قدام عيونهم مش الأب  .. الأب عمود البيت ااااه بس الأم كل ركن فى البيت أركن كدا الاقيها فى ضهرى تضم وتحمى أركن كدا الأقيها .. عارفه حازم بعد موت ابوه الله يرحمه ويبشبش الطوبه الا تحت راسه .. كنت أحاجى عليه وألمه عن الشارع وعيال الشارع وأكون معاه فى كل مكان لحد ماربنا كرمه وبقى دكتور يفرح ويشرح القلب الحزين ثمرة تعبى وجهدى .. قوم ربنا يراضينى وإبنى شايلنى شيال كداهو إمال أزاى أم وأسمى أم
سكره أبتسمت : ربنا يخليهولك يارب ويبارك فى عمره .. بصى أنا مش عارفه انتى فاهمه إيه عنى
صفيه : مش أنتى الا محمد أتجوزها فى السر ومخبى جوازه عن أهله
سكره ضحكت : لاااااء مش انا أما مراته الا بعلم أهله التانيه فى دبى مش هنا
صفيه شهقت : إمال ازاى بنته مرتبطه بيكى كدا والله فكرتك أمها
سكره بتأكيد : أنا أمها ويارب أفضل أمها .. بس انا أمها إلا حبتها 
صفيه أبتسمت : ربنا يراضيكى ويرضى عنك ياما مراتات أب كاسرين بخاطر العيال ومطلعين عينهم يابخت من بعتله مرات أب تحبه وتحتويه .. بقولك إيه تعالى نعمل العشا وأكلى البت لقمتين عدمت عياط ومش راضيه تاكل
سكره هزت راسها : ماشى بس خليكى أنا ها أقوم أعمل
صفيه بإعتراض : والله أبدا رجلى على رجلك نعمل مع بعض تعالى ياروحى ودخلت معاها المطبخ ومقعده بندق فى جمب وصفيه بتسألها وسكره تجاوووب وتقريبا عرفت كل حاجه عنها وعن ظروف جوازها من محمد وكل حاجه .. بتقشر البطاطس وهى قاعده على ترابيزه فى المطبخ .. بصى يابنتى .. ياما فى الدنيا حكاوى وناس بتأزى ناااس .. وأنا و ابو حازم أتجوزنا هو راجل محترم كان فى شغل حكومى وأنا بنت بسيطه وأهلى على قد حالهم لاعلمونى ولا علمو إخواتى بس كنت جميله قوى أى شاب يشوفنى يتهبل علياااا وقعت فى أبو حازم الله يرحمه كان محاسب .. زمان كان موضوع التعليم مش مهم زى اليومين دول .. يعنى تلاقى الدكتور متجوز بنت معاها دبلوم وست بيت والظابط مش عارف إيه .. كان التعليم مهم للراجل أكتر من الست بكتير  .. البنت أخرها البيت والجواز  .. أتجوزنا والحمد لله حياتنا زى الفل بس أخواته بقى كل واحد فيهم متجوز واحده متعلمه ومعاها شهاده أنا بس إلا فى عيونهم واقعه من قعر القفه .. كنت أشوف تريقه ومئلته فى عيونهم انا  فيهم إلا أول ما خلفت خلفت ولد ومن حسدهم وإهتمام حمايا وحماتى بينا أصلهم يحبو الولاد قوى   بقى يروح ولد ورا التانى ورا التالت  لحد ما سلفتى قالت قدامهم واحده بجهلك لازم ولادها يموتو .. أبو حازم زعل وحط فى نفسه وانا أتقهرت وأمه كانت أيه من ايات الله على أرضه .. قعدت معاه وقالتله ماتسمعش كلام سميحه مراتك نضيفه وشاطره والعيل إلا بيموت قدر ربنا هى ملهاش يد فيه .. سمع من أمه وكشفنا على أخر عيل قبل ما يموت  والحمد لله طلعت بريئه كل الدكاتره قالو ملهاش يد هما بيتولدو بمرض وبيموتو منه ..  ربنا رزقنى بحازم وبقى يكبر قصاد عيونى وعيون ابوه وأبوه فرحان بيه قوووى يذاكرله ويحبه وياخده فى كل مكان لحد ما ربنا أراد واردته فوق كل شئ ومات أبوه وبقيت انا وإبنى لوحدى حمايا ما اتحملش ومات وحماتى الله يرحمهم كلهم برحمته الواسعه
سكره : أمين يارب
صفيه : لقيت إلا ما تتسمى سميحه بتقول قدام سلايفى التلاته هاتعملى إيه يا صفيه وأنتى لوحدك هاتعلمى  إبنك ازي وانتى جاهله بعد أبوه محدش هايهتم ربنا يستر  ومايطلعش عيل طايش اخره يقعد مع الولاد فى الشوارع .. أتحمقت عليها لما كلهم ضحكووو عليا وكأنهم عايزين يشمتو فيا وسيبتهم ومشيت لحد اليوم دا انا لا بدخلهم بيت ولا هماااا .. حلقت على إبنى والحمد لله ربنا راضنى فيه .. بصى وبتشاور على حازم .. العبره يابنتى بالنهايه لازم تديهم درس بالأدب .. تديهم درس وأنتى صامته محدش يعرف عنك حاجه خلى زعلك هو سر نجاحك إلا هاتتباهى بيه فى يوم من الأياام ربنا بينصف المظلوم ولو بعد حين ونصفنى فى إبنى والحمد لله مش رايد يكسر بخاطرى
سكره دموعها نزلت وقربت منها : أنتى مش متخيله كمية الظلم إلا انا عايشه فيه
صفيه قامت حضنتها وبتمسد عليها : انهارده مظلومه بكرا منصوفه فاهمه أقوى بظلمك ليهم بس تكونى قويه فى الحق مش الباطل
سكره بعياط : يارب يا طنط إدعيلى أنا بحاول اتخطى كل دا مش عايزا أستسلم بس ساعات الموج بيقى عالى قوى عليكى ممكن تغرقى وماتقدريش تكملى
صفيه : بعد الشر عنك يابنتى خليكى واثقه فى ربك ربك ناصر للضيعف وناصر  للمظلوم .  بس مايحبش أبدا أبداااا الضعف إلا بقلة حيله ولا ظلم الأستسلام لازم معافره ومحاوله أسعى ياعبد وأنا أسعى معاك 
سكره راسها بتدعى :  يارب اقف جمبى ومعاياااا  خليك ناصيرى دايما
صفيه طبطبت عليها : أيوا كدا ربنا يصلح حالك ويعلى من شأنك .. خلصو الأكل وقعدو كلو مع بعض وحازم لاحظ ان مليكه بتاكل من إيد سكره عااادى وقاعده مبسوطه على رجليها وبندق ياعينى قاعد على الكنبه ضحكو عليه بشوية مكسرات عشان يبعدوه عن مليكه
حازم بتردد : سلوى ممكن اتكلم معاكى فى حاجه لو سمحتى
سكره قامت وفى إيديها كوباية الشاااى وكيكه من بتاعت صفيه : اتفضل يا دكتور حازم
حازم بتوتر همس : معلش تعالى البلكونه مش عايز ماما تسمع الكلام دا
سكره هزت راسها : حاااضر وفعلا راحت معاه قعدت على كرسى وهو قدامها .. خير فى حاجه مدايقك
حازم بتأكيد : أيوا أنا عارف إنك قريبه من نورا عشان كدا عايزا أكلمك بخصوصها
سكره بدأت تفهم : أتفضل
حازم خد نفس : هى قالتلك حاجه إنها مش حابنى أو مش عايزا ترتبط بيااا
سكره بنفى ؛ ابدا أبدا ليه بتفكر كدا  نورا بس متوتره وخايفه من التجربه أصلها ضد الجواز
حازم رفع حاجب وبتفكير : ضده ازاى يعنى
سكره بتلف ايديها : يعنى خافت من تجربة بابها وتجربة أخوها فاتفكيرها ليه اتجوز واطلق او انا أعيش فى مكان وهو فى مكان
حازم أبتسم : عقد يعنى
سكره : هههههه لاء دى عسل بس ظروفك بقى .. حاول تقرب منها وتكسب مشاعرها
حازم : يامسهل .. لو فى حاجه أو متربطه بحد تانى أرجوكى عرفينى
سكره بنفى : والله مافى حد غيرك أطمن  نورا مش بالواحشه دى
حازم لف راسه : لاء ماقولتش وحشه بس خايف أكون جابر نفسى عليها وهى مرتبطه عاطفيااا   قام وقف .. خلاص قومى عشان ماما ماتاخدش بالها من حاجه
سكره قامت وبإحراج : ماشى  خرجت قعدت برا وحازم فى البلكونه سرحااان
*******
يونس فى المعسكر  قاعد قدام الظابط فى مكتبه : يافندم أنا عملت كل حاجه .. والله أنا الولد الوحيد لهم أخويااا مات  ومفيش غيرى
الظابط : خلى ولدتك تاخد شهادة الوفاه وتروح تقدمها فى ال... وتثبت انك الولد الوحيد لهم  وساعتها ها يعيدو النظر فى ملفك من تانى ووقت بسيط وتخرج
يونس بفرحه : بجد يا فندم يعنى فى أمل أخرج 
الظابط بتأكيد : أيوا ما تقلقش روح ياله على الكتيبه ولما تنزل اجازه أعمل إلا قولتلك عليييه
يونس ابتسم وقام أدى التحيه وخرج راح على الكتيبه بتاعته
واحد من زمايله : شايفك مبسوط يا حضرة الظابط
يونس ضحك : أدعيلى يا أدهم فى أمل انى أخرج
أدهم : ياعم روح كان غيرك أشطر .. وبتفكير ..  أنا ازاى ما قدمتش شهادة الثانوى كنت خدت خدمه سنه ونص لسا تلات سنين ها يضيعو من عمرررى فى الهم معاكو
يونس بيشاور عليه : كتلة إحباط متحركه على الأرض أنا مش عارف إيه الا رمانى عليك إحنا ناقصين تشائم
أدهم نام وحط رجل على رجل وهو بيدخن سيجاره : أل يعنى الدنيا مليانه حلويات برا وأنا ببعدك عنها
يونس قلب وشه : ولا أنت بجد أمك كانت بتتوحم عليك فى إيه 
أدهم : ياريتها ما اتوحمت
يونس بعصبيه بينطر إيده : ياريتها ما جابتك أصلااا كانت بركت عليك وخلصنا  .. زقه .. غور ياخى تعبتنى .. بينادى .. حسام يا حسام
حسام قرب : خير أنت وهو
يونس : تعالى نام جمبه أبوس إيدك
حسسسام زق أدهم : غور ادخل جوا  جاتك القرف
يونس بص لأدهم : هو دا الا ينفع مع أشكالك وسابه ومشى نام مكان حسسسام .. بص للجمبه بزهق واتكلم بعصبيه .. الجيش لامم عاهات ماتدخل سيب براح لغيرك يامجدى
مجدى : هههههههه يونس حبيبى بحسبك حسام دخل لجوا .. تعالى تعالى انت نومك حلو عنه التانى قطر نايم
يونس بينام ويتغطى : ربنا يتوب عليا من دى نومه ونااام وهو عنده أمل يخرج ويشوف حياته ويتجوز منى  .. أفتكر سكره وقال  ليه ما اتصلتش عليه ولا جت تزوره زى ما وعدته  مغيش معاه رصيد يتصل أو حتى يرن رنه واحده
***
محمد روح بعد يوم طويل بالنسباله وصعب لأول مره مليكه تسافر وتسيبه كان كل مره هو إلا بيسيبها ويمشى المره دى هى إلا أختارت تمشى واجبرته على دا .. دماغه هاتطق ياترى ها يحصل إيه وإلا اهله ها يتقبلو الموضوع أزاى وبأنهى وش ها يواجهم ويبرر عملته فيهم سنين متجوز ومخبى أنه له طفله كماااان .. نفخ وهو مغمض عيونه دعك بإيده  على صدره من شدة تقل الهم إلا عليه حط راسه على المخده وريحة سكره محاوطاه وذكرياتها وعياطها أخر مره كلمها ومليكه ياقلبى وشقاوتها اللذيذه والطبيعيه جداااا خايف يفتح عيونه ويشوف الفراغ والوحده إلا دايمااا من نصيبه فى بعدهم كلهم .. بعد أهل .. بعد زوجه .. بعد بنته .. ياااااه إحساس صعب لأقصى حد فعلا الغربه مره  لو ازمتك فلوس وأنت وسط أهلك بتجرررى وتهرب  وتبقى ازمتك أهل وعزوه  فى ظل وجود الفلوس دايمااا فى معادله لايمكن تاخد كل حاجه تحطها فى كفه واحده .. سمع رن الجرس وقام يشوف مين وبيدعى ماتكونش شيرى لا فايق لها ولا طايق يشوفها أساسا .. فتح إتفاجئ بشخبوط فى وشه وببتسامه
: شو أخبارك طبيبنا 
محمد أبتسم : أهلااا تعالى أتفضل
شخبوط دخل وهو فرحان وحاله متبدل : وينها البنيه
محمد شاور على برا : طااارت
شخبوط : شو كيف تارتش مومارتش هاى
محمد :  مراتى وكل حاجه بس خلاص إقامتها خلصت ورجعت مصر ربنا يسهل أعمل لها الأقامه وترجع تانى
شخبوط نطر إيده : ماتحمل هم راح أخلصتش وبجيبها بورج الإجامه حاجه
محمد باستفسرار : ماتزعلش منى بس ليه مهتم بمراتى قوى كدا
شخبوط نطر إيده : طيبه وبتستاهل أكون لها أب ماراح أئخر عليها شى إلا بدها ياااه والله راجبتى سداده
محمد أبتسم : تسلم يارب .. قام وقف .. تشرب إيه
شخبوط شال الشنطه الا فى إيده : مابنشرب بناكل
محمد أبتسم كان نايم وهو جعان جدا بس ملوش نفس ياكل لوحده : ليه تعبت نفسك
شخبوط قام على السفره : لا تجول شى تعى
محمد قعد وفردو الأكل وهما بياكلو مع بعض : عملت إيه مع ولادك لسا زعلان منهم
شخبوط نطر إيده : ولا شى ماساجل فيهم متل ما جالتلى بنيتى سكر راح يجينو على الأخييير أموالى ملكى وحج تعبى شجى سنين راحت إذا ماكان لى جيمه عندن ما بعطيهم مال
محمد بياكل ومندمج معاه : بس كدا هما ها يقلبو عليك أكتر لما يحسو إنك حارمهم من مالهم حاول تشوف طريقه تانيه تكسب بيها ود وحب ولادك ليك
شخبوط رفع صابع : مالى لإلى هنن حارمنى من برهم ليش بعطيهم مال بصير أحرمهم متل ماحرمونى .. مسك إيد محمد  . لا تواخذنى والدى برتاح فيكن وبحبكن ماتتاجل منى
محمد أبتسم : ولا يهمك أنت أد والدى والبيت بيتك .. رفع صباع بس طول مانا موجود فيه الأصول أصول
شخبوط : طبعا هيك الرجال يا بلا ماحدا راح يلومك لتحافظ على حرمة دارك والدى  ..
محمد بيشرب ميه من القزازه إلا على السفره بعد ما صب فى كوبايه : لسا بتشوف عصمت وشيرى
شخبوط نطر إيده : كتييير أشوفه وما بعطيه إهتمام مفكر حاله شغله وهو ولا شى
محمد هز راسه وسكت
شخبوط : من وين بتعرفهم
محمد : كنت متجوز بنته وعندى منها بنت
شخبوط اتعدل : والله ليش ماكان يجول
محمد مد شفايفه لقدام : مش عارف شايف انى مش مناسب لبنته وفضل ورانا لحد كرهتها وهى كرهتنى
شخبوط هز راسه وأتكلم وهو قالب وشه : رجال متكبر ما بيعرف جيمه الكنوز  مسد على إيد محمد .. ربنا رزجك وعوضك بجوهره الله يبارك
محمد ضحك وبصله : كان نفسى يبقى لها اخت وأخطبهالك عشان أريحك
شخبوط بهزار : أمها وينها متجوزه والا مو متجوزه
محمد ؛ هههههه ماترسمش أمها متجوزه
شخبوط : هههههههه الله يعطيك العافيه والله ماراح اعوض المصريه يا إلا اتجوزتها كانت ست طيبه كتييير وتحبنى وتخدمنى بس دوام الحال من المحال
محمد : فعلا دوام الحال من المحال 
شخبوط : شكلك بتعانى والدى من شيرى وأبوها
محمد بتأكيد : للأسف بعانى كلمه قليله ومتوقع انهم ها يضرونى قريب قوووى  بس أزاى مش عارف ومش عايز أفكر رميت حمولى على الله إلا يكون يكون
شخبوط : وبشو تفكر راح تتركهن
محمد خد نفس : نفسى أسافر أى بلد تانيه بعيد عنهم وأستقر انا ومراتى وبنتى
شخبوط : راح أساعدك  ما بتحمل هم الموضوع هاد
محمد : للأسف حامل همه انا حياتى أتأسست هنا وليا مكانتى وشقتى وعيادتى كل دا أسيبه ورايا وأمشى
شخبوط : أنت الحين بتختار راحتك أستجرارك مو عياده وشغل وفلوس .. راح أتولى كل شى يخصك وأدبرلك أمورك وبجيبلك أعلى سعر بحاجتك .. بدك تضل وتعيش معى لأحميك من شرهم أهلاين وسهلين مابدك شوف يا إلا بدك ياااه وبساعدك
محمد أبتسم لما أفتكر كلام سكره دا راجل قلبه طيب مابيهونش عليه أزية حد  فضل يتكلم معاه فى تفاصيل كتير جداااا ومحمد بدء يرسم ملامح دنيا مختلفه عن إلا عايشها وفعلا مفيش قدامه غير شخبوط يساعده
**
سكره قايمه عشان تمشى ومليكه ماسكه فيها وبتعيط بحرقه ومهما يقولو لها هاترجع تانى مش واثقه فى حد ولا بتسمع كلام سكره حتى
صفيه : هاتعملى إيه يابنتى
سكره بحيره : مش عارفه يا طنط ماما أتصلت كتير وقلقانه ومليكه صعبت عليا الموضوع
حازم بيشاور لها ها ياخدها ويدخل جوا وهى تنزل بسرعه وفعلا عملت كدااا .. نزلت مشيت كام خطوه وسمعت صريخ مليكه وعياطها طالعه فى البلكونه بتبص عليها من بين السياخ الحديد : سكرا سبنى إهئ إهئ .. حبك سبنى ليه .. حازم بيشيلها وبيقول لها راجعه تانى مليكه فضلت ترفص برجليها جااامد وتصرخ  ..
صفيه بديقه : يا كبدى يا بنتى دى متعلقه بيها قوى يا حازم
حازم بزعل بيمسد عليها : خلاص يا مليكه هى جايه بكرا تانى والله
مليكه عملت حركه حازم اتفاجئ بيها وبدئت تشد فى شعرها جااامد هاتقطعه .. سمع الجرس راح فتح لقى سكره دخلت جرررى ومليكه جريت عليها بعد ما رمت نفسها فى الأرض من حااازم شالتها وبتمسح وشها ومليكه بتعيط وتكح : بس يا قلبى خلاص والله ما ها اسيبك وإلا يحصل يحصل
مليكه صرخت فى وشها بتعبر عن غضبها : سبنيش .. خدو معاياااا كح كح كح .. روح أمك  معايا
سكره ضمتها قووووى : حاااضر والله ها أخدك معايااا
حازم طلع نفسه بعد ما أتوتر أتأكد وفهم إن صعب التعامل مع مليكه بأى شكل من الأشكال بعيد عن سلوووى البنت بدأت تأزى نفسها .. شالت بندق ومليكه  وحازم جاب الشنط بتاعتها ونزل معاها وقف تاكسى وركبها عرض عليها يوصلها رفضت .. وصلت وهى طول الطريق محتاره نازله من التاكسى بتقدم رجل وتأخر التانيه طلبت من صاحب التاكسى يطلع الشنط الدور التانى وطلعهم  .. نزل وأتوكل على الله أما سكره  واقفه فى المدخل ومليكه بصالها : أعمل إيه دلوقت عمو أمجد جاب أخره منى ممكن نتطرد أنا وأنتى .. بصت لبندق .. ماتفرحش هاتتطرد معانا
مليكه :  طالع سلم مين
سكره : طالعه لأمى الله يكون فى عونها بصت لمليكه .. تفتكرى هاتصمد .. مليكه هزت راسها بنفى .. سكره بتعبر بوشها  .. انا بقول كدا بردك  .. خدت نفس .. بسم الله وطلعت وهى بتقرى قرأن رنت الجرس وامجد هو إلا فتح باصص للأتنين بأستفهام ومره يبص لسكر ومليكه ومره على الشنط
❤❤🧡💛💚💚💚
بقلم : لبنى طارق
💙💙💜❤❤🧡🧡💛