سكره

سكره ٤٣

سكره ٤٣
********
يا كريم اللهم يا ذا الرحمة الواسعة، يا مطلعا على السرائر والضمائر والهواجس والخواطر، لا يعزب عنك شيء، أسألك فيضة من فيضان فضلك، وقبضة من نور سلطانك، وانسا ً وفرجاً من بحر كرمك، أنت بيدك الأمر كله ومقاليد كل شيء، فهب لنا ما تقر به أعيننا، وتغنينا عن سؤال غيرك، فإنك واسع الكرم، كثير الجود، حسن الشيم، ببابك واقفون، ولجودك الواسع المعروف منتظرون يا كريم يا رحيم.
اللهم صن وجهي باليسار و لا تبذل جاهي بالإقتار فأسترزق طالبي رزقك و استعطف شرار خلقك، و أبتلى بحمد من أعطاني و أفتن بذم من منعني وأنت من وراء ذلك كله ولي الاعطاء والمنع إنك على‏ كل شيء قدير.
اللهم أنت الأول فليس قبلك شيء، وأنت الآخر فليس بعدك شيء، وأنت الظاهر فليس فوقك شيء، وأنت الباطن فليس دونك شيء، اقض عنا الدين وأغننا من الفقر.
اللهم صل وسلم وبارك على سيدنا محمد وعلى آله وصحبه أجمعين
❤❤🧡🧡🧡🧡💛💚💚💙💙💙💙💜💜💜💜💜
سمر مسكت الظرف فتحته لقت صووور لسكره مع واحد مره نايمه على دراعه والمره التانيه واقفه قدامه والمره التالته بتجرى وبيعمل بااااى ..
سما شهقت : بصى يا ماما الوقحه بتعمل إيه كمان بنته معاه مش خايفه  البنت تفتن عليها
سهير إدايقت قوووى وخدت الصور حطتها فى الظرف اتصلت على محمد كتير بس ماردش عليها .. رمت الظرف
سمر : مش عايز يرد هو إلا زعلان كمااان بجد ما بقتش فاهمه إبنك دا بيفكر إزاى ولا عملت إيه فى مخه
سهير : براحته أنا مش ها اسيبه غير لما ارجعه لعقله وانتو الاتنين ترجعو حلوين معاه وتهدو الأمور عايزينه يسمع كلامنااا مش يهرب مننا أما نشوف سحرالو دى والا إيه وتصلحو ابوكو فاهمين هو روحه فى ابوكو
الاتنين : ماشى
سمااا فتحت هديتها وبصا للطقم بأستمتاااع شديد وعيونها قربت تطلع من مكانهاااا من كتر الإعجاب وبذهول : بصووو دا كله ألماظ يا ماما .. الله بجد تحفه تلاقيه بفلوس كتير قوووى
سهير بغرور : إمال بتاعى إلا اد الطقم بتاعكم مرتين .. أبتسمت .. إبنى حبيبى وتربيتى يوم مافكر يكون له نسب كان له نسب يشرف مش الجربوعه إلا جايه وجيبالى عابيتين وخاتم جاتها القرف حتى ذوقها يقرف شبها
سماااا ضحكت : لا ياماما شفتى الجاكت إلا جابته ليااا والبوط منظرهم تحفه فنيه فعلا ذوقها فى الأرض
سمر : وكله كوم وضحكت قوووى .. والبردعه الا جيبهالى كوم شال حمير بجد أووووف أنا جوزى بيقولى ازاى محمد عمل فيكو كدا بيعايرنى بيها
سما : وأنا كمان يابنتى بتعاير بيها من حماتى وسلايفى لما عرفو عملة أخوكى
سهير : بكرا تنزاااح وتغور من حياتنا للأبد وترجع مراته وبنته لحضنه وساعتها هاتحطو إيديكو فى عيونهم من كتر البحلقه علينا
***
أنس فى البيت قالب الدنيا على السلسه
كريمه : يابنى قولى بتدور على إيه بس
أنس بزهق : ياماما السلسه بتاعت سكر نسيتها فى جيبى كنت ها أديها لمها يوووم العزومه ونسيت خالص .. خدتها وانا رايح ليونس قولت يمكن اقابلها هناك وهى جايه لاخوها وأديهالها ماجاتش ومش لاقيها
كريمه : طيب دور براحه .. وبعدين إيه جاب سلسه سكر معاك
أنس  : انتى نسيتى يوم ما رحت مع بابا منا قولتلك
كريمه بتذكررر : اااه افتكرت .. بص سمى بالله وان شاء الله تلاقيها يمكن وقعت وانت بتقلع الهدوم
أنس خد نفس : بسم الله وفضل يدور ويدور إنه يلاقى حاجه أبداااا تلات تيام طالع عينه تدوير مش لقيئها وإلا جننه ان مها سألته وقال لها معايا كنت ناسيها طب ها يقول لها إيه دلووووقت  أو يبرر ضياعنها بإيه
**
سكره نيمت مليكه بعد العصر وبندق قاااعد هادى جمبها .. ومحمد فى الحمام مامته اتصلت عليه كتير وسكر كانت  عملته صااامت عشان ما ينزلش  وماخدتش بالهاااا .. بتاخد نفس وتخرجه بهدوء حالفه ما تسيبه غير لما تعرف إيه غيره كدا من ناحيتها .. لسا بتقرب عند باب الحمام محمد خرج ولابس البرنس وقف بصلها كأنه لسا بيتعرف عليها من جديد فى صمت قاتلها من جواها بيتحرك من قدامها وقفت قدامه : مش ها اسيبك غير لما تقولى مالك وإيه مزعلك منى .. ها يتحرك حطت إيديها على صدره وعيطت .. مش متحمله زعلك حرام عليك ريحنى طيب قولى عملت إيه
محمد عيونه وقعت على السلسه وغمضها حاسس إنه مش طايق يشوفها فى راقبتها لسا ها يبعد أتشبست فيه ولفت إيديها حوالين راقبته .. محمد أرجوك ماتعملش كدا ماتسيبش إلا جواك يكبر من ناحيتنى أنا تعبانه وأنتى تعبتنى أكتر
محمد لف وشه ورجع بصلها واتكلم وهو بيجز على سنانه : أنا إلا تعبان وبموووت وكان نفسى تبقى صريحه معايا كان نفسى اطلع غلطان من جواياااا بس للأسف يا سكررر شكلك هاتهديها بدرى
سكره عيطت اكتر : لاء .. أهد إيه .. أهد نبض قلبى .. اهد حياتى وكيانى ..  طب إيه السبب عرفنى
محمد بص على راقبتها تانى : السلسه يا سكررر كانت مع مين وليه
سكره مسكتها بإيديها : والله يا محمد كانت مع بابا والله
محمد بعصبيه : هاتقولى تانى مع أبوكى
سكره بتمسح دموعها : انت لقتها فين عشان كدا مدايق وانا ها اقولك
محمد زعق : ماتقولى على طول هى فزوره
سكره إنهارت وحست إن تفكيرها ودماغها وقفت .. جريت جابت المصحف : والله  حاجتى كلها كانت عند بابا يامحمد حتى السلسه هو خد الحاجه منى عشان ما أنزلش خاف انزل من عنده عشان ضربنى وانت عارف
محمد مسكها من درعها : ياسلااام ولما مشيتى ماخدتيش حاجتك ليه معاكى
سكره زعقت : بقولك نسيت .. قول لقتها فين وزعلان ليه
محمد قرب منها ومبرق بغيظ همس : مع أنس ياهانم
سكره بصدمه : أنس .. يعنى أنس إدهالك
محمد ضحك بسخريه  : يا سلام ها يقولى خد سلسلة مراتك كانت معايااا .. وقعت من جيبه فى المستشفى وانا خدتها .  عرفتى إنك كدابه
سكره قعدت وركباها بتخبط فى بعض وقالت بصوت مبحوح : انا مش كدابه .. بصتله .. أنت شاكك إن بينى وبين أنس حاجه
محمد : من حقى اشك سالتك مليون مره وبتلفى وتدورى
سكره زعقت : لا مش من حقك انت ماشفتش منى حاجه وحشه .. رفعت صباع فى وشه وبقوه .. أسمعنى انا ها اثبتلك إنى أنضف من أى حد بس لايمكن أعيش معاك تانى يوم واحد   ... عيطت قوووى ... انت اخر واحد كنت اتمنى أتحط فى الموقف دا معاه .. انا قولت لو شيرى دبرتلى مكيده فى أوضة نوم هاتكدب عيونك وتصدقنى مش سلسله يا دكتور شكلى سرحت بأحلامى معاك
محمد : بتلومينى وكمان بتلوى دراعى يا سكر
سكره بتأكيد : ايوا خلاص انا ها الوى دراع أى حد يجى عليااا مش ها اسمح لحد يمس شرفى بكلمه  .. مره مامتك ومره إخواتك ودلوقت أنت
محمد قررب منها : أنا إلا وقفت الكل عند حده حتى ابوكى إلا انتى زعلانه عليييه لما قالى إنك عايزا تروحى تقعدى عند مها عشان أنس بيشاغلك  ضرب على صدره انا قولتلك وإلا حتى عاتبتك وسألتك لاء عشان واثق فيكى  .. مش عايزانى أشك لما الاقى سلسلة مراتى فى جيب واحد المفروض انه بيحبها  . وابوها بيقول كدا فى حقه .. خبط على الحيط بايده .  إحمدى ربنا إنى ماعملتش جنايااا ياهانم وقسمته نصين
سكره بعدم إستيعاااب أبوها .. أبوها هو إلا بيطعن فى شرفها وقدام مين جوزها .. قامت لما كان ها يمشى من قدامها : استنى .. جابت الفووون واتصلت على مها وفتحت الاسبيكررر .. الوو ماما عامله إيه
مها : الحمد لله يا سكر مالك انتى معيطه
سكره بنفى : لاء عندى ذكااام بس .. بقولك ياماما لما انس جاب حاجتى من عند بابا سألتيه على السلسه جابها والا لسا معاهم
مها بتاكيد : لا يا حبيبتى الحمد لله طلعت معاه خدها من العقربه زنوبه  هو اكدلى وقالى نسيها فى جيب  البنطلون وها يجيبهالى
سكره : ماشى يا ماما  معلش ها اقفل معاكى سلام ..
محمد غمض عيونه
سكره بعياط : سمعت .. وقفته .. لاء استنى .. اتصلت على انس
محمد بعصبيه : بتعملى إيه أنتى
سكره ردت على طول :  أزيك يا انس
أنس بإستغراب : الله يسلمك يا سكر .. أسف قصدى مدام سلوى  ..اتكلم بقلق ..  مالك فى حاجه حصلت صوتك معيط
سكره بنفى : لا ابدا حبة برد
أنس : الف سلامه
سكره : الله يسلمك .. معلش ماما كانت قالتلى إن معاك سلستى
أنس بيقول يا أرض اتشقى وإبلعينى : سكر أنا اسف والله قالب عليها الدنيا مش لاقيها أوعدك ألاقيها واجبهالك .  كنت ها أديها لمها يوم ماجبت الشنط من بابكى ونسيت خالص
سكره : طب ليه ماكنتش جوا الشنط
أنس : عشان زنوبه جبتهالى وقالتلى إنها كانت معاها فا مسكتها فى إيدى ولما جالى فون حطتها فى جيبى .. أسف والله ما أقصد
سكره : لا ولا يهمك .. مع السلامه .. قفلت  وزعقت فى وش محمد .. اتصلك بزنوبه تتاكد   واتصلت عليها وبدون مقدمات أول ما ردت  : فين السلسه يا زنوبه
زنوبه : يوه طب سلمى والا أطمنى حتى على اخوكى وبعدين السلسه خدها أنس بإيده منى هما هايتهمونى فيها والا إيه لاء كله إلا السرقه يا سكر
سكره : معلش يا ززنوبه نسيت أسأل ماما خدتها والا لاء سلام  بصت لمحمد .. اتصلك بمين تانى عشان تتأكد
محمد : خلاص أسكتى وبعدين أزاى ماتقوليش ليا ان أنس هو إلا جاب حاجتك وإشمعنا أنس وأبوكى ما بيطقهوش ولا بيطيق امجد
سكره بصتله : عشان كان رايح يهدده إنه لو قرب من ماماوبابه تانى ها يحبسه بالفديو إلا ضربنى فيه لما خدنى من عند ماما .. وطلب ياخد حاجتى ماقدروش يتكلمو معاه  عيطت قوى .. أنا مش عارفه الظروف كلها ضدى حتى الا بيقفو جمبى ضدى
محمد أتنهد ومسح على وشه واتكلم بعصبيه : ضدك عشان انتى مش صريحه معايااا قولتلك ماتخبيش عليا حاجه قولتلك .. دورى الاحداث كلها فى دماغك وخليكى مكانى .. أنا المفروض أقعد أخمن إيه علاقة أنس بالسلسه وبعدين بالشنط وبعدين وبعدين . سكر أنا صريح معاكى لأبعد الحدود بس أنتى دايما حطا بينا حدود ولغز فى النص