سكره ٣٠
*********
كريم رسول الله والله أكرم فهل فقير بين الكرمين يحرمو يارب عايزا أحج
اللهم أسألك بصفاتك العليا التي لا يقدر أحد على وصفها، وبأسمائك الحسنى التي لا يقدر أحد أن يحصيها وأسألك بذاتك الجليلة ووجهك الكريم أن تشفي كل مريض وتعافيهم بحولك وقوتك يا أرحم الراحمين يا مجيب دعوة السائلين الحمد لله الّذي لا إله إلّا هو، وهو للحمد أهل وهو على كلّ شيءٍ قدير، وسبحان الله ولا إله إلّا الله والله أكبر ولا حول ولا قوّة إلّا بالله.
"اللَّهُمَّ أَنْتَ رَبِّي لَا إِلَهَ إِلَّا أَنْتَ خَلَقْتَنِي وَأَنَا عَبْدُكَ وَأَنَا عَلَى عَهْدِكَ وَوَعْدِكَ مَا اسْتَطَعْتُ أَعُوذُ بِكَ مِنْ شَرِّ مَا صَنَعْتُ أَبُوءُ لَكَ بِنِعْمَتِكَ عَلَيَّ وَأَبُوءُ لَكَ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ
كريم رسول الله والله أكرم فهل فقير بين الكرمين يحرمو يارب عايزا أحج
❤❤🧡💛💛💚💚💚💙💙💜💜🤎❤❤🧡🧡💛
سكره بخضه شهقت ولما استوعبت ايه نط عليها صرخت بفرحه وشالته فضلت تحضنه وترجعه تانى قدام عيونها لحد ما عيطت : بندق .. بندوقه اااه يا قلبى كنت فين يا حبيبى
السنجاب بكل حب وفرحه لمجرد انه شافها نط على كتفها وقرب براسه وبيلمس وشه بوشها وبيصدر منه أصوات بتعبر عن شوقه وحبه لسكرته .. نط على الترابيزه نتش ورده بلاستك من الفازه ورجع بيدهالها
مها بضحكه : إيه رايك فى المفاجاه دى بقى محمد كان محضرها لرجوعك بالسلامه
سكره حضنته باسته كذا بوسه وقالت بحماااس قدام أمجد : محمد دا أحسن حاجه حصلتلى ياعمو .. أنا بحبه قوى ياماما بحبه بحبه يا بندوقه .. حضنته تانى .. وبحبك أنت كمان يا حبيبى
أمجد : هاتطلعى روحه فى إيدك
سكره بفرحه وعيون بتلمع : انا أقدر
مها : أقعدى يا سكره تعالى قوليلى عملتى ايه
سكره قعدت وحطت بندق على رجليها : اه يا ماما .. كان يوم حلووو أخيرا ها اخد حقى فى التعليم وأكمل أخيرا ها احس إنى إنسان له كيان وطموح وحقه يختااار
أمجد : الصابرين على خير يا بنتى دايما كانت أمى تقولها الا بيصبر ينول والصابرين على خير
مها بصت لسكره وعيونها تشوفو فيها الفرحه : وهى ياما صبرت يا أمجد ياااما أتحملت عيشه صعب حد يعيشها حضنتها هى وبندق وباستها .. تستاهلى كل خير يا مسكره
سكره ببتسامه باست ايد مها : حبيبتى يا أمى .. ها قولولى بقى كان فين الأستاذ
مها حكت لسكره انه كان عند كرم ومحمد متكفل بمصاريفه كلها لحد ما ترجعى وكرم جابه انهارده بعد ما ممشيتى الصبح .. ساعتها سكره فصلت عن الدنيااا وسحبت نفسها وهى فى قمة سعادتها وبس .. حاضنه بندق وكل تفكيرها فى محمد إلا أستحوذ على مشاعرها وقلبها وعقلها .. قفلت الباب ونامت على السرير وبندق جمبها وأفتكرت أيامها الجميله واللذيذه مع مليكه ومحمد الأتنين الا دخلو الفرح فى حياتها
فلااااش باااك
**********
محمد داخل الشقه لاحظ الهدووووء خد شاور ولبس تيشرت وشورت دخل الاوضه اتفاجئ من منظر سكره كوم بطاطين عليها ورجليها طالعه من تحت البطنيه ولابسه شراب فى فرده منه مقطوعه و صباعها الكبير كله خارج من الفتحه فضل رايح جاااى يبص عليها وسامعها وهى بتكتك بص على نفسه واستغرب .. همس .. يعنى احنا جبلات مثلااا ما بنحسش .... قرب قعد جمبها : سكره .. سكره .. انتى يا ام الرعاااش
سكره طلعت راسها من تحت البطنيه وبترعش شفايفها : إيه يامحمد دا وقت تطلعنى فيه من تحت البطنيه حرام عليك انا ما صدقت دفيت مناخيرى شويه
محمد تنح وشاور عليها من فوق لتحت : كل دا عشان مناخيرك ودفتيها من إيه دا الجو هنا فى الشتا رائع ويمكن فوق الرائع جو ربيعى إحنا فى الصيف بنغلى محطوطين على الجريل بنتقلب على الجمبين .. فى الشتااا بنصيف ياماما مالك كدا
سكره : لا يامحمد كله قال الشتا جه يبقى لازم أبرد انت مابردتش
محمد ضحك بصوت عالى : انتى بتبردى بالكلاااام مش بالفعل .. طيب سؤال بس عشان انا من ساعة ما دخلت وانا ها اتجنن وأسأله هى كل حته فيكى بردانه وبالنسبه لدا شد صباعها الا خارج من الشراب مابردش زى صاحبته
سكره بنفى : لاء هو حران قوووى فاطلع ياخد شوية هوا اصله بيتخنق بسرعه ملوش روح
محمد : ههههههه ومين فتحلو الشباااك
سكره : مليكه حبيبتى قرمتنى منه
محمد : هههههه قرمت إيه يا مجنونه هى مليكه بقت تخصص شربات دلوقت
سكره : أيوا لقتها جايبه كام شراب من بتوعك وقاعده تقرم فيهم بقولها بتعملى إيه قالتلى هوا عشان مش يموووت ياله الله يرحمهم كلهم
محمد : ههههههه ونط فوقيها قامت مليكه طالعه من تحت البطنيه وفضلت تتنطط وتصرخ زى سكره وقالت كلمه خلت محمد نام جمبهم وفضل يضحك لما بطنه وجعته من الضحك : مفاجعه ( مفاجئه )
محمد : ههههههه اااه ياولاد اللذينه ها تجننو أمى معاكو حرام انتى بتعملى إيه تحت البطنيه معاها
مليكه بضحكه عسل زيها : بتعملى مفاجعه يابابى
محمد وسكره : هههههههه
سكره طلعت من تحت البطنيه وكانت لابسه بجامه زى مليكه بالظبط وبيلفو قدام عيون محمد : إيه رايك فى المفاجأه دى نزلنا جيبنا بجامات زى بعض
مليكه بصوت عالى كله حماااس : بعض .. جامن بعض
سكره جريت جابت شنطه : خد عشان نبقى كلنا طقم واحد
محمد بهزار : قصدك تنجيد واحد .. جوز الخيل وبيشاور عليهم والعربيه وبيشاور على نفسه
سكره ضحكت من قلبها وأترمت عليه : منظرك هايبقى تحفه وإحنا كلنا كاررررو أحمر فى أحمررر
محمد : ربنا يسترها منك الواحد ماشى بالعافيه
سكره بدلع : ارجوك يا محمد ماتكسفنيش
مليكه قربت عليه وطلعت بوذها : أربوك حمووو ماتكشفنيش
محمد : ههههههه حمو مش ها يكشفك ماتخافيش قام غير ولبس زيهم وفضلو يتصورو لما زهقوه وهرب منهم باعجوبه
مليكه حاطه بوذها فى بوذ سكره : روح هناك بابى إهرب هناك
سكره بنص عين : اااه يا مكاره فهمت خططك قصدك انا أروح له الاوضه يقوم يهرب ويخرج ويجيلك هنااا فانقوم نحبسه معانا صح
مليكه : إحسبه عانا إهرب هناك باشى
سكره هزت راسها : ماشى خليكى هنااا بقى عشان لما يجى هربان تحلقى عليه أوعى يهرب
مليكه : حولقى عليك معاك
سكره سلمت عليها : على بركة الله انا لازم أرجع بندق ونبقى فريق ضد أبوكى إلا مش عارفين نسيطر عليه .. قااامت وبتدعك ايديها فى بعض .. إستعنا على الشقى بالله .. راحت على الاوضه بتفتحها مقفوله من جوا فضلت تلعب فى الأكرا ولا حياااة لمن تنادى ومحمد شايف الأكرا بتتحرك وحول عيونه على السقف وبصوت هامس .. يارب مرضى فى المستسفى ومرضى فى البيت بس دول مرضى بعقلهم بجد الاتنين مع بعض كارثه متحركه أنا تعبت دول عايزين يلعبووو أنا فى السن دا وبالطول دا ألعب
سكره خبطت : محمد أفتح انا عارفه انك صاحى ماهو يتفتح يا أمشى ولقد أعذر من زعتر أدينى بقولك أهوه .. ماردش عليها .. كدا مش عايز تفتح طب انا راحه عند نورا وبالبجامه وفى نص الليل والا يحصل يحصل وراحت على باب الشقه فتحته ماحستش غير بإيده على قفاها وبيشدها زق الباب قفله وبحمه : أنتى مجنونه يا بت انتى أدخلى وبيزقها
سكره : منا داخله أهووو بتزق ليييه هى أذيه وخلاص انا كنت عايزا أهوى الشقه اصلها كاتمه وبتضرب على راقبتها .. تخنق
محمد بتريقه : وبالنسبه للهرم الرابع إلا كان مقتول على السرير لما جيت وبعدين هو مين بيأذى فى مين انا راجل تعبان واقف على رجلى طول النهار يا كشوفات ياعمليااات وراسى فيها الا مكفيها أنتى بقى فاضيه ومعاكى واحده شاور على مليكه أفضى منك وأهبل منك مش لاقين غيرى تتسلو عليييه إعقلى وبيزقها تانى وهو لسا ماسكها من قفاها .. إكبرى عيب انتى شاحطه طولى
سكره رفعت صباع : ما أسمحلكش أنا أقصر منك يجى ب١٠سم على ما نوصل بقى لطولك يبقى ربنا يحلها وساعتها ها أفكر إذا كان ينفع أعقل والا لاء عشان دا قرار مصيرى مش سهل عليا
محمد بتحذير : يعنى مش ناويه
سكره هزت راسها : توء مش ناويه
مليكه عماله تضحك : بابى اضربو
سكره تنحت : ليييبه هو الاذى فى دمك واخده وراثه وحقن الأتنين ماشى يا مليكه انا زعلانه
مليكه قربت عليها وموطيه صوتها أل يعنى كدا بتوشوشها : اضربو وقول بوسه تمان زعلش
سكره : ههههههه لفت راسها لمحمد .. بنتك منحرفه عايزاك تبوسنى وطت صوتها .. هى بتعمل كدا أل يعنى خطه عارف هى الا مخططه للحصل دلوقت
محمد سابها وداخل على الأوضه وهو بيبص لها بنص عين لسا ها يقفل الباب سكره حطت رجليها وشدته طلعته من الأوضه : رايح فين احنا عايزين نقعد مع بعض ونحتفل بالبجامه عاملين أنا ومليكه بجامة بارتى صح يا مليكه
مليكه بتأكيد : صح بابى
محمد : سكره ابوس راسك إبعدى عنى سيبينى أرتاح إحتفلى أنتى وهى ا .. قلع أم البجامه وافضحكو فى نص الصاله
سكره مسكت البجامه : لاء عيب بص طيب نص عليك ونص علينا ولك الأجر والثواب
محمد نفخ وداخل على الأوضه
سكره : إهئ إهئ قاسى شكرا يا محمد روح وزقته على الاوضه
محمد رجع ورفع إيده فوق راسها وبيجز على سنانه وهى وطت براسها وحطت ايديها عليها وبخوف : هاتضررروب دانا بساعدك مفهاش حاجه بدخلك جوا الأوضه بسرعه
محمد : عارفه أحسن حاجه ايه تنامووو قدامى أنتى وهى وشال مليكه من ضهرها وكلها متشعلق فى الهوا وزق سكره قدامه وكالعاده ماهديوووش غير لما نامو فى حضنه والتلاته مع بعض ومحمد فعلا من تعبه نااام وراح فى النوووم أول واحد .. بعد مرور الليل بظلامه وهدوئه قام الصبح وهو فى حضن سكره أول ما فتح عيونه أبتسم وباسها وهى مبتسمه ولفا ايديها حوالين راقبته .. همست .. عارف يا محمد إحنا ناقصنا إيه
محمد : إيه يا حبيبى
سكره : بندق
محمد أتعدل أو أتنفض من مكانه وقال بصوت عالى صحى مليكه : قصدك ناقصنا قردين وجنينة الحيوانات تكمل نطر إيده .. يا شيخه روحى أنا عارف بندق كان متحملك أزاى
سكره بصت لمليكه وكأن ماحصلش حاجه : إباااح الخير إباااح العثل إباااح الثكر
مليكه أبتسمت وبتتمطع على رجل سكر وحضنتها ونزلت فيها بوس
محمد داخل بالفوطه على راسه شاف المنظر شد مليكه : أنزلى أتنين متحرشين نايمين جمبى روحى أغسلى وشك وأسنانك وبعدين بوسى دا بقى إدمان عندكم ... ياله
مليكه ماشيه بدلع : اوكييييى بابى
بااااك
******
سكره بتضحك وبتكلم بندق : كنا بنرخم عليه قوى يا بندوقه وهو كتير بيتحملنااا وساعات تطلب معاه هزار وضحك وممكن يلعب معاناااا بس بمزاجه .. شالت بندق .. تفتكر لما مليكه تشوفك انت هاتحبها وهى هاتحبك والا هاتبقو ناقر ونقير ماهو مخكم أصغر من بعض
بندق شاور على نفسه ومبرق
سكره ضحكت من قلبها : ايوا انت مخك اصغر من مخ مليكه
بندق شاور على نفسه تانى وسكره مابقتش عارفه تسيطر على نفسها .. أنت جبت الحركه دى منين ياعفريت
مها دخلت عليها وبصوت مرح : سى بندق هاياخدك مننا
سكره ضمته : هو حبيبى بس لايمكن ياخدنى منك رفعت البطانيه .. تعالى هنا جمبى
مها : طيب قومى غيرى الأول
سكره قامت : حاضر .. جابت ترنج بيتى وقلعت الهدوم وساعتها مها بعد ما قعدت قااامت تانى لسا سكره هاتلبس مسكت الهدوم .. بتمشى ايديها على أثر جروح فى جسمها وعلى الحرق الا فى دراعها : يا حبيبتى يا بنتى منه لله هو ومراته
سكره لبست بسرعه : خلاص بقى ياماما أنا مبسوطه بلاش عكننه
مها خدتها تحت دراعها ونامت على السرير وسألت بعفويه : ومحمد مادايقكيش بكلمه على جسمك
سكره هزت راسها بنفى : لا يا حبيبتى ما قاليش أى حاجه أو بمعنى اصح بيعمل نفسه مش شايف حاجه
مها رفعت حاجب : بجد طب كويس والله أصل فى رجاله بتعاير الست على أى حاجه وكل حاجه ربنا يباركله يارب .. أبتسمت وسالت بتردد .. بس مقولتيش لماما فى بيبى فى الطريق يعنى ها أبقى جده بعد ب٧ شهور والا حاجه
سكره أتخضت من السؤال وأبتسمت جاوبت بإحراج : والله ياماما ماعارفه يعنى أفتكر مفيش حاجه
مها ضمت حواجبها : ازاى يعنى جوزك دكتور وأنتى لو حصل حمل هاتعرفى من أول شهر
سكره بتوتر : مفيش ياماما حاجه لسااا
مها سكتت فضلت انها ماتوترهاش دى لسا متجوزه بقالها كام شهر يعنى مش سنين .. مسكت إيديها .. يارب أفرح بيكى قريب وأنتى بتقوليلى ياماما خلاص هاتشيلى عيالى
سكره أبتسمت : إن شاء الله يا حبيبتى . انتى مش هاتروحى الشغل بكرا كمان
مها : ها أروح إن شاء الله عشان لسا يدوب راجعه وأنتى هاتروحى لحماتك تانى
سكره : لاء ها أروح الكليه فى شوية حاجات ها أخلصها وارجع أروح لحمايا على محل الدهب عشان مابيرجعش غير باليل
مها مسدت على رجليها : ربنا معاكى يا حبيبتى خليكى كويسه عشان الناس تحبك وتحب طلتك عليهم يا سكر
سكره هزت راسها : ماشى يا ماما
مها بتنام وسكره هى كمان : تصبحى على خير
سكره : وأنتى من أهله
**
زيد ماشى فى الشارع الصبح وكان فى مجموعه من الشباب واقفه على جمب : واد يا مدحت . مدحت
مدحت جه جرى : نعم ياعم زيد
زيد : فين أبوك لسا نايم
مدحت : لاء سايبه بيفطر هو وأمى إبقى عدى نادى عليه هاينزلك
زيد : ماشى يا أخويااا ماتروح انت بدال الأوامر وخلى عندك دم أنا الكبير بردو
مدحت قرب عليه : ماتشبطوش فيا على الصبح أنا ما بصدق أنزل من البيت يا عم زيد روح الله يباركلك مشى رجلك .. مبروك
زيد رجع الخطوه الا مشيها : مبروك على إيه
مدحت بغمزه : على إيه انت هاتخبى رجوع بنتك دانا وقفت ساعه متنح على الطريق وأقول هى .. لاء مش هى لحد ما اتأكدت مش ها اتوه عن سكر
زيد زقه : أمشى ياد يا أهبل من هنااا
مدحت نطر إيده : والله شفتها هو إحنا ها نحسدك اكمنها بقت عليوى وبتركب تاكسى ولابسه أل فرانكه خلاص هاتتكبرو علينا
زيد رجع تانى : والله مارجعت بنتى مع جوزها أنت عايز ايه على الصبح
مدحت : هى .. يعنى نزلت ماقالتش لحد قاعده عند مين حماتها يعنى منا شفتها ناحية ال.... قرب ... حتى كانت شايله شنط هدايا أد كدا شكلها بتفرقهم حلاوة رجوعها ..
زيد بيدعك فى دقنه فعلا المنطقه جمب حماتها ومشى ساب مدحت وهو مسهم وبيفكر .. معقول بنته نزلت من غير ماتعدى عليه ولا تعرفه .. هو كلام زنوبه ها يطلع صح هاترمى توبته بعد ما أتجوزت ومها هاتلهف التورته كلها لوحدها ..دنهارها أسود لو روحت لقتها عند مهاااا رجع البيت وحكى لزنوبه كل إلا حصل
زنوبه بتضرب على صدرها : يالهوى .. يالهوى .. يالهوى .. شفت البت يا زيد وعمايلاها وإلا طليقتك الحربايه إللى ماتوعى تلاقيها هى الا قالت للبت وقست قلبها من ناحيتنا زقت رجله .. عشان أقولك يا راجل .. أكسب ود البت قبل ماتتنيل تتجوز وصلح أمورك بيها بس أنت البعيد أعمى القلب
زيد نطر ايده : يواااه يا زنوبه انا جاى أقولك يا وليه عشان تقطمينى وتزهقينى فى عيشتى ماتخلنيش أروح أطربقاها فوق دماغهم والا يحصل يحصل
زنوبه ضربته على ركبته : هدى يا سبع الرجال مش كدا يطقلك عرق
زيد قايم : هه أغور من وشك أحسن
زنوبه مسكته : تعالى أقعد هنا لازم نتصرف ونعرف اذا كانت نزلت والا لاء ماتبقاش حمقى طول عمرك بتتصرف بعنف معاها وأقولك مره كدا ومره كدا تقولى مش طايقها كنت نيلتها جبتها ليه
زيد بعصبيه : عسان أذل إلا جابتها وأجيب مناخيرها الأرض وأعرفها إلا عملته معانا وازاى تطلق وتتجوز بكل عين بجحه
زنوبه لوت شفتها : بلاوكسه أهو جاب نتيجه ولما البت شمت نفسها هربت منك ومن عمايلك وأهو راجعه وتلاقيها معاها الألوفااات والهدايا أد كدا وإحنا خلاص برا حسابتها خالص مرتاح جبت مناخير أمها الأرض زى مانت عايز قولى بقى مين يساعد يونس الغلبان فى جوازه وهمه التقيل دلوقت .. أتكلمت بتحذير .. عارف يا زيد لو عملت حاجه من ورايا ومن غير مشورتى ها أعمل فيك إيه ها ألففك ورايا فى المحاكم وأجرسك .. ضربت على صدرها .. بنتك دى سيبهالى أنا أتعامل معاها .. علت صوتها .. وأقولك يمين يبقى يمين أقولك شمال هو شمال فاهم يا راجل
زيد هز راسه : ماشى
زنوبه زقته كذا زقه : ماشى إيه
زيد نطر إيده بزهق : ماخلاص يا زنوبه بقى الله قولتلك ماشى حاضر عايزا ايه تانى
زنوبه بصتله بغل : أما نشوف يا بن حتاته
***
محمد بيصحى مليكه : قومى يا حبيبتى عشان ننزل
مليكه بتعب : قادر بابى اه نانى
محمد برغم زعله أبتسم دى كلمة سكره كل ماتقول تعبانه تقول اه يانى ومليكه تقول اه يا نانى قعد جمبها : لما تاكلى كويس هاتبقى كويسه ومش هاتقولى اه يانانى .. ياله قومى عشان بعد المستشفى ها نتفسح ونلعب كتير
مليكه شالت راسها بتقل حطتها على رجل محمد : مش عايز كله نانى
محمد : طيب إيه رأيك تروحى تقعدى مع طنط نورا
مليكه عيطت : عايز سكر تقعدى معاك هو شوفه ليه زعلان
محمد مسد عليها وعدلها باسها : يا حبيبتى سكر هاترجع بس شويه مش هى بتكلمك وقالتلك جايه ازاى زعلانه عمرها ماتزعل من مليكه
مليكه زاد عياطها وشهاقتها : هو سابك مشى أنا حبه عايز معاك يا بابى روح هناك
محمد أتنهد نفسيته تعبت مليكه صعبه لأقصى حد ولما بتتمسك بحد او ترتبط بيه صعب تسيبه لما كان يسافر ويسيبها تقعد من غير أكل وعياااط يوم وترجع بس المره دى شكلها ها تطول .. اااه يامحمد هاتعمل إيه .. شالها على كتفه وخرج من شقته راح لنورا رن الجرس وهى إلا فتحت : صباح الخير يا دكتور محمد
محمد : صباح النور .. أنا أسف يا نورا لو مش وراكى حاجه خلي مليكه عندك
نورا بزعل : هى لسا زى ماهى
محمد : اه للأسف ها أضطر أعلق لها محاليل تغذيها لو ماكلتش إنهارده كمان
نورا شالتها وبصتله : طيب أنت هاتفضلو كدا ما تشوف حل وهاتها بسرعه لو ينفع
محمد بأسف : ياريت كانت المواضيع دى بإيدينااا ربنا يسهل .. بعد إذنك عشان ها أتاخر عن معادى
نورا شاورت : أتفضل .. دخلت وقفلت الباب ومهند بيلبس ونازل هو كمان
مهند : مين إيجى نورا
نورا داخله عنده : دا محمد جايبلى مليكه
مهند قرب لها ومسك إيديها : شوبيها الباربى والله تعبانه كتييير اليوم
نورا : من قلة الأكل البنت ياعينى واخده الموضوع بجد فاكره انها خلاص مش هاتشوف سكره تانى
مليكه بصاله وعيونها بتدمع وبتئن مش قادره تتكلم
مهند بزعل أفتكر ولاده وبعدهم عنه وأزاى هو مشتاق لهم ومشتاق لزوجته الموضع صعب على الكبار مابالك بالأطفال ومراته ماعندهاش إحساس ولا دم هو دا حال العيل إلا بيتظلم بين أتنين ياترى حقه فين .. ياترى كام طفل بيتعذب بسبب الإنفصال والسفر والبعد . ياترى وياترى ميت ألف سؤال طرح نفسه وهو واقف مشاعره متلجمه قدام مليكه وحالتها وإلا وصلت لها عشان لقت شوية حب وشوية إهتمام
نورا شاورت قدام عيونه : هاااى روحت فين
مهند هز راسه : ولا شى راح روح وين يعنى لستانى هون يانورا
نورا بفهم : مهند قلتلك هات رقمها أكلمها أنت رافض ليه غاوى عذاب يابنى
مهند بزعل : مابديش تزعلى او تجرح مشاعرك بكلام متل الدبش
نورا قعدت : ولما هى دغوفه قوى كدا أتجوزتها ليه
مهند أتنهد : كان هاد إختيارها لأمى وأول حدا أنكوى بإختياره هى إمى الله يرحمها .. أتنهد ما وقته لازم انزل على دوامى
نورا هزت راسها : خلاص يا حبيبى روح ولا يهمك بكرا تتحل إن شاء الله
مهند رفع إيده : إن شالله .. خلى بالك من باربى .. قرب باسها . راح جيبلك معى إشيا بتحبيها كتير
نورا بصلها : ولا هى هنا للاسف هى فى عالم وإحنا فى عالم فعلا كل واحد بيرسم عالمه الخاص على قد عمره .. فضلت هى ومليكه لوحدهم .. عملت أكل وحاولت تأكلها البنت كل ماتاكل لقمه ترجعها بطنها مش قابله حاجه خالص .. اتصلت على حازم
حازم أبتسم ورد أفتكر إن المكالمه له : صباح الورد والياسمين والجمال كله
نورا بجديه : صباح الخير
حازم تخن صوته : صباح الخير ماتعضينى أحسن مالك يانورا
نورا : مدايقه ياحازم
حازم أتعدل : حصل معاكى حاجه
نورا بصوت متأثر : مليكه تعبانه قوى أنا خايفه يجرالها حاجه
حازم أتنهد براحه : هى كدا ماتقلقيش حتى فى سافريات محمد كانت نفس النظام ممكن يومين وتبقى كويسه عشان كانت مرتبطه بسلوى قوووى
نورا بعصبيه : البنت بترجع كل لقمه تدخل بطنها وتقولى عادى حتى الميه بترجعها
حازم أتعدل هى أخرها ماتكلش يوم وبعدين الجوع يقرص عليها تاكل إنما تتعب لدرجه الترجيع وتحط قوى كدا لاء : رجعت كام مره
نورا : كل مره أحاول أكلها ترجع تلات مرات لحد دلوقت
حازم : طيب ها اطلبلك دوا من الصيدليه وها أبعته على عنوانك أول ما يوصل إديها منه عشان يوقف الترجيع
نورا : طيب وبابها ها أديها دوا من غير ما بابها يعرف
حازم بحمة : دانا بدى لأبوها نفسه زبال قدامك أنااا عصبتنى
نورا حاولت تكتم الضحكه ماعرفتش فاضحكت وهو سمعها
حازم : الله لازم الواحد يتعصب عشان تضحكى ونسمع أحلى ضحكه فى الكون
نورا : البنت تعبانه مش وقت نحنحه
حازم قلب شفته : نحنحه .. روحى الله يسامحك .. قفل معاها واتصل بالصيدليه الا بتبعت لمحمد فى أى وقت وبعت لها العلاج وفعلا هدى مليكه شويه وماقدرتش تديها نقطه منه غير لما كلمت محمد وقالتله وهو قالها إديها وها يخلص ويجى على طول
**
سكره قامت راحت الكليه وبندق حديد وبعيد ما يسيبها لازم يروح معاها .. خلصت الكليه وراحت لفتحى على محل الدهب سلم عليها بحرراه وكل الموجودين سلمو عليها بردووو خدها وقعد برا وأتكلم معاها وفتح الموضع الا سهير وسما وسمر أشتكو منه
سكره بجديه : هاتصدقنى ياعمو لو قولتلك إلا حصل
فتحى : بينى وبينك أنا زعلت قوى يا سكر قولت لايمكن تبقى قليلة الذوق واستنيت أسمع منك عشان محمد زعلااان قوووى وهما زعلو منه والدنيا كلها شايله من بعضها دلوقت
سكره : والله ما ها أكدب عليك فى حاجه ..وبدأت تحكى إلا حصل كله .. دا يرضيك
فتحى : لاء ولا يرضى حد بس ماينفعش تتصلى بمحمد تقوليله سهير لما كانت تعمل كدا كنت أعقلها وأقول لها ما ينفعش إبنك فى بين إيديه أرواح ناااس ساعة زعل يكتب لحد حاجه غلط والا يعمل عمليه مش مظبوطه نضيعه ونضيع الناس معاه يابنتى .. شاور على نفسه .. انا غلطان يا سكر
سكر بنفى : لاء ياعمو بس أنا مليش غيره أكلمه وبعدين خوفت يتقال كلام غير إلا حصل او بطريقه تطلعنى غلطانه
قتحى اتكى على إيديها : عيب تقولى كدا هما مالحقوش يقولو حاجه محمد دخل فيهم شمال على طول وسايب سهير تعبانه من ساعتها وحالفه ما تكلمه تانى وإخواته نفس الحال فى حاجه قوليلى وأنا أصلح ما بينكم وإلا ما أنفعش يا ست سكره
سكره رفعت راسها : أبدا أبدا يا عمووو ربنا يباركلنا فيك يارب أنا بحبك عشان حقانى ومابتجيش على حق حد خلاص ياعمو مش ها أعمل كدا تانى ماتزعلش منى
فتحى : لا يابنتى ماتزعليش أنتى واتحملى حماتك وعماتك شويه لحد ماتغير وجهة نظرها فيكى وتحبك .. ماتزعليش منى هى لها تفكيرها ومن حقها كانت دايما تقول لمحمد لازم تتجوز جوازه حلوه وواحده تليق بيك ودكتوره زيك واحده ترفع من شأنك مش تنزلك معاها تفكير ستات وأمهات عايزا ولادها فى احسن حال أتجوزك غصب عنها فالازم يبقى فى غيره وزعل فهمانى والا هاتزعلى
سكره برغم إن جواها بيتألم من الكلام واد إيه شايفنها قليله ومحمد كتير قوى عليها أبتسمت : لا ياعمو مش زعلانه ربنا يهديها وتحس بالرضى .. أنا لازم أقوم عشان من الصبح برا وتعبت
فتحى سلم عليها وباسها وقالها ماتزعليش إن شاء الله الخلافات مع الأيام بتدوب وتتنسى شقت طريقها هى وبندق زى زمااان مشى لحد بيت مهاااا وهى فى الشارع ولسا بتدخل البيت حست بحطت إيد جامده وشديده على كتفها وسمعت كلمة حمدالله على السلامه إلا خرمت ودنها
❤❤❤🧡🧡💛
بقلم : لبنى طارق
💚💙💜💜💚💙💙
تصويت ورايكم
أنت تقرأ
سكره
Romansaانا سكره وإلا على كتفى بندق صديق الليالى والوحده صحيح فى ناس كتيره حوالينا جدا بس للأسف ممكن تعيش الوحده وسطهم ااااه ممكن ليه لاء إحساس إن حد قريب منك وفاهمك وروحه متعلقه بروحك إحساس جميل قووووى حد بيقرى كل إلا جواك من نظرات عيونك من غير ولا كلم...
