سكره

سكره ٢

سكره ٢
*******
لا إله إلا الله محمد رسول الله
أعوذ بكلمات الله التامات من شر ماخلق
لاحول ولا قوة إلا بالله العلى العظيم
سبحانك اللهم وبحمدك عدد خلقك وزنة عرشك ومداد كلماتك
اللهم صل وسلم وبارك على سيدنا محمد وعلى آله وصحبه أجمعين
💚💚💚💚💚💚💚💚💚💛💛💛💛💛💛💛💛💛
الشخص لف وخد الضربه كلها على إيده : لاء يا بابا ارجوك
فتحى بفرحه غامره رمى المقشه ونط فى حضن إبنه وحضنه قووووى ومحمد ضحك من قلبه وبادله الحض بشوق ولهفه محدش يشعر بيها إلا إلا داء مرار الفراق والبعاد لسنين   : ااااه يا محمد اااه أخيرا يابنى  أخير وبيضمه تاااانى وبيشم ريحته فضل يبوس فيه .. محمد وطى على إيده باسها وأتعدل وحشتنى قووووى يا بابا قوووى عصر أبوه فى حضنه ولما سمع صوت عياط أبوه عيط هو كمان ..باااس راسه بوسه طويله
فتحى : ومين سمعك يا بنى ياااااااه كان خلاص ها يفيض بيا  وأفقد الامل فى رجوعك .. وبيتلفت فين امك شافتك ..  اكيد فرحت
محمد ضحك بصوت مسموع وفتحى مد إيده مسح اثار الدموع من على خد إبنه وحبيبه : دى عملت فرح لوجودى ونزلت تجيب أكل وجايه عايزا تغذينى
فتحى بيحسس عليه : لها حق زمانك زهقت من الاكل الجاهز  تعالى تعالى وقعد ونسى نفسه فى وجود محمد  لحد ما مراته جت نزل جررررى لما افتكر المحل يدوب وصل المحل لقى سكره واقفه تعيط وواحده نازله فيها تهزيق واتصدم لما شاف وسمع صوت القلم إلا نزل على وشها
سكره واقفه حاطه إيديها على خدها ودموعها نازله فى صمت رهييييب فتحى قرب وبصوت مسموع وديقه :
إيه يا ست إنتى ماعندكيش رحمه ببنتك دى بنتك حرام عليكى إتقى الله  ها تلاحقها منين وإلا منين
أم سكره بصت لها بنظره كلها عتاب : حلو كدا يا ست هانم اه مانا الشريره أمك الوحشه الكوخه مش دا الا بيوصل للناس عنى وإلا بتقولى زى ما ابوكى بيقول عليا
سكره بخنقه وترجى : ماما أنا
أمها : أنتى إيه هاااا بتفضلى مرات أبوكى على أمك يا سكر  بعد تعبى وقهرى وإلا أستحملته من أبوكى عشانك بقت مرات أبوكى أهم منى أنا ..  وبتخبط على صدرها جامد
سكره مسكت دراعها : والله أبدا يا ماما أنتى عارفه أنا بحبك أنتى وماقدرش استغنى عنك ابدا  حتى بابا بحبه برغم كل إلا بيعمله معايا بس لو عملت إلا أنتى عايزاه بابا هايزعل ومش بعيد مايدخلنيش البيت أو يحبسنى فيه ما يخرجنيش  وأنا مش ها أستحمل حبسته
فتحى بعصبيه  : ياناس حرام عليكووو بتتجوزو وتطلقو وتدفعو عيالكو التمن هو الغيظ عامى قلوبكم للدرجه دى
أمها بهجوم كله حرقه على فتحى  : ليه مش من حقى  بنتى تقعد عندى زى أبوها هى كبرت خلاص والمفروض تترمى فى حضنى وتبقى تحت طوعى أنا مش طوع الهانم مراته  ..  وبعدين ماهو متأندل متجوز وإلا هو حلال عليه وحرام عليااا اتحرم من بنتى عشان أتجوزت  حرام أتقو ربنا وقولو كلمة حق
فتحى : هو خايف على بنتك مش أكتر .. مهما كان جوزك راجل غريب وبنتك فيها الطمع كبرت بقت عروسه والعيون اتفتحت عليها راعيها بإهتمامك  مش بخناقك كل ساعة والتانيه
أمها بصت لسكر بشرررر وبتوعد : كدا يا سكر ماشى تشكرى بس إبقى عرفى عمك فتحى إن جوزى بيعاملك زى بنته وأكتر وأحسن من معاملة أبوكى ليكى ميت مره .. وشدت شنطتها من على البترينه ومشيت
سكره بصوت مسموع عيطت بقهرررر لدرجه إن فتحى بدون ما يشعر وبإحساس أبوى خدها فى حضنه بيمسد عليهااااا : بس يابنتى أستهدى بالله
سكره بصوت رايح ودموع ملهاش اخر : تعبت ياعمو فتحى تعبت أرضى مين فيهم يارب وإلا أروح فين لو جبت لبابا سيرة ماما بيضربنى وهى كمان بتعمل زيه بقت عصبيه قوى معايا وحساسه  ودايما محملنى الذنب فى النص بينهم  .. أنا إلا عليا العبئ كله ليه كدا عملت فيهم إيه الاتنين عشان اتعذب وسطهم ياربى
فتحى : قلة عقل ربنا يهديهم المفروض يبقى علاقتهم كويسه مش حرب وانتى ضحيتها هانقول إيه ربنا يهديهم أقعدى يا سكر وسكر قعدت وبندق قعد جمبها حاسس بوجعها لازق فيها وبيتمسح فيها وسكره صوت شهقاتها مسموعه من وقت للتانى .. عياط متواصل مش عايز ينقطع أبدا  .. فضلت على حالها دا لحد ما سامح كلم فتحى وقاله يقفل ويروحو ..
فتحى : قومى روحى أهى جت من عند ربنا
سكره بخنقه نطرت إيديها : ها أروح بدرى كدا
فتحى ابتسم  : خلاص  تعالى معايا  أقعدى مع أم محمد وفكى معاها شويه
سكره بصوت مهذب : شكرا ياعمو أنا ها اتمشى أصل وعدت بندق افسحه قبل كدا وما اتفسحش
فتحى برجاء : أسمعى الكلام وتعالى
سكره : معلش مره تانيه .. أخ نسيت عملت إيه مع الحرامى
فتحى : ههههه حرامى .. الله يسامحك يا سكر سيبتى روكبى .. وعلى صوته سنه ..وكنت ها أضرب حته من قلبى  طلع إبنى نسيت انا كمان أقولك .. محمد رجع
سكره بفرحه لفرحته : حمدالله على سلامته ياعمو فرحتنى من قلبى والله ليك ولفرحتك بوجوده جمبك شفت مش هايهون عليه زعلك وجه جرى إحنا بنحبكم والله
فتحى بحب رفع إيده : ربنا يفرحك ويسعد أيامك ياسكره يا إلا بين كل الدهب منوره ..   قام وقف وخرج هو وهى وأحمد قفل وفضلو ماشين مع بعض شويه بيحكى لها على إلا حصل وهى بتضحك بصوت مش مسموع من قلبها بعد لحظات أسأذنت ومشيت خدت بندق وأشترت له سودانى وهى جابت فشار وراحت جنينه قعدت فيها ومقعده بندق بتناوله السودانى ياكل .. وفى لحظه بندق جرى منها ونط على الشجره طلعت تجرى وراه تبص عليه وتنادى ما بيظهرش بقت تلف عليه تدور فى الجنينه كلها ولا حس ولا خبر لدرجه ان فى ناس بقت تدور معاها لما شافو دموعها وحرقتها عليه .. مشيت لما يأست تلاقيه ووصلت عند بيت فتحى خبطت لدرجه إن إلا جوا اتخضو محمد راح يفتح وواقف قدامها مصدوم من منظرها  سألها وهو مستغرب: مين حضرتك
سكره بشهقه جااامده حطت إيديها على صدرها : عمو فتحى