سكره

سكره ٤٢

سكره ٤٢
*********
اللَّهُمَّ أستَجِب لَنا كَما استَجَبت لَهُم، بِرحمَتِكَ عَجِّل عَلَينا بِفَرَجٍ مِن عِندِكَ، بِجودِكَ وَكَرَمِكَ، وَارتِفاعِكَ في عُلُوِّ سَمائِكَ، يا أرحَمَ الراحمين ، إلَهي يا مَن لا يَشغَلُهُ شَيءٌ عَن شَيء، يا مَن أحاطَ عِلمُهُ بِما ذَرأ وَبَرأ، وَأنتَ عالِمٌ بِخَفِيّاتِ الأمورِ، وَمُحصِي وَساوِسَ الصُدُورِ، وأنتِ بِالمَنزِلِ الأعلى، وَعِلمُكَ مُحِيطٌ بِالمَنزِلِ الأَدنى، تَعالَيتَ عُلُواً كَبيراً، يا مُغيثُ أغِثني، وَفُكَّ أسري، وَاكشِف ضُرِّي، يا أرحَمَ الراحمين .
اللَّهُمَّ إِنِّي أَعُوذُ بِكَ مِنَ الهَدْمِ، وَأَعُوذُ بِكَ مِنَ التَرَدِّي، وَأَعُوذُ بِكَ مِنَ الغَرَقِ، وَالحَرْقِ، وَالهَرَمِ، وَأَعُوذُ بِكَ أَنْ يَتَخَبَّطَنِي الشَيْطَانُ عِنْدَ المَوْتِ، وَأَعُوذُ بِكَ أَنْ أَمُوتَ فِي سَبِيِلِكَ مُدْبِرَاً، وَأَعُوذُ بِكَ أَنْ أَمُوتَ لَدِيِغَاً. اللَّهُمَّ إِنِّي أَعُوذُ بِكَ مِنَ الهَمِّ، وَالحَزَنِ، وَالعَجْزِ، وَالكَسَلِ، وَالبُخْلِ، وَالجُبْنِ، وَضَلْعِ الدَّيْنِ، وَغَلَبَةِ الرِّجَالِ. اللَّهُمَّ إِنِّي أَعُوذُ بِكَ مِنَ جَهْدِ البَلاَءِ، وَدَرْكِ الشَقَاءِ، وَسُوءِ القَضَاءِ، وَشَمَاتَةَ الأَعْدَاءِ. اللَّهُمَّ إِنِّي أَعُوذُ بِكَ مِنَ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيِعِ سَخَطِكَ “، زاد الأتقياء
اللهم صل وسلم وبارك على سيدنا محمد وعلى آله وصحبه أجمعين
❤❤🧡🧡💛💛💚💚💚💚💙💙💜💜💜💙💙💙
زنوبه بعياااط : سكر أنتى هنا إلحقينى يا سكر إلحقينى
سكره بخضه الكل أتلم حواليها : فى إيه يازنوبه
مها زعقت وشدت بنتها  : تعالى راحه فين .. أمشى يا زنوبه من هنا بدال ما أبلغ عنك وإلا يحصل يحصل .. إيه يا ست أنتى ما بتزهقيش لازم تعكننى علينا
سكره : استنى يا ماما معلش .. مالك يا زنوبه فى إيه
زنوبه : يونس تعبااان  أتصلو عليا ومش لاقيه زيد ولا عارفه أعمل إيه بيقولو خلى حد يجى ياخده  روحت لأخواتى قالولى ملناش دعوه .. هاتسيبى أخوكى يا سكر دا بيحبك
سكره بصت لمحمد بقلق  : محمد عشان خاطرى نروح نجيبه .. قبل ما تعيط محمد طمنها ما تقلقيش ها أروحله أنا وحازم 
زنوبه رفعت صباع وبتدعى : إلهى يسترك ويجعلك فى كل خطوه سلامه
محمد : عارفه الكتيبه بتاعته فين
زنوبه بتأكيد : أيوا .. روحتله كتير فيها
أنس طلع : أستنى أنا جاى معاكووو
سكره مسكت إيد محمد : خدنى معاك يا محمد
محمد بصلها : تروحى فين أدخلى انا ها اجيبه واجى على طول ونزلووو
سكره قاعده قلقانه والكل بيحاول يفك الجووو بس بمجية زنوبه الدنيا أتوترت
مها : سكر خدى يا ماما أشربى العصير وهدى التوتر الا أنتى فيه
سكره شاورت بإيديها وبتبعده عنها : لا يا ماما مش عايزه
سوزان مرات عمرو : سكره فكيها خلاص كله راح يجيبه متقلقيش هايكون بخير ان شاء الله
سكره : إن شاء الله
عمر : بابا هى سكره لسا بتحب الناس دى وبتساعدها
أمجد : دا أخوها  ياعمر أخوها وبعدين الواد دا جدع بيحب أخته فعلا مش مجرد كلام
عمر هز راسه ؛ ربنا يهدى سرها .. بس جوزها شكله أنسان كويس
أمجد :  جدا وذوق وأدب وأخلاق  .. بقولكم إيه تعالو ننزل تحت شويه على ما يجو من برا ونسيب الستات براحتها وخد ولاده ونزل على تحت
مليكه نايمه على دراع كريمه اليوم كان عليها طويل
سكره : هاتيها يا طنط أنيمها جوا
كريمه ببتسامه بتمسد على شعرها : لا سبيها يا سكررر يا حبيبتى نامت من التعب بندق كمان نام زيها اهووو
سكره : هو  بينام  دا قرد و مجننا البيه بيقلد مليكه مش أكتر هى هاديه هو هادى مجننا بيجننا أكتر
كريمه : هههههه ربنا يهديهملك يابنتى وابتسمت .. ألف مبررروك ربنا يتملك على خير
سكره قعدت جمبها وأبتسمت : أنت صدقتيهم
كريمه : ما اصدقش ليه معاكى راجل اسم الله عليه قوام قوام هاتى العيال واملو عليكو البيت عزوه يوم ما تميلى تلاقى الا تسندى عليييه يابنتى .. ربنا يهدى سرك
سكره بحب : ربنا يخليكى يا طنط ويرزقك الصحه والعافيه
. مها قربت بالشاااى وناولت كريمه وقعدت معاهم : منورانا يا كريمه والله
كريمه : بوجودك يا حبيبتى بوجودك .. خلى بالك على سكره اول حمل عايز مراعيه وإهتمام لحد ما تتعود
مها ابتسمت وبصت لسكره : هاتكبرنى وتخلينى جده الهانم
كريمه : ياختى على قلبك زى العسل
مها رفعت إيد : بصراحه .. اااه .. نفسى فيها من زمان
سكره : مش زعلانه إن ها يتقالك يا تيتا لو طلعت حامل فعلاااا
مها بنفى : أبدا أبدا طب هاتى وإدينى انا اربيه وملكيش دعوه
سكره : انتى تاخدينا إحنا الاتنين
مها : ياااريت نفسى بس خلاص بقى مبقاش ليا فيكى
سكره : يا حبيبتى أزاى ملكيش دانا كلى تحت أمرك وبين أيدك ياماما
مها أبتسمت وقامت حضنتها وباستها ... مبروك يا قلب أمك هاتبقى ام زى العسل وتجننى ولادك زى جنانك بالظبط
سكره : هههههههه ان شاء الله
***
محمد وصل الكتيبه وخدو يونس وبمجرد ما زنوبه شافته بقت تتشحتف وتعيط طلعو بيه على المشفى حالته سيئه جدا سخن ديق فى النفس فاقد للوعى 
زنوبه واقفه برا وبعياااط : يارب نجيه يارب دا هو إلا حيلتى
محمد واقف هو وحازم مع الدكتور ومعاهم أنس بيفهمو الحاله بالظبط
حازم : أنت شاكك إن عنده مكروب والا إلتهاب رؤى
الدكتور : لحد دلوقت مش ظاهر بالظبط الحاله بس لازم يدخل العنايه حالا يا دكاتره أنتو شايفين حالته سيئه
محمد : شوف اللازم واعمله انا ها انزل ادفع تكاليف الحجز  وطالع لكم
أنس بص لمحمد : انا ها ادفعلو
محمد : معايا يا حبيبى ما تقلقش وبعدبن دا أخو مراتى واقل حاجه أعملها معاها .. سابهم ونازل
زنوبه مسكته : طمنى عليييه هو فيه إيه ماله رايح خالص
محمد : لسا مش عارفين ها يعملو له كام فحص وتحليل وإشاعه على صدره وهانعرف .. سبينى بس دلوقت لازم انزل
زنوبه بعياط مسكت إيده كانت هاتبوسها محمد شد إيده : ما تسبهوش الله يسترك أنا مش معايا فلوس وبكسوف .. أصل ما عملتش حسابى أعتبره اخوك لحد ما أبوه يظهر
محمد : ماتقلقيش يا ست زنوبه ها أفصل معاه لحد ما يفوق ويبقى كويس دا اخو سكره إلا ما بتقولش عليه غير الغالى
زنوبه عيطت اكتر : هى بتقول كدا فيها الخييير .. والله بيحبها هو كمان أنت مصدقنى
محمد بتأكيد : مصدقك .. بعد إذنك ونزل دفع التكاليف المطلوبه وفضل متابع الحاله هو وحازم وسكره اتصلت عليه خمسوميت مره وكل مره يطمنها تقفل  تتصل تانى
حازم خارج من العنايه وبيبص على محمد
محمد : طيب اقفلى دلوقت سلام يا سكر بقى .. أيوا جايلك
حازم قرب منه ويونس شافه قرب هو كمان سأل بقلق : مفيش اى أخبار
حازم : أمه فين
يونس : قالت هاتروح تجيب له هدوم على أساس انه هايخرج زى ما الدكتور قال لها والا بيريحها
حازم بتأكيد : ايوا فعلا بيريحها .. الواد جاله ألتهاب رؤوى حاااد وجلطه وحمى
أنس تنح : كل دا لاحول ولا قوة إلا بالله العلى العظيم
محمد : المهم الجلطه لحقوها والا لاء
حازم : الحمد لله لحقوها فعلااا  وبينزلو الحراره دلوقت فى كام دكتور شغالين على الحاله جوااا وانا كنت بساعدهم ربنا يعديها على خير شكله مر بظروف صاعبه ماثره عليه
محمد افتكر لما شافه مع سكر فى البيت وحالته وحشه  نفسيا ومعنويا  لابس هدوم خفيفه جداااا على الشتااا دا  بس ماعلقش او ماحبش يحرجه يمكن هو من الناس الا جسمها سخن ما بتتحملش هدوم كتير اسباب كتير توصل يونس للمرحله دى .. أتنهد وحس إن مشاكله بسيطه قوى قدام تعب الناس ومشاكلها لما واحد فى السن دا يحصلو كدا .. خرج كلمة الحمد لله بكل رضا من قلبه .. الوقت بيمررررر ومحمد وحازم فى المشفى وأنس أصر يفضل معاهم وسكر نامت مع مهاااا وباقى عيلة أمجد روحت
سكره فى أوضتها مع مليكه الا غرقانه وبندق جمبها  عيونها ما شافتش النوم وكل شويه تقوم تصلى وتدعى وتعيط  .. اتصلت بمحمد وبحمقه : أنت مخبى عليا إيه والله يونس فيه حاجه طب قولى أنتو فين
محمد أتنهد : يا سكره نامى أخوكى الحمد لله زى الفل وبكرا بالكتير وهايخرج
سكره بعياط : بتكدب عليااا عشان تطمنى
محمد : سكر ماتخلنيش اقلب عليكى وأسمعى الكلام نامى يا حبيبتى أخوكى الحمد لله بخير شاور لذنوبه وقفل الميك .. طمنيها
زنوبه : الووو
سكره : زنوبه يونس ماله ماتكدبيش عليا
زنوبه : يا حبيبى جاله لطشة برد سخنته بس الحمد لله الدكاتره مش سايبينه وجوزك وصاحبه وأنس الله يسترهم دنيا واخره واقفين على رجليهم ماقعدوش غير لما اطمنو عليه
سكره بعياط : طب أنتو فين
زنوبه : فى المشتشفى
محمد خد الفون : إطمنتى نامى بقى مليكه هاتقوم من الصبح تطلع عين الناس الا عندك
سكره : هو بابا ماجاش
محمد افتكره وأستغرب : لاء شكله فى زياره لحد
سكره : هى زنوبه ما قالتش هو فين ورجع والا لاء
محمد : ماحدش سألها .. أبوس دماغك الصاعبه روحى نااامى روحى ناااامى
سكره : خلاص ماشى مع السلامه
محمد : مش ها ارد عليكى لو اتصلتى وقفل 
حازم : مراتك دى أصيله وربنا دانا امى كلمتنى مره ومن ساعتها بتقول الصبح طلع تفتكر نورا هاتقلق عليا كدا
محمد : ولا بطل نبر انت فاكر قلقانه عليا قلقانه على اخوها
حازم  بتفكير : غدارين بردووو مفيش فيهم فايده طب تتطمن عليك دانت جوزها
محمد بتريقه : ماكانت اصيله من دقيقه والا وشك وشك  ضهرك ضهرك
حازم : ههههههه لازم نساير أمورنااا ونمشى مع إلا ماشى يعنى اكسبك وأكسبها
محمد : ياخى اكسب نفسك الأول
أنس واقف بعيد عنهم اول ما سمع سكره بتكلم محمد بعد فى جمب لوحده
حازم : تعالى نقعد مع انس والا شوف اوضه ننام فيها
محمد قرب من أنس : أنس  روح انت كفايه عليك نام وتعالى لما تقوم
أنس : هو ها يخرج أمتى
محمد : إحتمال كبير بكرا باليل ان شاء الله
أنس بتعب سلم عليه وعلى حازم ومشى بعد ما قال لزنوبه لو فى حاجه كلمينى
حازم : أنت هاتسيب الست دى قاعده فى الطرقه كدا
محمد : إيه رأيك تدخل هى الأوضه تنام وإحنا نسهر من داكاترة المستشفى  إلا عليهم النبطشيه
حازم : أخ منك أخ تموت فيهم إحنا بس نطلقك جوا أى مستشفى هاترمح رمح
محمد بصله وبرق : أعوذ بالله منك ومن عينك هو أنا موعود  بالتهم فى حياتى دا إبتلاء ..  أكيد إبتلاء وسابه ومشى
حازم بيشاور  : خد يا أخ أنت أنا ما أسمحلكش أنا اجتهاد مش إبتلاء راجل مجتهد بيساعد غيره وغيره ولا بيطمر فيه زيك كدا بالظبط
محمد : ست زنوبه تعالى نامى فى الأوضه أنا حجزت واحده
زنوبه رفعت إيديها : والله ما اقوم ولا ترتحالى جته غير وإبنى فى حضنى أنا هنا لحد ما يقوم يونس ويقولى أنا بخير يا أما
محمد : هاتتعبى من قعدتك
زنوبه : أتعب إشمعنا هو يا كبدى تعبااان ونايم مش حاسس بالدنيااا
محمد أتنهد وسابها لما اصرت وراح هو وحازم الأوضه ينامو مع بعض .. بص لحازم بنص عين : بقولك إيه أنت تنام هناااا وانا هناااا وهانحط مخده فى النص
حازم بعصبيه : ليييه مريم فارس نايمه جمبى مثلاااا.. ماتنام يا محمد وبطل مدايقه
محمد : وربنا ما انام غير والمخده فى النص أنت عباره عن دبشه نايمه فى ترعه بتترمى مطرح ما تترمى وتقل السنين على غيرك عايز أقوم فايق مش متكسر
حازم هز راسه ولسا بيقلع  الجاكت محمد شهق ومسك إيده .. بتعمل إيه
حازم بخضه قفل الجاكت بسرعه على صدره : إيه فى إيه يالهوووى حاجه حصلت
محمد ضحك من قلبه : أتخمد زى مانت يجيلك برد وأقعد بيكو أنتو الاتنين مفيش بطانيه وبينفض إيده مش ها أتغطى ببطانين المستشفى لو عملت إيه
حازم ضحك بمكر وراح فى جمب : جبتها جديده بكيسها وبالتكيت  عشان عارف مش هاتتغطى بالقديم حافظك يا صاحبى
محمد ضربه وزانقه فى الحيطه : وساكت ليييه أما إنك بارد
حازم زقه : أوعى ياخى دانت ماتتعاشرش أنت هاتطلع إلا بتعمله بنتك القرشانه فيك   علياااا
محمد شايل البطنيه وبيتغطى لوحده وبيدشها عليه وحازم واقف متنح لسا ها يرفع إيده لفووووق محمد بجمب عينه .  أتخمد
حازم قرب جمبه  نااام : حاضر وشد البطنيه كلها من على محمد  .. ضربه فى ضهره .. عدى ليلتك وشد البطنيه عليييه فضلو يناكفو فى بعض لحد مانامو الاتنين  الصبح أنس أول ما قااام نزل على طول راح المشفى اطمن إن يونس حالته مستقره وقاعد جمب حازم على سرير له حديده عاليه  من قدااام رافعين رجليهم على الحديده وبيرغو مع بعض ..
محمد : شباب عايزين فطار إيه
حازم : مين ها يجيب
محمد شاور على نفسه : أناااا
حازم : لاء خليك أنت قايم قبلى وماقعدتش وبتساعد فى حالات المستشفى كمان .. بص لأنس .. تيجى معايااا
أنس بدون تردد : ماشى  اتعدل وحازم شده بعد ما نزل وماشى معاه محمد لسا ها يمشى لمح حاجه صفرا على السرير مكان أنس رجع بيمد إيده يشيلها وأتمسر مكانه حاسسس إن جسمه كله اتشل .. سلسلة سكره بتعمل إيه معاه .. خد السلسه وقاعد باصص لها وبيقلبها فى إيده وسرحاان وبيفتكر كل ما يسئلها فين السلسه ترتبك وتزعق وتقوله ماعرفش فين .. غمض عيونه وحس إن صدره دااااق قوووى قام وحط السلسه فى جيبه وبعت رساله لحازم أنا ماشى ومشى فى ساعتها خاف الأمور تتطور بينه وبين أنس ويعملو مشكله كبيره حب يسمع منها الاول يمكن تصارحه وتريحه لايمكن كلام أبوها يبقى صح لايمكن يكون مخدوع فيها
حازم بعد ما جاب الفطار  داخل المشفى ناس من الإداره : فين الدكتور محمد
حازم باستغراب من الا عمله : مشى
الإدراه : مدير إدارة المستشفى كان عايز يتكلم معاه ضرورى
حازم بقلق : فى حاجه حصلت ليونس
الراجل : ابدا الحاله الا معاكو مستقره وبتتحسن كمان بس هو ها يرجع له الفلوس الا دفعها عشان ما سابش ولا حاله من إمبارح للنهارده وعايز يعرض عليه يتعين هنا
حازم هز راسه : تمام ها أبلغه كدا كدا ها يرجع على هنا تانى
أنس : كلمه طيب يمكن يرجع يكلمهم
حازم : لا أكيد فى حاجه إتسببت فى إنه يمشى  سيبه أحسن
الراجل : طب ممكن تيجى تستلم الفلوس عشان خلاص طلعت من الحسابات بوصل وتمضى على استلامها
حازم : مفيش مشكله وراح معاه ..
**
محمد وصل عند بيت مهاااا واتصل على سكره : خلصتى
سكره بتأكيد : أيوا
محمد : أنزلى ياله
سكره : حاضر مالك يامحمد  يونس جراله حاجه
محمد بعصبيه : يونس بخير ..  مش وقت أسأله أنزلى
سكره قفلت وبصت لمها بزعل
مها : تعبان يا سكر واقف على رجله من إمبارح هو ها يوديكى ليونس
سكره : ماعرفش ياماما قالى هاتى مليكه معاكى وانزلى
أمجد شايل الشنط وسكره شايله مليكه وبندق نزلت بعد ما سلمت على مها وخدها ومشى
محمد : إيه الشنط دى
سكره بتوتر : بتاعتى أصل سيبتها عند ماما كان فيها هدايا وكدا
محمد هز راسه ووشه مقلوب قلبه وحشششه وسألها تانى : فين سلستك
سكره بتوتر : يامحمد قلولتك ماعرفش مش فاكره هى فين
محمد طلعها ورامها عليها وسكره شهقت .. انت لقيتها فييين
محمد خد نفس وباصص للطريق : ها أسيبك أنتى تقوليلى لقتها فين 
سكره كل إلا جه فى دماغها زنوبه معقول ضميرها وجعها وإدتها لمحمد عملت نفسها أفتكرت وشهقت وهى بتقول  : أااااه افتكرت نسيتها فى بيت بابا  لما كنت هناك  أصلها وقعت منى وأكيد زنوبه لقتها وإدتهالك
محمد بينه وبين نفسه غمض عيونه لحظات وسكت وبيقول ليييه كل الكدب دا وليه هى مع أنس أخر حاجه اتوقعها إنك تكونى .. لالا مش ممكن .. سكت خالص وهى افتكرته صدقها .. خافت يكون عرف ان زنوبه وأبوها خدو حاجتها غصب عنها .. روحت البيت والوضع سئ مع محمد جدااا ما بيتكلمش معاها او بمعنى أصح متجنبها تماما .. وهى ها تتجنن من كل حاجه .. أخوها خرج لا راحت شافته ولا أطمنت عليه إلا بالتليفون وأبوها بقاله كام يوم ما يعرفوش عنه حاااجه وها تتجنن أكتر  من معاملة محمد نفسه
**
شيرى بصت للدكتور الا قاعد معاها : يعنى المنوم ها يريحه
الدكتور : لاء هو مجرد حاجه مؤقته بتريح زهنه الا شغال على طول .. أنتى ماعندكيش أى فكره إيه ممكن يكون مسبب له الصدمه النفسيه الشديده دى
شيرى بنفى : لاء للأسف هو من اللحظه الا وصل فيها هنا وهو مش طبيعى خالص
الدكتور بجديه : لازم دكتور نفسي يشوفه وضعه مقلق جدا
شيرى بحيره عاشر  دكتور يقول نفس الكلاااام بصتله : أنت عارف يعنى إيه عصمت الدمنهورى ..
الدكتور سكتها : صحة أبوكى اهم من أى شكليات وبعدين مفيش دكتور هايطلع يفضح المريض بتاعه ويقول مجنون مثلا ... كل مشكلته اتعرض لصدمه . ماتقلقيش
شيرى غمضت عيونها بتعب وهزت إيديها : خلاص شكرا .. قامت وقفت .. سامح .. يا سامح
سامح جه جرررى : نعم يا هانم
شيرى : وصل الدكتور وتعالى بسرعه عشان هانروح مشوار تانى
سامح : تحت أمرك
الدكتور بصلها بقرف ومشى من طريقتها المستفزه بيركب العربيه بتاعته
سامح شاور : ماهو معاه عربيه ها أوصله فين يخربيتك ست مهبوشه أنا عارف البلاوى الا بتتحدف علينا دى يارب  ورجع لها تانى .  تحت أمرك يا ست هانم
شيرى : ما وصلتش الدكتور ليه يا غبى أنت بتكسر كلامى
سامح : معاه عربيته يا فندم
شيرى : احسن بردووو .. ياله جهز العربيه ها ألبس وأنزلك  .. لحظات طويله مرت   كانت لبست أشيك ما عندها وريحة برفانها جايب لأخر الشااارع ومعاها شنط هدايا فى إيديها ونازله البنت أول ما شافتها جريت خدت منها الحاجه وطلعت وراها .  ركبت وناولت السواق الحاجه ودخلت
سامح : هانروح فين يا هانم
شيرى طلعت الفون وحطته قدام عيونه : العنوان دا عارفه
سامح بتأكيد : أيوا طبعااا واتوكل على الله وصل العنوان الا شيرى قالتله عليه  نزلت قدام البيت وبقت تبص عليييه من فوق لتحت بقرف .. بصت لسامح .  أنت متاكد يا زفت ان دا العنوان
سامح بتأكيد : أيوا يا هانم هوووو 
شيرى طلعت وسامح وراها بالشنط .. بصت له وهو فهم رن الجرس وسهير هى إلا فتحت .. بصت لها باستغراب :  أيوا
شيرى بتتكلم من طراطيف مناخيرها بيت الدكتور محمد
سهير بتأكيد : أيوا
شيرى : أنا شيرررى عصمت مراته
سهير تنحت ووسعت لها الطريق وسامح دخل حط الحاجه ونزل وهى دخلت بتحاول تدارى ملامح وشها المشمئز وقعدت حطت رجل على رجل وهى بتدرس المكان بعيونها .. سهير دخلت وراها وقفلت الباب وهى مش مصدقه معقول هى دى مراته الا كان مخبى جوازها  طب ليه هو حد يخبى جوازه من واحده زى دى .. عاملتها عكس سكر تماما .. ابتسمت .. تحبى تشربى إيه
شيرى : مين حضرتك
سهير : أنا والدة محمد
شيرى قااامت واتصنعت الحب : عامله إيه ياطنط كتير أقول لمحمد نفسى أعرف والدتك أكيد هاتبقى أحلى منك  وألطف
سهير ببتسامه ؛ حبيبتى تسلمى البيت نور بوجودك فيه ..  بصى إدينى لحظه وجيالك .  خدت الموبايل ودخلت الأوضه أتصلت على سما وسمر وبلغتهم وقالت لهم ينزلو  بسرعه عشان يشوفو اخوهم سايب مين وبيجرى ورا مين .. وهما ما كدبوش خبررر  لما عرفو لبسو  ونزلو راحو لسهيررر فى التو واللحظه
سهير بقى واقفه تعمل قهوه لشيرى زى ما طلبتها وحطت طبق حلويات فاخر قدامها ومكسرات .. قدمت والإبتسامه العريضه على وشهااا من هنا لهناااا عكس سكر تماما  : اتفضلى
شيرى ببتسامه : ميرسى .. مدت إيديها خدت فنجان القهوه خدت بوء ورفعت حواجبها .. ممتااازه احلى مليون مره من إلا بتعملها زاهده
سهير من غير ما تسئل مين زاهده وماتعرفش إنها بتقارنها بالخدامه : بالف هنا طول عمرى قهوتى ماتتقارنش بحد محمد ماكنش بيقولك
شيرى هزت راسها ونزلت الفنجان من على بوئها وهى بتستتطعم طعمه : لا قالى كتير وحكالى عنك طبعااا .  قالى مامى بتعشق الذوق الراقى والعالى ومش أى حاجه بتعجبها زى تمام يا طنط
سهير : فعلااا .. بس قوليلى أسمك إيه
شيرى : اسمى شيرى انا عارفه إن محمد مش عايز يجيب سيرتى بعد إلا عمله معايا انا جايه مخصوص عشان اشتكيلك وتوقفيه عند حده
سهير بتاكيد : طبعااا يابنتى انا عندى بنات زيك ولا يمكن اتحمل حد من اجوازهم يظلموهم او حد يجى عليهم .. بس انا كمان زعلانه
شيرى ميلت راسها واخنفت : ليه يا طنط
سهيررر : بقى دى عمله تعملوها تتجوزو وتخلفو وإحنا اخر من يعلم داحنا نفرح لإبننا
شيرى قااامت ومسكت إيديها وعيطت : شفتى قولتى إيه كتير كتير اقوله انت مخبى ليييه نفسى اشوف اهلك ويشفونى يقولى مش مهم المهم نكون مع بعض لما ننزل مصررر .. واهو لما نزل سابنى أنا وبيجرى ورا واحده جربوعه وقالى دى إختيار مامى أزاى تعملى فيا كدا
سهير شهقت وضربت على صدرها : أنا والله ما حصل دانا واخواته البنات الا رافضنا الجوازه وكنا مش طايقين سيرتها
شيرى رجعت مكانها : ازاى يكدب ويقول كدا عليكى وكمان علق مليكة قلبى وروحى وعقلى بيها وبيذلنى أنا مش قادره اتكلم ولا اجبر بنتى على حاجه عشان متعلقه بيها جدااا كان قايلى إنها خدامه وبيبى ستر للبنت .  حتى شوفى .. فتحت الفون وورتها الصور والفديو  . سمعتى بنفسك ... جابت باقى صوره معاها والفديوهات الا كانو بيوثقو بيها أحلى اللحظااات بينهم  .  كان سعيد معايا وبيعشقنى جراله إيه
سهير بغيظ : أكيد سحراله هى ومرات وأبوها وشهم بيقول كدا وافعالهم بتأكد
شيرى : صح أكيد سحاره
الجرس رن وسهير قامت فتحت دخلت سمر وسمااا بيبصو عليها وهمسو لسهير : هى عربيتها إلا تحت
سهير : هى معاها عربيه لوت شفتها .. شفتو واكسة اخوكو الكبيره بقى حد يسيب حتت القمر إلا جوا والهيبه والمركز ويجرى ورا واحده أسمها سكررر
سما وسمر دخلو سلمو عليها وفضلو يرغو ويسئلو كتير وشيرى تقريبا قلبت كل الحقايق العكس  وطلعت هى الضحيه بين سكر ومحمد واد إيه كانو فى سعاده لحد ما سكر دخلت حياتهم .  قامت وقفت ومسكت الهداياااا شالت شنطه : أتفضلى يا ماما دى هدية بسيطه ليكى
سهير ببتسامه : ليه تعبتى نفسك
شيرى : كان نفسى اجيبلك طقم افخم من كدا بس كنت مستعجله  ولعملك انا كلمت  سونى بنفسى وقولتله عايزا طقم الماظ لحماتى محدش لبسه قبلها
سهير شهقت وسما وسمر برقووو : هههه الماظ ليه التكلفه كفايه اننا اتعرفنا عليكى
شيرى بصت لسما وسمر : وانتو كمان وبتناولهم
سمر : ميرسى يا شيرى فعلا كل واحد بيجيب قيمته
شيرى برقه : ميرسى
سمااا : إحنا مش ها نمشى غير لما محمد يجى ونعقله أنتو ملكوش غير بعض طبعااا عشان خاطر مليكه
شيرى : ياررريت اصله وحشنى قوى هو وملوكه .. أنا لازم أمشى عشان بابى تعبان شويه
سهير : ألف سلامه عليييه
شيرى بعد ما وصلت للباب : اه كنت ها أنسى بصى الظرف دا إديه لمحمد ضرورى عشان فيه حقيقتها لازم يوصله ومنكم أنتم لو قولتله انا وإلا بعتله مش هايصدق اكيد انتو هاتقنعوه
سهير بقلق : فيه إيه
شيرى : في إنها كانت بتستغفل محمد حتى وهى فى دبى أنا ماقدرش أسيب بنتى مع واحده زى دى من غير ما اطمن عليها بس حقيقتها محمد مش عايز يشوفها ياريت يوصله الظرف .. رفعت صوابعها وببتسامه .. بااااى ..  وفتحت الباب ونزلت وهى حاسه بالإنتصار وازاى حياة محمد هاتتقلب فوقانى تحتانى  وإلا مفرحها أكتر إن امه واخواته عباره عن خاتم فى صباعها ما اتخيلتش إن المهمه هاتكون بالسهوله دى ..  محمد إداها المفتاح بتاعهم بصفو نيه لما كان بيحكى لها عن طبع مامته واد إيه اخواته يشبهوها كتير .. ياترى الظرف فيه إيه والأمور هاتوصل لفين بينهم  وياترى أبو سكر راح فين أسئله كتير محتاجه فانز يتوقع والا حاجه يمكن تتوقعو يامسهل
❤❤🧡🧡💛💚💚
بقلم : لبنى طااارق
💙💙💜❤🧡💛💛