سكره

سكره باقى ال١١

باقى حلقة ال١٢
*********
سبحان الله وبحمده وسبحان الله العظيم
ربى إنى مسنى الضر وأنت أرحم الراحمين
اللهم صل وسلم وبارك على سيدنا محمد وعلى آله وصحبه أجمعين
❤❤🧡🧡🧡💛💛💚💚💚💙💙💙💙💜💜
حاتم لسا قاعد بيتكلم مع محمد وطريقته فيها شده  : قولتلك ميت مره المظاهر مش كل حاجه وبعدين يامحمد شيرى عملتلك إيه عقدتك فى عيشتك ومش بس كدا راميه بنتها ورامياك أنت شخصياااا يبقى خلاص أنسى واطلع من العلاقه المؤذيه دى
محمد بزعل : هى فعلا مؤذيه وفعلا طلعت منها ولايمكن افكر فى الرجوع مهما حصل  كفايه لحد هنا
حاتم بإستغراب : يعنى ياخى بدال ماتفكر تصلح علاقتك بسلوى بتنيلها وعايز تنفصل دانت غريب بجد  لازم تهد المعبد من كل ناحيه
محمد : مخنوق من ساعة ما سمعتها وهى بتقول إنها بتكرهنى .. مش عايز أضغط عليها وعايزها تختار  أنا فعلا أسأت التعامل معاها يا حاتم بس هى مش قادره تفهمنى مها أقول مش ها تصدق وتتهمنى طول الوقت إنى ضحكت عليها
حاتم رفع كتفه بعصبيه : هاتفهمك أزاى يابنى ادم وأنت  كل ماتكلمها تحسسها إنها جايه من الطين والعار وإنك بتنضفها منه   .. وبعدين ماهو ياما ناس كانت عاديه وأقل من العاديه وبقو احسن من مليون شيرى دا إلا كان المفروض تحسه معاك شجعها .. فهمها بس أوعى تهين كرامتها .. المهم هى قالتلك إيه
محمد بشرود رد كأنه تايه : قالت مش وقته  بصله فجاه كانه فاق .. تفتكر  ممكن ترجع عن قرارها ويبقى فى فرصه
حاتم بصله بتمعن شديد : الحاجه الوحيده إلا بتوصل بسرعه للشخص إلا قدامك الحب لو حست وشافت حب حقيقى فى عيونك أكيد هاترجع  ومش هاتفتح موضوع الإنفصال  واحده غيرها لاكانت أهتمت ببنتك ولا حبيتها الحب دا .. أصلا بتتجوز الراجل وعارفه إن عنده عيال وأول حاجه بتعملها بترمى عياله فى الشارع هى دى جوازات اليومين دول يعنى الست إلا معاك دى نادرة الوجود صعب تتكرر فى حياتك
محمد أبتسم : فعلا عندها طاقة حب غريبه  بص لحاتم .. انت تعبتنى أكتر مانا تعبان ماتتخيلش أنا تعبان أد إيه وضغوط قوووى
حاتم  زق راسه : دوق شويه من إلا بتدوقه للغلابه .. هه اقوم أنا لا فيها أكل ولا راحه ديق عيونه .. ها اموت على محشى واللذى منه يا جبله  أكلنى وبعدين اتطلقو ها افطس منكو ياناس
محمد :  هههههههالمطاعم ماليه البلد
حاتم شاور بايده : أبدا مفيش زى نفس وطعم وريحة وطاتش الست المصريه .. غمض عيونه .. يا سلام على الملوخيه أيوا إلا بتزحلق دى .. وإلا الممبار ومحشى ورق العنب .. وااااه من البط والوز وجماله  .. إدينى بقى صنية الفراخ بالبطاطس  .. بص انا عايز اكل مليش دعوه أنا صبرت كتييير ورفع وشه لفوق .. يا أمه اااه وحشتينى ياست الكل ووحشنى روايحك الحلوه إلا خارجه من المطبخ .. يابختك متجوز وبتاكل
محمد :  أنت فاهم الجواز غلط دا أخرنا أندومى يابنى ماتعشمش  نفسك روح الله يهديك
حاتم تنح  : طب أحلف ..  انا ها أدخل المطبخ أتأكد بنفسى
محمد رفع إيده : يارب تقفشك ساعتها لا هاتبقى دكتور ولا نيله حرامى أكل
حاتم قعد جمبه :    هى ممكن تيجى دلوقت
محمد بتاكيد : أكيد جايه ياله أتكل عايز أنام تعبتنى
حاتم قااام : أحممم طب أستأذن أنا قبل ما اطرد ومشى على طول ومحمد بيضحك عليه
**
بعد ما ما دخلو البكونه وقعدو نورا بترفع إيديها وبتستنشق نفس وتطلعه بكلمة : الله  حاسه بإنتعاش الجو فى الوقت دا  .. إستمتعى يابنتى
سكره بصت حواليها وافتكرت النظره والفرحه والسعاده إلا كانت غامره قلبها لما وصلت البلد دى فاقت على وجع مابعده وجع برغم إنها عاشت تتخطى أواجاعها إلا مابتتنتهيش بس لأمتى  ..
نورا شاورت قدام عيونها : هااااى روحتى فين أكيد الطبيعه خطفتك منى
سكره بصت لها بنظرة متفاجئ أو نايم وصحى من نومه بخضه  غصب عنها استسلمت لحبسة دموعها وأخيرا أفرجت عنهم  : أنا إلا خاطفنى همومى يا نورا وبجد مش قادره أشيل لوحدى كفايه عليا كدا
نورا قربت منها وبصت فى عيونها : يا هبله همومك دايما أرميها على ربك وماتحمليش همها لو الهموم كبيره .. الله اكبر وأعظم..  هاتموتى مقهوره لو فضلتى تحوشى جواكى وما اتخلصتيش او عالجتى القصور إلا فى حياتك أول بأول
سكره حطت إيديها على راسها وبتهزها وعياطها زاد : مش عارفه أفكر ومش قادره محتاجه بجد افضفض يمكن الاقى حل عند حد وأرسى على بر
نورا : أنا قدامك .. قدرت أساعدك مش ها اتردد ماقدرتش  يبقى زحتى شويه من التقل إلا على صدرك
سكره اتعدلت وبدات تحكى لها من ايام إنفصال أمها لحد يومها دا  .. بعد  وقت نورا قاعده بتسمع فيه بإهتمام زى  أم فاتحه دراعتها لبنتها لجل ماترمى حمل جسمها وتقله جووواه وتضم تحسسها بالأمان  .. اخيرا خلصت لما عنيها ورمت من العياااط ..
نورا قربت منها وضمتها فعلااا تحسسها بشوية حنيه على  إنسانيه  ورحمه بضعفها كوكتيل تخفيف صعب حد يفهمه إلا فى قلبه رحمه وإحساس .. سكره لفت إيديها حوالين نورا وبعياط وضعف رهيب ورعشه بتهز جسمها من شدة عياطها : قوليلى اعمل إيه اكمل وإلا أمشى .. أسيب مليكه إلا أتعلقت بيها وهى اتعلقت بيا وأعمل زى إلا كانو فى حياتى وأتخلى عنها .. اسمع كلام أبو شيرى وأشترى نفسى وراحتى بالمال وأبعد عن الكل .. خلاص أنا حاسه إن قلبى مخنووووق قوى .. الكل ماسكه بين إيديه وبيعصرو بقوتهم لحد ماقربو يقتلو فيه الإحساس 
نورا بتمسد على راسها : يمكن حاسه بجزء من وجعك وهو البعد والتشتيت بس مش بقوة وظلم بعد أهلك عنك ومرات الاب ومعاملة الأب الجافه وبعدين تقعى فى واحد زى محمد يستغل دا كله
سكره اتعدلت وبتمسح مناخيرها ووشها بالمنديل : مش هو ابويا ومراته للأسف إلا أستغلو وباعو وقبضو التمن
نورا : بس هو شارك يا سلوى حتى لو مايقصدش كان اصر يعرفك وسابك تختارى
سكره عيطت قوووى لمجرد إنها افتكرت منظرها وهى مربوطه وبتضرب ومحرومه من الأكل : أنا مليش حق الإختيار للأسف .. الطفل إلا أبوه وأمه بينفصلو وكل واحد فيهم بيشوف حياته مسلوب الإراده الكل بيتحكم فيه وبيتخطف من حياته وراحته وشخصيته حته فى حته لحد مايبقى ولا حاجه .. صعب يبقى له قرار أو حياه مستقله او ناجح فى حياته دايما فى شرخ وكسر كبيررر  يا من الأم يا من الأب يا من الاتنين
نورا بتأكيد : أنا معاكى فى كل كلمه طبعااا وشوفت أطفال كتير كدا فعلااا ..بس عايزا اقولك مش كلهم يعنى انا مثلا ظروفى كانت انفصال أو شبه أنفصال للأم والاب بس دا مأثرش عليا واتربيت فى بيئه صحيه طلعت متعافيه منها نفسيا وجسديا وأكيد فى زيى كتير وزيك كتير يعنى صوابعك مش زى بعض أوعى تخلى الصوره سوده قدام عيونك دايما فى أمل
سكره مسحت دموعها وأبتسمت : أنتى شبه أنس
نورا ضحكت : إبن أمجد  لو كدا ماشى  مسكت روكبها .. أسمعينى كويس وتنفذى كل إلا ها أقوله ليكى دا الحل الوحيد او المؤقت إلا هايتبنى عليه حياتك وأستقرارها
سكره بإهتمام : قولى سمعاكى وها أعمل كل إلا هاتقوليه
نور بتركيز بصت لها قوووى وبدئت تتكلم
❤🧡🧡🧡🧡💛💛💛
بقلم : لبنى طارق
💛💚💚💚💙💙💙💜💜