سكره

سكره ٣٢

سكره ٣٢
*********
لا إلَه إلّا الله العَظيم الَحليم، لا إله إلا الله ربّ العَرْشِ العظِيم، لا اله إلاَّ الله ربِّ السَّماوات وربِّ الأَرض،
و ربِّ العَرشِ الكَريم، اللَّهمّ أرجو رحمتك فلا تكِلني إلى نفسي طرْفة عين، وأصلِح لي شأني كلّه،
لا إله إلاَّ أنت، اللَّهمَّ إنِّي أسألُكَ يـا مَن لا تَراهُ العُيـون، وَلا تُخَالِطهُ الظُنون، وَلا يَصِفُهُ الواصِفون،
وَلا تُغَيِّرُهُ الحَوادِثُ وَلا الدُّهور، يعلَمُ مَثاقِلَ الجِبالِ، وَمَكايِيِلَ البِحَارِ، وَعَدَدَ قَطرِ الأَمطَارِ، وَعَدَدَ وَرَقِ الأَشَجَارِ،
وعَدَدَ ما يُظلِمُ عَليهِ اللَّيلُ، ويُشرِقُ عَليهِ النَّهارُ، ولا تُوارَى مِنهُ سَماءٌ سَماءَ، وَلا أرضٌ أرضاً،
ولا جَبَلٌ إِلا يَعلَمُ مَا فِي قَعرِهِ وَسَهلِهِ، وَلا بَحرٌ إِلا يَعَلَمُ ما في قَعرِهِ وَساحِلِهِ.
يا فارج الهمّ ويا كاشف الغم فرج همي ويسر أمري، وارحم ضعفي وقلة حيلتي،
وارزقني من حيث لا أحتسب يا رب العالمين.
اللهم إن كان رزقي في السماء فأنزله، وإن كان رزقي في الأرض فأخرجه، وإن كان بعيداً فقربه،
وإن كان قريباً فيسّره، وإن كان كثيراً فبارك لي فيه يا أرحم الراحمين، اللهم صل على محمد وعلى آل محمد،
واكفني بحلالك عن حرامك، وبطاعتك عن معصيتك، وبفضلك عمن سواك يا إله العالمين.
اللهم إنا نسألك باسمك العظيم الأعظم، الذي إذا دعيت به أجبت، وإذا سُئِلت به أعطيت،
وبأسمائك الحسنى كلها، ما علمنا منها وما لم نعلم، أن تستجيب لنا دعواتنا، وتحقق رغباتنا،
وتقضي حوائجنا، وتفرج كروبنا، وتغفر ذنوبنا، وتستر عيوبنا، وتتوب علينا، وتعافينا، وتعفو عنا، وتصلح أهلينا،
وذريتنا، وترحمنا برحمتك الواسعة، رحمة تغنينا بها عن رحمة من سواك
❤❤🧡🧡🧡💛💛💚💙💙💙💜💜💜❤❤🧡🧡
حازم بص لمليكه ومبتسم : حمدالله على سلامتنا يا ملوكه ياقمر أخير وصلنااا للأم الكبيره والعظيمه
مليكه بتعب بس نوعا مااا فايقه عن الأول : روح أمك روح سكر
حازم هزها وبيضحك : روح أمى على روح أمك كلنا رايحين  هههه خلاثى دا أمى هاتفرح بيكى قوووى
مليكه : سكرا روح أمك
حازم ضحك : سكره روحنا كلنا طلعت روحنا من ساعة ما سابتك ومشيت .. استلم الشنط وحاجته كلها وأوتوكل على الله ركب تاكسى ووصل عند بيته .. بيملى صدره بريحة  المكان والذكريات الجميله  وبيبص حواليه  بفرحه كبيره  شباب شافوه وهو نازل من التاكسى قربو عليه جرررى سلمو بحراره
واحد منهم : بنتك قمر قوووى دى اجنبيه أيوا يادكتور الله يسهلو
حازم : لا يا حبيبى دى مش بنتى بس زى بنتى
التانى : أيه خاطفها يادكتور بتاجر فى الأطفال بدال الأعضاء
حازم قلب وشه : أهو انا هاجرت بسبب تناحتك انت مالك أنت أبو شكلك رجعتنى لاسوء ذكريات عشتها بسببك ياخى كنت فرحان جيت خطفت الفرحه منى وسع ياعم وسابه وطلع    وصاحب التاكسى طلع له الشنط وخد اجرته ونزل .. بيخبط على الباب ومليكه متابعه فاكره إنها خلاص هاتشوف حبيبتها ..
صفيه من جوا : حاضر جايه فى إيه هو انا واقفه ورا الباب يا إلا بتخبط ..
فتحت الباب وحازم بتهليل كبيررررر : أم زومه حبيبتى ااااه ياقلبى يانى
صفيه حطت إيديها على بوئها وعيونها دمعت من فرحتها : حازم إبنى يا ضنااايا حضنته وهى مش واخده بالها من مليكه .. مليكه زقت راسها وقالت بصوت طفولى بحت : سيبو لييييه رجلى اه يانانى
صفيه اتعدلت وبصت بإستغراب لمليكه وبعدين أبتسمت : الله أكبر اللهم صلى على النبى قمر قمر يازومه لحقت اتاريك عاملاها من ورايا وجايبها لفة هدايا لأمك والنبى قبل الهديه وبتشد مليكه تاخدها
حازم بيشدها تانى ياخدها : لا يا صفيه مش دى لفة الهدايا بتاعتك هديتك فى الشنطه فى الحفظ والصووون
صفيه شهقت : لهوووى هو لسا فى  فى الشنطه .. سبع طب طلعها يا ضنايا لتفطس منك ألا أنت مهربها
حازم تنح : هى مين
صفيه : الهديه يازومه بتقول واء
حازم بنفى : لاء بتقول ماااااء مش مبطله مئمئه طول الطريق دخلينى أبوس إيدك الحلوه المبطرخه من كتر الأكل دى .. دخل حط مليكه على الأنتريه وطلع جاب الشنط دخل لقى صفيه شايله مليكه وبتلاعبها وهى مبسوطه بيها قوووى
حازم ببتسامه : حلوه يا ماما
صفيه : الله أكبر حتت حلويات يابنى تتاكل أكل مش قولتلك يا حازم ابعد عن طريق الاجانب بيخلفو ويجرو أهى رامتلك حتت القشطه وهربت
حازم : ههههههههه لا ما تقلقيش على إبنك أنا ها اجيبها على ملى وشها إنهارده ويانا ياهى
مليكه بحيره : روح سكر فين
صفيه هزتها : عايزا سكر أبوكى بياكلك سكررر اخص عليه بقى عايز يسوس االلولى بتاعنا
حازم : أنتى مصره انها بنتى بردو
صفيه : إمال بنت مين
حازم : بنت محمد
صفيه شهقت : محمد فتحى
حازم بتأكيد : أيوا
صفيه بزعل : أخص ألا ماحد عزمنى حتى على قراية الفاتحه بلاش الفرح
حازم : هو ماعزمش حد ولا حد يعرف انه أتجوز وخلف أصلااا .. المهم الحقينى على ما أغير بالمحمر والمشمر يا جميله يا إللى هاتملى كرش إبنك من خيرات ربنااا
صفيه مسكته وهو لسا ها يقوووم : تعالى هنااا فهمنى إيه القصه
حازم بترجى : اكلينى وها افهمك كل حاجه  وأكلى المسكينه دى وغذيها اصلها خست النص
صفيه بصتلها بصعبانيه لما مليكه نامت على دراعها : يا كبدى يا بنتى شكلها تعبانه يا حازم
حازم بتأكيد : تعبانه جدا ياماما هلكت الأسبوع دا وشبعت حقن
صفيه ضمتها بحب وبصتلها ببتسامه : تيجى معايا نسخن الأكل وتاكلى مع حازم
مليكه طلعت بوذها : باااشى
صفيه بضحكه : الله أكبر يارب كبر الكتكوت يارب وقامت بيها بتسخن الأكل وبتلاعبها وهى معاها
*******
سكره راحت على مهاااا ولما مها شافتها قامت جرررى عليها
أمجد قاعد زعلااان مش عايز يكلمها واخد موقف من سلبيتها ودايما مضيعه حقهم
سكره قربت عليه : سامحنى ياعمو أنا أسفه ماكنتش عايزاه يأزى  حد فيكووو 
أمجد : وبعدين يا سكر .. بصى لأمك دماغها مفتوحه أد إيه لا كانت بتنيمنى من وجع راسها ولا من وجع قلبها عليكى الراجل دا أفترى عشان طول الوقت نقول معلش وسيبه وخافووو أخرتها جاى يضرب مراتى وبنتها جوا شقتى شايفنى مش راجل ومش قادر أحمى بيتى .. زعق فيها لأول مره .. ردى فاكره ان مش ها أقدر على أبوكى
سكره عيطت وخبت وشها : أنا أسفه ياعمووو
مها بزعل : ماتزعقش فيها كدا يا أمجد
أمجد : انا بزعق لها عشان هى بنتى إلا خايف عليها بعرفها إن ساعات كتير الخوف والجبن هزيمه وعاهه مستديمه يامها فى حياتها كلها
سكره سابتهم وجريت على جوااا وأفتكرت تهديد أبوها إلا أترعبت على مها و أمجد منه لو كان حصلهم حاجه هاتعيش بعقدة الذنب طول العمر كرهت رجوعها وكرهت كل حاجه ممكن تجمعها بيهم كلهم من كتر ماهى حاسه إنها منين ماتروح بتجيب الأذى للحواليها .. فتحت الشنط وفضلت تدور على الفلوس على أى حاجه مفيشششش .. وأفتكرت السلسه  وعيطت أكترررر
مها جت تدخل لها لقتها قافله الباب من جوا .. لحظات وسكره غرقت فى ذكرياتها وافتكرت مناسبة السلسه
فلاش باااك
***********
بعد رجوع سكره ومحمد من الخروجه إلا خرجتها معاااه بجنون حصلت حاجه الأتنين ماكنوش يتوقعوها  .. سكره جمب محمد على السرير مكسوفه ووشها ميت لووون وعيون محمد عليهااا عدل وشها له وخد نفس : ندمانه
سكره هزت راسها بإحراج وعيونها فى الأرض بعيد عنه
محمد رفع وشها تانى : بصيلى عايز أشوف عيونك بتقول إيه كنا متفقين إنك هاترجعى مصررر وتقررى بس مش عارف دا حصل أزاى وبالسرعه دى
سكره أبتسمت وزقت إيده : يواه بقى يا محمد ما تكسفنيش بقى
محمد خد نفس وطلعه بهدوء وهمس : سكره إلا حصل بينااا مش لعبه أنا ماعنديش أستعداد أسس بيت للمره التالته وأخسره .. أوعدينى نفضل واحد ونتحمل ظروفنا ونعديها أوعدينى لو فعلااا  عايزانى وهاتكملى معايااا
سكره بصوت مبحوح : أوعدك
محمد أبتسم : إيه
سكره : أوعدك أعمل إلا اقدر عليه عشان جوازنا ينجح
محمد ضمهاااا وهى بادلته مشاعره .. زالت كل الحواجز والفروق إلا بينهم خلاص وبقت مراته قولا وفعلاااا
مر يومين بعد ما جاب مليكه من عند شيرى .. وصل الشقه وهو بيدور عليها زى المجنون  : سكره .. سكره .. ملوكه
سكره خارجه من الحمام وعلى إيديها مليكه والاتنين لابسين برانس  ولفين شعرهم : نعم  إحنا هنااا
محمد قرب منها وشدها بالفوطه إلا على راسها له وهو بيضحك قرب باسهاااا وعيونه فى عيونها  وباس مليكه وهى بتضحك وتسقف  : بابى بوس تانى هنا 
محمد باسها من خدودها وطلع علبه من جيبه : تعالى أنتى وهى
سكره : رايح بينا على فين
محمد : أخر الشارع .. تعالى على  الكنبه هانروح فين يعنى .. طلع السلاسل وفردها قدام عيونها .. غمز غمزه لسكره  .. بمناسبة أجمل يوم قضناه مع بعض .. حبيت يكون له ذكرى حلوه تجمعنا كلناااا .. عمل سلسله لمليكه نفس بتاعت سكره بنفس الحروف وهو عاملها له فضه  .. إيه رأيك
سكره بفرحه : جميله قوووى يا محمد تسلم إيدك
محمد شاور على الحروف دى حروفنا وكل مانزيد فرد نزود حرف كلنااا .. السلسه دى يا سكره أسمها سلسة العيله وأنتو عيلتى وحياتى ولسااا إن شاء الله ربنا يرزقنا بزقرد وزقرده كمان
مليكه : زرقود كمان  حالاتى سكرا العب معاك كمان
سكره ضحكت بفرحه مش عارفه تعبر عن إلا محمد بيقوله ما اتخيلتش إنه هايفرح كدا أو قربهم من بعض هايعمل حاله حلوه بينهم
محمد : إيه مش حابها
سكره هزت راسها بنفى .. حبتها وبحبك أنت كمان أكتر قربت وضمته قوووى وباسته بحب من خدوده  وطت براسها لبسها السلسه ولبس مليكه وهى خدت السلسه بتاعته مسكت مليكه طرف وهى طرف ولبسوهالو : تسلم إيدك يا حبييى
محمد : مبسوطه
سكره هزت راسها بتأكيد : الحمد لله
محمد : حافظى عليها وحطيها فى قلبك من جوااا أنتى مش متخيله أنا حبيتهم أد إيه الوقت الوحيد الا ها أقلعها فيه وقت شغلى
سكره بتأكيد : حاضر
بااااك
*****
رمت نفسها على المخده وعيطت أكتر وأكترررر حتى الهديه إلا جت منه وهو مقتنع بجوازه منها وحاببها سرقوها طول السنين إلا فاتت بيستكترو عليها اللقمه والراحه يوم ما ترتاح هما بردو إلا هايسرقو راحتها افتكرت محمد وقامت خدت الفون من غير ما تتكلم مع حد وخدت  معاها شنطة إيديها وحمدت ربنا إن نظرهم ماجاش عليها الفلوس ودهبها إلا كانت قالعه كله فيها ..  فتحت الفون وبعتت رساله لمحمد تطمنه إنها رجعت بيكلمها فديووو رفضت المكالمه خافت يشوف وشها وأثار الضرب إلا عليه
بعت لها ريكورد وأتكلم بعصبيه ردى علياااا ماتعصبنيش وأتصل تانى
لبست الطرحه ودارت مكان ضرب أبوها وفتحت بتحاول تتكلم بس بصاله وساكته
محمد : شيلى الطرحه
سكره أبتسمت بوجع : ليه الرخامه طيب مدفيانى
محمد بصرامه : شيلى الطرحه يا سكر وقربى على الكاميرا
سكره شالتها ووطت بتهزر : حلو كدا أدينى بردت غاوى تبردنى  ولسا هاتحطها
محمد : أستنى .. يعنى مضروبه وبتكدبى عليااا
سكره عيطت : خلاص يا محمد أرجوك
محمد بعصبيه : أنتى إيه حافظى على نفسك أزاى ما تتصليش عليا عشان أتصرف أو أبعت بابا ياخدك من هناك هو ليه بيعمل معاكى كدا
سكره هزت راسها بنفى : مش عارفه ليه بيعمل معايا كدا .. أتكلمت أو نفسها تتكلم وتبوح برغم إن دى خطوه غلط مع أى زوج ولها عواقب بعد كدا ممكن تندم عليها بسبب تعنف بعض الأزواج أو حتى معايرتها بأهلها  .. بحسه بيكرهنى ومش عايزنى فى الدنيا كلها .. كل ما يشوفنى بشوف غل فى عيونه غرررريب كنت كل ما أشوفك وأنت بتعامل مليكه قلبى بيوجعنى وبقول ليه هو مش زيك .. ليييه الأب ما يحبش ولاده ويضمهم تحت دراعه عشان يكون فعلا حمايه وسند .. شاورت عليه .. أنت  راجل وبينك وبين مراتك مشاكل كتير  بتعانى طول الوقت بسببها بس دا مأثرش على علاقتك ببنتك ماحستش إنها عقبه فى حياتك ليييه أنا عقبه فى حياتهم كلهم .. قالت بصوت مكتوووم ووشها أحمرر .. أنا بكره نفسى يا محمد بكره وجودى فى الدنيا كلها
محمد أتخنق وشاف فى عيونها  إحباط وإكتئاب : سكره الدنيا كلها متاعب لو أستسلمتى يبقى خلاص هاتقعى بدرى قووى ما بين إلا حواليكى لازم يبقى نفسك طويل وتعافرى وتتمسكى براحتك وبحياتك إلا ربنا وهبها ليكى
سكره بعياااط أكتر قربت على الكاميرا وكأنها عايزا تحضنه  : تعبت يامحمد تعبت قوووى ياريتك جمبى دلوقت ياريتنى أقدر أهرب وأجيلك وأسيب دا كله وراياااا .. سامحنى  .. عيطت قوووى .. ماتزعلش منى مش قصدى
محمد دموعه نزلت : من إيه يا حبيبتى أنا مش قادر أزعل منك ..  أنا زعلان عليكى وعلى وضعك وتكتفتى انا متربط بكذا حبل  ودا إلا باعدنى عنك كان نفسى أبقى جمبك
سكره كل ماتمسح دموعها تنزل تانى .  أزاى هاتقوله إن السلسه إلا جابها بكل حب وأتراجاها تحافظ عليها هى أول حاجه ضاعت منها وراحت .. أول حاجه سرقوها زى ما سرقو فرحتها
محمد بهمس : سكره كفاااايه حب يخرجها من حالتها .. فين سى بندق
سكره أفتكرته أتعدلت بهلع معقول هرب من تانى سابت الفون وطلعت جررى  بصت لأمها وكأنها بتتشبث بأمل : ماما بندق .. خاف ونزل صح
مها قامت ومسحت دموعها سامعه كل كلمه بنتها بتقولها لجوزها ومش قادره تعمل حاجه لها هى السبب فى دا كله .. بسبب إختيارها الغلط وبسبب طلاقها والقضيه الا رفعتها على زيد وبسبب المشاكل إلا بينهم سنين وصور الإنتقام إلا أقحمو سكره فيها ..  اتنحنحت : لا يا حبيبتى موجود أستنى .. دخلت أوضتها وشالت بندق وخرجت لسكره
سكره أبتسمت وشالته حضنته ودخلت لمحمد عدلت الفون وهى مبتسمه : الحمد لله بقى عليا وماهربش منى
محمد أبتسم : هايهرب من أحلى حاجه فى حياته
سكره بصتله بحب وبصت لبندق : قوله انا زى ماعملتلى 
بندق شاور على نفسه : أنااا
محمد ضحك بصوت عالى جدا وسكره ضحكت على ضحكته : تانى خليه يعملها تانى
سكره بصت لبندق : تانى وريه إن إحنا أد إيه شاطرين وأذكيااا قوله تانى يا محمد
بندق اتعدل وشاور بايده الاتنين على نفسه ومحمد كمل ضحك .. سقف  : لا حلوووه جدا علميه يتكلم زى مليكه بالظبط وأهم حاجه لما يكون تعبانى يقولى اه يانانى
سكره : هههههههه حبيبتى يا ملوكه .. هى فين دلوقت
محمد : الهاند فرررى
سكره افتكرت وركبتها بسرعه ومحمد أتكلم .. مع حازم عند مامته بيقولى جننتنا مش هاتعرفى تروحى لها دلوقت
سكره بفرحه : أيوا أروح بس لو شبطت فيا أعمل إيه
محمد بحيره : مش عارف
سكره وطت صوتها : عشان كدا قولتلك هاتهالى عند بابا
محمد : أنا أوديها عند واحد زى أبوكى أنتى أزاى بتفكرى يا سلوى مش فاهم
سكره اتنهدت : على فكره هو لايمكن يعمل حاجه قدام بنتك وزنوبه كمان يعنى ماتخافش عليها 
محمد شاور بايده : أنسى الموضوع دا  وما تتكلميش فيه تانى المبدء عندى مرفوض من غير زعل
سكره أتنهدت : إلا تشوفه براحتك .. عمتااا انا ها أتحجج لماما بأى حجه وأنزل أروح لها
محمد هز راسه : ماشى يا حبيبتى خلى بالك من نفسك وكلمينى طمنينى إنك بقيتى كويسه
سكره : حاضر .. لاء مع ألف سلامه .. قفلت معاه وطلعت مذكره  بتاعتها قديمه .. نامت على السرير وفضلت تقلب فيها كانت دايما تكتب فيها كلمات تشحن فيها العزيمه والقوه كل ما تحس بإحباااط .. ممكن تكون سمعتهم فى مكان أو حتى فكرت فيهم .. وهى بتقلب وقفت عند صفحه مكتوووب فيها
ارجوكى أسمعى لذاتك إشبعيها دايمااا بما ينقصها تكلمى معاها فهى تحتاج لعزيمه وشحن ولا تنسى أن كلما شحنتيها بالسلبيه وبكلمات قاسيه مثل أنا لا أقدر .. أنا لا استطيع .. أنا لا أتحمل وهكذا فهذا هو الإستسلام وهلاك للنفس لا محال .. دائما تحدثى مع ذاتك بكلمات ترفعها وتجعلها سعيده مستعده للتحدى .. مثل أنا سوف اتخطى ذلك .. أنا قادره على فعل الأشياء .. أنا لا أتأثر بسلبية من حولى سأكون .. سوف أنجح وأستمر فى نجاحى إن شاء الله .. هذه هى الطاقه التى تحتاجها ذاتك دائما منك او منكى الحياه مليئه بالصعاب وعليكى ان تتخطى كل هذااااا
غمضت عيونها ورددت الكلمات وهى بتاخد نفس عميق وتخرجه .. الحياه مليئه بالصعاب وعليكى أن تتخطى كل هذا .. الحياه مليئه بالصعاب وعليكى أن تتخطى كل هذا .. الحياه مليئه بالصعاب وعليكى أن تتخطى كل هذا .. خدت نفس عميق وفتحت عيونها حست إنها أتشحنت  بطاقه إبجابيه ..  فعلا لازم مداعبة الذات والنفس بكلمات تريح ما بيها من وجع وثقل أبتسمت لبندق وكلمته .. حبيبى مستعد تشوف ملوكه القمرررر هاتشوف شقاوتك فى صورة إنسان وطيبة قلب فى قلب طفله وبرائتك فى ملامح تكاد تكون ملائكيه  .  وبحماس مستعد .. مدت إيديها .. تعالى .. قرب  منها ومسكته .. أسمعنى أنا لو حد زعلها بزعل وبعيط إهئ إهئ وبتمثل .. فتحت الفون وجابت صوارها معاها .  هى دى حبيبتى وتؤامى يابندق زيك تمام  .. إحفظ شكلها عشان تصاحبها بسرعه هى ممكن تخاف منك بس بعد كدا هاتحبك زيى وأكتر وبتقلب فى الصور .. بندق شايفها وشايف روح حلوه حب حقيقى زى حبه لها.. قرب منها وبيتمسح فيها .. رفعت الفون .  تعالى نتصور أنا وأنت دا تليفونى .  محمد جبهولى .. أبتسمت .  هو جابلى كل إلا كنت بحلم بيه ونفسى فيه مش حارمنى أنا ومليكه  .. ياله ياله وأتصورت معاه أكتر من صوووره بأكتر من وضع مره ببوذ البطه ومره مميله وشها ومره بتبوسه ومره بتحضنه وهكذا
***
شيرررى قاعده فى الشركه بتباشر شغلها عصمت دخل عليها المكتب وقعد حط رجل على رجل  : شايفك مشغوله وبتتهربى منى على طول
شيرى سابت الا فى إيديها : مش دا إلا أنت عايزه  أبقى مشغوله وأشوف شريكاتك وأحافظ على فلوسك .. شاورت .. أهو أنشغل إيه أكتر من كدا
عصمت خد نفس : ما أنكرش إنى كنت أتمنى أخلف ولد يشيل الحمل دا عنى وعنك وخلاص ربنا رزقنى بيكى ومليش غيرك حملتك حمل كبير ولقيتك أده وانا معاكى مش سايبك بس مش عايزك تحسى بالظلم يا حبيبتى وتحسى إنى بخطف منك حياتك
شيرى أبتسمت بسخريه : حياتى أنت بتسمى إلا أنا عايشه حياااه بتدفنى كل يوم وبتقلل منى قدام ناس ولا تسوى وبتسمى إلا بتقوله حياااه
عصمت : أنتى عارفه إن شيرى فوق الكل بس بعدك عن محمد ومراته دا فى صالحك بعدك عن بنتك دا فى صالحك أنا مش عايز حد يشوه صورتك وتعيشى بين كلام فارغ ممكن يوقعك  أبوكى عاش ظروف كتير صاعبه مش عايزك تعشيها أو تمرى حتى بجزء منها عايز شيرررى هانم تفضل طول عمرها شيرى عمود صلب صعب كسره كتر الدق على العمود مهما كان صلب بيشوهه يا شيرى
شيرى : هئ .. الكلام دا تقوله لعيله صغيره حد دايقها بكلمتين .. إلا بتسميها مراته دى واخده جوووزى الا كان خاتم فى صباعى وبنتى إلا كانت تتمنى تقعد معايا لما بتشوفنى دلوقت بتهرب 
عصمت اتعصب : مش بنتك دى الا بتكرهيها
شيرى بغل قامت : اه بكرها وعمرى ما حبتها من ساعة ما ظهرت فى حياتى خطفت محمد وإهتمامه وحبه الكبير ليااا .. الحب إلا ما شفتوش مره معاك
عصمت بصلها ومتنح : أنا يا شيرررى ما شوفتيش منى حب
شيرى قامت وماشيه حواليه بتوتر : شيرى الشريكات .. شيرى الفلوس .. شيرررى أنتى بنت عصمت .. شيرى شيرى شيرى .. صرخت .. لما شيرى زهقت من الفلوس والأضواء والحياه كلها 
فين إهتمامك بيا زى زمااان .. فين حبك ووقتك .. بتشاور بصباعها من مكان لمكان .. مسفرنى من هنا لهنا لهنا مابقاتش شايفه نفسى  ولا حاسه بمتعه .. قعدت قدامه وحطت رجل على رجل .. عارف يا بابى متعتى إيه دلوقت أعيشكم كلكم على جمرة ناااار محدش فيكم ها يرتاااح
عصمت قام ومسكها  : فوقى لنفسك أنتى على خطى الجنون .. بيشدها .. تعالى معايا أنتى لازم تروحى لدكتور نفسى  مش ها أسيبك تضيعى منى
شيرى نطرت إيده : إبعد عنى أنا مش مجنونه ولا ها أروح لدكاترة مجانين أنا عاقله قوووى .. أبتسمت .. كل الحكايه انى ها أخد حقى .. قربت منه وهمست  .  حقى وبس 
عصمت حس إن بنته فى خطررر اه كان دايما يشجعها ويقويها على إلا حواليها عشان محدش يستقوى عليها زى ما كان بيتعمل فيه زمان بس ما أتخيلش إن الموضوع يتقلب معاها لمرض نفسى وهوس وكمان تفكيرها تأزيه وتأزى بنته وطليقها .. معقول كتر الدلع والأنااا والإحساس بالذات العالى إلا فوق الكل يعمل كدا .. قرب منها حاول يحضنها بعدته عنها .. ماتحاولش معايااا يا تبقى معايا يا تبقى ضدى  وبصرامه .. القرار ليك
عصمت هز إيده : ماشى أنا معاكى وكل إلا أنتى عايزاه ها أعمله بس إهدى
شيرى : بتاخدنى على قد عقلى
عصمت بنفى : أبدا أبدا .. سبينى أنا أئدب محمد وهاتشوفى ها أعملك فيه إيه
شيرى أبتسمت بسخريه : هاتعمل إيه يا بابى هاتحرمه من شغله والا هاتطرده برا دبى
عصمت زعق : إمال أنتى عايزا إيه
شيرى قربت وأبتسمت وقالت بصوت هادى : اعذبه .. أوريه النجوم فى عز الضهر .. أخليه يندم إنه خسرنى من حياااته ويحس بالندم كل دقيقه    هاتعرف
عصمت سكت مابقاش قادر يفهم بنته بتفكر فى إيه بالظبط  
**
سكره أصرت على مها تنزل تتمشى لوحدها مع بندق وطمنتها ماتخافش عليها أبوها مش هايتعرض لها من تااانى .. محمد بعت لها عنوان حازم وركبت أتوبيس من على الشارع العمومى  لحظات بسيطه وركبت جمبها واحده باين عليها الإهتمام بنفسها والأناقه .. سكره ركنت راسها على الشباك وعلى رجليها بندق بتلاعبه والست إلا جمبها من وقت للتانى تبص عليها بإستغراب  .. مسكت الفون وجابت صور محمد وبتلقب فيها ومبتسمه ..
الست بفضول قربت راسها منها ونطرت راسها ناحية الصور : تعرفيه
سكره بصلتها بإستغراب ومع ذلك ردت بذوق : أيوا .. إشمعنا حضرتك بتسئلى
الست أبتسمت : مش دا  الدكتور محمد فتحى
سكره بتأكيد : أيوا هو .. أتعدلت وسألت بإهتمام .. حضرتك بقى إلا عارفااه
الست بتأكيد : أيوا كنت شفت له لقاء تلفزيونى وعجبنى طريقته وكلامه عن بعض أمراض العظام والعمليات الجراحيه فيها
سكره بعدم تذكر ماتفتكرش انها شافت محمد طلع فى أى برامج قبل كدا .ردت عليها .. . بس هو ما بيطلعش فى  برامج
الست : دلوقتى اه بس كان من سنتين بيطلع وناس كتير كانت بتستنى تسمعه وتشوفه  .. مدت إيديها .. أنا الدكتور ساميه النجار 
سكره مدت إيديها : أهلا بحضرتك ..  دكتوره فى إيه
ساميه : دكتورة أمراض مناعه ذاتيه
سكره بإستفهام : يعنى إيه مش فاهمه
ساميه : يعنى خلل الجهاز المناعي و عدم القدرة على انتاج الاجسام المضادة لمحاربة البكتيريا و الفيروسات و الخلايا السرطانية و غيرها من سموم البيئة التي يمكن أن تؤدي للإصابة بالأمراض .. مثلا الناس الا بتعانى من السكر أو الروماتيزم أو الروماتويد أو الذئبه الحمرا .. أمراض كتير جدا أكتر من ٨٠ مرض بتسببهم المناعه الذاتيه
سكره : اااه ربنا يشفى كل مررريض يارب .. بس إيه السبب يعنى ليه الناس بتيجى لها الأمراض دى
ساميه بجديه : أقدر أقولك فى المقام الأول هو الأسترس أو الزعل بيعمل كوارث فى الجسم
سكره بإهتمام : يعنى الواحد بينفس عن نفسه ازاى ها يجيلو مرض مناعى
ساميه : الضغط والحزن هما أساس أمراض الجسم كله بدليل من القرأن الكريم
سكره أبتسمت : إيه هووو
ساميه : سيدنا يعقوب لما حزن على يوسف أبيضت عيناه من الحزن ماقالش من العياااط .. لاء الحزن تسبب له فى عمى أخد منه نور العين .  الجسم بردو مش ها يصمد كتيررر قدام الحزن المستمر والزعل والضغط
سكره أبتسمت إبتسامه بإستغراب : يعنى الواحد هايعمل إيه  كلنا بنعانى وبنتعرض لحزن وضغط
ساميه بجديه : تمام أنا معاكى بس زى ما ربنا خلقنااا محيط بينا الحزن والضغط خلق لنا بردو مفتاح نفتح بيه باب ونفس عن جسمنا وعن حياتنا عشان التوتر يقل والضغط يهدى والحزن يتلاشى
سكره أبتسمت :  أعمل إيه لما أدايق
ساميه : أولا غيرى المكان إلا أنتى فيه بتروحى جيم ممتاز روحى خرجى طاقتك وغيرى مودك .  مش قادره أنزلى أتمشى فى جو هادى وصافى ووقت يكون التلوث فيه أقل عشان تملى جسمك  بأكسجين نقى .. مارسى أى حاجه بتحبيها وبتغير مودك أو حتى أسمعى حاجه تريح اعصابك  ..
سكره : طيب تنصحينى بإيه لو قولتلك دا هايبقى روتين حيااتى عشان أحافظ على صحتى أو أهدى المرض دا فى جسمى عشان ماما عندها روماتيزم وكتير بتبقى تعبانه ومجهده
ساميه بتعد على صوابعها  : بصى يا ستى دا لازم يبقى أسلوب حياتنا إلا للأسف اغلبنا صعب يمشى عليه برغم سهولته ألا وهو
التخلص من السموم المتراكمة في مختلف أجهزة الجسم خاصة الكبد و الكلى و الجهاز العصبي المركزي، منعاً لإنتاج الجذور الحرة التي تعيق عمل الانزيمات و تؤدي للإصابة بالأمراض
-    البعد عن السموم البيئية الضارة و الكافيين و التدخين
-    الاسترخاء الفكري من خلال تمارين التنفس و التأمل و اليوغا، و البعد عن التوتر
-    التعرض لأشعة الشمس بما يضمن حصول الجسم على كمية كافية من فيتامين "دال" المفيدة في منع و علاج امراض المناعة الذاتية
-    الحفاظ على الوزن السليم و ممارسة الرياضة و الشعور الإيجابي.
لو حافظتى على دول حتى لو عندك إيه هاتحسى إن جسمك بيتعافى وبتفوقى مش عارفه لازم تتابع دكتور عشان يوقف نشاط المرض .. سألت بإهتمام .. بس انتى تعرفى الدكتور محمد منين
سكره أبتسمت : جوزى
ساميه رفعت حواجبها : معقول بجد فرصه حلوه قوووى يعنى هو موجود فى مصر دلوقت
سكره بنفى : لاء للاسف
ساميه : بس ازاى مرات الدكتور محمد وماتعرفيش حاجه عن الامراض الذاتيه
سكره أبتسمت برغم إحراجها : يعنى أنا ما بهتمش بالأمور دى أصل مليكه كانت واخده كل وقتى
ساميه أبتسمت : ماشاء الله عندك بنت منه
سكره جابت الصور وبتوريها صورها هى ومحمد ومليكه وبتأكد : بنوته قمر الحمد لله
ساميه : ماشاء الله البنت جميله جداااا .. فيها شبه من بابها كبير جدا
سكره أبتسمت : أيوا الاتنين أحلى من بعض ربنا يباركلى فيهم
ساميه مسكت إيديها : شكلك بتحبيه قوووى هو بصراحه يتحب
سكره ردت بتحفظ : جوزى ولازم أحبه .. بصت على برا .. وسألت على المكان .. وعرفت ان لسا شويه
ساميه : بس مش غريبه انك تمشى بسنجاب
سكره ضحكت : أنا كلى على بعضى غريبه
ساميه بإحراج : ماقصدش
سكره : عادى
ساميه : شكلك زعلتى
سكره ضمت بندق : لا أبدا انا متعوده على الأسئله دى  بعد أذنك أظن هى دى المحطه الا ها أنزل فيها قامت من جمبها و نزلت  بتتريق فى سرها .. مالها دى شويه شويه هاتقولى هاتى رقمه  أتصلت بحازم ونزل قابلها وطلع بيها وهو بيحكى لها على كل حاجه عملتها مليكه عشانها وطول الوقت خايف من السنجاب ويقولها سيبتى كل البقر إلا فى الدنيااا  واخترتى خروف جايه بيه
سكره : هههههههههه أصل مش ها أقدر أشيل بقره إنما الخروف مقبول بيقول ماء
حازم : ههههههه أطلعلى خليه  يمئمئ لأمى شويه هاتحبك قوى وهاتربيه
سكره : مااااشى وبحماس أنتو فى أنهى دور
حازم : أنتى لسا طلعتى سلمه واحده ..  أول دور بعد الأرضى تعالى بيفتح الباب  وأقولكم باااااااااى ياقمرات 
❤❤🧡🧡💛💛💚💚💙
بقلم : لبنى طارق
💙💜💜❤❤🧡🧡💛💚💙💜💜