سكره

سكره ٩

سكره ٩
********
يا رب افتح لي بخير، واختم لي بخير، واجعل لي من لدنك سلطانًا نصيرًا.
لا إله إلا الله، الحليم الكريم، سبحان الله رب العرش العظيم، الحمد لله رب العالمين، أسألك موجبات رحمتك، وعزائم مغفرتك والغنيمة من كل بر والسلامة من كل اثم، اللهم لا تدع لي ذنبا إلا غفرته، ولا هما إلا فرجته ولا حاجة هي لك رضا إلا قضيتها يا أرحم الراحمين.
اللهم إنى أتوجه إليك بعبدك ونبيك ورسولك سيدنا محمد صلى الله عليه وسلم لتقضى حاجتى
اللَّهمَّ اكفِني بحلالِك عن حرامِك واغنِني بفضلِك عمَّن سواك).(اللَّهمَّ ربَّ السَّمواتِ السَّبعِ، وربَّ العرشِ العظيمِ، ربَّنا وربَّ كلِّ شيءٍ، أنتَ الظَّاهرُ فليس فوقَكَ شيءٌ، وأنتَ الباطنُ فليس دونَكَ شيءٌ، مُنزِلَ التَّوراةِ، والإنجيلِ، والفُرقانِ، فالقَ الحَبِّ والنَّوى، أعوذُ بكَ مِن شرِّ كلِّ شيءٍ أنتَ آخِذٌ بناصيتِه، أنتَ الأوَّلُ فليس قبْلَكَ شيءٌ، وأنتَ الآخِرُ فليس بعدَكَ شيءٌ، اقضِ عنَّا الدَّينَ وأَغْنِنا مِن الفقرِ). (اللهمَّ مالكَ الملكِ تُؤتي الملكَ مَن تشاءُ ، وتنزعُ الملكَ ممن تشاءُ ، وتُعِزُّ مَن تشاءُ ، وتذِلُّ مَن تشاءُ ، بيدِك الخيرُ إنك على كلِّ شيءٍ قديرٌ . رحمنُ الدنيا والآخرةِ ورحيمُهما ، تعطيهما من تشاءُ ، وتمنعُ منهما من تشاءُ ، ارحمْني رحمةً تُغنيني بها عن رحمةِ مَن سواك).
اللهم صل وسلم وبارك على سيدنا محمد وعلى آله وصحبه أجمعين
❤❤🧡🧡💛💚💚💙💙💜💜💜🤎💙💙
سكره طارت فى الهوا ونزلت على الأرض طرررراخ .. فضلت شويه تستوعب إيه حصل لها والناس إتلمت حواليها بتطوف بعيونها وسطهم والدموع نازله وماسكه وسطها .. واحد إماراتى صمم إنه يطلب الشرطه للخبطها وهى اثرت إنه يسيبه وقالت هى إلا غلطانه  الناس كلها أجمعت إنه ياخدها المشفى وفعلا خدها فى عربيته ومشى مقعدها جمبه قدام وهى وبتعيط بحرقه مش من وجع جسمها لاء من وجع قلبها وروحها من كل الظروف إلا دايما ضدها  .. الناس أستنزفت كل مشاعرها الطيبه وسابو أثر سئ جواها صعب يروح أو ينتهى ..
الشاب : مش عارف أقولك  إيه أنا مستقبلى كان هايضيع لو بلغتى عنى خصوصا إن الراجل إلا بشتغل معاه بيتلكك على الغلطه
سكره بصت له : مصرى
الشاب بتأكيد : أيوا ولما سمعتك قولت الشهامه دى كلها من بنت بلد زيناااا .. أصل لو حصل إيه بنقول روح ياعم الله يسهلك مانقبلش عوض  .. هو الإلتزام والعقاب مطلوب بس هنا قطع راقبه ومحدش بيسمى علينا ولا بيرحمنا إنما فى بلدنا الحمد لله الناس بترحم بعض وأنا يدوب ببتدى
سكره عيطت قووووى لدرجه إن الشاب اتخنق .. حطت إيديها على راقبتها وزادت فى العياط
الشاب :  أنتى تعبانه قوى كدا خلاص قربنا نوصل
سكره بشهقات : أنا موجوعه من جوايااا حاسه إنى متلصمه ولو حد زقنى ها أنزل على الأرض مليون حته زيى زى أى تمثال مليان  شروخ ما هايصدق ينزل على الأرض لجل ما يرتاح
الشاب بقلق بعد ما سمعها  : ها اعملك كل الفحوصات المطلوبه وإن شاء الله الموضوع يطلع بسيط
سكره هزت راسها وسكتت ودموعها ابدا ما سكتتش.. دخلت معاه المشفى وفعلا عملو كل اللازم طلع عندها   كدامات متفرقه فى الجسم  وكل الأمور تمام  هاتاخد مسكانات مع حمام ميه دافى يوميااا طلعت مع الشاب تانى وركبت معاه
الشاب : مكانك فين عشان أوصلك
سكره عيطت اول ما سمعت جملته وهزت راسها بنفى : مش عارفه  .. ماعرفش ليا مكان أمتى أعرفه يارب
الشاب قلق : انتى فقدتى الذاكره هما قالو إنك كويسه
سكره بنفى وعيون تايهه : لاء أنا كويسه
الشاب : طب ازاى مش عارفه مكانك .. أكيد معاكى تليفون نكلم حد  قريبك هنا أو إلا أنتى عايشه معاهم
سكره إنهارت والشاب أتصدم من كمية وجعها إلا كاتمه جواها  فضل فى العربيه  واقف بيها وهى قاعده بتعيط وبس عايزها تخرج كل الكبت يمكن ترتاح  : ممكن أعرف مالك .. جوا عرفت إن أسمك سلوى وانا هشام  وارجوكى اتكلمى  ويارب اقدر اساعدك لو فى مشكله معاكى هنا
سكره فضلت على وضعها دا .. نزل جاب عصير وبسكوت وباتيه وركب تانى وعرض عليها  وهى من جوعها خدت الحاجه وكلت وشربت العصير ونوعا ما هديت .. سمعينى صوتك واتكلمى بقى
سكره بصت له : يعنى ممكن تساعدنى أسيب البلد
هشام بإهتمام : الموضوع كبير قوى كدا .
سكره هاتبتدى تعيط تانى هشام مد إيده قدام وشها  إهدى .. والله لو فى إيدى أساعدك ها اساعدك
حست إنها عايزا تتكلم وإرتاحت له يمكن فعلا يساعدها من جهنم إلا بدأت ملامحها تبان حبه بحبه ..حكت له كل حكياتها وهو وشه اتقلب كملت لحد حوار المطعم وإنها سابتها ومشيت
هشام بحده : وانتى تصبرى على الوضع دا كله  ليه كان لازم تاخدى موقف من ساعة ما وصلتى ولقيتى الموضوع والجواز غش  فى غش
سكره بإحراج وخنقه ودموع لا إراديه : بس هو ماغشنيش بابا إلا غشنى وباعنى له ساعات بحسه طيب قوووى وساعات بحسه مش طايقنى وبيقلل منى عنده تناقد غريب فى معاملة ليا  .. أعمل إيه مش عارفه ومفيش حد هنا يقف جمبى
هشام  بجديه : بصى خير الكلام ماقل ودل .. كنت قريت كومنت لشخص ..  نطر إيده فى الهوا ..  جايب من الأخر وهو دا الصح فى أى حاجه فى حياتنا عمتااا .. جواز .. مشروع ..وغيره  كل حاجه بتبان من أولها
سكره هزت راسها : إيه هو الكومنت 
هشام : باختصار
عندما تركب القطار الخطأ انزل في اول محطه ..  كلما زادت المسافه زادت تكلفه العوده
يعنى الخساره لما يبقى مقدرو عليها ونقدر نقف بسرعه احسن مليون مره لما تبقى خساير بالكوم ومش عارفه تلاحقيها منين وإلا منين .. لما تبقى لسا بطولك غير  وعلى كتفك عيل .. غير اتنين .. غير تلاته .. فهمتينى كل ما المسئوليه زدات صعب تنزلى من القطرصعب  وساعتها كل الأطراف هاتدفع تمن كبير من حياتها وراحتها وعمرها كله
سكره هزت راسها : اه فهمتك
هشام : روحى السفاره واشتكى وهما هايتصرفو ويرجعوكى بلدك على ما اعتقد لو عايزانى اوديكى دلوقت اوديكى
سكره بالهفه : لاء مش دلوقت مش هاينفع أنزل دلوقت لازم أرتب أمورى الأول وأحاول أبعد عن بابا وماما لما أرجع وللأسف ماعنديش مكان هناك 
هشام باستسلام : براحتك بس فكرى الموضوع لسا فى إيدك  وأنتى على البر  وبأستغراب .. أنتى قولتى أبوكى إلا معاملة وحشه طب ماترجعى لأمك
سكره بألم : حاولت كتير وهى حاولت وفى مره هربت من البيت عشان خلاص ماكنتش قادره أعيش معاه لا هو ولا مراته
فلاش باااك
*******
سكره خارجه باليل تتسحب براحه ونازله برهبه وخوووف وهى نازله خبطت فى كرم أتخضت : أعااا كرم
كرم لسا ها يتكلم سكره بسرعه شاورت  : هشششش أرجوك
كرم بهمس خدها تحت بير السلم : إيه فى إيه
سكره بعياط : عايزا أمشى أروح أعيش مع ماما لو شافونى ها أتحبس
كرم بجديه وجدعنه : أصبرى ها أمن ليكى المكان وأخرجك اصلا دا المفروض إلا كنتى تعمليه من زمان .. طلع بص يمين وشمال وبص على بلكونة ابو سكر وشاور لها .. طلعت معاه وطارو من المنطقه .. راح معاها لحد بيت أمها وسابها ومشى كانت الساعه قربت على أتنين باليل .. رنت الجرس كتير لحد ما صحيو من النوم وقامو بخضه الأتنين ورا بعض 
مها أول ما شافتها برقت وقلبها وقع وبصوت مسموع : سكر
سكره أندفعت جوا حضنها وعيطت : أنا هربت يا ماما مش عايزا أرجع هناك تانى اوعى ترجعينى
أمجد مسد عليها : أدخلى يابنتى خلاص مش هايشم ريحتك تانى خوديها فى حضنك نيميها يامها وهديها  كويس إنها جت على هنا
مها بخوف على بنتها : تعالى يا حبيبتى تعالى ودخلت بيها جوا نامت للصبح وأمجد برا .. قامو على خبط لا هد البيت وأمجد توقع إنه زيد
سكره جوا بتترعيش جوا حضن أمها وبخوف ولهفه وسرعه فى الكلام أتمسكت بمها : ها ياخدنى  هاياخدنى اوعى تسيبينى
مها بإصرار : ماتخافيش ياقلبى مش هايقدر خلاص مش ها أسكت له تانى روحى أستخبى وانا طالعه عشان أمجد ما يتهورش عليه وفعلا طلعت
أمجد فتح الباب والجيران تقريبا كلها بتتفرج : إيه يا راجل أنت
زيد زقه : وسع من وشى .. وبصوته كله .. سكر بت يا سكر أنا عارف إنك هنا
مها طلعت وزعقت : إيه بتزعق كدا ليه أنت هنا فاكر نفسك فين طول عمرك راجل  همجى
زنوبه شهقت : همجى مين يا أم همجى خاطفه بنته وعايزاه يسمى عليكو  دا يكسر راقبتك أنتى والمحروس جوزك
أمجد زقه بقوته : أطلع برا ياله غور من شقتى لأعملك محضر تعدى
زنوبه صوتت جااامد : يالهوووتى إلحقونا ياناس خطفو البت وبيضربونا يالهوووى
زيد هجم على أمجد والأتنين طحنو بعض بمعنى الكلمه وزنوبه مسكت فازه ضربت بيها مها بغل على خوانه  .. سكره من خوفها عليهم خرجت وهى وشها أصفر وبصوت كله رعشه وعياط .. خلاص يابابا  سيب عمو أمجد وعيطت وصرخت جااامد .. هايموت فى إيدك
زنوبه شدتها : أهه يا زيد ظهرت بنت ال....
زيد ساب أمجد وقام جرها من شعرها على تحت ومشى
مها بصريخ والدم نازل من راسها : بنتى .. سكررره .. إلحقنى يا أمجد خدوها هايطفحوها الدم بنتى يا أمجد
أمجد قاعد مكانه بزعل حاطت إيده على راسه وساكت
سكره وصلت معاهم البيت وكالعاده خدت علقه من أبوها وأتربطت ووقف قدامها بتحذير : لو أتكررت تانى ها ألبس أمك وجوزها  قضيه مش هايخرجو منها ها أخلى سمعتهم فى الأرض .. أنتى هاتفضلى هنا أذل بيكى أمك طول العمر .. أمك إلا سابنتى وأطلقت غصب  .. أمك إلا كنت مابحبش غيرها فى الدنيا .. طلعت ست شمال وأتجوزت الحلو إلا كانت معاه دانا ها أوريها المرار فيكى
سكره بعياااط شديد : لا ماما ماتعملش كدا
زنوبه دخلت ومعاها شاااى : خد يا أخويا هدى روحك وبصت لسكره بشر دى بت ماتستاهلش
زيد قفل الكلام خاف زنوبه تسمعه وزعق فى سكر : لو عايزا تخلصى منها فكرى وإرجعى تانى لها
يونس داخل جرى من الباب وقعد قدامها بيفكها وزعق : إيه إلا انتو مهببينه دا هاااا ..
سكره أترمت فى حضنه وعيطت قووووى : إلحقنى يا يونس
زنوبه عوجت شفتها : إلحقها يا أخويا إلحقها ..  سيبها ياواد أنت خليها تتربى  ما يبقاش قلبك روهيف
يونس بشر وتحدى بصلهم : والله العظيم لو ربطوها تانى وإلا حد ضربها  لسايب لكم البيت وماهاتعرفو طريقى
سكره أستخبت فى حضنه وزنوبه شهقت ومنعت زيد : إبنى أتجننت وإلا إيه يا راجل حد قالك إنى مستغنيه عنه شيل إيدك جاتك ضربه أنت وبنتك فى ساعه واحده داهو إلا حيلتى فى الدنيا
زيد بص لسكره بكره : عشان خاطر أخوكى إلا ضفره براقبتك وراقبة  أمك بس
بااااااك
********
هشام بجنون : إيه الأب دا لايمكن يكون بنى أدم دا حيوان .. أسف أسف دا الحيوانات عندها رحمه عنه بجد أستفزتينى قوووى وبعدين أنتى خلاص من حقك تقررى تعيشى مع مين هو ما يقدرش يمنعك
سكره بضحكة سخريه : منعنى وهددنى لما ماما رفعت قضيه وعايزا تاخدنى وقالتلى خلاص من حقك تختارى  .. قالى بكل كره لو ها أروح فى أمك فى داهيه ها أروح وعليا وعلى أعدائى وأجبرنى أقول قدام القاضى إنى عايزا أعيش معاه هوا خوفت على أمى وعمو أمجد وسلمت أمرى لله برغم انى شوفت نظرة خذلان وحسره فى عيون أمى وبقيت أروح لهم سرقه من وقت للتانى مش عايزا أزيها وهى ياما أتأزت منه
هشام أتخنق على حالها وفضل وقت حاسس إن مخه مش مستوعب إن ممكن حد يعانى ويتظلم الظلم دا كله : بصى كل إلا اقدر أقدمه ليكى فلوس لو محتاجه فى أى وقت فلوس أو تروحى السفاره وها أكون معاكى لحظه بلحظه أنا تحت أمرك وها أدعيلك بجد من قلبى ربنا يفرجها عليكى .. أبتسم .. أنتى قويه قوى أقوى مننا عشان تتحملى دا كله ولسا قادره تواصلى خليكى فخوره بنفسك وخدى أى خطوه من غير خوف حددى مصيرك فاهمه
سكره هزت راسها والصمت ملى المكان ..اتكلم اخيرا .. اوصفيلى اى مكان مميز قريب من الشقه وأنا احاول أوصلك أدام مش عايزا تكلمى جوزك  وخلاص قررتى ترجعى
سكره بدأت تفتكر أكتر مكان كانت بتشوفه من البلكونه ومعلم فى ذاكراتها وكان جامع وقالت له على اسمه وشكله وهو عرف المنطقه وحفظها العنوان كمان وفعلا وصلها ..إداها رقم الفون بتاعه وحاول يديها فلوس رفضت تماما ..نزلت وطلعت على فوق فتحت براحه ..  استغربت الهدوء لفت فى الشقه فاضيه ؟
قعدت بإهمال وشويه ونامت على الكنبه من وجع جسمها كله ..  فضلت على الوضع دا لتانى يوووم مش حاسه بأى شئ ولا حتى الفون إلا نازل رن رن ولا جرس الباب  ..
**
محمد بقلق  رايح جااى .. رايح جاااى مانامش نهائى وخلاص اليوم التانى قرب يخلص  وبصوت مسموع : هاتكون راحت فين  .. أتصل على شيرى وبالهفه هى إدايقت منها : لسا مفيش أخبار عنها
شيرى بديقه  : أنت مالك هاتموت عليها ليه وبعدين بقولك هى إلا سابتنا ومشيت يعنى بمزاجها لولا إنى واخده بالى من مليكه كان جرا إيه ها
محمد بنفاذ صبر  : هاتمشى تروح فين ماتعرفش حد فى البلد اوعى يكون عملتى فيها حاجه كدا وإلا كدا ومخبيه عليا دى فى راقبتى وانا المسئول عنها
شيرى بالجلجه : ها أعمل إيه يعنى وبعدين أنا خليت بابى يدور عليها يعنى لو فى نيتى حاجه او عاوزه أئزيها كنت خليت بابى يدور عليها بجد أنت كدا بتخسرنى عشان واحده متستاهلش تسأل عليها أصلا .
محمد : وبعدين يا شيرى كل كلامنا بقى خناقات وكدا كتير أنا مابحبش كتر الزعل وأنتى عارفه
شيرى بتذمر : ماهو بسبب افعالك دانا واقفه لبابى وبتحداه عشانك وأنت ولا فى دماغك كل تفكيرك فى الهانم ياريت تحس بالتنازلات إلا بتنازلها عشانك وبطل تفكر فى غيرى
محمد : يابنتى فى راقبتى أقول إيه لأهلها إفهمى بقى
شيرى : قول إلا تقوله .. سلام
محمد : أستنى إدينى مليكه عايزها
شيرى : مليكه نامت و يارب أنت كمان تنام يمكن ترتاح
محمد : بعد إلا أنتى قولتيه ها اشوف راحه  قفل معاها وهو حرفيا هايتجنن  وإلا مجننه أكتر إن تليفون سكره مفتوح ومابتردش عليه معقول هربت .. هاتهرب تروح فين ..مسك فونه وأتصل على واحد من زمايله وبالهفه : الوو  حازم .. سامعنى
حازم بتأكيد : سامعك يابنى مالك فى إيه
محمد : ممكن اطلب منك خدمه
حازم : أؤمر
محمد : روح شقتى وشوف مراتى هناك وإلا لاء اصل بتصل من بدرى مابتردش ليكون جرالها حاجه دماغى هاتنفجر من التفكير من إمبارح
حازم بص فى الساعه : مش شايف إن الوقت متأخر وممكن تكون نايمه دلوقت
محمد : معلش طمنى بس مش عايز أكتر من كدا 
حازم : حاضر يا محمد ها ألبس وانزل
محمد : شكرا يا حبيبى ..لا مع ألف سلامه وقفل .. قعد على الكنبه وبيهز رجله بتوتر وبيعد الوقت بالدقيقه   عد عشان حازم يطمنه يمكن رجعت البيت عشان شيرى قالت له مفيش حد فى البيت
**
حازم وصل عند العمار بعد ما لبس ونزل وفى سكون وهدوء الكل نايم  قرب من البوابه تحت مقفوله وبتفكير .. وبعدين بقى ها اصحى العماره يعملولى مشكله دلوقت .. فضل واقف محتار بيفكر شاف اتنين من بعيد قربو ناحيته بيتكلمو ويضحكو  نورا ومهند .. أستعد لهم يمكن يكونو سكان هنا وفعلا إتاكد إنهم سكان وسألهم كمان على سكره
نورا : طب أنت بتسأل على سلوى ليه دلوقت
حازم : جوزها عايز يطمن إنها بخير مش اكتر ..  مابتردش من إمبارح على التليفون
نورا بتفكير بصت لمهند : شفت قولتلك أكيد فى حاجه لا مليكه ظهرت بالبلكونه ولا سلوى قولتلى تلاقيهم بيتفسحو .. طلعو التلاته ورا بعض وفضلو يرنو فى الجرس ويخبطو  لما حسو بحركه هديو نوعا ماااا 
سكره فتحت الباب وشكلها لا يسر عدو ولا حبيب نورا أول ما شافتها طلعت  نفسها المكتوم من الخضه  وقربت حضنتها : خضتينى عليكى يابنتى أنتى بخير
سكره بتتوجع  حطت إيديها على جسمها : اااه جسمى يا نورا  .. الحمد لله بخير
مهند : شو بيكى جرا شى صار معك أى إيشى
سكره بنفى : ولا حاجه انا كويسه الحمد لله بس مجهده جدا
حازم بصلها وهى شافته وعلامات استفهام ظهرت على وشها مين دا وإيه جايبه الساعادى .. اه يمكن تبعهم .. طب هما بيسألو بلهفه ليه كدا ودماغها شغاله أسأله
نورا شاورت على حازم : كان بيسأل عليكى
سكره رفعت راسها بصتله شاورت على نفسها : بتسال عليا انا 
حازم بتأكيد : أيوا .. الدكتور  محمد قلقان عليكى جدا واصر انزل واطمنه إنك بخير رفع الفون .. بيتصل .. مد إيده لسكره .. اتفضلى ياريت تطمنيه بنفسك
سكره خدت الفون وردت : الوو
محمد حس إن روحه ردت له لما سمع صوتها من تااانى أتكلم وهو  زى الإعصار طوفان أو بركان ماصدق ينفجر  ويخرج الصهد إلا جواه : كنتى فييييين  دا كله أنتى عايزا تجننينى معاكى دماغى هاتنفجر بسببك
سكره بصوت محشرج وخضه من صرخته : كنت نايمه
محمد : ها اتصل على فونك إتنيلى ردى عليااا وقفل فى وشها ..
سكره ملامحها إتغيرت ومدت إيديها وبوذها شبرين لحازم : اتفضل
حازم : انا مضطر أستاذن لو إحتاجتى اى حاجه خلى محمد يكلمنى وانا ها اتصرف ماتحمليش هم إحنا هنا إخوات وكلنا بنساعد بعض ماتتكسفيش
سكره بإمتنان : الف شكر لحضرتك .. أستأذن ونزل ومهند ونورا واقفين شاورت لجوا .. أتفصلو
نورا : لا يا حبيبتى أدخلى ارتاحى ولما تقومى الصبح هاتلاقينى فوق راسك وإلا إيه يا مهند
مهند بتاكيد : من وش الصبح راح ناجى نتروق ترويقه تمام
سكره ابتسمت : أنا كدا تمام قوووى مش ناقصه ترويق أكتر من كدا لأروح منكم
نورا ضحكت جاامد وخبطت إيد مهند : يابنتى الترويقه بتاعتنا غير بتاعتهم إحنا لما بنتروق بتبقى حالتنا صعبه اما هما لما بيتروقو  خبطت على بطنه تبقى كروشهم مليانه يعنى يفطرو  أكل ياماما أكل ..مش علقه
سكره أبتسمت  : لو كدا ها اروقك وأروق العماره بحالها
مهند : هيدا الكلام يا بلى .. من وش الصبح راح تلاقينى فوق راسك خيتى
نورا شدت مهند : تصبحى على خير يا حبيبتى
سكره : وأنتى من أهله .. دخلت وبمجرد ماقفلت الباب سمعت رنة تليفونها مسكته وهى بتتأفف وردت ببرود .. نعم
محمد : نعم يابرودك يا شيخه أتصلت ولا مية مره وانتى إيه ماعندكيش دم مش عامله حساب إنى مسافر وها اموت من القلق
سكره : ماعتقدش إنى فى دماغك اصلا عشان تقلق انت بتطمن على نفسك مش أكتر يعنى رديت أو لاء مش هاتفرق
محمد بيكتم غيظه وتجاهل كلامها : كنتى فين وبتسيبى شيرى تستنى قدام المطعم   وتمشى ليه لوحدك مش فاهم
سكره رفعت حاجبها وتنحت : سيبتها أنا .. طب أزاى
محمد بتاكيد وصوت عالى : اه سبتيها بتفكرى فى إيه قولى وبلاش  تلبسينا مصيبه لمجرد إنك عايزا تنتقمى من شيرى ومنى أنا لو أعرف إنك هاتعملى دا كله ماكنتش وافقت على قرار ابوكى فى إنه يخبى عليكى مش أنا السبب أفهمى بقى
سكره : انتقم
محمد : هاتقعدى ترددى ورايا كل كلمه
سكره بنفى : لا مش ها اردد ورا سعتك أنا هنا فى البيت  وكنت نايمه لا رحت يمين ولا شمال حاجه تانيه
محمد : ما رجعتيش مع شيرى ليه لما انتى رجعتى البيت عادى
سكره : عشان قالتلى أدخلى هاتى شنطة مليكه من المطعم وخرجت ملقتش شيرى هانم وبتتريق .  عرفت ليه
محمد بنفى : لايمكن شيرى تعمل كدا لايمكن أكيد دورت عليكى وانتى انشغلتى هنا وإلا هنا  او تاهت منك
سكره بصدمه : بجد طب لما انت مصدق كلامها وبتكذبنى بتسأل ليه عمتا أنا فى البيت بعد إذنك عشان عايزا أنام
محمد : أستنى .. أستنى .. مش ملاحظه إن أسلوبك مستفز  معايا وطريقتك ماتنفعش
سكره بحرقه : والله ماعارفه مين إلا أسلوبه مستفز  وعمتاا انا مش قادره اتكلم واجادل واشرح عايز تصدق .. صدق .. مش عاريز براحتك
محمد غير الموضوع : يعنى مسألتيش على مليكه
سكره : أنا مين عشان أسأل على مليكه وهى مع شيرى هانم .. أطمن هى مع أمها وانا كمان مطمنه ولما تأذن لها وتأمرها توديها للبيبى ستر بتاعتها هاتجيبها أنا مش قلقانه
محمد : بيبى ستر ..  وبنفاذ صبر  انا مش ها اناقشك  احسن .. ياله تصبحى على خير وما أدهاش فرصه ترد وقفل .. رمت الفون وأكومت على الكنبه وعيطت جااامد  عماله تتهز برجليها وبتفكر فى كلام هشام روحى السفاره وأنتى تعبانه وبلغى عشان يرحلوكى .. أفتكرت معانتها مع أمها وأبوها ومرات أبوها وكمان أخوها إلا من فتره إتغير معاها وبقى يعاملاها زى ما أمه بتعاملاها بالظبط بالرغم إنه كان حنين عليها ومهون قسوة الكل
فلاش بااااك
***********
سكره بتجرى فى جنينه كلها شجر فاكهه عندهم فى البلد واخوها يونس بيجرى وراها وبتضحك بعلو الصوووت
يونس بهمس : سكره .. سكره .. حط صباعه على بوئه هششششش بصى وبيشاور على الشجره .. سكره قربت بدون خوف وشالت الحيوان الصغير الضعيف إلا محتاج إهتمام دا وفيما بعد سمته بندق  : بص يا يونس دا سنجاب إيه جابه هنا
يونس بفرحه : تصدقى هوا عارفه هاتلاقيه هربان من إبن عمك ماهو غاوى يجيب حيوانات غريبه يربيها عنده
سكره حضنته قوووى : هو انا ممكن أربيه
يونس بتأكيد : خوديه وانا ها اقوله ما يغلاش عليكى طبعا
سكره باسته : اقنعه ماشى أنت فاضلك سنتين على الجيش ها ادعيلك تدخل ظابط على طول
يونس ضحك بصوت عالى : ما اكيد ها ابقى ظابط إحطياتى عشان انا ها أخلص الكليه وهايبقى معايا شهاده عليا وبعدين كدا كدا مش ها أدخل أصلاااا
سكره بتأكيد : إن شاء الله تدخل  ويارب تدخل
يونس : أنتى هبله أنا وحيد مليش إخوات ولاد لايمكن أدخل لايمكن    تعالى .. هاتسميه إيه
سكره ابتسمت وبصتله : ها أسميه بندق عشان هو بيحبه وها اهتم بيه قوى وأحبه زيك تمام
يونس هز راسه : ماشى وحلو بندق .. عارفه لو كان عندنا فلوس و أغنيا كنت جبتلك كل إلا نفسك فيه ومش بس كدا  كنت جبت خدامه لأمى بدال ماهى ممرمطاكى  معاها
سكره ضمته قوووى : ربنا مايحرمنى منك وسط كل حاجه وحشه دايما ربنا بيطبطب علينا بحاجه حلوه زيك بالظبط
يونس باس راسها : معلش أنا عارف إن الدنيا جايه عليكى ويمكن دايسه كمان بالقوووى بس فرجه قريب  .. أمى بتحبك على فكره
سكره وهى شايله بندق وماشيه معاه قلبت وشها : ياسلام
يونس : اه والله بس هى مابتعرفش تعبر بترمى وزى ماتيجى تيجى  يا صابت يا اتنين عور
سكره : ههههههه هى دايما عور معايااا .. بقولك إيه إبن عمك رخم  وبيتمنظر علينا بفلوسهم ومش هايخلينى اخد بندق   وانا ها أزعل قوى لو مشيت من غيره يا يونس أنت ماتعرفش أنا حبيته أد إيه
يونس بيطمنها : ماتخافيش بقولك .. والرخامه دى  على نفسه وبمزاجه او غصب عنه هاتاخديه أنتى لاقتيه يعنى ملناش فيه .. وبتردد   سكر شفتى منى
سكره : اه قبل ما نيجى وقفتنى وسلمت عليااا وسألتنى عليك بتقولى يونس عامل إيه فى الكليه قولتلها زى الفل وبكرا يتخرج .. بصتله .. تبقى إيه بقى  عشان نسيت
يونس أبتسم :  محامى يا ذكيه
سكره ضربته بهزار : لاء انت قولتلى حاجه تانيه
يونس : اه وكيل نيابه .. دى امنية حياتى عشان عارف إن الشرطه والجيش صعب ادخلهم لا معانا وسطه ولا فلوس  .. وبعدين انتى  قلبتى دماغى ودخلتينى فى حوار تانى بقولك منى
سكره أبتسمت : زى الفل وبترفرف  مستنيه تروح تتقدم ماتخلصونا بقى من الحب الغريب دا
يونس : ياريت وكان بنالو بيت .. هو بالساهل يابنتى لسا سنتين يا منيله لا ولسا ها اكون نفسى
سكره بصت لبندق : أدعيله يابندقه
يونس ضحك وضمها بإيده : فى ثانيه اتصاحبتى عليه وكمان دلعتيه بحسك عيله ومابتصدقى تشوفى حاجه تعلبى بيها
سكره خدت نفس طويل : انت بتقول فيها  أنا أعيل من العيال نفسها نفسى اجرى وألعب واتنطط على طول وأعيش الطفوله إلا اتحرمت منها بسبب مشاكل أمى وأبويا وانفصالهم وجواز أبويا .. عارف الحسنه الوحيده إلا ابويا عملها ليا هو أنت بصتله .. ساعات يايونس بحس إنك فى يوم هاتقف تدافع عنى وها ابقى أنا قضيتك
يونس نطر إيده :  هاتبقى قضيه خسرانه أسمعى منى .. الحل الوحيد ليكى هو الجواز من راجل محترم تنفدى بجلدك وتعيشى حياه مستقره وتوتا توتا خلصت الحدودته
بااااااك
*******
سكره بعياااط : ملخصتش يا يونس أبتدت من أول وجديد بتتسطر عشان اعيد كتابة احزانها من تانى ... خسرتك وخسرت بندق وخسرت نفسى .. مسكت الفون ..حتى المخروب دا مش من حقى أكلم بيه حد هايفضلو يتحكمو فيا لحد أمتى واعيش فى ذل وإهانه  .. هايفضلو يعادونى  ويعاملونى على إنى عاله على المجتمع او حته زياده الكل عايز يبترها ياتعيش من غير قيمه .. اه يا قلبى .. بصت لفوق وهى بتعيط .. يارب طبطب على قلبى وأجبر بخاطرى يارب .. محتاجه جبرك .. قوينى إنى اتحمل وأمر من على جسر الصعب وإلهمنى الصح مهما كان أقف جمبى أنا مليش غيرك يا حبيبى
**
فى ناحيه تانيه وبلد مختلفه هى الأم وهى العصب إلا عاشت وأتربت تحت ضلها سكره .. فى بيت أهل محمد
سمر : ايوا .. فتحت الباب بصت بأستغراب
زيد ببتسامه : الحاج فتحى موجود وإلا الحاجه سهير
سمر لفت ونادت : ماما .. تعالى كلمى
سهير قامت  و سابت الأكل : مين ياسمر .. أول ما شافتهم ملامحها أتغيرت .. اتفضلو
زنوبه : يزيد فضلك جينا فى وقت مش مناسب وإلا حاجه
سهير : لا أبدا أتفضلو .. ودخلو وراها قعدت كملت أكل وعزمت عليهم عزومة مركبيه ..  اتفضلو الغدا
زيد : متشكرين
سهير : طيب معلش بقى انا جعانه ها اكمل أكلى انا والبنات .  وفعلا بيكملو اكل ولا سألين فيهم
زنوبه بهمس : إيه الوليه قليله الذوق دى يا زيد بص بتاكل فى أخر زادها .. لوت شفتها .. اتفضلو ولا تناتهاش تانى
زيد بغل  : حرمه سعرانه
زنوبه : على نفسها بص بص بتاكل اللحمه أزاى بتظلطها زلط
سهير : هيئ .. هيئ ..هيئ
ساجده بالهفه : خدى ياماما اشربى
سهير خدت الميه وشربتها بتطلع نفسها : يا ساتر يارب فى حد عينه فى اللقمه إلا باكلها شيلو شيلو ناكل وقت تانى
زيد بص لزنوبه بإحراج وسهير قامت هى والبنات دخلت غسلت إيديها وطلعت وبصوت مسموع من غير ما تسألهم يشربو إيه : اتنين شاى ياساجده
ساجده : سكر إيه يا ماما
سهير بصت لهم : سكركم إيه
زيد : اربع معلاق
سهير تنحت : اربعه
زنوبه : لو يدايقك يبقى تلات معلاق ونص
سهير  نطرت إيديها : لا وعلى إيه ..أربع معلاق يا ساجده .. بصت لهم .. خير حصل حاجه
زنوبه ببرطمه : يامصبر الوحش على الجحش
زيد : لو نعرف إن زيارتنا هاتدايقك ماكناش جينا والله أنا قولت إحنا أهل واجب نود بعض
سهير تجاهلت كلامه وردت برسميه : انا مايدايقنيش غير حاجه واحده إنك تيجى من غير معاد المفروض تتصل قبل ماتيجى  إفرد مشغوله او الوقت مش مناسب
زيد لسا هايقوم زنوبه مسكت إيده قعدته وابتسمت : عندك حق والله ساعات فعلا الواحد لا بيبقى جاهز لأستقبال حد ولا طايق خلق الناس ولا الناس طايقه
سهير  قلبت شفتها : نعم
زنوبه بضحكه :  هو كدا فى ناس خلقها ديق زيك تمام .. المهم البت سكر بنتنا وحبيبتنا عامله إيه وحشتنا قوى وابوها مفيش على لسانه غير سكر سكر
سهير : هاتعمل إيه عايشه فى دبى ومتهنيه وشايفه إلا عمرنا إحنا ماشوفناه جريت لحقت الدكتور مش تسيبه يشوف شغله وتقعد هنا تخدمنى بدال مانا لوحدى لاء جريت ورا جوزها
زنوبه بتسرع ونوعا ما تريقه : هبله طول عمرها هبله فى واحده عاقله تسيب حماتها وتجرى ورا جوزها .. إخص على دى عقول مرضانه
زيد بص لها وزغر ولسا هايتكلم زنوبه زغدته سكتته ..ألا بتكلميها يا حاجه
سهير : ها اعمل إيه بكلامها واحده ما بتسألش عليااا أسأل عليها ليه .. إبنى الدكتوررررررر محمد كل يوم يكلمنى ويطمن عليااا
زنوبه ؛ طول عمرها مدب بس قلبها أبيض .. مش قولتلك خام هى عايزا إلا ينورها مش اكتر .. أتصلى عليها إدهالى أكلمها واشدها وأقولها أزاى ماتكلميش امك .. هزت راسها بتاكيد .. أيوا إمال إيه أمها التانيه و هاتعش معاها العمر كله
سهير : رفعت صابع .. أنا أم  الدكتور وبناتى  وبس
زنوبه بهمس : حربايه ..ضحكت وتجاوزت كلامها المهم يوصلو لسكر .. إمال إيه الدكتور وأم الدكتور على راسها من فوق واجب بردو
سهير شاورت : اتفضلو
زيد مد إيده ولسا بيشرب شرق جااامد ..ويلف براسه ويكح وكل ما ياخد نفسه يقول .. يالهووووى وزنوبه نازله خبط على ضهره ..هاتفطس يخربيت الشاى وسنينه وترمى بنظرها على سهير .. خد نفسك ياراجل .. إلحقونى بكوباية ميه
سهير قامت دخلت لبناتها وبكشره : هاتى ميه إلهى يطفحوها ويغورو
ساجده بضحك : دول أهلها  بجد محمد  بيستهبل
سمر : دا عدا توقعاتنا بكتيرررر أنا ماخدتش بالى منهم يوم ما روحنا عندهم .. خدى ياماما لروحه تطلع
سهير : تطلع وإلا تروح فى داهيه
زنوبه : خد نفسك ياراجل الوليه حاطه عنيها فى السكر وقف فى زورك هايجيب أجلك
زيد بالعافيه : عقربه .. عقربه
زنوبه زقته : علقت وإلا إيه
سهير قربت ومدت إيديها : اتفضلى
زنوبه : هاتى ياختى وبتشرب هى ههههههههه ..
سهير تنحت : شربى جوزك  إلا روحه هاتطلع جمبك
زنوبه اتعدلت بخضه وأفتكرت إنها لزيد وشرقت : كح .. كح .. كح .. مدت إيديها بالكوبايه ومن الكحه اتنطرت على هدوم زيد ..قام وقف وشد إيديها وبعلو صوته .. قومى قبل ماتطلع روحنا كانت مجيه سودا
سهير اتعدلت وبعصبيه : ماتحترم نفسك ياراجل أنت
زيد نطر إيده  : يا شيخه اسكتى انتى لو بتقابلى ناس اغراب هاتقابليهم احسن من كدا ناقص تطردينا فاكرانا إيه أنتى .. . ياله يا زنوبه وسابها تاكل فى نفسها ومشى هو ومراته
سهير بغل : كدا والله لأوريكم .. أنا ها اشوف إلا رماكو  علينا الرميه السودا دى عشان يتصرف وياخد حقى ولو ماخدوش ولا ها أعبره تانى  ماشى يا محمد ماشى
ساجده : طيب إهدى  لتتعبى ياماما
سمر بعصبيه : يابنتى أنتى ماسمعتيش الراجل كان بيقول إيه دى ناس قليلة الذوق
سهير : ناولينى التليفون خلينى  أكلم أخوكى  يمكن اعرف هو عمل فينا كدا ليه
سمر قربت : خدى وياريت تدهولى أكلمه .. أستنى نشوف مين على الباب مشيت من قدامها وفتحت .. بابا حمدالله على السلامه إيه جايبك دلوقت
فتحى بتعب : تعبان شويه .. أمك فين
سمر بهمس : جوا وشايطه على الأخر
فتحى نطر إيده : خير حصل إيه تانى
سمر مسكته من إيده : تعالى اقولك جوا وبمجرد ما دخل وقعد حكالو كل حاجه من وجهة نظرهم هما
فتحى بص لسهير : وانتى عايزا تعملى إيه
سهير بحرقه ونار : لازم أكلم أبنك هو إلا شبكنا مع الناس دى  وهو إلا يحلها
فتحى بهدوء : طيب هاتكلميه وهو هايسمعلك ويتحرق دمه عليكى ..أفردى داخل عمليات وإلا ماشى على طريق تضيعه عشان عايزا تشيله هم فوق همه .. فى أرواح تحت إيده حرام عليكى
سهير بتفكير حست إن كلامه صح إبنها اغلى من دا كله بس اتكلمت من منطلق إلا جواها وإلا هى رافضه ومش عايزا تعترف بيه : طب وحقى
فتحى : انا ها أجيبلك حقك بس إبعدى محمد عن مشاكلنا هنا  وسكر لا هى لها ذنب ولا هو
سهير طلعت فيه : منا عارفه إنك هاتدافع عنها مش جديد عليك ولعلمك انت هاتروح للناس دى وتعلمها الأدب وتقول لهم مش عايزين نشوف وشهم تانى فاهم
فتحى بتعب : بذمتك هاينفع راجل زيى يروح للناس يقول لهم كدا   عيب ما يصحش عايزانى اروح ها اروح بس لايمكن يطلع منى العيبه وقلة القيمه
سهير مدت إيديها قدام وشه : هى دى ناس تعرف العيب ماتنقطنيش انا حاسه إن ضغطى على من ساعة ما شوفت وشهم  
فتحى : صلى على النبى
سهير والبنات : عليه أفضل الصلاة والسلام
فتحى : حقك إعتبريه رجع ضرب إيده فى بعض .. خلاص إقفلى الموضوع وبيميل على الكنبه
ساجده : مالك يابابا
فتحى : تعبان شويه سيبونى أرتاح
سهير : ماتقوم تنام فى أوضتك
فتحى : مش قادر حتى اقوم أغير وبيغمض عيونه
سمر جابت خدديه وكوبرته غطته وحطت الخددايه تحت راسه ونااام فعلااا
***
مر أسبوع وفتحى زى ماهو فى البيت تعبان مش قادر يروح الشغل .. وزيد كل يوم والتانى يتصل على محمد لما زهقه .. ومها وأمجد نفس الحكايه بس لماعرفو إنه مسافر بطلو يتصلو ووصوه إنه يكلمهم او يديهم الرقم إلا بيتواصل بيه مع سكره ..اما سكره وحيده تماما حتى مليكه شيرى أستغلت سفر محمد وحرمتها منها كانت بتهون عليها الوقت كتيررر ومحمد خف من إتصاله بيها جدا جدا ..
**
سكره ماسكه الفون بتلعب عليه ومره تفتح الفيس وتقفله .. أخر مازهقت قامت أتوضت وصلت وفضلت تقرء فى القرأن الكريم وهى مندمجه وبتعيط وبتناجى بقلبها سمعت الجرس قالت اكيد نورا صدقت وقامت تفتح أستغربت راجل كبير طول بعرض باين عليه إنه حاجه دخل من غير ماتأذن له وقعد وحط رجل على رجل وولع سيجار يشربه شاور بصباعه : تعالى
سكره بصت وراها ورجعت بصتله وشاورت على نفسها
الراجل بتأكيد : أيوا أنتى تعالى
سكره بخوف ورهبه : أنت مين

❤❤🧡🧡💛💚💚💙💙💜💜
بقلم : لبنى طارق
❤🧡🧡💛💛💚💙💙