سكره

تنبيه

مسا مسا على الناس الكويسه عاملين إيه قمررررات أنا قولت أطلع أرغى معاكو شويه بخصوص بعض الأراء إلا بتقول هى سكره ضعيفه ليه وملهاش شخصيه .. وكأنكم ما بتشفوش النماذج فى الواقع حالتها إيه بالظبط .. أنا تقريبااا محلية حياة سكره وفيها أمل عن الواقع المر للأسف والقاسى على بعض البنات والولاد إلا بيعيشو نفس ظروفها وحياتها .. 
سكره عمرها ما هاتقوى بين يوم وليله وإلا أتعود يحب إلا حواليه ويخاف عليهم هو أكتر واحد بيجى على نفسه والناس بتيجى عليه  ..
واحده عاشت عمرها كله فى مشاكل وضرب وإهانه المفروض إنها ماتبقاش لها شخصيه خالص بيبقو عاملين زى العرايس اللعبه تشليها من هنا لهنا ويوم ما يعملو حاجه بيموتو من الرعب والخوف والقلق .. سكره نموذج أنا بقدمه مش بحياديه عشان حياة الاطفال والبنات إلا فى سنها أصعب بكتير أو بمراحل .. لا تعليم ولا صحه ولا إهتمام وتعذيب طول الووووقت وإهانه وقص لشعرهم وفى منهم بيموت وبينتهى من الدنيا والناس وفى ناس ضاااعت وباعت نفسها وفى منهم شغالين خدامين ولما يرجعو ياخدو كل جنيه معاهم وفى منهم متسولين وفى وفى وفى لو فضلت أعد على الحالات من هنا لبكرا مش ها تخلص ..
أنا قدمت نموذج سكره وفى مقابله مليكه
قدمت نموذج نورا ومهند وفى مقابله حازم
قدمت نموذج محمد وفى مقابله مهاااا
ونموذج شيرى وفى مقابلها أبوها نفسه عصمت .ونموذج شخبوووط وفى مقابلها جارة صفيه أم حازم إلا ابنها عايز يطردها من الشقه
ونموذج يونس إلا تايه مابين أمه وأبوه وأخته إلا شايفها مظلومه ومتاخد بذنب أبوه وامه وقصة تعثر زواجه سواء بسبب المعيشه أو أنانية الأب
قدمت نموذج كريمه أم أنس وفى مقابله أمجد جوزها
قدمت نموذج لأنس وإخواته وأزاى عايشين حياه طبيعيه وكمان متعلمين تعليم عالى برغم إنفصال الام والأب .. يمكن أنا مش زى كاتبات كبيره بتعرف تعبر أكتر وتناقش بشكل أوسع بس أنا بحاول ألفت نظركم وأوسع دايرة مشاكل المجتمع المتعدده إلا تقريبا كل البيوت عايشها وازاى ممكن تأثر على تفكير وحياة جيل بحاله أنا عارفه إن الروايات الرومانسيه أو الكوميديه بشكل أكبر والأكشن هى إلا بتلاقى نجاح كبير بينكم وبتقدرو تعيشو معاها وتنقاشوها  وبيبقى عليها إقبال تاريخى بحكم إن اغلبكم سنه صغيررر عايز ضحك ولعب وجد وحب ورواياتى إلا ماشيه على سستم واحد ألا وهو مناقشة قضايا المجتمع  ... لا فيها شقلبظات ولا حب كافى وافى ولا نحنحه وشباب مقضيها فبالتالى واقعه من الدور العاشر عند  حضراتكم وبالتالى مش هاتاخدو بالكم من كل الاطرررراف وهاتركزو على البطل والبطله فقط ومنتظرينها تكون هيرو الروايه  ..