سكره ٣٩
*********
اللهم لك أسلمت، وبك آمنت، وعليك توكلت، وإليك خاصمت، وبك حاكمت، فاغفر لي ما قدمت وما أخرت، وأسررت وأعلنت، وما أنت أعلم به مني، لا إله إلا أنت
– اللهم ربنا لك الحمد، ملء السماوات وملء الأرض، وملء ما شئت من شيء بعد أهل الثناء والمجد، لا مانع لما أعطيت، ولا معطي لما منعت ولا ينفع ذا الجد منك الجد”.
“سبحانك اللهم ربنا وبحمدك، اللهم اغفر لي”.
“اللهم صل على محمد وعلى آل محمد، كما صليت على إبراهيم، وعلى آل إبراهيم، إنك حميد مجيد، اللهم بارك على محمد وعلى آل محمد، كما باركت على إبراهيم وعلى آل إبراهيم، إنك حميد مجيد”
❤❤🧡🧡💛💛💚💚💚💙💙💙💜💜💜🧡🧡🧡
شيرى راكبه عربيه جمب عصمت ومركزه جدا مع الشوارع والشكل العام للبلد بصت لبابها : البلد جميله يابابى ليه ماكناش بننزل نقضى فيها الويك إند
عصمت بسرحان : كفايه إلا أنا قضيته فيها يا شيرررى .. بصلها .. عجبتك
شيرى بحماس : جدا جدا
عصمت : على فكره فيها أماكن أجمل وأحلى من كدا بكتير أنتى سافرتى من صغرك ماتفتكريش حاجه
شيرى هزت راسها : فعلاا بس أزاى بلد بالجمال دا مهدور حقها فى السياحه والتسويق ليها ولأماكنها المفروض كنا نشجع الأستثمار والمستثمرين إنهم ياخدو خطوه جريئه ويبدئو من هنا وأكيد أنا أولهم لازم أعمل مشروع كبير وضخم ماكنتش بهتم أسمع عنها حاجه
عصمت هز راسه : أنا معاكى عمتا مصر أرض خصبه وقت ماتحطى فيها بذره بتكبر وتبقى شجره كبيره وعملاقه تعيشى عمرك تستفيدى منها عارفه مشكلتها الوحيده إيه يا شيرى
شيرى بتركيز : إيه
عصمت : مشكلتها إن إلا مظلومين فيها هما أهلها إلا عايشين يستنو أى ثمر ليهم ودايما لحد عندهم مفيش عشان كدا الوضع سئ على المستوى المعيشى لأهلها فقط وطبعا المستثمر بيسمع الشكوى دى او ردود بعض أفعال الناس بيهرب
شيرى أبتسمت : خلاص نرمليهم ثمره وناخد إحنا باقى الثمر يابابى
عصمت ضحك : لا يا شيرررى إنسى يا حبيبتى إحنا بناخد الا يعجبنا ونسيب إلا ما يعجبناش مش مهم بقى تكون ثمره نص ربع .. هما وحظهم المهم أناااا والشاطر يلحق يقطف
شيرى : بجد هما عايشين على كدا
عصمت أتنهد : وأكتررر من كدا .. هنا صاحب العمل الحر بيمص دم العامل عشان ملاليم زى ما بنقول بالبلدى بياخده لحم ويرميه عضم وهو دا شغل المستثمرين عمتااا .. يعنى لا الدوله ولا المستثمر بينصفو العامل مفيش أجور مناسبه للعيشه والأعباء اليوميه والزيادات إلا بيواجها الشعب مفيش توازن يا شيرى عشان كدا المستثمر هنا إلا بيقدر يخطى برجله هنا وأموره تمام بيبقى حوووت من الحيتان الكبيره وفى وقت قصير
شيرى بتهز رجليها : سمعت عن المهندس محمد العربى صاحب توكيل توشيبا
عصمت : الله يرحمه طبعااا
شيرى : ماكنش بالسوء دا ومحبوب جدا والعامل واخد حقه يعنى نموذج إيجابى مش زى مابتقول
عصمت بتأكيد : جدا وكان له نظريه بتعجبنى سمعتها منه قال طول ما العامل مرتاح إنتاجى هايزيد وشغلى هايبقى عالمى بسبب المنافسه دايما فى التطوير إلا ها أشوفه على إيد إلا بيشتغلو جوا مصنعى وفعلا حقق نجاح كبير جدااا عشان هو مؤمن إن راحة العامل إلا واخد حقه مديااا ومعنويااا جوا بيته ها يرتاح فالبتالى شغله هايبدع فيه وقال إنى بعاملهم زى أهلى وإخواتى
شيرى بتفكير : نظريه بردو وأظن لو عملنا كدا هنا فى مصر هانحقق نجاح أكبر فى ظل الظروف الصاعبه دى ونجاحنا ها يبقى مسمع فى العالم .. بفكر نعمل خط إنتاج كبير لبعض المواد الغذائيه الا مش موجوده فى مصررر بجوده عالميه عشان نضمن تصديرها برا مصر وفى نفس الوقت تنتشر فى جميع انحاء الجمهوريه وبدال ما الطبقات الراقيه بتستوردها وبيشتروها بتمن باهظ هانبقى ضربنا عصفورين بحجر واحد وفرناها وبقت خط إنتاج للبلد وبدال ما بنستورد نصدر والقيمه الماديه تناسب الجميع عشان الشرا يكون عالى داخليا وخارجيا إيه رأيك
عصمت هز راسه : ممتاز فكره ممتازه بس يا ترى ها تعملى إيه
شيرى ببتسامه : دراسه بقى يا بابى ونشوف أكتر الاكلات الطبيعيه إلا مش موجوده هناااا ونستوردها ونحفظها وممكن كمان نصنع ونخترع فيها ولو عرفنا نزرع بعضها يبقى تمام قوووى ونشتغل شغل عالى .. بصتله بحماس .. عايزا أعمل فكره مجنونه
عصمت ضم حواجبه .. خير
شيرى : عايزا ألف البلد كلها وأشوف أكتر المنتجات إلا بيتم إستيرادها حتى لو ادوات منزليه أو شخصيه وأعمل سلسه متكامله لكل الحاجات دى حتى لو خطوط إنتاج صغيره فى الأول
عصمت ضحك بصوت عالى جدا : هاتعملى زى الولد إلا عمل كل المصانع فى مصنع واحد وشربهم بودرة سراميك
شيرى ضمت حواجبها : ازاى يا بابى
عصمت جاب الفديو وفرجها عليه .. شيرى تنحت .. واووووو .. دى دماغه جباره
عصمت : دماغه حلوه بس راح فى داهيه عشان مشى غلط
شيرى : المفروض دا يستغلو دماغه يابابى ويوظفوها صح هو عبكرى بس للأسف لعبها غلط فى لغط .. عبقرى من غير ضمير
عصمت : هههههههه بصى تخيلى كل الشريكات دى فى مصنع تحت السلم
شيرى رفعت إيديها : لا يابابى إحنا بقى نعمل مصنعنا فوق السلم هههههههه هانفكر مع بعض بعدين
عصمت : أحلى حاجه فيكى سريعة التخطيط فى الاماكن المناسبه .. أممم .. أنتى ناويه على إيه كل خطوه رجلى هاتكون على رجلك
شيرى ابتسمت بسخريه : ناويه أقلب الترابيزه وزى ماتكون وبعدها ها أنساه للأبد وأسيبه يتهنى بالق.... الا متجوزها .. نطرت إيديها .. بس قولى يابابى أزاى بلد بوضع مصر إقتصادها سئ للدرجه دى والمواطن بيعانى فيها
عصمت أتعدل وبص لشيرى بتركيز وهو بيشرح لها : أى بلد على مستوى العالم بتعتمد أعتماد كلى على الإستيراد إقتصادها بيقع فورا عشان بتتأثر بالأسعار العالميه .. يعنى البلاد إلا منغلقه على نفسها وعندها إكتفاء ذاتى والتصدير عندها أعلى بكتير من الإستيراد دى البلاد إلا أقتصادها مستقر تماما وما بتتأثرش بموجة الأسعار العالميه تأثير كبير او يبقى سلبى عليها دا غير الديون طبعااا والقروض دا عبئ أكبر وأكبر
شيرى رفعت حاجب : والحل
عصمت : الحل المستثمر الصغيررر إلا هو جوا البلد دا أولا .. إنشاء مصااانع ونشغل عجلة الإنتاج بحيث إننا لما نشتغل وننتج أى منتج داخل البلد ونبتدى نصدره العمله الصاعبه هاتدخل البلد مش هاتخرج منها وهايبتدى الأقتصاد ينتعش ومصنع ورا مصنع وخاامات متوفره وإنتاج خامه داخل البلد أعتقد ساعتها الاقتصاد هايكون قوووى جدا وصعب الشعب يتأثر بأى عوامل خارجيه زى رفع الدولار أو غيره
شيرى : مش صعب يوفرو خامه هنااا
عصمت ابتسم : أبدااا مصر مليانه خير وجواهر لليستغلها صح .. عندك الرمله إلا بيتصنع منها القزاز ليه نصدرها برا بتراب الفلوس وهما يصنعوها ونرجع نشتريها بمبالغ مهوله وعمله صعبه .. ماتنشئ مصانع وأبعت مهندسين ياخدو دورات تدربيه وأشتغل أنت جوا بلدك وبدال ما بتصدر الرمله خامه لاء صدرها منتج وأستفيد أنت بفرق السعرر إلا هايكون عشر أضعاف سعرها .. القطن هو فين يا شيرررى .. كان معروف زمان القطن واجود أنواع وأغلى انواعه هو القطن المصرررى بقى المصرى يلبس بلاستك والأروبى يلبس قطن ميه فى الميه وبعدين ترجع للمصرين باله وأستوك .. دا تفكير عقيم وفى إصرار لقتل إقتصاد البلد دى وتدميره .. فين مصانع الملابس ليه مفيش مركات عالميه كتيره بأسم مصر وانتاج مصرى .. إحنا أرض مليانه بالدهب ليه نجيب شريكات من برا مصر تاخد نسبه أعلى من الا إحنا بناخدها فى دهبنا عشان تطلعه من باطن الأرض وتنقيه .. ليه مانستغلش الشباب والمهندسين وندربهم برا ونشترى الالات إلا بتساعدنا وعندنا عباقره يعملو زيها وأحسن هما مثلا عندهم عقول وإحنا عندنا مهلبيه ويبقى كل خير أرضنا لينااا .. أغلب الخامات الا بنستوردها يا شيرى كان أساس تصنعها ووجودها مصررررى ميه فى الميه من أول الخامه لحد التصنيع النهائى .. ندور على الكسور فين ونعالجه مش نستسلم لسوء الوضع وضغط الوضع العالمى علينااا ونسلم نفسنا وحياتنا وصناعتنا ليهم
شيرى هزت راسها وبصت حواليها مستمتعه جدااا بالمنظررر وبترسم خطط كبيره لمشاريع ضخمه بس يا ترى هاتلاقى الدعم من الدوله والا لاء وهنا مربط الفرس بالنسبه لأى مستثمر وخصوصا المستثمرين الصغيرين إلا بسببهم البلد بتنتعش إنتعاش حقيقى عشان أغلب المتطلبات إلا بيستوردها التجار من برا ها تتوفر داخل البلد وهايوفرو عليهم شحن وجمارك وسعر الدولار وإذلاله للدول فقيره إقتصاديا هايبقى فى فرق كبير فى الأسعااار بحيث إن هايتم خفضها جدا للتاجر وبالتالى للمستهلك وبالتالى الفايده الكبرى هاتعود على البلد وأهلها فى المقام الأول
**
محمد قاعد وسكره بتناوله مج الشاى .. لسا هاتمشى مسك إيديها قعدها جمبه وأتكلم بهدوء : عايز أفتح قلبى ليكى
سكره أبتسمت : سمعاك
محمد خد نفس : أنا وماما كنا دايما مختلفين مع بعض ما أنكرش طبعا إنى أتأثرت بيها بحكم إنها أمى وإتأثرت بفكرها ... بس ساعات كانت بتوصل الأمور بينا إنها ممكن تقاطعنى بالشهر ومهما أكلمها صعب أرضيها كان بيحصلى أمور صعب أشرحالك دلوقت برغم ان عندى حق بس مش عارف كل حاجه كانت معصلجه قوووى .. أبويا قعد معايا وقالى هو دا زعل الأم والأب . مهما كنت فاكر نفسك على حق إلا زعلهم عند ربنااا
سكره فهمت المغزى من كلامه وغيرت الاتجاه عليه : طب أزاى قدرت تزعلهم عشانى
محمد : انا مازعلتهمش انا كنت بحط النقط على الحروف مش أكترر عشان كل واحد يبقى عارف حدوده أنتى مراتى اااه وكرامتك من كرامتى وكل حاجه بس لو سيبتهم يتعاملو معاكى بانانيه ويحسسوكى إنك دخليه علينا او مجرد خدامه جاى تخدمى الكبير والصغير هاتبقى عباره عن مرمطون لينا كلنااا .. لا أنتى ها ترتاحى ولا أنا .. لاء كل واحد يعرف حدوده ويعوفو بردو إنك زيك زيهم وبنت ناس مش معنى إنك متجوزه إبنهم تبقى بلا حقوق وبلا قيمه على الأقل يوم ما أقولك أنا محتاجك تقفى جمبى أو جمب أهلى ألاقى منك سعة الصدر وإيدك بتتمدلى مش تكونى مليتى وجبتى اخرك مننا كلنا
سكره أبتسمت واتعدلت واتشعلقت فى راقبته : وابنهم إلا كان بيقولى يا خدامه أعمل فيه إيه دلوقت متناقد حضرتك
محمد أبتسم : عاقبيه بس لو غلط أنا كررت الكلمه إلا انتى قولتيها بعرفك أنا لو ها اعاملك على إنك خدامه هايبقى دا وضعك إنما أنا كنت شايلك فوق راسى والموضوع ملوش علاقه ببنتى مجرد انى بظهرلك الفرق بين المعامله مش أكتر عشان تفكرى أنتى بتحطى نفسك فى أنهى قالب بكلامك
سكره : أفهم من كدا إن إلا بتعمله من ورا قلبك
محمد بتاكيد : من ورا قلبى وأنتى عارفه إلا فى قلبى إيه .. خد نفس وهو باصص لشفايفها وبيحاول يتماسك بس مشاعرهم كانت أكبر من الموقف نفسه .. عاشو اللحظه بكل ما فيهااا واستدعى سكره لبين احضانه ودفى وود قلبه لها .. بعد وقت هى نايمه جمبه على السرير وهو بيمسد على شعرها .. رفع وشها له وهمس .. بحبك
سكره ابتسمت وبتهرب بوشها بعيد عنه رفعها تانى وبضحكه .. عامله مكسوف دانتى خدتينى لحم ورمتينى عضم
سكره تخنت صوتها وبتحسس عليه : فين دا مانت ملحم زى مانت اهوو والا هو رمى بلا
محمد قلب شفته : رمى بلا .. قومى من هنا جاتك البلا فصلتينى متجوز بقره بعد شويه هاترفصنى
سكره : هههههههه شكرا يا دكتور يا إلا مبيطلعش منك العيبه وبتقوم
محمد : خد ياعم عيبه تعالا
سكره قربت لزقت فيه وهى بتبربرش : نحم ياحموو
محمد بتريقه : نحم ياحمو
سكره : اه بكلمك بالصوت الشتوى أكلمك بالخريفى عشان ياسمين تنشكح واظهر البقره الا جوايا بجد
محمد : ههههه ياسمين دى كلت دماغو عايزا كام ست يتلمو عليها ويعرفها جميع الأصوات إلا عايشنها مع إجوازهم شتوى على صيفى على بنجلادشى هههه هه .. عايزين نتكلم كلمتين جد
سكره : اتفضل سمعاك
محمد : إيه حصل بينك وبين مها خلاكى تسيبى البيت وتمشى وماتكدبيش عليا
سكره ضربت بوذها وأتوترت : مش وقته سيبنى مبسوطه إنك بقيت معايا ومش زعلان منى ولا انا ها أطق منك
محمد : ههههههه ضربها بهزار يا شيخه طقى وريحينى
سكره : ههههههههه بعينك على قلبك
محمد : خلينا نصفى كل الامور .. سكره إحتمال كبير نكمل حياتنا هنا مش عايزك تعانى من حد ولا حد يعانى منك عايز حياتنا مستقره فهمانى
سكره أتخنقت : أمى يا محمد هى ويونس هما عيلتى كلها .. بحبهم قوى قوى قوى كنت فرحانه انك غيرت نظرتك فيها وصعب أتخيل إن وجودى عبئ على حد فيهم أنا بعدت عنها لما قالت ان وجودى عبئ عليها قالت ياريتنى ما خلفتك ولا شفتك دموعها نزلت أخر حد أسمع منه الكلمتين دول هى
محمد رفع إيده ومسح عيونها . باس كل عين وحط أورته فى أورتها .. هى خلفتك عشان ترازينى وتطلع عينى أنا
سكره ضحكت وضربته : أنت رخم
محمد : هههههه عادى يا سكر دانا سمعت الكلمه دى من أمى عشر تلاف مره وبقت هى الا تعيط بعدها ... عصبية أم مش أكتر .. تعالى شوفى حازم وهو بيقلد أمه .. رفع صوته .. أنا أدعى على إبنى وأكره إلا يقول أمين .. ههههههه وبعدين دانتى داخله عليها بمليكه صدمتى الست صدمة عمرها راعى حالتها النفسيه
سكره أبتسمت ودموعها نازله : اصعب شئ فى الدنيا إحساسك أن كل إلا حواليك مش عايزينك
محمد : بصى يا حبيبتى دايما مشاعرنا بتهول الأمور وبتكبرها وإلا ماكنش بقى أسمها مشاعر .. الشخص الحساس أكتر شخص بيعانى من إلا حواليه بمبالغته للامور .. والا حواليه بيعانو منه بسبب رد فعله الأوفرر .. مسك مناخيرها شدها ارمى كل إلا حصل من ورا ضهرك وأتعاملى مع الكل كأنك صفحه بيضه لسا بتكتبى فيها بسم الله الرحمن الرحيم .. وخلى الموقف ينتهى بمجرد إنتهائه مايبقاش له توابع عليكى وعلى غيرك .. ليه عشان صحتك النفسيه والجسديه وعشان ماتقرفيش إلا حواليكى يا سكر
سكره : هههههههه انت لازم تهزقنى فى أخر الكلام
محمد : دى نصيحه يابنتى ماهو القرف هايقعدلى أنا وبيشاور على نفسه وبعدين مبقاش فيا ركب أدور عليكى أنتى والمهبوشه الا جوا دى فى حته تانى
سكره : هههههه أحسن تستاهل
محمد ميل راسه : قد الكلام دا
سكره بضحكه وهو بيزغزها : ههههههه اه هههههه بس نفسى راح
محمد بعد عنها ولسا هاتقوم تجرى مسكها : تعالى عايزك فى موضوع أعمق
سكره بصتله : يخربيت العمق الا انا عايشه فيه كفايه عمق
محمد : هههههههه إحنا كلنا هانتعمق فى الحوار دا خلاص انا قررت أظهر مليكه للكل .. امك ماكنتش عارفه تطربقها فوق دماغنا وتقول لابويا بالمره عشان يدورو علينا إحنا الاتنين
سكره بتنادى : عيل تايه ياولاد الحلال وأسمه محمد وعنده خشروميت سنه ودكتور
محمد زقها : رمسيس التانى نايم جمبك متحنط
سكره : ههههههه بجد نويت توجع قلبنا تانى انا ليا رأى أحسن من رأيك انت تاخدنا ونسافر فى أى حته ونرجع لما البنت تدخل الكليه وأقولهم خلفتها بفرق التوقيت
محمد : هههههههههه تلات سنين ونص فرق توقيت .. خد نفس والله انا عارف ان الضحك دا ها يطلع علينا بلا أزرق ..
سكره بتفكير : بقولك إيه سيبلى المهمه دى وخليك استاند اب
محمد بتريقه : لاء انا سفن أب ولا تشغلى بالك ههههه هاتعملى إيه يا فزلوكه
سكره : ها أخدها وأروح لهم زى ما عملت فى مهااا وأخد أنا وش القفص وانت خد باقى القفص
محمد : ههههه أنا ها ألبس القفص كله فى وشى .. تفتكرى ها يتقبلوها
سكره : عارف ها يتقبلوها ليه عشان بنت شيرى ودا طموح مامتك واخواتك اصلا ليك ماتقلقش ..
محمد : انا مش قلقان غير من بابا وخايف عليه قوى ها أخيب أمله فيااا
سكره بتحاول تطمنه : سيبها على الله أنت نيتك خير يابنى رايح لهم بجلطه فى خير أكتر من كدا
محمد : ههههههههه لازم تاتش تموتى فى التاتش
سكره بفخر : طبعا
محمد أتنهد : بعد ما أهلى يعرفو بوجود مليكه هانعيش حياتنا طبيعى جدا وانتى تشوفى كليتك وحياتك تمام لقينا الأمور هنا صاعبه هانسيب البلد لحد ما الوضع يستقر
سكره بتأكيد : تمام . بس ماقولتليش الشقه دى بتاعت مين
محمد أبتسم : شقتنا كلمت سمسار يشفهالى ويفرشها على ذوقى لما زعلتى من معامله ماما وأخواتى قولت صعب تعيشى معاهم و نزلت مصر كلمنى وقالى جاهزه قابلته خدت المفتاح ووديت فيها شنطى وماأتفرجتش عليها غير معاكى وبيكى زى ماكنت بتمنى ووديت عند بابا شنطه صغيره عشان ما يشكش فى حاجه
سكره بتشده : لاء فرجنى تانى مليش دعوه
محمد زقها : أتخمدى يا تقومى الواحد بيجيب وجع الدماغ لنفسه
سكره : طبب أنت قولت لأهلك إحنا قاعدين فين
محمد : لما قابلت بابا بعد ما جبتك هنا عرفته إنى أشتريت شقه بس مش ها أقول على مكانها غير لما أئدبك او بمعنى أصح لما يعرفو بمليكه خوفت يجى وتبقى مصيبه
سكره هزت راسها : يعنى أنا فى عين أبوك بتأدب دلوقت .. بصتله بنص عين دانا ها أطلعه على جتتك
محمد : ههههههههه مش مهم المهم إننا ها نطلعه واحنا مع بعض
.. جاب الفون بتاعها .. أتفضلى
سكره نتشته بفرحه وطلعت تجرى
محمد بصوت عالى : خدى يا هبله فاصل شحن اشحنيه وكلمى نورا هاتموت وتكلمك
سكره رجعت خدت الشاحن وطلعت تانى فى الصاله حطته على الشاحن وانطلقت فى المطبح بترمح جوا التلاجه وأدى إلا بناخده من الصلح وسنينه 😂😂😂😂😂 بتبقى صديقة التلاجه مش صديقة البيئه
**
يونس روح بعد مامشى من عند سكر ولا بياكل معاهم ولا بيتكلم زنوبه دخلت له : لاء منا لازم أعرف فى إيه مش هاتسيبنى دماغى تودى وتجيب
يونس بصلها وصعب عليه نفسه : فى إن أنتو بعاميلكم فى سكر دمرتو حياتى خليتو الناس خايفه تخش بيتنا او تبص فى وشنا حتى
زنوبه : نعم ناس مين دى وأنا اشبشب لهم ليييه داحنا نشرف أى حد
يونس : هئ فعلا تشرفو أى حد
زنوبه شاورت على نفسها : بتستعر مننا يا يونس .. هى دى اخرة تربيتنا فيك .. لا ماأنت قولتها أنت تربية المعدوله أختك
يونس زعق : اختى أختى أختى .. اه تربية أختى وليا الشرف انى أكون تربيتها ياماما سيبينى فى حالى بقى وعيط قوووى أنا مش عايز أتكلم معاكو نفسى أمشى ما أرجعش هنا تانى
زنوبه قربت عليه حضنته : بعد الشر يا قلب أمك دانا عايشه العيشه دى عشانك يا يونس فاكرنى فرحانه ومبسوطه أنا زعلانه زيك وأكتر ماتزعلش منى لو زعلتك يا ولا وبتبوس راسه .. خلاص يا يونس طب عايز آيه فلوس .. طلعت من صدرها فلوس .. خد هما دول كل إلا معايا والله حوشتهم بطلوع الروح من إلا ما يتسمى أبوك
يونس زق إيديها : مش عايز حاجه سيبنى فى حالى
زنوبه : لاء مش ها أسيبك غير وأنت رايق اربعه وعشرين قيراط انا روحت المكان الا هو القبه والا ايه العسكرى دا وخدت شهادة وفاة أخوك وقدمتها وعيطت لما شبعت عشان يخرجوك يا ضنايا لجل ما تشوف حالك عملت كل إلا الناس قالولى عليه
يونس أترمى على المخده وبيقول بعد إيه خلاص مش فارقه
الجرس رن وزنوبه قامت : ها افتح لابوك وجيالاك يا ضناايا .. راحت فتحت إتفاجئت بالحاجات الا جايبها يونس لمنى كلها والدبله والمحبس .. شهقت وبرقت وهى بتاخد الحاجه من راجل غريب سابها ونزل متنحه زى ماهى وبصت على أوضة يونس بصعابنيه .. أتاريك يابنى مقهور ياوجع قلبى عليك يا يونس قولتلك بلاها البت دى .. دخلت جوا لقته مفحوم من العياط قعدت جمبه وبمجرد ما شاف الحاجه زقها كلها نطرها بعيد عنه.. زنوبه اتخضت .. ماتعملش فى روحك كدا والله لأجوزك ست ستها
يونس أتعدل وعيونه حمرا دم : مش عايز ست ستها عايزها هى هاتعرفى تجوزهالى
زنوبه : طب إيه حصل عرفنى
يونس : خايفين منك أنتى وأبويا ارتحتى كدا
زنوبه شهقت : ليه عفاريت عفريت لما يمسكهم البعده
يونس : لاء مش عفاريت خايفين بنتهم تنضرب وتتهان زى سكر عرفتى إن كما تدين تدان .. عرفتى إن كل إلا عملتوه فى سكر إبنك هايدفع تمنه لوحده
زنوبه : أنا مالى يا ولا كان بإيدى إيه يعلم ربنا كنت احوش عنها وأخبيها منه هو إلا راجل مفترى إيده طرشه وبعدين بنته وبيربيها هما مالهم
يونس : بنته وبيفترى عليها وياما أنتى قومتيه ياما .. أما سبينى فى حالى أنا مش عايز حد يقعد معايااا
زنوبه حضنته وهو أنهار فى حضنها : حقك عليا يا ضنايا ها ارجعهالك بس أصبر
يونس : مش هاينفع دا عايز شقه برا هانجيب منين مفيش حيلتنا حاجه نجيب بيها شقق ولا ندفع مقدم ولا إيجار اد كدا كل شهر دانا شاب لسا ببتدى حياتى ها أغرف وأجيب منين
زنوبه بزعل على إبنها : هاتدبر لو على الشقه هاتدبر ها أخد الفلوس من أبوك وبدال ما يشطب الشقه الا فوق تاجر الشقه وتجيب منهم العفش ولا تزعل روحك الدمعه الا نازله منك بتكوى قلبى من جوا يا راجلى وسندى فى الدنيااا
يونس : هئ موت ياحمار هو لايمكن ها يطلع جنيه واحد منهم ليا أو ليكى دا مش هاين عليه يجيب جردل بوهيه يبض بيه الشقه كل ما اكلمه يقولى اصبر اصبر . خلاص بقى يا أما سيبينى أنا مخنوق مخنوق ومحدش حاسس بيا والله لو خرجت من الجيش وملقتش شغل ها أشتغل فى الفاعل عشان ما أتحوجش لحد
زنوبه قامت : مبقاش زنوبه لو ما رجعتها وعملتلك إلا نفسك فيه هو انا عندى كام يونس عشان افرح قلبه هو يونس واحد بس ووطت باسته ومسدت عليه .. ولا تقهر نفسك يا ضنايا وخرجت وهو بيبص مطرح ما خرجت بيستغربها أزاى حنينه قوى كدا معاه وكانت قاسيه على سكر ليييه التنقاد الفظيع دا عشان أنا أبنها وهى بنت ضرتها ماهى كانت طفله ماتعرفش حاجه ولا لها يد فى حاجه
****
حازم قرب قعد جمب أمه : حبيبتى يا صفيه منورا الدنيا كلها
صفيه ببتسامه : بوجودك يا حبيبى .. بقولك ياحازم سكر عامله إيه طمنى عليها
حازم : الحمد لله بخير أمورها مستقره إلا مش مستقره وعايزا مستشفى مجانين العقربه الصغيره
صفيه : هههههههه دى مليكه بلسهم جروح
حازم : قصدك شطه للجروح بتعمل هيجان للقاعد
صفيه : شكلك مبقوق منها يا حازم
حازم : أسكتى ياماما إلا شفته فى حياتى كوم والا شفته على إيد الأوزعه دى كوم تانى بقولك إيه ماتفكرنيش أصلها بتيجى على السيره
صفيه : ههههههه إبن الحلال عند ذكره بيبان
حازم : لا من جهة هى بنت حلال فاهى بنت حلال مصفى لو قولتلك محمد عنده ضمير اد إيه فى شغله مش هاتصدقى ياماما بجد سمعته هى الا سانداه وربنا موقفلو ولاد الحلال
صفيه : ربنا يباركله ويباركلك يا ضنايا .. صحيح بنت معتز جارنا تعبانه شويه وانا قولت لهم والله ما توديها لدكتور برا وإبنى موجود زمانها جايه يا حبيبى أكشف عليها وطمن أهلها
حازم تنح ؛ اكشف عليها بإيه أنا معايا حاجه
صفيه قااامت جرى جابت شنطته القديمه الا فيها كل حاجه : خد أنا شايلاها تحت ضلوعى كل ما توحشنى باخدها فى حضنى وأنام
حازم ضحك من قلبه وبيفتحها بفرحه : ياااه ياماما بتاخدى السماعه بدالى والله فيكى الخير إدينى جلبيه من بتوعك بقى عشان لما توحشينى أخدها فى حضنى
صفيه : ههههههه دانا ها أعملك شنطه فيها كل اشيائى ..
حازم : هى البنت الا ها اكشف عليها دى عندها كام سنه
صفيه : مروه أسم الله عروسه إيه قمر يا حازم عندها ٢٤ سنه
حازم : بتشتكى من إيه
صفيه : أنا عارفه هو انا إلا تعبانه والا هى
حازم : هههههههه صح بنجيب اى حد نكشف عليه طيب اعرفى تخصصى والا لاء .. الجرس رن وهو الا راح فتح .. دخلت فعلا بنت حلوه جدااا ومعاها مامتها سلمت على حازم وحازم سلم عليها .. قعدو جوا فى الأنتريه ومروه ما شالتش عيونها من على حازم من وقت للتانى تبصله
حازم بجديه : الف سلامه عليكى بتشتكى من إيه
مروه شاورت على نفسها : أنا
حازم بص حواليه : والله ماشايف غيرك عايز يكشف قام راح على أمها .. أنتى يا طنط إلا تعبانه
أمها : لاء يا دكتور بنتى مروه بسلامتها بتقوم من النوم كل يوم متعوره مره فى وشها ومره فى إيديها ومره فى جسمها
حازم تنح : ليه نايمه بمطوه 😂😂😂😂
مروه : هههههههه على فكره انا قولتلهم راحه فين محدش قالى
حازم بص لأمه بنص عين
صفيه : يا حبيبتى لازم إبنى يشوفك عشان تخفى دا دكتور ولا كل الدكاتره بصت لحازم ألا دى تشققات جلد ياحازم
حازم ضحك بصوت عالى وبص لمروه : خفيتى والا أكشف تانى شوية فازلين للتشققات وتبقى زى الفل أول مره أعرف ان فى تشققات فى الوش
مروه ابتسمت : خفيت جدا أنا خلاص مبقاش فيا حاجه
تليفونه رن وصفيه قامت تشوف مين لقتها نورا فتحت الفديو على طول وسلمت عليها وحازم مندمج مع جارتهم ماخدش باله
نورا : طنط هو حازم بيضحك مع مين
صفيه : ابدا دى جاراتنا جايبه بنتها حازم يكشف عليها
نورا هزت راسها : اااه هو بقى بيكشف عليها والا بيزغزغوه جوا .. الله هى كمان صوتها فرحانه قوى بالكشف .. طب ادهملى أسلم عليهم دول زباين خطيبى عيب ما يصحش
صفيه بصفو نيه : عيونى يا حبيبتى وخرجت .. خدى يا مروه سلمى على نورا خطيبة حازم وحازم فضل يكح لما روحه كانت هاتطلع
مروه اتعدلت : اهلا بحضرتك وبتشاور بإيديها
نورا ابتسمت : أهلا بيكى وألف سلامه عليكى
مروه ببتسامه : الله يسلمك يابختك بالدكتور حازم والله ربنا يتملكم على خير دمه خفيف جدا
نورا : حبيبتى عقبالك فى دكتور بردو والا عايزاه شبه حازم
أمها : لا يا حبيبتى تتهنى بيه بعد أذنكم قومى يامروه
مروه هزت راسها : بعد أذنك
صفيه : راحه فين يا أم مروه قومتى مره واحده كدا ليه
أم مروه : معلش يا ست صفيه نجيلك وقت تانى
حازم مسك الفووون : نورا إيه المفاجأه الحلوه دى
نورا : واضح انها حلوه يا دكتور قلبت شقة مامتك عياده للبنات فقط
حازم بيشاور على نفسه : وربنا مانا دى أمى وبعدين دى مش تعبانه دى ملبوسه
نورا : طيب أسيبك تطلع الا عليها بعد إذنك وقفلت فى وشه
مهند : شو بيكى نورا ليش متعصبه كل هالقد
نورا : مهند سيبنى فى حالى دلوقت البيه نازل مصر يكشف على البنات
مهند : حد قالك انه تخصص رجال فقط هايدا دكتور نورا مو بيتحدد شو بيدخله
نورا قفلت على حازم وهو بيرن : أيوا أنت ها تقولى مانت ماشفتش البت عامله ازاى ولا هو كان بيضحك ازاى دى راحه فرح مش راحه تكشف
مهند أبتسم : عم تغيرى يا قلب خيك
نورا : توء اوووف غيرة إيه يامهند . كرامه يابنى كرامه فين الكرامه
مهند شاور : كرامتك معو وإيلو . لاتفكرى من الحين تضعى حواجز بينك وبين الرجال مافى بين الرجال والا راح تصير مراته او مراته كرامه او هيك إشيااا كرامتهن من بعض
نورا بصتله : مهند بطل كلام قديم
مهند نطر إيده : خدى الجديد خيتى .. حبيه واتهنى فيه يابنت ماتعكرى على حالك لحظات حلوه كتير من شان إشيا فارغه
نورا مولعه من جواها : هو أنت مش كان نفسك تتعرف على اهلك الا فى مصر
مهند إبتسم : إيه والله يا نورا بحلم بهاد اليوم
نورا قامت وبتشده : ياله ننزل مصر دلوقت
مهند شدها : شو ما أخبلك راح نضهر من هون لوين أنتى .. راح ننزل الدرج هيك مو مصر
نورا : ههههههه ماشى يا مهند روح الله يسهلك
مهند ماشى من قدامها : جنت على الأخير هاى والله
نورا نطرت إيديها وبصت للفون الا بيرن تانى ديقت عيونها : منا لو رديت الخطوبه ها تتفسخ ها أمسك نفسى ومش ها أرد وبتعد .. ١٢٣٤٥٦٧٨٩
..
مر يووومين ومحمد عمل العمليه لفتحيه وأمورها الحمد لله تمام ونجحت عمليتها وحازم صالح نورا وكمان سكره طمنتها وكلمت مها صالحتها هى كمان ووعدتها تعدى عليها تشوفها ..
سكره : ياله يا ملوكه بابا واقف على الباب مستنى
مليكه شايله بندق وبتعدل شنطتها : اوكى .. قربت .. سكرا روح فين
سكره : رايحين للوحش أدعى من قلبك
مليكه رفعت إيديها : رب مووت خالص أرتاح شل وحش
سكره حطت إيديها على بوئها : أسكتى هاتودينى فى داهيه .. ياله أبوكى متوتر لوحده مش ناقص طولة لسانك
مليكه جريت على محمد : بابى روح وحش معاه
محمد ضم حواجبه : وحش مين
مليكه : سكرا قول روح وحش معاه شل وحش
محمد : سكر دى ها اقطع لسانها قريب ولسانك
مليكه : سااانه حلو جميل اقطع ليه .
محمد أبتسم : مين يشهد للعروسه الأوزعه بنتها
مليكه ضحكت ضحكه عسل قوووى : اوزى بنتو أنا
سكره قربت عليهم وبتقفل الباب : ياله
محمد بصلها : سكره أنتى متاكده ان دا وقته
سكره بتأكيد : سيبها على الله عشان نعرف نتحرك بحريه .. بسم الله توكلنا على الله
محمد خدهم ونزل ركبو معاه العربيه الا جابها إيجار واتوكل على الله مشى وصلو بيت فتحى والكل منتظر مجيهم على نار خصوصا الثلاثى المرح سهير وبناتها..
سكره نزلت وخدت مليكه : ياله اركن العربيه فى الجراج وانا ها اطلع لو حصل حاجه كبيره ها ارنلك
محمد بتوتر شديد : اصبرى نطلع مع بعض
سكره بنفى : لاء انا قولتلك كدا أحسن عشان ماتشدش معاهم أو الامور تطور بينكم وتسمع كلام فى وقته بينزل عليك زى الصاعقه ياله روح
محمد خد العربيه ومشى وسكر طلعت .. رنت الجرس وانتظرت حد يفتح .. سما فتحت وعيونها راحت على مليكه سكره بكل ثقه اتخطتها ودخلت والعيون اتوجهت عليها وبعد ما كان فتحى مبتسم الأبتسامه اختفت من على وشه وسعاد بصتله بتسئل بعيونها مين دى .. غمضت عيونها وبتدعى يكون إحساسها غلط الشبه بينها وبين محمد رهيييب مفيش فيه شك انها تطلع بنته
❤❤🧡💛💛💚💙
بقلم : لبنى طارق
💜💜🤎❤❤🧡🧡
تصويت ورأيكم
أنت تقرأ
سكره
Romanceانا سكره وإلا على كتفى بندق صديق الليالى والوحده صحيح فى ناس كتيره حوالينا جدا بس للأسف ممكن تعيش الوحده وسطهم ااااه ممكن ليه لاء إحساس إن حد قريب منك وفاهمك وروحه متعلقه بروحك إحساس جميل قووووى حد بيقرى كل إلا جواك من نظرات عيونك من غير ولا كلم...
