سكره

سكره ١٠

سكره ١٠
*********
• يا رب افتح لي بخير، واختم لي بخير، واجعل لي من لدنك سلطانًا نصيرًا.
• اللهم إني أسألك، يا فارج الهم، يا كاشف الغم، مجيب دعوة المضطر، رحمن الدنيا والآخرة ورحيمها، أسألك أن ترحمني برحمةٍ من عندك تُغنني بها عن رحمة من سواك.
• يا حي يا قيوم، يا نور يا قدوس، يا حي يا الله، يا رحمن اغفر لي الذنوب التي تحل النقم، واغفر لي الذنوب التي تُورث الندم، واغفر لي الذنوب التي تحبس القسم، واغفر لي الذنوب التي تهتِك العِصم، واغفر لي الذنوب التي تقطع الرجاء، واغفر لي الذنوب التي تُعجّل الفناء، واغفر لي الذنوب التي ترد الدعاء، واغفر لي الذنوب التي تمسك غيث السماء، واغفر لي الذنوب التي تُظلم الهواء، واغفر لي الذنوب التي تكشِف الغِطاء.
• اللهم في تدبيرك ما يغني عن الحيل، وفي كرمك ما هو فوق الأمل، وفي سترك ما يسد الخلل، وفي عفوك مايمحو الزلل، فبقوة تدبيرك وعظيم كرمك أسألك يارب أن تدبرني بأحسن التدابير، وتيسر لي أمري بأحسن التياسير، وتنجيني مما يخيفني، أنت حسبي ولا أفتقر وأنت ربي أبدًا ما أبقيتني.
• اللهمَّ مالكَ الملكِ تُؤتي الملكَ مَن تشاءُ ، وتنزعُ الملكَ ممن تشاءُ ، وتُعِزُّ مَن تشاءُ ، وتذِلُّ مَن تشاءُ ، بيدِك الخيرُ إنك على كلِّ شيءٍ قديرٌ .
• رحمنُ الدنيا والآخرةِ ورحيمُهما ، تعطيهما من تشاءُ ، وتمنعُ منهما من تشاءُ ، ارحمْني رحمةً تُغنيني بها عن رحمةِ مَن سواك.
اللهم لاتكلني إلى نفسي، فأعجزعن التدبير، ولا لأحد من خلقك وأجزع، و تداركني بلطفك، يا من لا تدركه الأبصار وهو يدرك الأبصار، وهو اللطيف الخبير.
• اللهم ألّف بين قلبي وقلوب أهلي ومن أختلط بهم، وأصلح ذات بيننا واهدنا سبل السلام، اللهم إني أعوذ بك من وساوس الصدر وشتات الأمر.
اللهم صل وسلم وبارك على سيدنا محمد وعلى آله وصحبه وسلم
❤❤🧡🧡🧡🧡💛💛💚💚💙💙💙💙💙💜💜💜🤎
الراجل هز رجله وخد نفس وهو بيطلع الدخان : أنا عملك الأسود
سكره فضلت واقفه على الباب منتظره تعرف مين عملها الاسود إلا طب عليها فجأه دا
الراجل : إيه خايفه تدخلى
سكره برغم خوفها بس تريقتها غطت على إلا جواها هزت راسها بتأكيد : اه أوى أوى .. طب ينفع ياعملى الاسود تدخل من غير إستإذان محدش علمك الأصول
الراجل ابتسم : كان زمان عملك الأسود يستأذن دلوقت .. هز صباعه بنفى .. لاء مابيحصلش بيدخل على طول وفى أى وقت أمال ليه  بيسموه قضا مستعجل
سكره بحده : مين أنت وعايز إيه
الراجل وقف وشاور على نفسه بكل عنجهيه وتكبر : مين أنا ..أنا عصمت أبو شيرى هانم .. عايز إيه إلا ها أعوزه لو ما اتنفذش هاتعيشى أسوء أيام حياتك على إيدى .. على صوته .. ماعاش ولا كان إلا يزعل بنتى أو يجرحها فاهمه
سكره نطرت إيديها بالا مبالاه : شيرى .. مشيت كام خطوه .. يبقى كدا أضايفك بقى مانت راجل كبير أد ابويا وأبو ضرتى المطلقه  مايصحش بردو تيجى تهددنى من غير واجب الضيافه
عصمت أبتسم بسخريه وبخبث قعد حط رجل على رجل من تانى واتكلم بهدوء : شيرى بتقضى شهر عسل جديد مع محمد من إمبارح وأنتى هنا قاعده منتظره إلا هايبقى طلايقك بكلمه منى وأنا عشان راجل بفهم فى الأصول جاى  نتفاوض وماتطلعيش خسرانه من كله
سكره فى اللحظه دى غمضت عيونها وشافت حياتها بتنهار أكتر وأكتر حد شدها لتحت قووى فى القاع وإداها ميت قلم على وشها  ..  معقول الكابوس دا مش هايخلص طب هاينتهى على إيه وليه الناس دى بتتعمد تقتلها كل لحظه .. ليه مشاعر الناس لعبه فى كل إيد ..  شويه دا يلعب ..  وشويه دا وشويه دا .. لفت بثبات وكأنها متخدره بصت لعصمت ودموعها واقفه جوا عيونها  : تفتكر إلا عاشت عمرها كله محرومه من الحنان والأمان هايفرق معاها كلام سيتك هاتعملو فيا إيه تانى بنتك كانت هاتخلص عليا أول إمبارح وربنا كان رحيم بيا ونجانى  .. كنت أتمنى أخلص وأرتاح منكم .. وبالهفه وثابت فى نفس الوقت .. تحب أتصل بمحمد وشيرى هانم  أبارك وأهنى وإلا أفرش لهم الأرض ورد على ما يوصلو من شهر العسل بالسلامه
عصمت رفع حاجب بإستغراب من ثباتها  : مش همك
سكره بتأكيد قعدت قدامه : ولا يفرق عندى . يتجوز .. يطلق .. يعيش حياته .. يتعزل ..عادى كله بيعدى وخصوصا .. شاورت على نفسها .. عندى  الدنيا عملتنى إن الألم الحقيقى هو الحزن على حاجه مليش يد فيها ها أفضل أحزن لحد ما أموت وأنا ما أملكش رجوعها ولا بإيدى أغيرها .. ساعات بنتجبر على وضع إحنا مش حابينه ولازم نعيشه يبقى أحزن على إيه محدش يستاهل يا أبو شيرى  صدقنى محدش يستاهل يتحزن عليه غير نفسك
عصمت هز راسه : يعنى مش هاتخرجى من حياة بنتى وتسبيها تعيش مع جوزها فى أمان
سكره نطرت راسها : قول لبنتك هى إلا تسيبنى أعيش بأمان وتشبع بمحمد .. أنا هنا ومش ها أمشى .. لايمكن اتخلى عن مكانى مش ها اسيب الدنيا تقعد تشيلنى وتحطنى فى كل مكان شويه وتهبد فيا وأقف اتفرج .. محمد معاها محتاجين إيه تانى ليه شايفنى عقبه واقفه قدامكم وأنتم فى إيديكم كل حاجه أمتى تشبعو وتبعدو عنى
عصمت بإستهزاء  : ولما أنتى يأسه من الحياه ومن محمد ومن كل حاجه عايزا تكملى ليه هاااا ... قرب وبص لها بصة مكر   .. عشان تلعبى وتسحبى محمد  واحده واحده لصفك وتقهرى بنتى وتاخدى مكانها مش فى البيت بس لاء فى قلبه كمان  ولما شيرى تقوله تعالى يقولها لاء لقيت البديل صح
سكره قعدت قدامه بهدوء وبنظره مش مفهومه  : بتحب بنتك
عصمت أستغرب السؤال بس رد : طبعا مين مايحبش بنته
سكره دموعها نزلت : ابويا ما حبنيش ورمانى وسطكم عشان كام ملطوش وزمان رمانى لمراته عشان ينتقم من أمى وبنتك مابتحبش بنتها زيها زى أبويا
عصمت زعق  : مين قال .. لو أنتى أهلك كارهينك بتقارنى دا ببنتى وبعيشتنا وأسلوبنا فى فرق بينا كبير
سكره بتأكيد : أيوا بقارن .. ولازم أقارن عشان الأنانيه إلا شوفتها فى عيونها ونفسى نفسى والأنا العاليه فوق عندها  ..  لما بنتها تبقى  أخر همها يبقى أكيد مش بتحبها  .. إلا مابيعرفش يقدم تنازل واحد .. رفعت صباااع .. واحد عشان إبنه يبقى مابيحبوش
عصمت بهجوم  : أنتى عارفه شيرى بتدير كام شركه .. عارفه الفلوس إلا فى البنك تعمل كام مدينه ..عارفه يعنى إيه يبقى عليها حمل جبال ولازم عيونها مفتحه ٢٤ ساعه .. هز راسه بنفى .. أكيد مش عارفه ولا فاهمه عشان ماجربتيش ولا عيشتى يوم فى كم المسؤاليات إلا عليها
سكره بهجوم أكبر وكأنها قاعده قدام أبوها : مش مبرر أبدا تتخلى عن مليكه  فلوس الدنيااا لو راحت هاتعرف تعوضها بس صعب تعوض بنتك .. عيطت قوووى .. قولى صح.. قول إننا مابنتعوضش قول إن العيل غالى ماينفعش نتخلى عنه أدام قررنا نجيبه للدنيا وأتكتب له عيش فيها .. صحيح دى إرادة ربنا بس ربنا سبحانه وتعالى  قال : ( وَإِذَا الْمَوْءُودَةُ سُئِلَتْ * بِأَيِّ ذَنْبٍ قُتِلَتْ)
.. ضربت على صدرها وصرخت  جااامد بأى حق بتقتولنا بالحيااا .. زمان كانو بيقتلو البنات عشان خايفين من العار من قبل ماتخطى برجليها فكان السؤال بأى ذنب قتلت .. عيطت جااامد دلوقت بتقتلو ولادكم عشان جوازتكم فاشله .. بتقتلوهم عشان كل واحد عايز يعيش حياته حتى لو على حسابهم .. القتل مش أخره تراب وبس  .. فى قتل نفسى وتدمير من جوانا  ماحدش بيحسه غيرنا  .. بأى حق بتدو لنفسكم حق الحياه وتستكتروها علينا .. مليكه هاتعيش مأساه يوم ما محمد يخرج من حياتكم عشان الناس أتعودت تلعب بالضعيف قليل الحيله
عصمت إتخنق وحاسس إنه مش قادر يرد عليها  برغم إنه شخصيه جافة التعامل مع الجميع بس سكره هزت شئ غامض جواه بقوه كبيره جدا هزته وداست على مشاعره بالقوى
دموعها زادت : للدرجه دى مفيش رد .. يعنى طلعنا بنتعوض عادى وممكن أى شئ يحل مكانا .. قالتها من قلبها .. خد بالك من مليكه دى طفله وبتعانى من حرمانها منكو ومن لمتكم حواليها  أنتو شايفنها شقيه وصعب التعامل معاها بس دا نتيجه إلا جواها تجاهكو ومش عارفه تعبر بيه غير بشقاوتها وفرط حركتها إسألنى أنا عن إحساسها عشان أكتر واحده حسته فى الدنيا
عصمت بصوت مبحوح : أنتى عايزا توصلى لإيه
سكره بدون تفكير : لقلوبكم ولحقوقنا وسطكم  .. طمن بنتك أنا خلاص مش عايزا الجوازه دى  .. وبمرار .. بس مش هاينفع أرجع دلوقت ماتدمرونيش أكتر وتكسرونى كلكم  إدينى فرصه أرتب أمورى وأمشى من حياتكم
عصمت بتفكير للحظات ونظرات لسكره بتمعن : إطلقى وتعالى معايا ها أعيشك ملكه وأشغلك وأسفرك بلد أروبيه تكملى فيها حياتك كل طلباتك هاتكون مجابه كل إلا بتحلمى بيه هايتحقق لو بعدتى عن بنتى  وعن محمد صحيح أنا ما بحبش محمد ولا عايزه يكمل مع بنتى بس لايمكن أكسرها أو أوجع قلبها إقبلى عرضى ليكى
سكره بصت له بصدمه : أنت فاكرنى إيه
عصمت : أنا بحل مشكلتك وبفتح قدامك أبواب صعب فى يوم تتفتح ليكى
سكره هزت راسها : مش عايزا .. زى ماقولتلك دا مكانى سيبونى أعيش فيه بأمان مش طالبه أكتر من كدا  شوية وقت بس
عصمت وقف : تبقى غبيه لو رفضتى العرض وأختارتى حياه ملهاش معنى ولا قيمه .. ها أسيبك  تفكرى لو وافقتى هاتوفرى عليا وعلى نفسك طريق مش عايزه يكون طريقك خصوصا إنك بتعانى وما زالتى بتعانى .. مشى كام خطوه لف بجسمه و بصلها .. مليكه هاتطلعلك حالا عشان دى رغبتها هى وأبوها وماتنسيش إنه بيقضى شهر العسل وإنتى هنا خدامه لبنته برغم إنه قادر يجيب خدامه وأتنين وتلاته .. سابها ونزل على طول وبعد لحظات بسيطه جدا مليكه طلعت .. أول ما قربت على الباب وبفرحه عارمه نطت وجريت وهى بتقول أسمها بعلو الصوت وفاتحه إيديها .. برغم عياط سكر بس تلقائى بادلتها محبتها إلا بعيده كل البعد عن الزيف وعن الوشوش إلا وقت المصالح بتتصالح .. ضمتها قوى قوى وكلمة وحشتينى بتزين مشاعر اتنين أتظلمو فى بحور دنيتهم وجمعهم القدر برغم ضعفهم وقيله حيلتهم
مليكه : إيه دا بقى الله
سكره بتمسح دموعها : إيه
مليكه نطرت إيديها  : كل شويه عيط عيط .. ليه قول ليه
سكره أبتسمت وحضنتها : عشان وحشتينى خالص كدا تبعدى عنى أسبوع بحاله
مليكه طلعت بوذ ومثلت حالها من غير سكره : وأنا عيط قول سكرا سكرا  .. ضربت إيد على إيد ..قول روح روح حب سكر أنا
سكره مسكتها من كتافها : بجد يعنى كنتى عايزانى وبتعيطى عشانى  هو دا إلا مخلينى أحبك حبك ليا
مليكه فتحت إيديها على وسعها : كتير كتير  بيت غرق عند تدووو
سكره ضحكت بصوت عالى ومليكه ضحكت على ضحكتها : اه يا بكاشه غرقتى البيت بعياطك عند جدو عشانى وأخيرا جتييلى
مليكه بتأكيد : اااه ضربت إيديها فى بعض وبتضحك ضحكه عسل قوووى
سكره بتجرى وراها وكانها هاتزغزغها : أمسك أمسك  ومليكه ضحكتها بترن أكتر فى المكان تحسو إن الشقه دبت فيها الروح وبقت كل حاجه بتنطق  بوجودهم مع بعض ..غيرت لمليكه  وخدتها قعدت فى البلكونه فضلت ترغى مع نورا وهى قاعده لوحدها  .. نورا أستأذنت ودخلت وسكرا خدت مليكه وركبت المورجيحه  فى أوضتها وقعدتها عليها
مليكه بضحكه : اركب سكرا هنا
سكره : كدا هانقع على الجيران أنا وأنتى .. زقتها وهى ماسكها وبتبوس فيهاااا .. قلبى ياناس بعشقك ياملوكه
مليكه لفت كانت هاتقع عشان عايزا تحضن سكر .. مسكتها بخضه وبخوف .. كنتى هاتقعى ماينفعش تسيبى إيدك مره واحده كدا 
مليكه حضنتها جااامد وجعت قلب سكر بكلامها : حبك قوووى سابنيش عند تدو  أقعد معاك هنا
سكره خدت نفس وضمتها : اااه يا حبيبتى والله كنت زعلانه وأنتى مش فى حضنى حتى لما بتيجى باليل تنامى جمبى اقوم من النوم مخضوضه وادور عليكى بقلبى وعيونى وأفتكر إنك مشيتى
مليكه : تدو قول أقعد هنا أسمع كلام  عيط كتير وقول سكرا بابى سيبنى ومامى سيبنى أنت كمان سيبنى ليييه
سكره بصت لها وحست إنها عايزا تصرخ بعلو صوتها وتقول هى دى مشاعر الطفل إلا بنتجاهل حقوقه هو دا الجفا إلا بيتربى جووواه فاكرينه مش فاهم أو ها ياخد على الوضع بس لاء مابيأثرش ولا بيوجع غير غياب الأم والأب
لحظات وتليفونها رن .. ردت ببرود تام . 
محمد برسميه : مليكه وصلت
سكره أبتسمت  وهى بتبص لها : ملوكه حبيبى .. تكلمى بابى
مليكه بفرحه شدت التليفون : بااااااااابى حبيبى .. أموووووه  كمان أنت  .. بابى أنا روح خلاص روح هنا سكرا .. أنت روح كمان وبتسرسع بطريقه تضحك  وتتكلم بحماس
محمد : هههههه شويه كدا وكلنا نروح حاضر .. فضلتى تقولى اروح لسكرا أروح لسكرا وأهو ياستى حققنا حلمك .مبسوطه
مليكه : اه يابابى .. خد يا سكرا ومدت الفون لسكرا
سكره : نعم
محمد : عامله إيه
سكره اتنهدت : الحمد لله فى أحسن حالاتى كفايه وجود مليكه فى حياتى
محمد أبتسم : كنت واثق إنك هاتفرحى لوجودها معاكى
سكره بتأكيد : فى حد يبقى فى حياته ملاك زى دا ومايفرحش على الأقل مش هاتعاملنى بخبث   .. المهم  أنت كويس ومبسوط
محمد : أمممم .. الصراحه  .. مش قوى  أو مش عارف أكون مبسوط
سكره ضحكت بهدوء
محمد بأستغراب : بتضحكى على إيه
سكره :  أصل ما اتخيلتش إنك بردو مش مبسوط محتاج إيه تانى عشان تتبسط مفيش حد زيك
محمد بهزار : بتحقدى عليااا
سكره :  مش لدرجه الحقد بس عمتااا ربنا يسعدك
محمد مش استغرب وبس لاء حس إن فى حاجه مش مظبوطه وتقريبا دا تلقيح كلام : بابا شيرى أتكلم معاكى فى حاجه
سكره بمرواغه : زي إيه
محمد : مش عارف أنا إلا بسألك قالك حاجه  لو فى قوليلى افضل  وياريت يبقى فى صراحه ما بينا
سكره بنفى و أستغراب فى نفس الوقت من ملوعته  : صراحه .. لا ولا أى حاجه .. أسيبك بقى عشان تلحق المؤتمر من أوله لتتأخر عليه أو يفوتك منه حاجه
محمد تنح : مؤتمر
سكره : اه  ياله بااااى
محمد : نعم
سكره : ياله باااى .. أو سلام عليكو
محمد بأستغراب  : وعليكم السلام .. قفل وبمجرد ماحط الفون على الترابيزه حس بإيديها بتسحب على راقبته بكتفه من وراااا .. قربت براسها وخدها لامس خده وبرقه : بيبى  كنت بتكلم مين  ومشغول عنى
محمد لف وبصلها ..أبتسم و باس خدودها : بطمن على ملوكه
شيرى اتعدلت وقعدت قدامه وحطت رجل على رجل : طبعا كلمت الزفته
محمد مط شفايفه لقدام : بطمن على بنتى وهى اسمها سلوى مش زفته
شيرى اتعدلت زى الغول وبتلف صباعها فى الهوا : بردو بتدافع عنها قدامى دانت بتفرسنى  مش ملاحظ إن كلامك عليها كتر ومدافعاتك كترت
محمد مسك إيديها بيبوسها وبهمس : حبيبى محدش يعرف يفرسه بس بمشى حالى عشان بنتنا تكون فى أمان  وكمان هى ملهاش ذنب فى حاجه عشان ندايقها أو نتكلم عليها بأسلوب وحش.. بصلها بتمعن كفايه إنها متجوزه بالأسم وحياتها واقفه ومرهونه طول الوقت عشان بنتى
شيرى قربت براسها عليه وعيونها فى عيونه : ماهى مليكه  فى أمان مع الخدامين إلا بفلوسنااا وإلا أنت بتتلكك المهم تعيش المغامره  وتحسس نفسك بتأنيب الضمير فاتروح تترمى فى حضنها
محمد رجع بضهره وبادلها النظرات  : تعرفى أنا أكتشفت إن  أنتى لايمكن تتغيرى
شيرى بتكبر : وأتغير ليه وعشان مين  أنا كدا وها أفضل كدا
محمد قام بزعل وهجوم : فعلا هاتتغيرى عشان مين أنااا ما أستهلش ياشيرى هانم
شيرى قامت جريت وراه حضنته من ضهره : يواااه بقى يابيبى مش معقول لحد دلوقت مش قادر تفهمنى ولا تتقبلنى زى ما أنا .. برغم إنى أتقبلتك زى ما أنت ولسا بحبك بتخلى عن الدنيا بحالها وكل همى أكون معاك وفى حضنك  دا مش كفايه
محمد لف ومسك وشها بترجى وحب : لو بجد يا شيرى هانكون مع بعض فى بيت واحد وبنتنا فى أمان ورعاية أمها ونجيب لها أخ ونبقى عيله على الاقل مش طول الوقت تتهمينى إن عينى زايغه وعايز أعيش مغامره.. أنا عايز أعيش أستقرار ..أعيش فى جو أسرى وولادى ومراتى حواليا ..أرجع من شغلى ألاقيكو فى أستقبالى  .. لأمتى ها افضل محروم من الإحساس دا أو متجوز بالأسم  نفسى أخد خطوه جريئه وأقول لأهلى وانتو فى إيدى
شيرى خدت نفس وبعدت عنه او بتهرب منه : أنا ما أقدرش أعيش متكتفه ..حطت إيديها على راقبتها  .. بتخنق  .. يا محمد أنا أتخلقت حره وها أعيش حره .. قربت منه وضمته قوى  ..يوم فى حضنك .. ويوم للشغل ويوم شوبنج ويوم اسافر .. نطرت راسها لورا  بعشق التغير ومابحبش النمطيه بكره الستات إلا قاعده ٢٤ ساعه فى البيت تخدم وتخلف وتربى .. إحنا نتخدم وبتشاور على نفسها مش نخدم .. نعيش الحياه وننطلق مش نتحبس  ..  أنت عارف يعنى إيه   تحرم عصفوره من حريتها وتحبسها جوا قفص برغم إن ربنا خلقها بجناح لجل ماترفرف وتطير  كدا هاتبقى  حزينه وتعجز وتموت بسرعه
محمد بيحاول معاها يمكن يغير تفكيرها : مش شرط العصفوره تتحبس وتعجز وتموت   .. لو العصفوره دى لقت الإهتمام والحب المتبادل  وبطلت تشوف  عشها سجن ويوم ما تفكر تطير تطير مع شريكها ها تبقى أحلى وأطعم  حياه .. أحلى من الوحده حتى لو كل يوم فى بلد .. أحلى من تمثال الحريه إلا بنتيه فى خيالك خصوصا إنك هاتعيشى الحريه على كتافى ومعايا وبيا  اوحش حاجه يا شيرى لما العصفوره تبقى أنانيه  أكيد ها تخسر كل حاجه
شيرى قامت وبنوع من الهجوم والعنجهيه : إلا حريتها تخسر كل حاجه إلا حريتها أو حد يتحكم فيها
محمد بخيبة أمل وإفلاس لكل محاوله بيحاولها :  يعنى أقفل الموضوع وأسكت
شيرى : ياريت عشان أنا زهقت من الكلام فيه إحنا رجعنا عشان بنحب بعض  وعشان نقضى وقت لطيف مش نعكنن على بعض وتدينى دروس طول الوقت فى الحياه الزوجيه والتضحيات  دا بابى ما بيعملش إلا أنت بتعمله ضيعت كل حاجه فى لحظه حتى قربك منى بتتهرب منه ولا كأننا رجعنا أسمى إلا بتعمله دا إيه هااا
محمد سابها وكتم غيظه جواه ودخل البلكونه تااانى من غير ما يرد عليها  .. قعد وبيفكر او سرح فى حياته إلا صعب تظبط أو تتعدل بسبب غلطه بيدفع تمنها طول الوقت وللأسف بدال ما يصلحها بيزود غلطها كمان وكمان لرجوعه لنقطة الصفر من تانى .. وكلف واحده ملهاش أى ذنب تدفع معاه فى غلطه  .. فعلا إذا ركبت القطار الخطأ أعلم أن كلما زادت المسافه كلما زادت التكلفه  .. يعنى النزول فى أول محطه هايوفر علينا كتير خصوصا لو مفيش أمل للتغير فى البدايه  ..
..