سبحان الله وبحمده سبحان الله العظيم... ابدا بروايتي الأولى ان شاء الله تنال اعجابكم ❤️❤️
____________________________________________
اهلين انا شيخه وعمري ٢٤ سنه خريجه جامعه ولله الحمد،،، احب الخير للكل واعامل الناس بطيب وصدر رحب خاصه كبار السن اعشقهم ...هواياتي احب الزراعه عندي بالبيت خضروات زرعتها بنفسي حتى ورود بعد بالرغم اننا نسكن في قريه مافيها اي أشجار او زرع بس انا احب التغيير ماعلينا عائلتي صغيره جدا بعرفكم عليها اخوي مشعل عمره ١٢ سنه يدرس في الصف السادس .أما بالنسبه لأمي وابوي فهم تحت الارض متوفين الله يرحمهم قبل سنه صار عليهم حادث وهم راجعين من مكه واخذ الله ارواحهم كانت سنه اصعب سنه مرة علي من تقلبات المزاج والعزله والخوف كنت كل يوم ابكي على فراق امي وابوي حزن بقلبي ولا زال الحزن فيني طبعا الحمدالله انا مو لحالي يسكن بنفس القريه خالي وعمي هم الي يعتنون فينا ويوفرون لنا الاكل والشرب ولكن بقليل طبعا لازم يكون فيه طمع لكل شي دايم كل شهر عمي يحول لنا ٢٠٠ وخالي ١٠٠ وكل شي علي من مصاريف البيت واخوي ومصاريف دراسه اخوي والنقل والكهرب أمور كثيره على راسي وانا الي احاول اني ادفعها قصتي مو هاذي قصتي بقولها لكم .ابوي قبل يتوفى تسلف من شخص مايقارب ٢٠٠ الف ريال والرجال يوم عرف بوفاة ابوي خيرنا اما ان نبيع البيت ونسدد الدين او اني اتزوج الشايب الي يكون ابوي تسلف منه .حاول عمي يقنعني اكثر من مرة اني اتزوج الشايب بس انا رافضه عمري ٢٤ اقط عمري لشايب اكبر من ابوي !! مايهتون الا في الفلوس بس لازالوا يقنعوني وانا رافضه تمام بالفكره وكاني اقط نفسي في النار انا انسانه زيي زيهم! ...بقولكم سالفتي وكيف تغيرت ونبدأ
_ صحيت من النوم الساعه ٦ ونص قومت مشعل للمدرسه وفطرته وعطيته فطورة ومشا للمدرسه مع الباص سويت لنفسي فطور وجلست على الجوال وبعدها نمت صحيت من القيلولة الساعه ١١ ونص الظهر رحت للمطبخ اسوي الغدا وكنت اغني وقتها فجأة سمعت صوت سيارة وصوت اخوي مشعل وهو يقول ( وخر عني لا تذبحني !!) وبسرعه طفيت الفرن ولبست عباتي ونقابي وطلعت وهنا كانت الصدمه !! كانت فيه سيارتين و٥ شباب قاعدين يهددون مشعل ويضربونه بالعصا !! اخذت الحجر ورميتها على الي ضرب اخوي وقلت بصوت عالي : ولدد وخر عن اخوي !!
اخذت عصا ووقفت قدام اخوي وقلت بنبره خوف : مين انتم !! وليش تضربون مشعل !!
تقدم واحد من الشباب بابتسامه خبيثه وقال : احنا الي تسلفتهم منهم الدين وقاعدين ناخذ حقنا !
وقلت له : تاخذون حقكم بضرب شخص أصغر منكم والله انكم مانت رجال وتخسى الرجوله عندكم !!
ضحك وقال : سمعتو ذي وش قاعده تقول!؟ هيه وش شايفه نفسك علينا ؟ ترا احنا معنا فلوس نقدر نسوي كل شي انتي ماعندك ولا شي ماعندك غير اخوك المسكين هذا ولا يسوى الريال..وبدأ يطقطق علينا ويضحك بستهزاء وتكبر
جلست ساكته واناظر مشعل بكدمات على وجهه ..رديت عليه وقلت : وش تبغى الحين ؟ ضربت اخوي وأخذت حقك من اخوي الصغير وش بعد وش تبون منا !!؟
قرب من عندي وطلع سلاحه وصوبه على اخوي وقال : اذا طلقت النار على يده اعرفي ان دينكم خلص ونخليكم بحالكم ..وابتسم
تقدمت من عند السلاح وقلت له بصوتي الي يرجف والخوف الي في قلبي : ماراح تعدي الرصاصه الي علي اذا أطلقت النار أطلقها علي ..كنت خايفه وبنفس الوقت خايفه على اخوي
ناظر فيني بنظرات غريبه وقال : تبيني اطلق عليك ؟ وينتهي الدين ؟
قلت له وانا احاول اقوي صوتي : اي اطلق علي راح احمي اخوي هو الوحيد الي بقا لي !
نزل السلاح وقال : ياعيال يلا مشينا نجيهم يوم ثاني تأخرنا على ابوي .
قلت له بكل احتقار : ماراح اخليك تفلت باللي سويته باخوي بخليك تندم ! ماراح اسامحك ابدا!!
ناظر فيني ومشا ضميت اخوي وكنت ابكي واصيح من الخوف والموقف الي حصل !! ابكي بكل خوف واضمه.
يتبع بالبارت الثاني ..
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
