ولاكن ... كاينة الحاجة لي مانعاها دير هادشي حبسات دموعها بزز ... ضروفها القاصحة مايسمحوش ليها ... ناض و عطاها الشيك شداتو من يدو و شافت فيه ببلادة .. نور .. شنو هادا ؟ ماغاتعطيهمش ليا كاش ؟؟ هو ... " توسعو عينيه و حبس الضحكة بزز " بلاتي بلاتي عندي بانكا هنا ف الفيلا هانا انعطيهم لك ..." جمع ضحكتو في الحين "...واش عارفة شناهيا ربعين مليون ؟ نور .. " هزات راسها بخوف " والا كنتي غير كتكدب .. هو .. "شاف فيها بخطورة وصعر " جايا تخدمي ولا تفرعي لياااا ك** بالهضرة .. كمشات الشيك بين يديها بخوف و دارتو فصاكها بلا ماتزيد معاه شي كلمة ... عينيه ولاو جغمة د الدم خلعوها .. غير حلات صاكها شافت الدوا لي جابتو معاها ، يقدر ينفعها غير خصها ماتبينش ليه .. نور..."هزات راسها فيه و تبسمات فوق خاطرها "... تشرب شي حاجة ؟ " شافت ف البيت حابسة دموعها" ولا بلاش .. هز راسو بأه و هو كياكلها بعينيه من راسها لرجليها شافت هيا فيه كان باقي بالفوطة ... عرقات ونشفات ... وبدات كترعد وتوثر .. واخا هاكداك حيدات الكاش من على كتافها .. وشافت ميني بار عندو تماك مشات وحاولات تعطيه بالظهر ما امكن باش مايقشعهاش شكادير .. كان ملهي مع تيليفونو .. ضناتو كيهضر مع شي حد .. جبدات الكينة دغيا و دارتها ف كاسو و هزات قرعة من لي كاينين و كباتها ليه ... وكتدعي معا زهرها يوقف معها غير دابا .... شدات الكاس فيديها كاتترعد ،،، قدر هو يشوف حركاتها قرب ليها و شدو من عندها و ضحك معاها .. هو ... و نتي ؟ نور ..." تبسمات و ردات ببلادة " مالي انا ؟ هو .. " رفع حاجبو" ماغاتشربيش ؟ نور ..." شافت فالشراب وعاود فيه " اممممممم ... لا .. ماكانشربش .. هو .."بسخرية" اه نتي ماشي د هادشي " مد لها الكاس " غاتشربي هاد المرة .. نور .." حركت راسها بلا" ح..حرام .. هو .. " جمع فمو و هو كيحاول يخبي ضحكتو " امم ؟ على اساس هادشي لي غاديريه حلال ؟؟ كاتمثلي عليا الشرف والعفة دابا ؟ تمنات الارض تنشق وتبلعها قبل ماتقول هاد الهضرة ... حسات بالوان طيف دازو فيها كاملين ، سكتتات مقهورة .. و هي كاتهضر مع راسها فنفسها . " غير ليوم ا نور غير ليوم وكلشي غايسالي اتشربي و تعاودي ترديه " ضحكات ضحكة صغيرة و هزات راسها بموافقة نزل هو الكاس ديالو وكب ليها ... خداتو من عندو و يديها كيترعدو ماعرفاتش شنو دير كاتسناه غير يشرب كان كيشوف فيها كيتمعن ف ملامح وجهها ... مايقدرش ينكر بلي زوينة زوينة لدرجة حسابليه ماشي مغربية عينيها زوينين كلشي فيها زوين من اول ماشافها فالمزاد عطا اشارة لدراعو ليمنى باش ياخذها مهما كلفه الثمن .. حتى الفلوس للي عطا فيها ماهموهش .. المهم عندو دابا غايكون اول واحد داقها .. باينة فيها ماعارفة والو ... مازال بنت و غاتبيع عذريتها ... شرفها غايكون من نصيبو هو يقدر يكون اول واحد ايقيصها اول واحد ايشم ريحتها ، اول واحد ايشوف لحمها .. مجرد هاد الافكار خلاوه يحس بالانتصار وهو كيشوف فيها ... مانادمش فهاد الساعة على الفلوس باش شراها ... شاف فيها واحد اللحظة بتلاعب ... شاف في الكاس و نزلو ... و خدا يديه حيد لها الكاس حتى هي قبل ماتشرب ... غير قرب ليها كتر قلبها بدا كيضرب و يضرب و يضرب بالجهد غادي يسكت مافيهاش مد يديه و بعد شعرها على وجهها باش يشوف وجهها مزيان هو ... "غمزها" ماتخافيش الا درتي عقلك ، كلشي ايدوز معايا بخير .. " سكت و رجع كمل و صوتو تبدل " والا قصحتي راسك و حاولتي ديري شي حاجة ... فراك طحتي فالشخص الغلط ... قد ما نقدر نكون مزيان ... كانكون خايب ... قلبي كحل ولا درتك فعقلي غاندمك على نهار تزاديتي فيه .. " هضر تحت سنانو" نتي باغيا فلوسي وانا باغيك نتي ..
يديها بدات ترعد بدون شعور زادت اصرار باش يشرب داك الكاس باش يدوخ و تهرب خلعها بزاف .. غير بعد عليها سدات عويناتها بالخلعة... رجع هز الكيسان و مد لها كاسها و قبل مايشرب هز الكاس و قال بصوت غامض وهو تيضحك هو ... اتقي شري .. شربات من الكاس ... الشراب حرقها في حلقها و خلاها تبدا تكحب سدات عينيها ورجعات شرباتو كولو مابغات حتى مشكلة فهاد اللحضة قبل مايشرب هو .. غير حتى يبلع هاد السم وتمشي هي ترد غاع هادشي لي شربت .. قلبها ارتاح فاش شافتو شرب حتى هو ... بقات واقفة بجوج كيتبادلو نظرات وهو كيضحك معاها ولاكن...... ما هي غير دقايق .. حتى الدنيا ولات كاتبان ليها ضباب قبل ماتتحرك ... دنيا بدات تضلام فعينيها وحسات براسها جات مايلة وغاديا طايحة غير يديه لي تعرضات ليها و صوتو كاتسمعو بحالا فشي بير ..
هو ... قلت لك ماتلعبيش معايا ... و ماسمعتيش ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
