عذراء بالمزاد 💫مكتملة💫

الجزء 20 💫

تفزعات نور خصوصاا ملي حسات بدييه غااتقلع دراعها .. شاادها بالجهد والدخان كيخرج من فمو وودنو بي قوة الاعصاااب .. كانت غاطيح كوون ماازاد زير عليها وشدها موقفها بزز .. عرفات داكشي للي هربات منو طاحت فيه .. وبغات دير راسها ماكااتعرفووش واخا فالحقييقة صوتو و صورتو بقاو محفورين فدماغهاا وعمرها تنساهم وااخا تمووت..
نور .. " بدات كتدمع " شكون نتا ؟؟ بعد علياا ..
زاد زير وصباعو حساتهم غايحفروو لحمها وغايقلعووه ...
ياسر .." بغضب " علاااااش ناوية نتي بالضبط .. شنو كاديري مع الولييد .. علاش جاية لهنا ؟
نور .. " غمضات عينيها ومالقات حتى حل من غير تنكر " شكون نتا .. بعد عليا .. بعد .. "حاولت تدفعو وتحيد يديها وماقداتش " طلق مني .. بعد مني اهئ ..
غير بغات تغوت بااش تخلعو كان طااار عليهااا داافعها قداام واحد الحيط مكاليها بجسدو وعضلاتو ويدو تحطات على فمها مخليها ماقادراااش تغوت .. بداات كتحااول تعاافر معااه باش يرخي منها .. ولاكن كان صحيح علييها بزاف .. وقاطع فيها النفس ...
ياسر .. " هضر تحت سنانو " فلتي مني ديك الليلة كيسحاب لك اتفتلتي مني حتا هاد المرة .. ؟؟ فييين ناوية تهربي مازال ... " يديو لي كانت شادة فيديها طلعاتت لعنقها حتى خنقها بصبعانو " باقي نشوفك مع الواليد ولا كادوري بهاد الدار غاندفن ديلمك هناا وحتا حد مايجيب خبارك ..
حسات براسها اتسخف وبغات غير تهضر ماقداتش .. النفس تقطع فيها،،، مابغاتش تبكي باش مايحسش براسو ربحها وخوفها .. بقات حابسة البكية وكتنفس بالجهد .. قلبها كيضرب ..
حسات بفمو قريب بزاف ل فمها .. الا غير حيد يدو غاتلقاو شنايفهم بجوج .. كان عاقد حجبانو وعينيه مركزين مع وجهها وعينيها للي مدمعين بكترة الخوف .. طلق من عنقها حتى بقات كتكح حيت خنقها بيدييه..
نور .. "هضرات تحت يديه ملي رخى يديه شوية" شنوو .. شنو بغيتي مني اهئ ياك حتا الشيك ديالك ماخديتوش .. قطعتو .. انا مبعدة منك ونسيت داكشي كلو للي وقع .. بعد عليا ونسا حتى نتااااا داكشي ...
الا كان غايسحاب لها غايتعاطف معاها كانت غالطة بزاف .. ضحك باستهزاء ...
ياسر .. الا باقي شفتك كادووري بالواليد غاندمك .. "دوز صبعانو على عنقها" حلقك نحيدو لك من بلاصتك ...
نور .. " حاولات تبعد وجهها ومالقات فين" باك غير كيعاوني ..
ضغط على سنيه .. وبصبعو ضغط علا الشفى التحتية ديالهااا المصبوغة بلون الدم ...
ياسر .. باقي الطرريق طووويلة ابنت الراضي .. وديك الليلة غاتخلصيها مضووبلة ...
غير طلق منها حطااات يديها على عنقها كتكح .. وخايفة منو ومن العنف للي كان في عينيه .. جرات رجليها بزز .. باغيا تجري والطالون ماعاونهاش .. حسات بيه باقي واقف وراها ولا تابعها .. المهم كانت كتحس بنفسو للي سخونة قريبة لها .. وعلا شوية غايقتلها .. عينيه كانو حمريين بحال الجمر ..
نور .. " باختناق" داكشي درتو غير على ود ختي .. حتا نتا عندك خوك والا شفتيه كيموت قدامك تقدر دير اي حاجة على ودو .. الله يرحم لييك الواليدين بعددد على طريقييي .. وانا من هاد النهااااار ماغاتعاودش تشوفني مازال ...
سمعات ضحكتووو المستهزءة بحالا كيضحك علييها وعلى بكاها .. ماااابغاتش دور عندو .. كان خصها تحسب غير حتا ل تلاتة باش دموعها غايطيحو .. غاتكدب الا قالت ماخافتش من تهديدو .. للي عطا فيها ربعين مليون ف ليلة يقدر يعطي ربعين مليون خرا باش يخرج لها على حياتها ويدمرها ..
قرب منها حتا وصل لودنيها وزير على سنانو ..
ياسر .. حسابنا باقي طوويل يالاه بديناااا .. عاد ماغايحلا اللعب دابا ...
بغات ضور عندو .. ولاكن صوت البنت ديك النهار وصل عندها كانت لحقات على ياسر ..
هدى .. حبيبة ديالي علاش جاي ل هنا ؟
نور تفزعات وبعدات شوية .. ياسر غير شاف هدى زير على سنانو .. وضار عندها ..
ياسر .. مال مك نتي ؟؟؟ شنو كاديري هنا ؟شباغا ؟؟؟
كانت عاطيا نور بظهرها لهدى الشي لي خلاهاا ماقادراش تشوف وجهها .. زادت بالزربة مستغلة انشغال ياسر مع هدى ...
عرفات الا ميزاتها هدى غادير لها شي فضيحة وتشوهها قدام الناس كاملين وتفكرها كتر فديك الليلة ... وهي يالااه باغاا تفتح صفحةة جديييدة فحيااااتها
زادات بالزربة باغا تبعد من هاد العرس غاتشوف شي طاكسي ياخدها وعمرها باقي تقرب من هاد عبد الله .. اللهم الخدمة فالقهوة ولا المشاكيل مع هاد الناس وهي بوحدها ماقادراش تحارب ..
كان ولاابد تدوز على الجردة شافت وراها لايكون ياسر تابعها وبلا ماترد البال كااانت دخلات فشي حد ..