عذراء بالمزاد 💫مكتملة💫

الجزء 24 💫

حسااات نور برااسها كيف شييي لعبة بيناااتهم باااقي مااقدرااش تفهم اصرااار عبد الله انو باغي يزوجههاا لوااحد فولادوو علاش هي بالضبط ..
رجعات جوج خلفات اللور ويديها ضاراهااا ماقادراش تحركها حيت زير عليها ياسر بزاف حتا توعتاااات ..
شافت جهة ياسر شافتو عاض على شنايفو وكيهضر تحت سنانو .. النص في هضرتو كيخرج بالهولاندية والنص بالدارجةة ..
ياسر .. ماااتلوييش ليا ييدي بداكشي ... انا قاااادر بشغلي ...
عبد الله " رد عليه ببرود " للي بغيتي .. حتا علي ماغايعصيش امري ..
زاد ورك على الحروف د جملتو .. اما نور بقات مبهوضة باغيا تحرك تمشي بحالها ..
زاااد ياااسر صعر ولكن ماااقاال والو .. عض على شنايفو حتا كان علاين يسيل الدم من قوة الاعصاب ...
داز فباه وملي وصل عندهااا رمقها بنضرة احتقاااررر كانت بحال الموس تغرس فقلبهااا .. هي للي ديما فوجه المدفع ..
عبد الله .. " تبسم لهااا "نوور هااادشي ف مصلاحتكم بجوج ...
نور .. " ضحكااااات بي استهزاء " فمصلحتي ؟ شنووو كتعرف نتااا علاااا مصلحتييي من الاساس شنو كتعرررف ؟؟..
طلقااات رجليها قبل ماتوصل للدروج باش تهبط .. حسات بشي حد قوي عليها شدها من يديها وحكمهااا .. كان واحد الراجل صحيح عرفااااتو خدام مع عبد الله ..
دفعاتو وماقدراتش ...
نور .. طللق ... طلللللق منييي .. اهئ اهئ " زيرات على سنانها وشاف ف عبد الله " قوول ليه يطلقنيييي اممم ...

زاد جرها داك الرااجل حتى ولات قداااام عبد الله .. مااااعرفاتش علااش قدرااات تقرا فعينيه نضرة حنااان ...
عبد الله .. مااااعندك فيين تمشييي .. حتاا يسالي هادشي لي هنا ..
زاد وخلااهتتا مبهوضة وباقي داك الراجل جارهاا .. غوتات بالجهد باش يحن قلبو ..
نور .. عااافاك ،،، ختي ، ختي كتسناااااني ..
عبد الله .. " بلا مايدور عندها " ختك مأمنة هاد الساعة ...

حيتاش كانت خفيفة دغيا داك الرااجل كااان دخلها لواحد البيت تما لديك الطابق .. غير حطها لداخل خرج وسد الباب .. حاولت تفتحو وماقداتش بقات كتضرب فالباب حتا ضروها يديها .. بغات تغوت ورجعات سكتات الدنيا عامرة بالموسيقى والشطيح غاتسخر غير طاقتها وحد ماغايسمعها ..

طلات لتحت كيبان لها غير الشارع .. فكرااات تلوح راسها وتموت.. تهنى من هاد العداااب كلووو .. كتحس بي راسها عيات وكلشي جا ضدها ولاكن لمن غاااتخلي اية للدياب يفرسوها ؟ ولا لأمتاال عبد الله حتا هي يتحكمو لها في حياتها ... بداو دموعها كيهبطو واااخا حاولااات هاد النهار تقوي راسها ولاكن واااالو كلشي تجمع عليهاااا حتى تلييفونهااا جات تشوف لقاتتتو مديشارجي .. وماااعندها حتا حل من غير تتسناهم يرجعو عندهاااا ...
جلسات على الفراش حااااطة يديها على وجههااا مرة كتنخصص ومرة كترجع تسكت وتفكر فشي حل يفكها ويخرجهااا بحال الشعرة من العجينة ..
حتا مشا كلشي بحالو والدااار خوواات عاد حسات بشي حد كيقرب جهة البيت فيين حبسوها ،،، سمعات فواحد اللحظة الدقان في الباااب و فنفس الوقت ... تحل عليها ....