عذراء بالمزاد 💫مكتملة💫

الجزء 28 💫

صووت الدقاان فالباب هو لي خلاها تتخلع تا قفزاات من بلااصتها و حطاات يديها علا عنقها .. كتتأكد من كف يااسر باقي على عنقها لاكن مالقات واالو .. شاافت ليمين و شماال لقات البيت خااوي و تنفسااات ..
نزلااات يديييها على كسوتها كانت مامقطعاش ،،، بدات تسمح دموعها و تشهق .. كانت غير كتحلم هادشي كلو غيير حلم .. هي باقي حية ماماتتش كيف يسحااب ليها .. ياسر ماكانش هنا ماكاانش كيخنقها و ماغادييش يقتلها غير عقلها بكترة الخوف تهيأ لهاا جا عندها و باغي يقتلها وينتاقم منها ..
باقي بالكسوة البيضة د الباارح و باقي فنفس الفرااش لي نعسات فيه ..
صوت الدقان خلاها عاوتاني تخرج من تفكييرها .. ناضت بزز و رجليها فاشلين ..
نور .. دخل ..
دخلات وحدة من الخدم جايبة ليها واحد الصااك ..
هي .. سيفطهم لك السي عبد الله .. غانطلع لك الفطور ديالك ل هنا ...
يالاه بغات تقول لها فين هو عبد الله .. حتا كان بان ورا ضهر الخدامة و شاد ف يد اية .. وجهو مبسم وباينة فيه فرحاان ...
توسعو عينين نور شوية ورجعو عمروو بي السعاادة .. نساات كلشي .. مشات كتجري لعند اية عنقااتها كتبوسها بحالا عاام ماشافتهاش ..
نور .. " بلهفة " ياك لاباااس عليك ؟ كلشي مزيااان ؟
اية .. ااه .. ولاكن ،،، علاش بقيتي هنا ..
نور .. "غمضات عينيها ورجعات عنقاتها " ياك ماوقع لك والو ؟شكووون جابك لهنا ..
اية .. ماعرفتش .. "هزات كتاافها " ولاكن حتا لقيت راسي هنا فهاد الدار بالليل .. وبغيت نجي عندك .. " شارت لعبد الله ب صباعها " وقال ليا حتى للصباح ختك غاتكون ناعسة دابا و عياانة ..
شافت نور ف عبد الله عاد ردات ليه البال كانت نسات وجودو بمرة .. وقفات محرجة ...
نور .. شكرا ..
عبد الله .. صباح الخير ..
نور .. صباح الخير ..
عبد الله .. "حط يديه على شعر اية وهضر مع نور " نعستي مزيان بعدا ..
نور .. " ماقداتش تجاوب تفكرات الكابوس لي شافت .. حطات يديها على عنقها بحالا باقي كيخنقها حتا ل دابا " الحمد الله ..
عبد الله .. "ابتسم" انخلييكم دابا ..
خرج من البيت .. جرات نور اية لعندها كتعنقها وتبوسها .. حتا گلسو على الفراش عاد هضرات اية ..
اية .. علاش مالابساش البيجامة ديالك ؟ واش نعستي بهادي ..
نور .. حيت ماجبتش معايا حوايجي .. وكنت عييت ..
اية .. ماتبقايش تخليني نبات بوحدي 😔
نور .. " هزات لها يديها وباستهم" عمري ماغانخلييك بوحدك .. انا هي ختك و ماماك و باباك و عمري غانخلييك بوحدك واخا يوقع لي وقع ..
بلعات ريقها .. و القراار لي كانت خدااتو باش ترفض عااود تبخر غيير شافت فعينييين اية ....
جاو عينيهااا على داك الصااك لي جابت لها داك الخداامة .. ناضت كتقلب فيه لقات شي حوايج مناسبين ليها وباقي بتيكي ديالهم باينة عاد شرااهم عبد الله هاد الصباح .. خدات واحد دوبيااس و سروال كحل و تيشرت بيض ..
نور .. " باست اية من حنكها " غاندخل للحمام نبدل عليا ونرجع .. ماتحركيش من هاد البلاصة صافي .. واخا شكون ماجا ماتمشيش معاه صافي؟.
اية .. واخا ..
غير شي شويةةة وكااااانت لبساات داااك الحوايج .. جااو قدها فلقيااس تقولي مفصلين علييها ... وجههاا مسحاتو من المكياج د البارح وغسلااتو .. مشطات شعرها وعاد خرجاات .. لقات الفطور على الكوافوز مشكل و منوع .. واخاا كان فيها الجوع ماكانت قادرة تهبط حتا لقمة من حلقها .. شافت ف اية
نور .. عطاوك تفطري ؟
اية .. ااه لتحت .. علاش جينا لهنا ؟
نور .. "جلسات حداها وقرباتها ل صدرها " عجباتك الدار بعدا ؟
اية .. " دارت يديها علاا فمها بي طريقة طفوولية " اه زوينة بزاااف وكبيرة والبيت فاش نعست فيه فراش زووين غوز و عااامر بالالعاب .. و عاد عندهم لابيسين. ..
نور .. " شداتها من نيفها " ياك ونتي فين شفتي هادشي كلو ؟..
اية .. عمو عبد الله وراه ليا ..
نور .. "تنهدات وتبسمات بزز " والا قلت لك من اليوم غانعيشو هنا غايعجبك الحال ولا لا ؟
اية .. "دورات عينيها " نقول لك الحقيقة .. ؟
نور .. اهاه ..
اية .. " قربات من ودنيها " ااه قولي ليهم يخليييونا نعيشو هنا معهم .. عندهم هنا الالعاب بزاف والجردة كبيرررة والفطور لديد بزاف بزااااف .. حتااا نتي ماغاتخدميش وغانلقاو ماناكلو ديمااا ..
نور .. " دمعو عينينها حتا كتبغي ترفض الزواج وكتفكر التكرفيس لي غاتعيشو ختها بسبابها .. هضرات بي صوت مخنوق " واخا .. ولكن غاتواعيدني غاتسمعي الهضرة وماتحركيش بزاف حيت باقي مريضة ..
اية .. بصح بصح ..دابا صافي انوليييو نعيشوو هنا ... "طارت عليها كتعنقها " ديماا غانبقى نسمع هضرتك ومانديرش البسالة ..
نور .. " مدات لها واحد البسكوتة " يالاه كولي هادي ...
اية .. " كلاتها وضحكات " واش نقدر نعوم عندهم ؟
نور .. "شربات الحليب " دابا لا حيتاش نتي باقي مريضة ... ولاكن غيير تبراي اااه ..
اية .. "صفقات فيديها بحماس " صافي انا غانبقااا نشرب الدوا ديالي باش نبرا دغيا ونقدر نعووم ..
تبسمااات نور وعينيها سهااو .. هاااادشي كان تقييل علييها ولكن ضحكة اية كتخليهااا تنساا كلشيي وتقدر تضحي بالغااالي والنفيس على ودهاا .. والزهر لي وقف معها نهااار باعت شرفها موحال واش يقدر يوقف معهااااحتى هاد المرة ...