عذراء بالمزاد 💫مكتملة💫

الجزء 33 💫

وفجأة ،،، كلشيييي توقف من حولهم .. غيييير عينيهووم لي كيدورو في بلاصتهم كلشي كيشوف فبعضياتو و نور كاتشوف في عبد الله لي حااادر راااسو ... تسمع غير صوت ياااسر و هو كيشوف فنور
ياسر ... خوك ؟؟ خوك احمد لي كنتي ديما كاتعاود لينا عليه ؟؟؟
فقط رااسو لي تهز بلاا مايرد .... مشاعر مخربقة تخلطااات على نور ،،، هادشي مايمكنش يكووون بصاح ... مستحيييل ...
نور ... هههه كيفاش عمي ؟ انا ،،، انا ماعندي حد،، واليديا مقطوعين من شجرة وانا وختي لي عندهم ...
عبد الله ..."هز يديه باغي يقرب ليها " لا ،، احمد خويا الكبير ..
نور ... لا لا ... نتا غيير كاتكذب هادي كدبة جديدة باش تشدني تاني ؟؟؟ اصلااا انا كنيتي الراضي و نتوما ماكنيتكمش بحال كنيتي يعني مستحيييييل تكون عمي نتا غير كداااب ... و انا حماااارة حيت تقت فيك من نهاااار لول
عبد الله ... الاختلاف لي عندنا فالكنيات هو انا وباك ماكناش خوت شقايق ،،، كان خويا من مي ... كانت مزوجة قبل ماتزوج بالوالد ديالي و مات راجلها وتزوجات ب با....
نور ... " حلات عينيها بصدمة " منين نتا عمي !!! فين كنتي بالسلامة !!! عاد جاي دابا و باغي تزوجني بهاد الحمق د ولدك ...
ياسر تمااالك اعصابوو بززز ..
عبد الله ... خويا حمد كان كبر مني بتلت سنين ونهار ماتت الواليدة الله يرحمها ،،،، الوالد ديالي جرا عليه ... " تكلم بحسرة " خويا كانت نفسو حارة ... ماكيرضاش ... داك الوقت انا كانت عندي 17 لعام وهو كان كبر مني ،،، جمع حوايجو و مابغا حتا حاجة منا النهار باش خرج ماكنتش انا هنا ،،،
نور ... "نزلات يديها على صدرها " هادشي بزاااف ،،، مانقدرش نتحمل كتر .. منين نتوووما جرييتو عليه ... شنو بغيتي دااابا عندييي ؟؟؟ شنووووو ؟ علاش بنتي فحياااااتيي .... فين كنتي باش كنا كانتعدبوووو فييين ... عمركم حتى ماقلبتو علييينااا
عبد الله ... خليني نكمل ا بنتي ،،، سيفطني با نقرا في هولاندا ... حاولت نلقاه قلبت قلبت و قلبت حاا عييت ... و الارض بحالاا تشقااات و بلعاااتو ... كنت كانلقا بزاااف د الناس باسم احمد الراضي سمية د احمد و محمد كتييييرة .. ماقدرتش نوصل ليه فخطرة ... " هز عينو فيييها " بحالا ربي حطك فطريقي ،،، تمنيت نلقاه حي ولاكن ... ماكتااابش و مول الامانة كان دا امانتو...

دموعها كانو دايزين بحال شلاااال و بدات تضحك في نفس الوقت ،،،
نور ... و دابا باغي تزوجني بولدك ههههه ... كتفكر علا دنووبك متلاا ياااك ... مانقدرش مانقدرش نزييد هادشي بزااف ...
خلاتهم و طلعات كاتجري في حالاتهااا ،،، عبد الله شاف في ولااادو بزوووج و شااااف في عروستو ... هاد جوج لي كانو مصدومين و مافاهمييين واااالو ...
عبد الله ... سير نتا و مراتك ترتاحو
احمد فهم باه بغا يهضر معا ياااسر و انسحب هو و اسياا .. شاف عبد الله في ياسر لي كان معصب لأقصااا درجة
ياسر ..." طرطق عنقو " علاش ماقلتيش من لول هادي بنت خوك ؟؟
عبد الله ... ماكنتش عارف حتى عرفت سميتها ... والبنت شبهات ليا ل يما بزاااف حتى سميتها قريبة لسميتها ... شكيت .. و منين قلبت ولقيتها بصح بنت خويا ... و خويا مات و ماكاينش لي يتكفل بيهم من غيري انا ...
ياسر " ساط بعنف " شوف .. هادشي كاااامل ماشي مبرر باش يخليني نتزوج بيها بزز ... واخا بنت عمنا ... و من بعد ؟؟؟ انا ماااليي؟؟
عبد الله ..." قرب لولدو وهز راسو فيه " غاتزوج بيها أ ياسر ... بغيتي ولا كرهتي ... ولا عارفني شنو غاندير غانسى راك ولدي ..
ياسر ..." نزل حتى هو راسو عند باه " حتى نتا ا الواليد ماتخلينيش نسا راك با،،، وشغلي بعد منو .. هاديك لي باغي تزوجني ليها باعت رااااسها .. كاتفهم شنو هيا بااعت راسها ؟؟؟ كون ماشريتهاش انا كان ايشريها واحد آخر
عبد الله .. داكشي علاااش نتا لي اتزوج بيها ،،، حيت نتا لي شريتيها .. ونتا لي كشفتي عليها ... هادي بنت خويا و بنت عمك ... شرفك و عرضك ،،، خصك تسترهااا ،،،، نتا اول واااحد شفتيها و وقع داكشي بيناتكم اذن خصك تزوجها... ماااتزيدش تتجاحد معايا أ ياسر .... و لا والله ... كانحلف بالله لي خلقني وخلقك .. حتى نسخط عليك دنيا و آخرة

ضغط ياسر علا سناانو بعصبية ... مابغاش يزيد يهضر .. ماشي حيت كيخاااف ... ولكن داير باه فواحد المقام و بالنسبة لييييه من ديما واليديه خطوط حمرااا مايقدرش يتجاوزها واخا كي عصاه شي مرات ... ولكن مايقدرش يقلل من حتراامو كتر من هاكا .... هز حجبااانو .... و حرك رااسو بالموااافقة ..