عذراء بالمزاد 💫مكتملة💫

الجزء 34 💫

عبد الله طلع عند نور ،،، و لقاها كاتجمع في حوايجها بي عصبيييية ... و تتبكيي .... اية واقفة حداها و هي مافاهماااش غاا متشووف فختهاا ماقدرااتس حتا تسوولها مااالهاا ،،،
اية ... واش انمشيو فحالنا ؟؟؟
نور ... " تتمسح دموعها " اه ... صافي انرجعو لدارنااا ...
اية .. ولاكن نتي قلتي ليا غانبقاو هناا .
نور .. " غوتات عليها " صااااافي .. ودابا غانمشيو بحااالنا ..
بدات اية كتنخصص .. ندمااات نور لي غوتات عليها ولاكن دابااا ماشي الوقت باش تشرح ليها شنوو طرااا ..
وقف حداهم عبد الله و نور حبسااات يدييها كاتشوووف فييه ...
نور ... خرج عافاك ... خرج خليني نجمع حوايجي .. باراااكا هادشي لي درتووه ليااااا شنوو باغي كتتررر ..
عبد الله ... " قرب لآية وعنكش لها شعرها " اية ... هبطي لتحت تلعبي ابنتي خليني نهضر مع ختك ...
بقات اية واقفة في بلاااصتها و شافت في نور ... سدااات نور عينيها و مسحت دموعها مرة اخراا
نور ... صافي ... سيري احبيبتي ..
مشات اية و خلاااوها حتى خرجااات و سدات الباااب عاااد هضرر ..
عبد الله ... نقدرو نهضرو بالعقل ...
نور ... شويااا د العقل لي عندي راكم طيرتوه ليااا ... خليني نمشي بحالاتي الله يعطييك السترر
عبد الله .. " غوبش" وداكشي لي تافقنا عليه ؟
نور ... داكشي مشااا حيت نتا ما صارحتينيييش من نهار لووول لوييتي ليا دراااعي عمرتي ليا راااسي بالكدوب و تقت فيك و جيت معاااك ،،،. ولاكن داااابا ماكاينااا حتااا شي حاااجة تخلييييني نزيد معاكم دقيييقة زاايدة هناا .. ودااك الاتفااااق عتاابروو ملغيي .. انا مامستعداااش نضحي بحياااتي و ندووزها كووولها مع واااحد حمممقق غاا حيت ولد عميي ..
عبد الله ... "حاول يبرد راسو" نور ماتنسايش انا عاونتك وعطيتك باش ديري عملية لختك
نور ... " تبسمات باستهزاء" الله يكتر خيييرك فلوسك انتسلفهم من بلاصة خراا و نجي نردهم ليييك ..
عبد الله... ماعندي ماندير بالفلوس ... هاداك كان واجب عليا ... و الا ماعاونتكمش انا شكون غادي يعاونكم ؟؟؟ ولاكن خصك حتااا نتي تعاونيني .... انا محتاجك كيفما نتي محتاجاني .... وديري في بالك .. ياسر مجبوور باش يسترك علااا قبل شنو وقع بينك و بينو ..

نور..." تزنگات منين فكرها و لاكن تبتاات راسهاااا " انا و ولدك ماااوقع بييييناتنااا واااالو ... ماوقعش و ماغايوقعش و عمروو غادي يووقع .. و ااانا الحمد الله مستووورة .. "هزات يديها بترجي" كيفما كنت عاايشة قبل ماتبانو حتا داباا انرجعع ل حيااتي .. عااافاك صاافي خليني نمشيي بحاالييي
عبد الله ... " دور عينيو وتنهد" فكرتي فختك ؟
نور ... " درات يديها على نصها" ختي ااناا قاااادة بييييها ..
عبد الله ... الدولة مغاتشوفش هادشي ... ايلا ماتزوجتيش ب ياسر .. انضطر نرفع دعوة و ناخد آية حيت كاتبقااا بنت خويا و انا اقرب واحد ليها من بعدك و لاكن حالتي الماادية غاتسمح ليا نربيها و نكبرها و نقريها حسن منك ...
نور .. "حاولات تقوي راسها قدامو". غيير حلم ..
عبد الله .. " جمع يديه بتهديد " غانضطر ناخدها لك ... سمحي ليا مانقدرش نخليها لك تكرفص ... اية تستاهل تعيش عيشة زوينة .. نتي وختك امانة عندي و مامقدرش نفرط فيكم بعدما لقيتكم ...
نور " شرعاااات عينيها و على شوييية اتشنق علييه " دابا كاتهددنييي بختييي ؟؟؟ باااغي تاخدها لياااا ؟؟؟..