تنهيييدة مسمووووعة خرجات من فمها .... حدراات راسهاا ... قرراات هاد الليل تدوزو ي بسلام و غاتحدر راسها و تنعس حداه .... هي قررات فهاد اللحظة بالضبط غااتنهي هاد الزواج غداا ... ولي ليها ليها .... و الا اضطراات غاتهرب هي و ختها .. و دااك الساع يشربو كاااملين البحررر وينطحووو راااسهم مع الحيط .. عياات صابرة وكتحس براسها مابقاتش قادرة .. يااسر بحال شي بحر كيغرقها معاااه وهي ماقادراش ...
نيشااان مشات للناموسية تمداات وعطاتو بي ضهرها ...
ماداهاش النعاس .. ماقدراتش تنعس دغياا ... الليل كامل وهي على القرص خايفة عندك غير تقلب ويصدق ضاربها ..
غير حلات عينيها فالصباااح ماكانش ياسر حداااها ... ناضت قضات روووتينها الصبااااحي ... و من بعد فيقاات ختها ... جمعات حوايجها و حوايج ختها فالشنطة ديالهم ... و اية كانت كاتشوف فيها ومافاهمة والو ...
اية ... فين غاديين .. ؟؟؟
نور ..."بي هدوء" فحالنا ..
اية ... واش ل دارنا القديمة ؟؟؟
نور ... يمكن ... نرجعو ليها " تنهدات " دابا غانمشيو عند اسيا ...و موراها انمشيو ل دارنا القديمة ...
اية ... " ميلات شنايفهااا" و اللعاب ديااالي ...
نور ... " شدات فيديهاا" لي لقيتيه هنا خليه هنا ... ما غانديو معانا والو من غير حوايجناا ...
اية .. وعلاش ؟ انا كان عاجبني هاد البيت زوييين ...
مالقات حتى جواب تجاوب بيه اية .. بقات ساكتة شحال عاد هزات تيليفونهاااا و عيطات ل اسياا ..
اسيا ... صباح نور حبيبة ديالي ..
نور ... صباح الخير ... اسيا .. تقدري تجي عليا ؟
اسيا .. شنو واقع ؟؟؟
نور ... حتاا تجي ... مهم ماتعطليش ...
قطعات عليهااا و دارت كاتشوف في اية ...
نور ... هبطي تفطري باش تشربي دواك ...
حركات راسها بي اه و نزلات ايه مخليااا نور تتجمع في الحواااايج ... غير سالات نزلات الشنطة و شربات لختها الدوا فنفس الوقت كانت جات اسيا ... وهما كانو واقفين فالجردة ... نزلات و بدات كاتقرب ليها ... و هي حالا فمهاا ...
اسياا... اوييييلي ... مالك ...
اسيا قدرات تلاحض الكدمات لي عندها في وجههااا ... و شافت الشنطة...
اسيا ... علاش جمعتي حوايجك ؟؟
نور .. انمشي بحالي ... ديني عند عمي ...
اسيا ..." قاصت دوك الضربات و قالت بشوية " ... ضربك ؟ ناري هادشي بسبابي .. سمحي ليا انا لي خرجتك معايا ..
نور .. " قاطعاتها" ماشي بسببااك كان باغي غير السبة ...
آسيا ... شوفي ..
بعدات نور وجهها و دارت تتجر الشنطة و مابغاتش تزيد تسمع كتر .. حيت عارفة اسيا غاتبدا تأنب فراسها وغاتحاول تحل المشكل ...
نور ... حلي ليا الكوفر ..
اسيا... نوووور ... بلاتي .. واش ماكاتشوفيش هادشي غادي يزيد يشعل لك العافيااا ؟؟؟
نور ... "وقفات و شافت فاسيا بي عينين مدمعييين " كاين شي عافيااا كتر من هادي ؟؟؟ شتي جهنم ارحم ليااا من العيشة معاااه.... ماكاتعرفيهش ا آسيا ... راه ماشي بنادم وحش ... وحش بصفة انسان ... مانقدرش نزيد معاه ثانية وحدة ... عيييت مانقول نصبر على ود ختي ولكن عيييت .. والله الا عييت ..
بقات اسيا كاتشوف فيها بي شفقة و ماتحركاتش ... حتاا شافت فيها نور ..
نور ... الا خفتي علاا راسك انا غانخرج نشد طاكسي ،،، و سمحي ليا حيتاش جبتك و عدبتك ...
تنهدات اسيا و خدات منهااا الشنطة و دارتها ف الكوفر ... ركبات اية و نور .... و الطريق كاملة كل شويااا كاتنزل شي دمعة من عينين نور و تتعاود تمسحها بزربة قبل ماتشوفها ختها .... قلبها كيييحرقهاااا و تتحس بيه بحالا تيبكي الدم،،،، كمية الذل و الحگرة لي عاشتها معاه فهاد المدة قهراتهااا ،،، ومااابقاتش قادرة تزيد كتر .. ومستحيل تقدر تزيد معاااه دقيقة وحدة ...
غير وصلو هبطات و جبدات الشنطة كاااان عبد الله في الجردة غير شافها ناض وقرب شافها هي و ختها و حوايجهم
عبد الله .... نوور شكااديييري هنااا ..
زيرات على شنايفها بسنانها ...
نور ... انا مااااابقيتش انزيد قسم مع داك ولدك ... فهمتييي ؟؟؟؟
عبد الله ... " قرب ليها وفعينو مجموعة د الاسئلة " شنو وااااقع ؟ فهميني ...
نور شافت في آية و اسيا فهماتها ...
اسيا ... " شدات في اية " اية .. نوريك الكادو لي شريت لك البارح ؟
اية ... "بحماس" واخا .
اسيا ... "جراتها" اجي معايااا ..
مشات اسيااا و شاف عبد الله في نور ...
عبد الله ... اجي معايااا للمكتب ديالي الهضرة ماااشي هناااا ...
تبعاتو نووور غير دخلوو وسدو عليهم قربات ليه و بدات تتبعد شعرهاااا علا وجهها .. كانو جنب حكنها حمر وباينة الاتر د الضرب ..
نور ... شوووووف ولدك شنوو دار ليااا شوف....
عبد الله كان كيشوف فالكدماات لي في وجهها ... و وجهوو ولا معبس ...
نور ... ماغانزيييدش معاه دقيقة ... ولدك ماااعمري انقدر نصلحووو .. واخا تتلقى السما مع الارض ... انا ولدك الا بقيت معاااه غاااايقتلني... " سكتات تتنهج عاد كملات " مااااعمري انسمح لك و لا انسمح ليييه علا هااادشي عمري ... هادي هيااا بنت خوك ... كون كان خوك عزيز عليك غير شوية ... غييير شوية ماكنتيش اتزوجني لداك المريض دولدك...
عبد الله ... " نزل راسو بقلة حيلة ووجهو ولا مخطوف " شنو بغيتي مني ابنتي ؟
نور ... " شافت فعينيو " طلقني .... طلقني منووو اليووووم قبل غدااا
أنت تقرأ
عذراء بالمزاد 💫مكتملة💫
Romance💎مكتملة💎 ❌حصريا على الواتباد ❌ #قراو_حتى_للاخير كتابة : شيماء سيداهي 💃 قصتي عنوانها : #عذراء_بالمزاد 🔥🔥💥🔞 سيداتي انساتي وجدو راسكم تسافرو معايا لعالم اخر ورحلة مش حتقدر تغمض عينك 🔥 عالم غادي دوقو فيه الواقع المر اللي باقين كيعيشوه البنات م...
