عذراء بالمزاد 💫مكتملة💫

الجزء 92 💫

دازت يووماين على النهار لي مشااا فيه ياسر ... و نور كانت مشات هيااا و اية لدااار عمهااا ... كانت جالسة مع آسيا فالجردة .. مقابلة مع اية من بعييييد كاتبان ليها كاتلعب بوحدهااا حدا البيسين .. و فنفس الوقت كاتدوي مع آسياااا

آسيا ..  دعي دعي ا صاحبتي هاد المرة نطلع بصح حاملة ..
نور .."ضحكات بشوية " ههه الله يهديك ا آسيا عاد تزوجتو حتى نتوما ..
اسيا .. " غوبشات " لا لا اختي .. عرفتي انا منين كنت صغيرة وانا كانموووت على دراري صغاار و كانتمنى نولد بزااااف د الدراري ... و بغيت حتى انا نولد ..
نور .. والله كون لقيت نتبادل معاك وتكوني حاملة بلاصتي حتى نديرها ههه
اسيا .. ياويلي يا الحمقة واش بعقلك .. شتك مافرحاناش بهاد البيبي ...
نزلااات نوور عينيها لكرشها و دوزات بيديها عليها و هياا كاتنهد ...
نور .. لا لا.. ماشي مافرحاناش غير،،، " شافت في اسيا" راكي عارفة علاقتي انا و ياسر .. فشكل ... علاا الاقل كنت نحمل غير من بعد مانكونو مستقرين انا وياه ونعرفو راسناا من رجلييينا
اسيا .. لا ا حببيبة ديالي .. سمعيي هاد البيبي " نزلات يدها علااا كرش نور " جا فوقتوو .. بان ليا ياسر تبدل بزاف ... شوفي واخا هو فبلاااد اخرى كيسول فيييك مية مرااا في النهار ... هو فرحان بالبيبي .. و بان ليا راه كيبغيييك خصك غييير تبدلي هاد الافكار لي فراسك ... اواااا خلااااص ماتحتاجيش تقولي ليااا عليييك عارفاك كاتمووووتي فيه ..
نور ... " ولات حمرااا و حلات عينيها " هااا .. 
اسيا .. باينة فعييينيك .. غير الضروووف كانت اقوى منكووم ..
تفكرااات داكشي الخاايب لي داز بيناتهم و تنهدااات ... و رجعات تبدل الموضوووع
نور .. اواا ان شاء الله هاد المرة تكوني حاملة بإذن الله
اسيا ... يااااااا ربي يا ربي امين
فنفس الوقت كانت اية كاتجري و جااايا عند نور ... وقفات قدامهم و كاتشوف ف نور ..
آية ... نور نور . . واش باقة مريضة ؟
نور .. " صغرات عينيها " لا ا حبيبة ديالي علاش ؟
آية ... " هزات حجبانها بزوج و ضحكات " اوااا اجي لعبي معايا ... قلتي ليا غير نبراا نلعبو
تزيراات نور و شافت في آسيا
نور .. حبيبة ديالي .. " شدات يديها " انا دابااا مانقدرش نلعب معاك ..
آية عينيها عمرو بدموووع و بدااا فمها كيتقووووس ،،، و نور شافتها تتسرط ريييقها غير بزز ..
اية .. وعلاش ؟
آسيا .. " هضرات بلاصة نور " اية كبيدة ديالي .. ختك نور دابا عندها بيبي فكرشها .. ماغاتقدرش تلعب معاك دابا
شافوها بزووج كاتنفس بصعووبة و نترات يدها من يد نور بجهد و خنزرات فيهم بزوووج و شافت في نوور ..
اية ... مااابقيتش كنبغييييك ،،، وليييت كانكرررهك نتي اخيب اخت فالعاااالم من نهار جينااا هنا ماعمرك بغيييتي تلعبي معاااايا ... كااانكررررهك
مشاات تتجري داااك الساع و نور عينيها حتاا هي عمروو بي الدموووع ناضت من بلاصتها
نور ... آااااية .... آية ..
تحركات اتبعها و هي تشدها اسيا ..
اسيا .. خليها ا نور .. غير تتهدن و سيري عندها ... الا بقات غير تبكي و تمشي عندها غادي تفشش بزاف و ايوصل واحد الوقت ماغاتقدريش تكونطروليهاا
نور .. " نزلات يدهااا علاا صدرها " اية قلبهااا ضعيييف ماكاتقدرش تحمل هادشي ... وحتاا انا ماكانتحملهاااش و هي تتبكي ..
اسيا .. شي عشرة دقايق و سيري عندهاا داااك الساع ..
جلساااات نور و هي تتنهد و كاتسنا غير وقتاش تلحق علااا ختهااا . . ماعرفاتش علاااش اية كاتحس بحال هاكا واخا نور كاتحاول ماتقصرش من جيهتها و اي حاجة دارتها ولا غادي ديرها غااتكون علاا قبل آية .. داز شوية الوقت و طلعات نور لبيت آية و حلااات عليييها الباااب بشوية .. كانت اية جالسة فالارض و تتمسح دموعها و كاتنخصص ..
نور .. اية !
اية .. بعدي مني ...
نور .. ياكي ؟ كاتقولي لختك بعدي مني ..
اية .. "مازال تتشهق " ااااه بعدي مني ... نتي مابقيتيش ختي حيت ماكاتبغينيييش و لي كانقولك عليييها كاتقولي ليا لااا وكون كااان ياسر و قالك شي حاجة غادي ديرييها نتي مااابقيتيش ختي صافي اهيئ اهيئ ..
مشات حداهاا نور و جلسات ... و عنقاتها واخا بقات تنتر منهااا ..
نور .. آية .. علاش كاتقولي هاد الهضرة ؟ عارفاني شحال كانبغييك و اي حاجة كانديرها كانفكر فيك نتي اللولة ... نتي الحبيبة ديالي و عويناتي و روحي ... واكثر وحدة كانبغييها فهاد الدنيااا ..
اية .. " هزات عينيها في نووور " لاء ماشي بصح .. كاتبغي ياسر و انا لا ،،، و منين غايكون عندك بيبي غاتبغيه كتررر مني ... و غاتنسايني ...
بقااات نور غير كاتشوف فيييها قدراات تحلل هادشي و فهمات بلي اية بدااات كاتغييير ويمكن ولات خايفة من هاد البيبي لي جاي ياخد بلاصتها عند نور
نور .. " عنكشااات شعر اية " ... حبيبة ديالي شوفي ... نتي بلاصتك بوووحدها و حتاا حد ماغادي ياخدهاا لك .. ديري هادشي فبالك .. و هاد البيبي لي جاي .. غايكون بحال خوك ولا ختك الصغيرة ... وكنواعدك غير دوز هاد ليااام رجع لعب معاك ..
اية .. " نفخااات شنايفهااا " قولي والله ..
نور .. والله والله والله ... يالاه بوسيني ...
باستها اية فحنكها ..
نور .. لا لا بوسا كبيييييييرة ونسمعهااا هاكاا فحنكي كاطرطق...
ضحكاات اية و باستهاا بجهد و تبعاتها ب بوسااات متابعيييين حتااا قالت غادي تاكلهااا