عذراء بالمزاد 💫مكتملة💫

الجزء 37 💫

آسيا .... " شافت حتاا عيات و سكتاات "... وا صاافي .. بقااي علاا خاطرك ...
خرجاات اسياا وخلااتها بوحدهاا عرفاات مااغااتصور تاا حااجة واخا تحااااول تقنعهاا نور مااغاتبغيش تلبس عليهااا وتفرح براااسها ...
شااافت فيهاا نور ملييي خرجااات غير بي نص عين و بقاات في بلاصتهاا ماتململااتش .. باغياا غييير هااد النهاار يدوز دغياا باش مااتتراجعش ..
حتاا فاات شوية دياال الوقت عاااد جات اسيا .. فتحاات البااب هاد المرة لقاتها مازال جالسة في بلاصتها ...
آسيا ... نور .. حبوبة ديالي " قرباات ليها و داارت يديهاا علا شعرها " لعدول جااا واااش اتبقاي هنا ؟؟؟
نور .. يعني خصني نبهط ؟
اسيا .. اه ضروري ..
لحظات قليييلة عاد نااضت... و آية كانت واقفات فالباب ،،، مشاات حداا نوور و شداات فيديهاا
آية .."هضرات بشوية حيت كتحشم من اسيا " .. شنو كااين لتحت ؟؟؟
نور ..." نزلات لمستواها و حاولات تحبس دموعها " .. ياك قلت لك انتزوج .. وشرحت لك ..
اية ... ليوووم ؟؟؟
نور ..." فمهااا تقوس بي حزن " امم.. ليووم ..
اية .. واطلعي فالعمارية ؟؟؟
ضحكات اسيا و نور فدقة وحدة ونور حركاات راسها بي لا
نور ... ههه لا .،، لا احبيبة ماغانطلعش فيها ...
اية ... اووه .. " ضربات يد فيد " كنت باغا نشوفك فيها .. وتلبسي الكسوة د العرس حتى نتي .. اتجيك زووينة بحال شي اميرة ..
وقفات نور بلا ماتهضر وبقات مكروشيا يديها فيد ختها ... نزلو بتلاااتة بيهم ... كاانو ناس معدودين على رؤس الاصابع .. منين وصلات كلشي دار كيشوف فيهاا كانو كيتسناوهاا تكون لابسة قفطانهااا لاكن صدمااتهم منين لقاااوها لابساا غير حوايجها عاديين مادايرا حتة نقطة ميكاب في وجهها ..
قدرات تميز العدول من لباسو ... و كان گالس حدااهم ياسر كيسوط وماحاملش راسو ..
كانت باينة فيه معصصصب وماااحامل حد ،،، وهي كانت كتر منو غير كاتمة في قلبها ... غير قرباات توصل حداهم .. و هي تقرب ليها اسيااا ..
اسيا... عطيني اية خليهاا معايا ..
نور ..." جبدات ختها عندها و زيرات عليها " لالا... خليها معايا ..
تبسمات اسيا بيي صعوبة ولاكن خلاتها علااا خاطرهااا ... غير جلسو ... اية شااافت فياسر و تخبات فختها و هضرات حدا ودنيها ..
اية ... نووور ،،، شكون هاد الراجل ...
نور ... " جاوباتها بي نفس الطريقة " شكون ؟
اية ... هاداك
شارت لها بعينيها ناحية ياسر لي كان ماكيشوفش فيهااا ،،، غير عاقدهم و كيشوف في جيهة خرااا .. بحالا كيستنى غير يفوت هادشي ..
نور ..." جاوباتها فودنيها " ... هادا لي غانتزوج بيه ..
اية ..." شهقات بجهد و دارت يديها على فمها " ... كيييخلللللع
تنهدات و سكتااات ...كان بدا العدول كيهضر .. وهي ساهية في لا مكان حتااا سمعات العدول كيهضر معاااها ..
العدول ... لالا نور توصلتي بالمهر ديالك ؟
نور ... " شاافت فالعاادل و بعدهاا شافت في ياسر و عبد الله " ... لا... ومابغيتش ..
العدول ... بنتي هادا حقك و ربي حللو عليك ...
نور .. " شافت في عبد الله " و من حقي نتنازل عليه ياك ... ادن انا كانتنازل على الصداق و مابغيتوش ..
سمعات ياسر ساط بعنف ... ويديه اشار بيها للخادم ديالو ..
ياسر .... الشيك ...
شاافت لاخر جبد الشيك و عطاه لياسر ..جبد ستيلو و شاااف فيها بنضرات حاااادة ... هضر بشوية بي صوت منخفض ولاكن قدرات تسمعوو غير هي ..
ياسر ... شحال بغيتي ؟
هاد اللقطة بالضبط خلات جروح قلبها يتفتحو من اول و جديييد ،،،، ماعرفاتش واش دارها بلعاني ولا لا ولااكن حاسة بيه كيتعمد يفكرها فديك الليلة .. باغيها تفكر راسها شكون و منين جات و شنو كانت غاادير ... نفس الجملة و فعينيه نفس الشوفات السااااخرة ...
نور حسات بي غصة في حلقهاااا خلات الدموع يبانو فعينيها ...
العدول ... " شاف فيهم بجوج " هادشي كنضن كان خصكم تكونو متافقين عليه قبل ...
نور " زطمات علا كرامتها وقالت فوق قلبها " مابغيتش .. من حقي مانطلبش الصداق ..
عبد الله قدر يفهم الوضع ... وعرف سبب رفض نور .. الشي لي خلاه يقرب لياسر و يحط عليه يدو ...
عبد الله ... صافي ا ياسر .. مابغاتش ..
رجع سد الستيلو وخباه و عطا الشيك للخادم ،،،، طرطق اصابع يدو وبقا مخنزر ...
العدول ... عندك شي شرط ابنتي ؟
نور ..."زيرات علا ختها " ماعمرو .. يفرقني علاا ختي واخا معرفت شنو يوقع .. ختي تبقا ديما حدايا و اتعيش معايا ...
دور العدول وجهو عند ياسر كيتسناه يهضر ... شاف في آية شوفة طويييلة و هو يهز راسو بالموافقة ...
العدول ... ياسر ولد عبد الله الراجي قابل بنور بنت احمد الراضي مراتك على سنة الله ورسوله ..
ياسر ..." و عينيه عليهاا " قابل ..
العدول ... نور بنت احمد الراضي قابلة بياسر ولد عبد الله الراجي زوجك على سنة الله ورسوله ...
نور ... "نزلات دمعة حارة من عينيها وتنهدات " اه.. قابلة ..