عذراء بالمزاد 💫مكتملة💫

الجزء 66 💫

دوز ياسر خمسطااش اليوم فالدار بوووحدو و نور في دار عبد الله ... كان كيبغي يعيط ليهااا وكيتراااجع في ااخر لحضة .. فكرة ان نوور ماباغياااش منو الولاد خلاتو يتجننن ويضربها واخا كان حااالف مايحط يدو علييها مازااال .. ولكن هو من صغرو كان عنيييف في تصرفاتو ويدييه سابقاااه .. ملي شاف عندها حبوب منع الحمل فكرة وحدة جات في بالو انهااا ماباغياااش تطول فهاد الزواج و شهر كلووو و هي غييير كتسايس معااه و صاافي ...
واخاا هو مافي بالووش نهااائيا فكرة يولد او يكوون اب ... على الاقل حااليا .. ولاكن علااش تاخبي عليه و تاخدهم ورا ظهروو .. كيحس بالشمتة و شي حااجة اخراا ماعرفهاااش ...
صحيح فاللول كان واخد علييها فكرة غااالطة ولاكن الوقت لي دوزااتو معاااه فالدار وسكوتها خلات شكوكو يختافااوو تدرييجيا ... حتاا رجعات بهااد الفعلة و قلبااات كلشي ..
دخل مع الباااب للدار د باه و هو عااارفها غاتكون غيير هنا في شي قنت مع اسيا .. نييشان دخل للجردة وبقا كيقلب بعينييه عليها .. مابانتش ليه كاااع ..
عقد حواااجبو ملي شاف اية گالسة في واحد الكرسي بوحدها و مركزة كترسم و تبتسم مع الورقة فرحاانة برسمتهاا ...
حس بتانيب الضميير من جييهتها كيبقاا هو السبب فالكريز لي جااتها داك النهار والانهيار لي وقع ليهاا .. و كوون ما ربي حفظ كاانت تقدر تمشي فيهاا ...
بلا مايحس لقا رجليه خدااوه عندها ..
ياسر .. اية ..
تفزعات ملي شاافتو و سمعات صووتو ... كادير نفس ردة فعل نور ..
قرب يديه يدوزهم علااا شعرهااا و بعداات عاقدة حجبانها ..
ياسر .. لابااس عليك ؟
تحنى على ركابيه ملي مارداااتش عليه .. ماعارفش شنو يقوول هو لي عمرو اعتدر لشي حد و ماامولفش بي درااري الصغاار .. و لكن هادي بنت عمو الصغيرة !!
ياسر .. شنو كترسمي ؟
ماجاوباتوش كاااع .. زيرات على الملون فيديها ... سهاا فيها كيشووف شحااال كتشبه ل نور .. فكلشي .. تصرفاتها و اي حاااجة
شاافت فيه و بقاات منفخة شناايفها ...
اية .. كنلون ماشي كنرسم ...
ياسر .. واخا .. وكي دايرة دابا ؟ لاباس ؟
هزات راسها ب اه .. و قلباات وجهها ..
ياسر .. ماغاتهضريش معايااا ؟
اية .. لا ..
ياسر .. علاش ؟
اية .. "حيدات الشعر لي على وجهها" حيت نتا كتغوت علاا الناس وكتضربهم ..
ياسر .. " عقدة حجبااانو تفكاات و هضر بي هدوء " كتعرفي الناس الكبار شي مرات كيتناقشو .. داكشي علاش كيغوتو علااا بعضيااتهم ..
اية .. "شافت فعينييه " ولاكن نتا دييما كتغوت علا نور .. وانا شفتك كنتي كتغوت علييها بزاف وهي كتبكي .. واش هي ماعزيزاش عليييك ؟
مالقا باش يجاوبها .. هو براسو مخربق و ماعارفش شنو طرا لييه .. تبسم ودوز يدييه على شعرها
ياسر .. واخا ونتي تسمحي ليا ؟ ..
اية .. امم .. "دورات عينيها" وماتبقاش تغوت على نور ؟ ..."هزات كتاافها" لي يغوت على نور ماكنهضرش معاه ..
رجع تبسم بلااا مايحس .. دور عينيه مابانتش ليه نور بمرة ..
ياسر .. فين نور دابا ؟
اية .. "حركاات راسها في اتجاه البااب " لداخل ..
ناض ... وجبد واحد اللوح د الشكلاط .. حطو لها على الطابلة ...
ياسر .. ماتكترييييش منهااا بااش ماضركش كرشك .. صاافي؟
ضحكااات اية .. واخا كانت خايفة منو و لكااان غييير هضر معها تجاوباات معاه ..
اما هو عينيه كانو كيقلبو علاا نور .. ناااوي يلقاو شي حل لهاد الحرب لي بيناتهم ... ماعارفش كيفااش غادي يهضر والا شنوو غادي يقوول ولااكن المهم خااصو يتفااهم معاها ... خلا اية گاالسة ورجع لداخل ناااوي يطلع يشوف في بييتها ...

غير دخل قشعهاا گاالسة في الصالون عاد هبطات من الفوق يمكن و خوووه علي گاالس معااها .. شادا الكيتار فيي يديييها و هو كيورييها فييه .. گالسيين ومقربين من بعضياتهم بزاااف .. كيعلمها يمكن ولاكن منضرهم ماكاانش ديال واحد كيعلمهاا .. كاانو كيباانو كووبل مثاالي كيضحكوو مع بعضيااتهم و يورييها .. هادشيي خلاا الغيرة شعلات في قلبو والناااار بدات كتنقز من عينيه ..
كانت كتضحك من قلبها و تفكر انهاا معاه هو ديييما غير كتبكي وعاقدة غوباشتها .. زااااد تعصب ... كان جاي ناوي يصلح الوضع ولكن منظرهم هكاااك خلاه يزير على يديه .. ناوي يقتلها ويتهنى من نهار دخلات لحياتو خربقاااااتو بمرة ...
ماشافتوش كااع غير علي لي شاافو ..
علي .. ياسر ..
ردات ليه نور البال تفزعات .. وكحزات شوية من حدا علي كانو يديها كيترعدو بالخوووف حتا زيراات على الكيتاار فيديها ... اما ياسر بدا كيترعد بالاعصاب ... غوت بعصبية ..
ياسر .. شفتكم مساااالين ؟
شاف فيه على باستغراب ..
علي .. كنعلمها غير الكيتار ...
عض ياسر على شنايفو ... ومشا قاصد خوه نيشان .. جر نور بنترة حتااا وقفاتات وشنق على علي .. شدو من الكووول د تيشرت وزير علااا سنانو ...
ياسر ... غاتفررقها عليييك .كتسمع !! .. ماتعلمها ماااااتعلمك ...