دوزااات نور باااقي النهار في بيتهااا مع ختهاا.. موعد العرس للي قرب دخل لجسمها بحال السم وعاد ياااسر للي مارجعش وماوضحش الاموور من نااحيتو واااش بصح وافق ولااا غير خدعة من عند عبد الله باش يضمن موافقتها هي ..
الغد لييه فاااقت معطلة شوياا وفطراات في بيتها .. كاانت باغياا تبقى فبيتهاا حيت عااارفة تمااا كااين ولد عبد الله احمد ومراتو آسيا وغااايستقروو معهم شي ايامات في نفس الدار ..
لبساات حوايجهااا .. كسوووة صييفية طويلة فالمارون وغير بسماطي وصندالة ارضية ... شعرها البنيي جمعاااتو في كعكة مهملة ... ودارت عكر خفيف .. على الاقل تستمتع بهاد الرفاهية للي عايشينها .. وعاد عبد الله كان دار لها رصيد خاص بها فالبنكة .. تصرف على شنو مابغات ..
غير خرجات من الباب تصدفات مع خو ياسر احمد ومعاااه مراتو اسياا خارجين من بيتهم .. تحرجات وهياا للي كانت باغيا تهرب منهم لقات راسها وجه لوجه معاااهوم ..
اسيا .. صباح الخير ..
نور .. صباح النور ..
رد عليهااا احمد .. بداات كتشوف فيهم وحاسة بالحشمة شاداااها .. شااافت غير اااسيا مالت على احمد طبعات بوسة جنب فمو الشيي لي خلااا نور زادت تحرجات .. حتا قربات لها اسيا ...
اسيا .. ياكما حشمانااا ؟ ولا باقي ماااولفتي هنا ..؟؟
نور .. لا ..
اسيا .. يالاه نهبطووو لتحت .. عندي شي حاجة نقولهااا لك ..
هبطو لتحت .. غير وصلو كانت اية جالسة قدام لابيسين ودايرا رجليها ليه بحال البارح ..
غير شافت نور مشات عندها كتجري باستها وسلمااات على اسيا حشمانة ..
نور .. " فطرتي ..
اية .. ااه ..
رجعااات تجلس فين كااانت كتلعب .. واسيااا ونور جلسو على واحد الطاولة فالجردة ..
اسيا .. " شافت فيها" اوا الالة العروسة العرس قرب .. "غمزاتها " ختاريتي الكسوة د العرس ولا مازال ..
نور .. "تنهدااااات " انا ماباااغياش العرس ..
اسيا .. " شافت فيها بتعجب" كاينة شي وحدة ماباغياش العرس وماباغياش تفرح براسها ؟
بلعات نور الغصة للي فحلقها .. كيفاش غاتقهم اسيا ان هادشي كلو مجبورة عليها .. قررات ماغاتقول لها والو ...
اسيا .. اختاريتي شي حاجااا بعدا ولا باقي ماوجدتي والو
نور .. لا تا حاجة ..
اسيا .. " بحماااس " شنو بان لك نعاااونك ..
نور .. " تبسمااات ليها " واخا ..
اسيا .. بعدا اول حاجاا انبداو بالاهتمام براسك .. انا قبل مااااندير العرس بقيت شي شهراين وانا كنوجد .. "غمزاتها " ماغاتكوني عروسة غير مرة وحدة فحياتك دللي راسسسك وفششيه .. " شافت فيها " واخا تبارك الله عليييييك ماتحتجايش ..
نور .. "رتااااحت لييها" شكرا ..
اسيا .. امم عرفتي غاانطلع نجيب تليفوني نشوفوو شي تصاميم د الكساوي والاكسيسوارات وغانرجع ..
هزات نور راسها بي اه وقلبها علاين يطرطق كتحس بهادششييي كاديرو فوق خاطرها .. واخا هكاااك ماغاتبين والو اتكمل في هادشي حتا تشوف فين غايخرجها .. بقات شحال ساهية في اية كتلعب والابتساااامة بوحدها كترسم علااا شفايفهااا ..
حتا حسات بشي ظل طوييييل وقف عليها .. تخلعات .. علات عينيها وردات شعرها ورا ودنيها ملي لقات علي للي وقف ..
علي .. "تبسم ليييها " ياك ماخلعتك ..
نور .. لا ..
علي .. "جلس فالبلاصة فين كااانت جالسة اسيا " مرحبا بيك فالعائلة ..
نور .. " باحراج " شكرا ..
علي .. "اشار لها لاية "هاديك ختك ياك ..
نور .. اه ..
قلباات وجهها بانت لها اسياا جاية .. حسات بال راحة كااانت حاااصلة وماغاتعرف باش تبرر لعلي الا سولها على زواجها بي ياسر ..
اسيا .. " ضربات علي ف ظهرو " نوض ليا من بلاصتي ..
علي .. " ضحك " ها انا نايض الالا ..
اسيا .. " عوجات فمها كتضحك " ها نتا خووتك بزوج تزوجو بقيتي غير نتا ..
علي .. شكون كان كيقول ياسر يتزوج هههههه .. بصح بقيييت غير انا.. " شاف في نور تيضحك " تزوجيني ختك ملي تكبر ؟
ضحكات نور بزز منهاااا .. وحاجة وحدة اكتشفتهااا و تأكدااات منهااا ولاد عبد الله كلهم مختاالفين .. احمد ضريييف وعلي ضحوكي امااا يااااسر هو للي خرج اقبح وابغض واحد فهاد العائلة ...
نغزاتها اسيا فكتفها ..
اسيا .. ااجي اجي تشوفي الفن يااختي غاتخلي ياسر غايحمااق .. " عضات على شنايفها " فالعشية نخرجو نبداو نتقداو شنو خاص وندوزو للصالووون ...
نور .. "حدرات راسها وصوتها خرج ضعييييف " واخا ..
أنت تقرأ
عذراء بالمزاد 💫مكتملة💫
Romance💎مكتملة💎 ❌حصريا على الواتباد ❌ #قراو_حتى_للاخير كتابة : شيماء سيداهي 💃 قصتي عنوانها : #عذراء_بالمزاد 🔥🔥💥🔞 سيداتي انساتي وجدو راسكم تسافرو معايا لعالم اخر ورحلة مش حتقدر تغمض عينك 🔥 عالم غادي دوقو فيه الواقع المر اللي باقين كيعيشوه البنات م...
