دااازو جوج سيماانات بالتمام.... الهضرة كاانت مقطوعة بينااتهم و هيا بقات كاتحاول تتفادى اي حاااجة تخليه ينوض ليهاااا ... هاد النهار و هي جالسة كاتفطر ...صونا تيليفونها لي كانت فاقت واحد النهار و لقاتو حدا راسها ... و فهمات بلي هو لي شراه ليهااا حيت لاوح لها تيليفونها ..
جاوباات كانت آسيا ..
آسيا ... صباح النور الزين...
نور .. صباحو آسيا ... لاباس عليك ..
آسيا .. الحمد لله حبيبة ديالي ،، توحشتك بزااااف ..
نور ... حتااا انا توحشتك والله ،،،
آسيا ... نديرو شي خريجة ؟؟ قنطت ...
سكتات نور و هي كاتشوف في ياسر خارج من الدار و غادي للطوموبيل ديالو ...
نور ... همم !!
آسيا ... عافاااك والله حتااا قنطت نتي عااارفة مااعنديش صحابات هنااا في المغرب و حتا داارنا ماشي في هاد المدينة نتي لي عندي والله... عافاك ماتقوليش لا ...
نور ... " دلكات جبهتها" ماعرفتش الصراحة.. ياسر م..
آسيا ... مالو ياسر مالو ؟؟ ايدا عرفك معاياا ماعندو مايقول ... صافي ؟؟؟ انا غادي ندوز عندك دابا شوية ... نلقاك واجدة ...
قطعات عليهاا و خلاتها حايرة و كاتفكر .. كاتضن بلي عندهاا الحق ماعندو مايدير لا عرفهاا مع آسياا و في نفس الوقت بغاات تعصبو شوية و تشد معاه الضد ... دااكشي لي دار ليها نهار لاحها فلبيسين مابغاش يتنسا ليها .. واخاا يمكن ماشي بلعاني كاان علاين يقتلها .. ولكن لي ريحها انو من داك النهار مابقا هضرها ..
و هي فطريقها لبيتها كانت دايزة على الكوزينة ... و ودنيها جاااات فييييهم الهضرة نيشان د الخدامات ....
الخادمة 1 : مووووحال تكون لالا هدى سايقة الخبار اويلي ... ماشي ديالها ..
الخادمة 2 : ههههه كانتخيل نهار تجي و تلقى سي ياسر تزوج هههههههههه والله تا طيح هنا بالعظام ولا يسكت لها القلب .. راها مصعورة ومريضة ..
الخادمة 1 : وا الصراحة ... مرات سي ياسر حسن من ديك هدى فالزين و التعامل،، كاتعامل معانا زوين و ضريفة ..
وحدة فيهم لمحات نور و هي تنغز صاحبتها و سكتو كيشوفو فيها ... تبسمات فوجههم و دارت بحالا ماسمعات والو ...
نور ... فاطمة الزهراء تقدري ا حبيبة تردي البال ل آية ... انا غانخرج دابا شوية ....و دواها اتلقايه فالمجر ديالها عطيه لها فالغدا .. واخا ؟
هزات فاطمة الزهراء راسها بي آه ... و بعدها نور طلعات لبيتها و بدلااات حوايجهااا ...
لبسااات واحد الكسوة صيفية توبهااا باارد طويلة فالزرق ولكن مفتوحة من الجنب .. هزاات صاكها دارت شوية ديال الماكياج .. بغات تهتم براسها ... غيييير شووية و كانت آسيا جات عليها بالطموبيل ... تسالمو و مشاو بزوج ....
ماحساتش نور بلوقت كي داااز .... شحااال ماحسات بهاد الحرية وهاد النشاط ..قبل مايموت باها الله يرحمو ...
المحلات كلهم دااارو علييهم واسيا كانت مبيلة بالحوايج والمكياج .. الشي لي خلا نور حتى هي تشري شي حوايج ليها ول اية على دوقهاا ...
غير قرب يظلام الحال ... كانو ڭالسين في واحد المطعم كياااكلو ... و هي تبغي تنوض نور ..
نور ... خصنااا نمشيو ... واقيلة تعطلنا ..
آسيا ... راكي خارجة غير معااايا اويلي يا صاحبتي ماعندو مايقولك .. ياك فخبارو ؟
نور..." عضات علا شناايفها " ... لا
اسيا ..." خرجو عينيها " اوييييلي نوووضي ... نوضي ا ختي .. ومالكي ماتقوليها من اللول ..
نور .. " هزات يديها باستسلام" حيت ماكنهضروش ...
هزات اسيا راسها بقلة حيلة ....
ناضو ديييك الساع نور كانت شبه متأكدة انوو ماغايكونش حيت كايتعطل بالليل... و اسيا طمناتهاا ...
اسيا .... صافي غير يشوفني مايقول والو ...
دارت شبه ابتسامة و بحالا تنادم معاها الحاال حيتااش خرجات من الاصل ...
منين كانت داخلا بطونوبيل للفيلا ... لمحاتوو واقف بطووولو الفارع و شاد گارو فيديه كيكمي .. باينة كيستناها .. زيرات على شنايفها هي مولفاه كيتعطل تا الزهر هاد النهار وقف ضدها .. يديها بداو كيترعدووو و تفكرات نهااار تحلف عليهااا لا خرجااات ...
اسيا ..." شدات فيها " ماتخافيش انا معاك ...
نزلو بجووج ... لاح ياسر الگارو ... ماشي مدة طويلة و هي معاه ... ولااكن قدراات تحفظ تصرفاااتو ... هاد نص ضحكة علاا وجهو ... و شوفااات ديالو لي داير ليهم ... كيوحيو علا انوووو بركااااان من النوع الانفجاااااااري ... وغاينفاجر دابا شوية ..
دوات اسيا هي اللولة ...
اسيا .. خويا ياسر لباس علييك ؟
ياسر .. "رد عليها ببرود وعينيو على نور "الحمد الله ونتي ..
اسيا .. الحمد الله .. " شاف في نور وعضات على شنايفها" غير خرجنا نشريو شي حوايج .. نور مابغاتش وانا جريتها بزز ..
حرك راسو غير ب اه .. نور صافي رجليها فشلو ويديها بردو .. كتعرف هاد البرود ديالو شنو كايجي وراه .. وعارفاه غير مصبر راسو وماباغيش يغوت قدام اسيا ..
باستها اسيا .. ومشات ...
اسيا .. تصبحو على خير ..
زادت نور خلفة لداخل هازة داك الساشيات وعينيها بحالا بقاو وراها كتشوف واش تابعها ..
غير وصلات للبيت وفبالها تحط هادشي وتمشي تطمأن علاا اية ... وقبل ماتحرك وتفتح الباب سمعااتو لحق عليييها يالاه دارت وجاات تهضر كانو يديه سبقو ونزل علييهااا بدوك الخباطات ديالو بتصمقيلة للوجه ..
أنت تقرأ
عذراء بالمزاد 💫مكتملة💫
Romance💎مكتملة💎 ❌حصريا على الواتباد ❌ #قراو_حتى_للاخير كتابة : شيماء سيداهي 💃 قصتي عنوانها : #عذراء_بالمزاد 🔥🔥💥🔞 سيداتي انساتي وجدو راسكم تسافرو معايا لعالم اخر ورحلة مش حتقدر تغمض عينك 🔥 عالم غادي دوقو فيه الواقع المر اللي باقين كيعيشوه البنات م...
