عذراء بالمزاد 💫مكتملة💫

الجزء 13 💫

فااتو ايام وجاو ايام ونور حاولات تنسى داكشي لي وقع لها مع ياسر ولا بالاحرى لي كاان غايوقع لهاا كون مادخلاتش مرااتو و باه عليهم كون فقدات اغلى حاجة كتملكهاا.. بكل جهدها كانت كتحاول تقصيه من تفكيرها واخا داكشي بقااا محفور وسط قلبهااا وباقي شي مراات كتنسى رااسها وكاتحط يديها على حناكها كتقيس فين ضربها وكيضرهاا قلبها كتررر حيت مامولفاش بالدل والاهانة وديك الليلة مااعمرها تنساها واخا تعيا ماتحاول حتا صفااء ماعاوداتش بانت جيهتها ..
مؤخرا وقتها كان كلو غير مع التحاليل ديال ختهاا و السبيطار ماكيوصل الليل حتى كااتكون طاحت كاو عيانة ،،،

ولاكن هاد النهار مختلف على لي قبلو كانت واقفة جنب اية للي مابقاا لها والو و يدخلوها لغرفة العمليات ..
حاولت نور تخفي توترها .. شدات فيدين اية و دوزات بيديها اخرا على حنكها ..
نور .. خايفة ؟
اية .. "هزات راسها ب لا" لا .. ياك ماغانتعطلش هنا ؟ ودغيا غايفوت هادشي
نور .. "عضات على شنايفها" ماغاتعطليش .. غير شي سوايع قلال
اية .. "بحماس " بصح ؟ كتواعديني ....
نور .. " تحنات عندها والدموع فرموشها" اه كنواعدك .. "باستها من جبهتها" وملي تفيقي غاتلقايني كنستناك ... وغير تبراي غانشري ليك الشكلاط للي كيعجبك ..
اية .. "دوزات لسانها على فمها بفرحة " بصح ؟
نور .. "عاودت باستها من جبينها" علاش انا عمري كذبت عليك ...
اية .. امم لا ..
نور .. ولاكن غاتواعديني بلي حتا نتي ماغاتخافيش .. حيت الا خفتي غاايبقى يضرك قلبك .. " كشرات جبينها " داااكشي علاش تكوني دابا فرحاانة ..
اية .. " لوات عينيها" واخاا صافي .. والمدرسة ؟
نور .. غير غاتبراي غاترجعي تقراي ....
اية .. "بفرحة" صاافي واخا ..
نور "تغرغرو عينيها و تحنات باست لها يديها الصغار" ربي يخلييك لياا ..
اية .. " تبسمات " حتى نتي ربي يخليك ليا ..
ضحكات نور بدون شعور غير كتمتل انها ماخايفاش باش ماتخوفش اية معاها .. هادا كان اسوء شعور حسااات بيه فحياتها من بعد ديك الليلة دياالها مع يااسر .. بحالا غاتخسر شي حاجة مهمة عندها فحياتها ..
كااان مابقا غير سوايع قلال للعميلة والطبيب سمح لهاا بهاد الخلوة .. كانو رجلين نووور كيترعدو واااخا هكاك كتحاول تصبر راااسها الا وقعات شي حاجة لاية كيفاااش غادي تقدر تعيش من بعدها .. هي علامن كتحط الراااس وهي علاش عايشة .. هي الريحة للي بقات لها من واليديها .. مسحااات الدمعة للي هبطااات من عينيهااا و خرجات من البيت فين ناعسة اية تلقات الطبيب فالباب ..
طبطب على كتفها ...
الطبيب .. كلشي غايدوز مزيان ..
نور .. "شاف فيه" شحال النسبة ديال النجاح دهاد العملية ..
الطبيب " ابتسم لها" كيف قلت لك المرة الفايتة من 80% حتى ل 85%
تنفسات بي راحة وابتسامة صغيرة بانت على فمها ..
نور .. غااانوجد النص د الفلووس لي بقا ...
هز لها راسو ... وخرجات هي كتكمل الاجراءات لي بقاو ...
النهار كامل بقات جالسة فالسبيطار ماتحركاتش كاع بحالا فاي لحضة غايعيطو لها وغايقولو لها اية وقعات لها شي حاجة ولا جسدها ما استجبش للعملية .. بدااا تنفسها كيضياق وولات ماقادراااش تتنفس مالقات حتا حل من غير تخرج قدام الباب .
الهوا للي بارد برا خلاها ترد شوية الروح .. كان الحال بدا يضلام والعملية فاتت عليها كتر من تلاتة د السوايع .. حطات يديها على كرشها عاد تفكرات ماكلات والو تقريبا من العشا د البارح .. زادت خرجات برا غير زادت جوج خلفات حتى بانت لها شي طموبيل وقفات قدام الباب د الكلينيك قريبة .. واخا ديك الطموبيل كانت مألوفة بالنسبة ليها ولكن مادات ماجابت ... غير بغات تزيد حتا كان شي حد نزل ... فتحات فمها بصدمة ملي شافت الراجل ديال داك النهار بابات ياسر ..
طاح لهاااا الما فالركاااابي ومابقاتش قادرة تتحرك .. وجههااا زاد صفار بالخلعة و كل لي جا فبااالها شنو كايدير هنا ؟ ياكما بغا يقتلها ولقا هادي احسن فرصة ؟..
رجعات جوج خلفات اللور وداتها مجمدة زاد هو قرب .. ولاكن لي زاد صدمها ملي تبسم وعيط بسميتها .. 
هو ... نور