عذراء بالمزاد 💫مكتملة💫

الجزء 46 💫

نور قلبها طااااح بيييين رجليهااا فاش شافت آية كاتبكي ..... بقات مكوانسية في بلاصتها و الخدامة هضرات
الخادمة ... لالا نور ... ختك فاقت كاتبكي و كاتقلب عليك ....
قربات ليها نور كاتجري و جرااات آية معنقاااها بجهددد
نور ... مالك ؟؟؟ مالك احبيبة ديالي شنو واقع ؟؟؟
قابلاتها معاها كانت تتقلب فييييها و تشوف واش واقع لها شي حاجة .... كانت اية كاتبكي وتشهق و تنخصص ...
آية ... اهيئ اهيئ اهئ ... كدبتي علياااا مشيتي وخليتيني بوحدي ....اهئ
نور ..." تتبووسهااا فوجهاا كامل و تمسح دميعاتها " ... لا لا ... لا ماخليتكش ا حبيبة ديالي انا نعست حداك .... وشفتك في الصباح و خرجت ... علاش انا نخليك ....
اية ..." قوسات شنايفها " امممم بصح ؟؟؟
نور ... ياك انا ماكانكدبش عليك ...
بقات اية نافخة شنايفها و كاتشوف فنور و شافت موراها فياسر لي كان حاضيهم بجوووج .... ماكانت كاتبان علاا وجهوو حتاا ردة فعل .... غير ساكت و كيشوف ،،، هزاااات نوور راسهااا فييه ... و ناضت و جرات اية
نور ... اجي نغسلو الوجيه اجي ....
دخلاتها للحمام و غسلات لها وجهها و من بعد داتها لبيتها تبدل ليها حوايجها ...
اية ... شنو كنتي كاديري معاه فالبيت ؟...
هزات نور عينيها بالعرض البطيئ ... و عينيها تحلو .. اش غاتجاوبها عارفة سؤال ختها بريئ ولاكن بالنسبة ليها محرج ،،. ماعارفة باش ممكن تجاوب ..
نور .... و..والو
اية ... و اتبقاي ديييما تمشي عندو ؟؟؟
سكتات نور و ماجاوباتش مازال كاتبدل لها حوايجها ..
آية ... قولي .. جاوبيني
تسمع التنفس ديال نووور و حبسات و هي تتشوف فختها ...
نور ... اية شرحت لك داك النهار بلي تزوجت.... و وليت دابا انا و ياسر بحال كي كنت نعاود لك على ماما و بابا ... و اي مرا خاصها تكون معا راجلها في نفس البيت
اية ..." بحزن " يعني دابا نتي و عمي ياسر ايولي عندكم الولاد
شعررر نووور ايوقف مع هاد الاسئلة د آية ماعرفاتش واش كاع الدراري الصغار هاكا ولاااكن راه مابقاااتش قادرة عليها .... كاطرح شي اسئلة ماعندهم جواب ...
نور ... ماتقوليش ليه عمي
اية... علاش ؟
نور ... هاكاك ... راه عمك هو عبد الله هاداك ولد عمك
هزات اية كتافها و خرجو بزوج باش يفطرو ... كان ياسر جالس حتااا هو كيفطر ،،، جلسات هي و آية في صمت ،،، موراها غير سالا ياسر وقف .. وشاف في نور كيهضر بتهديد
ياسر ... سمعي ... عنداك ينوض داك القران د عقلك و يقولك تخرجي من هنا .. " دق علااا الطبلة " رجليييك نگرضهم لك ... ماتعتبيش على هناا
عضات علاا شفايفها و شافت بنص عينها فآية لي كااانت بااااينة فيها مخلوعة
شاف حتااا هو في آية وتحرك بحااالو ... من بعد ماعرفاتش نور كيفاش داز النهار و لاااكن حاجة وحدة متأكدة منهااا انهااا مرتاااحة في غياااب ياااسر اغلب وقتها دوزااااتو معااا اية .... دوشاااات ليها و نزلو بزووج للجردة ... نور مخليا اية علااا راحتها ماحد ماكاينش يااااسر لي غادي ينغص عليهااا حياتهااا ... عيطات لها اسيااا و طمنااات علااا احوالها بقاو شحال مجمعين ....
بالليل كانت كاتعشااا غير هي و ختها و تسمع صوت السيااارة ديال ياااسر قربات .... ناضت ديك الساع و نوضات ختها ... قبل مادخل للفيلا لداخل كان ياسر هبط فالوقت لي وصلات للدروج كان حتااا هو يالاه دخل ... دورات وجهها شافتو و هو يهضر و هو كيغمزها بي استفزاز
ياسر ... ماتعطليش ... كانتسناك في البيت
جرات ختها بزربة و طلعاتها لبيتها ... نعساتها عاد خرجات .... كانت لابسة بيجامتها و كادعي باش يكون نعس ....
لقاتو باقي فايق متكي على الفراش عاري الصدر .. و كيتفرج فالتلفازة...
مشات كاتجبد الغطا و المخدة حتاا حبسها بصوتو ...
ياسر ... اجي هنا ..
نور .. ها ؟؟
ياسر .. ماكاتفهميش ؟؟ ااااجي لهنااا ... اتنعسي هنا .. حدايا ..
نور ..." حلات فمها " ها.... علاش ؟؟
ياسر ... مراتي بلاصتها حدايا .. ماشي تماك ... ياك
كلامو كان بي نبرة د الطنز شي لي ستافزهاا ...
نور ... علاش كادير هاكا .. ياك ماكاتحملنيش ... لاش انعس حداك؟؟
ياسر ... كاتكرهيني ياك ؟؟ ماكاتحملينيش ؟؟
سكتات نور كاتدور في عينيها
ياسر ... غير جاوبي ماغاندير لك والو ...
نور ... اااه .. ماكانحملكش ... كانكرهك ... و كانكره العيشة معاااك .... النفس لي كانتشاركوه انا وياك كانكرهو ....
ياسر ... " تبسم باستفزاز " عارف ... و حتا انا باغي نزيد نكرهك فحياتك ... دابا اتجي لهنا بالخاطر ،،، ولا غانوض وغاتصدقي جايباها في عضامك ،،، و ناعسة حداية من الفوق حتااا بزز منك ....
البكية و الاعصاب و الحگرة گاااااع هاد الاحاااسيس حسات بييييهم في هاد اللحظة باغا تقتلووو و تخنقو بيدييها مابقاتش قادرة تستحمل كترررر
مشات حداه و تكات على الناموسية و مبعدة عليييه ما بعيدة السما ع الارض ...