عذراء بالمزاد 💫مكتملة💫

الجزء 59 💫

بقااات النهااار كلو مع اية وخااايفة يوصل الليييل حيت عااارفة ياااسر ايرجع .. كااانت كتدعي توقع ليييه شي حاااجة وماااترجعش تسلم لييه راااسها مرة اخرى .. و كااارهة راااسها .. وعااارفة ماعندها فيييين تهرب .. وعااد كانت باقي مقصحة ...
جلسااات كتفكر قااال لهااا توجد راااسها .. والا جا احتمال كبير يضربهاااا حيت مااسمعازتش هضرتو وهياا مابقاااعندها جهد نهااائيا بااش تتعافر معااه .. خلات معاها اية بلعاني في البيت باش حتاا ايداا جاا ولقااااها ماواااجداش مااايقدرش يغوت عليييها ...
بداتات كتلعب مع اية .. وانتهى بيهوم المطاااف كيرتبو الحوااايج دياال النور في البلاكاار .. واية كل مرة كتشووف في حوايج ختها وتضحك .. عاااجبينها بحالاا باااغياا غير تكبر باش تلبس حتى هي بحااالها .
نور .. " شافت فيها" مافيكش نعاس ؟ مشا الحال ..
اية ..لا .. بغيت نبقااا معاااك مازال ..
نور .. "تحنااات عندهااا وباستهاا" ولااكن اتكوني عييتي .. خصك ترتاااحي ...
اية .. " هزات واحد الكسوة دياال نور وهبطاات عينيها بحزن " علاش نتي عندك هاد الحوايج زويينين وعندك الناموسية كبيرة ماشي بحال ديااالي ..
نور . "ضحكات وضرباتها لجبهتها بي خفة "حيت نتي صغيييورة ودااااكشي علاش عندك ناموسية قدك .. والحوايج زوينين بحالك ..
اية .. اه بصح .. "دورات عينيها" دااابا انا ملي نكبر تكون عندي ناااموسية بحال هادي ..
نور.."ضحكااات بزز منها" ااه ..
اية .. امم .. "لمعو عينيها وهزات ديك الكسوة لي كانت فيديها" واااو شوفي حتاااا الكسوة د الاميرة لي كتعاودي لي علييها حمرا .. عفاااااك عفاك لبسيها نشوف ..
شافت نور فالكسوة لي فيدين اية كانت فالحمر ومعرية بزاف .. كانت شراتها وختاااارتها معاها اسية دابا ماتقدرش تلبسها لا فشي حفلة ولا تخرج بييهااا حيت عارفة ياسر ايشد معها الضد وغايهرس لها رجليها ..
نور .. "غمزاتها " بلاتي نساليو هادشي ونشوفو كيف تجي ...
صفقات اية فيديها .. سالاو الجميع ديااال الحوايج .. جلسات اية علااا الناموسية .. ونور هزااات الكسوة ومشات جيهة الحمام ..
نور .. .انشوفو كيف اتجي " غمزاااتها "واش نجي بحال الاميرة ديالك ..
دخلات للحمام .. غير حيدات حوايجها شافت فالطوابع لي فكتفهااا وجهة صدرهااا وحتاا فعنقها كانو حمرييين .. حشمات من راسهااا ... حيداات بيجامتها ولبسات داك الكسوة كااانت لاصقة علاا جسمهااا جاات فوق الركبة شوية ومااعندهاش اليدين كاااع .. برزات قواامها وصدرها بااان كتر .. عاااد مع بشرتهااا البيضا جااات خطيرة .. بقااات شحال واقفة عاجبها راسها كاتدور وتشوف .. نوعا ما نسات يااسر والعالم لي داير بيييه بقا كيبان لها غير وجهها لي فالمراية .. طلقات شعرها وبدات كتسرحو غير بيديهاا .. شناايفهااا كانو حمرين بلا عكر وخدودها هكااك .. مرة كاانت كتضحك ومرة ترجع تغوبش .. ناااسية كلشي ...
فررق واضح بين حوايجها القدام وهادو .. واخا هكاك كانت مرتاحة فحياتها القديمة كتر ..
بقاات مدة طوويلة وهي قداام المراااية حتاا فاقت علاا راااسها تعطلاتعلااا ختهااا .. خرجاات مبتسااامة باش تبين لآية بلي مااواقع والو ...
دارت جوج دوراات وغمضات عينيييها ...
نوور .. كيف جيتك ؟ جات معايا يااااك ؟
ملي ماسمعاتش الحس .. فتحات عينيهااا بالخف .. ولااكن ماكانتش آية بوحدهاااا !!!

كانت غاطيح ملي شافت ياسر گااالس علاا الناموسية واية گالسة حداااه ...