عذراء بالمزاد 💫مكتملة💫

الجزء 38 💫

وهاهي حرم ياسر الراجي ،،، على ذمتو و حتاا حد مايقدر يفكهاا منو .. شاافت فياسر و حتاا هو شااف فيهاا كاانو عينيه عااامرين بالغضب غييير ماباغيش يبين قدام كلشي ...
نور .. " باست اية " سيري عند اسيا...
مشات اية و ناض العادل من بعد ما سناو وتقرات الفاتحة ... وققات هي وياسر فدقة وحدة .. جرها لعندو بزز و دار راسو بحالا كيبوسها فجبهتها .. كان مزيير عليها و كيهضر حدااا راسها تحت سنانو .. كيبرد فيها العصب ديااالو ..
ياسر ... رخيييصة ،،، وغاتبقاي حياتك كاااملة رخييصة ...
زيرااات علااا عيينيهاا بقووة باااش تحبس دموووعها .. وردات بصوت ضعيييف ..
نور .. بزااف علييك حتاا نكون رخيصة ..
تحررات من يديه غير بالكشااايف ... وكاان ياسر بعد و غادي خارج ... عبد الله شافو و غوبش قرب ليه وحبسو ..
عبد الله ... فااين غادي ؟؟؟
ياسر ..." بلامبالاة " عندي شي خدمة .. مامساليش دابا ...
عبد الله ... ماعندك فين تمشي ... گلس ..
ياسر .. دابا مامساليش ..
عبد الله .. " هز راسو بقلة حيلة" ماكاينة خدمة هاد الساعة ...
دار ياسر راسو ماسمعوش و اشار بيديه للخادمة زينب باش تبعو وخرج ...
نور غير شافتو خرج و هي توقف لحقات علاا عبد الله .. هزاات عينيها فيه حمرين وعااامرين حقدد ...
نور .. العرس لي اديروه فالعشية لغيوه .. مابغيتووش ...
عبد الله ..." هز حجبانو فيها " ... كيفاش ابنتي ؟ والناس لي عرضنا عليهم ... كيفاش غانديرو معهم ..
نور .. "شافت جهة ياسر لي خرج " ماقلتش ليك عرض شي حد ... انا مابغيييت عرس .. وهاد الشرط حتاا هو ماغاتتنااازلش عليه ..
عبد الله ... "حط يديه على كتافها" نور
نور .. "حيدات ليه يديه وبعدات" لي عندي قلتو .. " سكتات عاد كملات " ا عمي ..
عبد الله ... "حاول يسايس معها" راه ماشي عرس كبير غيير حفلة صغيرة ... و عارض غير على المقربين .. شنو غادي نقولو للناس ؟ العروسة ماكايناش ..
نور ..."هزات كتافها " انا مالي تقدر تحلها .. " عوجات فمها"كيفما عرفتيني بنت خوك وقنعتيني نتزوج بولدك كنضن ماشي صعيييبة عليك باش تقول ليهم العروسة مريضة ..." شافت في اية ومدات يديها " يالاه ...
قبطات فيها اية و طلعو بزوجهم للبيت دياالهم ... غير دخلاات تلاحت علاا فراشها بتعب كاتحس براسها بحالا دارت مجهووود كبيييير و مابقاااتش قادرة دير حاجة اخراااا باغااا غيييير تنعس وتغيب ... باغيا تنسااا هاد النهار كاااامل ...
قربات حداها ختها... و حطات يديها على جبهتها كاتمسح لها بيديداتها الصغيورين و تبعد شعرها ....
اية ... " بدلال طفولي " ماتخليييهش يبوسك مرة اخرااا ..
هزات نور عينيها بي صدمة فختها ماظناااتش انها غاتلاحض حركة ياسر الاخيرة ..
نور ... " بفضوول " وو.. علاش ؟
اية ... "هزت كتافها " هاكاك ... نتي ختي .. نتي ديالي انا بوحدي لي نبوسك .. " باستها فين ظنات ياسر باسها " ديالي بووووحدي ...
ضحكات نور بلا ماتحس... تصرف اية و غيرتها عليها خلاوها تضحك وفي نفس الوقت حسات باحساس زويين جراتها عندها كاتبوسها فين ما كان و كاتهرهااا
نور ... اااه ... ديااالك انا بوووحدك و حتااا حد ماغااادي ياخدني ليك و لا ياخدك ليييا ..
ماعرفوش شحال د الوقت و هما كيضحكو ... ولاكن في اخر المطاااف كانو ناعسييين بزووج وحدة مخشية فلاخرااا ...الحب لي رباهم باهم عليه كان كبيييير وقوي ... رباهم علا حتى وحدة ماتفوت لاخرى ... رباهم علا الاخوة والتماسك ... في حين انو باها عاش بعييد علا عائلتو .. لي عرفاتو نور فطفولتها من مها انو باهاا ماكانوش عندو خوتو شقايق ... كان عندو غير شي خوه من مو وعمرو دكروه لها .. هادشي لي فسر لها ان باها وعبد الله ماعندهومش نفس النسب ...
مابدات كاتفيق نور حتااا حسااات بشي حد كيفيق فيييها ... حلات عينيها و كانت الخادمة زينب ...
زينب . .. نور .. نور ...
نور " فتحات عينيها وبدات كاتحكهم "... اممم .. شنو واقع ؟
زينب ... سي ياسر خلا ليك واحد الامانة
غييير سمعات سميتو كانت ناضت قافزة من بلاصتها بحالا ماكانتش ناعسة ...
نور ... شنوو بغااا ؟
دارت زينب يديها في جيبها و عطاتها واحد الورقة مطوية ..
زينب ... خلا لييك هاداا،،، وقالك منين يجي يبغيك تكوني جمعتي حوايجك ..
انسحبت زينب و خلات نور كاتشوف في الورقة لي في يديها و مستغربة من داكشي لي قالت... علاش اتجمع حوايجها ياكما تيق هاد الزواااج د بلعاني و باغي يديها شهر عسل ؟؟؟
حلات الورقة حتااا كاتصدم ....
شيك مكتوبة فيه ربعين مليوون باسمها ..... السسسسممم حسات بيه سرا لها مع الدم ... يديها بداو كيترعدووو ..... كيدير لها هادشي بلعاااني ... باغي يعصبهااا و يخرج اسووء مااا فيها .... كيستفزهاااا لأقصى درجة.... بدات كاتسوط و باركة علااا سنااانها ... شدات داك الشيك و قطعااااتو طراااف طراااف كلها كاتغزل كاتغزززللل ..
نور .... ااااااااااااععععع الله ينتقم منك .... حمااااار انقتلك بييييدي ..
مابغاتش تفيق اية بالعصب ديالهااا وغواتها مشات جهة الشرجم ووقفات كتعض في شنايفها بالفقصة .. ماكرهاتش تقتلوووو بيدييييها ..