عذراء بالمزاد 💫مكتملة💫

الجزء 22 💫

الصدمة و الدهشة بانت علا وجه ياسر ،، وعلا وجهها حتا هي ... مابقاتش حاسة بالمحيط للي هي فيه ... يمكن ودنيها تصمكو و تتشوف غير النااس كيشوفو فيها ... و يد عبد الله متوجهااا ناااحيتهاااا ...
عبد الله ..." عاود سميتها " نور .. اجي حدايا ا بنتي ..
بقات مجمدةةة فمكانها .. رجليها جامدين.. واحد الحركة دارها بوجهوو خلاها تفيق ... و حتى صوت هدى خلاها تزيييد تتوگد .. كانت بدات كاتغوت ...
هدى ... كيفاش نووور ؟؟؟ كيفاش نور ؟؟؟ عمييي !!!!
طلعات حداه وغالبا هضرات بالهولاندية الشي لي ماقدراتش تفهمو نور ... كون غير بعض الحراس كيجرو هدى من حدااهم ..
شافت ياسر قرب حدا باه مزير على سنااانو وكيهضر فودنيه .... و عبد الله جاوبو بنفس الطريقة .... لمحاتو حتى قاد الكول د الشوميز ديالو بعصبية .. و بقا جامد فبلاصتو كيشوف فيها ..
لي خلاها تحرك غير نضرات عبد الله زادت بزز ... بانت لها الطرييييق طوييييلة والاحراج و الحشمة وكلشي مخلط عليها ماقادراش تحمل نضرات هاد الناس ليها .. غير وصلات عندو .. عبد الله يديه نزلات على كتافها و زاد قربها ..
عبد الله ... اجي ا بنتي اجي ..
مد يدو لواحد من الخدم ديالو و هو يعطيه واحد البواطة و باينة د الخواتم ...
حلها وشاف فيهم بجوووج
عبد الله ... لبسو لبعضياتكم الخواتم .. ماكاين لاش نستناو ..
ياسر ..." دور يديه على شعرو بعصبية ونطق بصوت ضعيييف " الواليييييد ..
عض علا فمو بجهددد ... و كيشوف فنور شي شوفات ديال القتيييلة ..
عبد الله ... " بصوت ضعيف حتا هوواا " الهضرة ماشي هناااا .. ماتحشمنيش مع الناس " شاف فنور " نور ...
ماقدرتتش هي تحرك يديها ... واااالو كاتحس بكلشي فيها فاشل و ماقادرش يتحرررك ...
عبد الله " هز راسو كيشوف فالناس و ضحك " نور كاتحشم بزاااف وهي بحال بنتي ... يالاه ابنتي " نقص من صوت حلقو وتبسم لها " بغيتي تخلصي الدييين لي عليك !! هاكا غاتخلصيه ا نووور ..
نور .. ولكن ..
عبد الله .. " قربها جيهتو وهضر فودنيها " هادا هو الخلاص .. ماتحشمينيش مع الناس ..
قدر بجملة وحدة يفكرها انو بسببو ختها دابا قادرة تكون حداها كون ماعاونهاش هو ماكانتش تقدر تدير ليهاا العملية ..
هزت راسها كاتشوف فياااسر ... حاسة بيه باغي يقتلها .. عارفاه ماغايترددش ادا تاحت ليها الفرصة ولكن لي حابسو هو باااه ... باينة كيحتارمو لدرجة ماكيقدرش يعارض كلاااموو ... مدااات يديها و هوووماا كيييترعدوووو للبواطة و هزات الخاتم .. عبد الله شاف فياااسر بتحدييير الشي لي خلاه حتى هو يهز الخاتم ... حسات نور بيديه للي كانو باااااردين غادي يطرطقو لها العظاااام ديديها بقوة ما زير عليها... الالم لي حسات بيه و ماقدراتش تخرجو خلاا دمعة تنزل من عينيها و تأوه خفيف يخرج من بيه شنايفهااا ... رخف على يديهاا بلا مايحس ولاكن واخا هاكاااك،،، بقا مزير عليها .. لبسات ليه الخاتم وحتى هوو ..
يصااابعو بقاو مطراسييين على الجلدة البيضة ديالها.. عقد حواجبو وهضر بصوت سمعاتو غير هي ..
ياسر .. لعبتيها مزيان هاااد المرة .. رخيصة وغاتبقااااي حياتك كلهااا رخيصة ..
نور .. "غمضات عينيها من كلامو المسموم " غاتندم شي نهار علا هاد الكلام كامل .. انا ماعندي حتى دنب فهادشي للي وقع ..
ماقداتش تسمع شنو قال مازال .. حيت من بعد ماصفق عبد الله كلشي بدا يصفق ... اما ياسر انسحب فور ما بدا بنادم يصفق .... شي لي خلا عبد الله يرجع للمراسم د الحفلة ويخلي الجوق يرجع يضرب .... جر نوور من يديها برفق ... و مشا بيها للڤيلاااا لدااااخل ..