الليلة كلهاا و هي كدوور و كتحااول ما امكن تتفاادى يااسر و ماتجييش طريقو .. اغلب الوقت دوزااتو مع اسياا و علي و طبعا ااية لي بقاات كتشطح هي وعلي و نور و يضحكوو نااسية اي حااجة علا هاد اللييلة ..
ياسر تقريبا الحفلة كاملة و هو مراقبها ،،، مالقاش الفرصة فين يجرها ... و مابغاش يدير الشوهة ...
تساالا الحفل و بقااو الناس وااحد مورا لااخر كيبااركو ليهاا و يودعووها .. هي بقاات كتجاوبهم فووق خاطرها حتا عياات و آية وبغات تنعس
خلاات عبد الله و البقية وااحليين معااهم .. شداات فيد آية و بقاو طالعيين كيضحكوو
نور ... هاي هااااي .. عجبك الحاال يا لالا شتك كتشطيي و ضحكي ليا مع علي ...
اية ..." عينيها لمعو " ااه اه هداك زويين و كيضحك معانا هو وهاداك لي كيكون مع خالتو اسا حتى هو ... حسن من لاخر لي تزوجتي بييه "قربات ليها و هضرات بشويية" علاش ماتزوجتييش ب علي هو حسن من لاخر كيخلع ..
نور ... "مشاات الابتساامة من وجهها و تنهداات " حيت ربي بغاني نتزوج بيه هو .. كاينين شي حوايج شي مرات كانديروهم واخا حنا ماباغينش ..
اية .. "دورات عينيها" اها وعلاش ؟
نور .. "مالقات باش تجاوبها .. بغات غير تلفها " اجي شنو بان لك نعطيك الشكلاط غدا فالصباح حيت جلستي اليوم مزيان ومادرتيش البسالة ... ولكن بشرط ؟
اية .. " لمعو عينيها " بصح بصح .. شنو هو
نور .. ااه .. امم بغيت واحد البوسة كبيرة بزااف بزاااف ...
تلاحت عليها اية كتبوسها من وجهها بالجهد .. حتى قجاتها ..
نور ... "ضحكات نور وبقات معنقاها " جااك النعااس؟
آية ... "كتتفوه" اممم بزااف عييييت ..
نور ... "ابتسمت و عنقاتها مرة اخرى " يالاه ها حنا وصلناا و نعسو بحالنا .
اية .. واخا .. نعسي معايا هاد الليلة ..
نور .. "بلعات ريقها "ولكن ..
اية .. عفاك... عفاك.. انا بغيت نرجعو بحال لي كنا فدارنا ..
حطات يدها على حنك اية وتبسمات لها ماجات فين تجاوب حتاا سمعات صوت قفزهاا من بلاصتهاا ..
ياسر ... جمعتي حوايجكم ؟
حسات بيدييها عرقوو و حلقهاا نشف .. آية كاانت تكمشاات فيهاا بالخلعة وزيرات لها علاا حوايجها ،،، لااكن هي تمالكاات راسها و داارت هضرات عاادي
نور ... ماتبقاش تهضر بالجهد كتخلع البنت .." عقدات حواجبها" و اينا حوايج؟؟
ضغط ياسر غلى شنايفو وقرب لها كتر .. تبلوكات فالباب وعينيها بقاو مركزين فعينيه مدة طويلة ...
جاهم صوت عبد الله لي طلع من الدرووج..
عبد الله ... علاش فين غادين ؟؟
دارت شافت فييه لقاتو طالع فالدرووج و بااينة سمع يااسر شنو قاال ..
عبد الله ... "عااود كلاامو كيشوف فيااسر" علاش غادي يجمعو حوايجهم ا ياسر؟
ياسر ... " بعد شوية عليها .. شااف ف باه بي برود و يديه فجياابو" لداري .. غادي نااخد مرتي معايا لداري .. ياك حنا تزوجنا ،،، او لاا ؟؟؟ غانخليها هنا ؟
عبد الله ... ماعندهم فين يمشيو معاك ... غاتبقاو هنا كيف احمد واسيا .. بيتكم واجد ... نور و اية بلاصتهم هنا عند عمهم و هادي هي دارهم ..
ياسر "بدا كيفقد اعصاابو و داار عندو" الواليد خطي عليك هاد السوق .. مزيانة ؟؟ هاد بنت خوك ،خالك ولا عمك ماسوقيش انا ياك زوجتيها ليا؟؟ اوا راه ولات دياالي و ندير فيها ماابغيت و ناخدها فييينما بغيت ... "رجع شاف في نور و علاا فيها حااجبو " عندك ربع سااعة نلقاك لتحت جاامعة قشك تزيدي دقييقة نسيفطهم ينزلوك كيما نتي .. فهمتي ولا نعااود نفهمك ؟؟
أنت تقرأ
عذراء بالمزاد 💫مكتملة💫
Romansa💎مكتملة💎 ❌حصريا على الواتباد ❌ #قراو_حتى_للاخير كتابة : شيماء سيداهي 💃 قصتي عنوانها : #عذراء_بالمزاد 🔥🔥💥🔞 سيداتي انساتي وجدو راسكم تسافرو معايا لعالم اخر ورحلة مش حتقدر تغمض عينك 🔥 عالم غادي دوقو فيه الواقع المر اللي باقين كيعيشوه البنات م...
